శ్రీ రాధా కృష్ణ అష్టకమ్

శ్రీ రాధా కృష్ణ అష్టకమ్

శ్లోక 1

యః శ్రీగోవర్ధనాద్రిం సకలసురపతీంస్తత్రగోగోపబృన్దం

స్వీయం సంరక్షితుం చేత్యమరసుఖకరం మోహయన్ సన్దధార ।

తన్మానం ఖణ్డయిత్వా విజితరిపుకులో నీలధారాధరాభః

కృష్ణో రాధాసమేతో విలసతు హృదయే సోఽస్మదీయే సదైవ

శ్లోక 2

యం దృష్ట్వా కంసభూపః స్వకృతకృతిమహో సంస్మరన్మన్త్రివర్యాన్

కిం వా పూర్వం మయేదం కృతమితి వచనం దుఃఖితః ప్రత్యువాచ ।

ఆజ్ఞప్తో నారదేన స్మితయుతవదనః పూరయన్సర్వకామాన్

కృష్ణో రాధాసమేతో విలసతు హృదయే సోఽస్మదీయే సదైవ

॥ 1 ॥

శ్లోక 3

యేన ప్రోద్యత్ప్రతాపా నృపతికులభవాః పాణ్డవాః కౌరవాబ్ధిం

తీర్త్వా పారం తదీయం జగదఖిలనృణాం దుస్తరఞ్చేతి జగ్ముః ।

తత్పత్నీచీరవృద్ధిప్రవిదితమహిమా భూతలే భూపతీశః

కృష్ణో రాధాసమేతో విలసతు హృదయే సోఽస్మదీయే సదైవ

॥ 2 ॥

శ్లోక 4

యస్మై చోద్ధృత్య పాత్రాద్దధియుతనవనీతం కరైర్గోపికాభి-

ర్దత్తం తద్భావపూర్తౌ వినిహితహృదయస్సత్యమేవం తిరోధాత్ ।

ముక్తాగుఞ్జావలీభిః ప్రచురతమరుచిః కుణ్డలాక్రాన్తగణ్డః

కృష్ణో రాధాసమేతో విలసతు హృదయే సోఽస్మదీయే సదైవ

॥ 3 ॥

శ్లోక 5

యస్మాద్విశ్వాభిరామాదిహ జననవిధౌ సర్వనన్దాదిగోపాః

సంసారార్తేర్విముక్తాః సకలసుఖకరాః సమ్పదః ప్రాపురేవ ।

ఇత్థం పూర్ణేన్దువక్త్రః కలకమలదృశః స్వీయజన్మ స్తువన్తః

కృష్ణో రాధాసమేతో విలసతు హృదయే సోఽస్మదీయే సదైవ

॥ 4 ॥

శ్లోక 6

యస్య శ్రీనన్దసూనోః వ్రజయువతిజనాశ్చాగతా భర్తృపుత్రాం-

స్త్యక్త్వా శ్రుత్వా సమీపే విచకితనయనాః సప్రమోదాః స్వగేహే ।

రన్తుం రాసాదిలీలా మనసిజదలితా వేణునాదం చ రమ్యం

కృష్ణో రాధాసమేతో విలసతు హృదయే సోఽస్మదీయే సదైవ

॥ 5 ॥

శ్లోక 7

యస్మిన్ దృష్టే సమస్తే జగతి యువతయః ప్రాణనాథవ్రతాయా-

స్తా అప్యేవం హి నూనం కిమపి చ హృదయే కామభావం దధత్యః ।

తత్స్నేహాబ్ధిం వపుశ్చేదవిదితధరణౌ సూర్యబిమ్బస్వరూపాః

కృష్ణో రాధాసమేతో విలసతు హృదయే సోఽస్మదీయే సదైవ

॥ 6 ॥

శ్లోక 8

యః స్వీయే గోకులేఽస్మిన్విదితనిజకులోద్భూతబాలైః సమేతో

మాతర్యేవం చకార ప్రసృతతమగుణాన్బాలలీలావిలాసాన్ ।

హత్వా వత్సప్రలమ్బద్వివిదబకఖరాన్గోపబృన్దం జుగోప

కృష్ణో రాధాసమేతో విలసతు హృదయే సోఽస్మదీయే సదైవ

॥ 7 ॥

శ్లోక 9

కృష్ణారాధాష్టకం ప్రాతరుత్థాయ ప్రపఠేన్నరః ।

య ఏవం సర్వదా నూనం స ప్రాప్నోతి పరాం గతిమ్

॥ 8 ॥

శ్లోక 10

ఇతి శ్రీరఘునాథచార్య విరచితం శ్రీరాధాకృష్ణాష్టకమ్ ।