ಶ್ರೀ ರಾಧಾ ಕೃಷ್ಣ ಅಷ್ಟಕಮ್

ಶ್ರೀ ರಾಧಾ ಕೃಷ್ಣ ಅಷ್ಟಕಮ್

ಶ್ಲೋಕ 1

ಯಃ ಶ್ರೀಗೋವರ್ಧನಾದ್ರಿಂ ಸಕಲಸುರಪತೀಂಸ್ತತ್ರಗೋಗೋಪಬೃನ್ದಂ

ಸ್ವೀಯಂ ಸಂರಕ್ಷಿತುಂ ಚೇತ್ಯಮರಸುಖಕರಂ ಮೋಹಯನ್ ಸನ್ದಧಾರ ।

ತನ್ಮಾನಂ ಖಣ್ಡಯಿತ್ವಾ ವಿಜಿತರಿಪುಕುಲೋ ನೀಲಧಾರಾಧರಾಭಃ

ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ

ಶ್ಲೋಕ 2

ಯಂ ದೃಷ್ಟ್ವಾ ಕಂಸಭೂಪಃ ಸ್ವಕೃತಕೃತಿಮಹೋ ಸಂಸ್ಮರನ್ಮನ್ತ್ರಿವರ್ಯಾನ್

ಕಿಂ ವಾ ಪೂರ್ವಂ ಮಯೇದಂ ಕೃತಮಿತಿ ವಚನಂ ದುಃಖಿತಃ ಪ್ರತ್ಯುವಾಚ ।

ಆಜ್ಞಪ್ತೋ ನಾರದೇನ ಸ್ಮಿತಯುತವದನಃ ಪೂರಯನ್ಸರ್ವಕಾಮಾನ್

ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ

॥ 1 ॥

ಶ್ಲೋಕ 3

ಯೇನ ಪ್ರೋದ್ಯತ್ಪ್ರತಾಪಾ ನೃಪತಿಕುಲಭವಾಃ ಪಾಣ್ಡವಾಃ ಕೌರವಾಬ್ಧಿಂ

ತೀರ್ತ್ವಾ ಪಾರಂ ತದೀಯಂ ಜಗದಖಿಲನೃಣಾಂ ದುಸ್ತರಞ್ಚೇತಿ ಜಗ್ಮುಃ ।

ತತ್ಪತ್ನೀಚೀರವೃದ್ಧಿಪ್ರವಿದಿತಮಹಿಮಾ ಭೂತಲೇ ಭೂಪತೀಶಃ

ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ

॥ 2 ॥

ಶ್ಲೋಕ 4

ಯಸ್ಮೈ ಚೋದ್ಧೃತ್ಯ ಪಾತ್ರಾದ್ದಧಿಯುತನವನೀತಂ ಕರೈರ್ಗೋಪಿಕಾಭಿ-

ರ್ದತ್ತಂ ತದ್ಭಾವಪೂರ್ತೌ ವಿನಿಹಿತಹೃದಯಸ್ಸತ್ಯಮೇವಂ ತಿರೋಧಾತ್ ।

ಮುಕ್ತಾಗುಞ್ಜಾವಲೀಭಿಃ ಪ್ರಚುರತಮರುಚಿಃ ಕುಣ್ಡಲಾಕ್ರಾನ್ತಗಣ್ಡಃ

ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ

॥ 3 ॥

ಶ್ಲೋಕ 5

ಯಸ್ಮಾದ್ವಿಶ್ವಾಭಿರಾಮಾದಿಹ ಜನನವಿಧೌ ಸರ್ವನನ್ದಾದಿಗೋಪಾಃ

ಸಂಸಾರಾರ್ತೇರ್ವಿಮುಕ್ತಾಃ ಸಕಲಸುಖಕರಾಃ ಸಮ್ಪದಃ ಪ್ರಾಪುರೇವ ।

ಇತ್ಥಂ ಪೂರ್ಣೇನ್ದುವಕ್ತ್ರಃ ಕಲಕಮಲದೃಶಃ ಸ್ವೀಯಜನ್ಮ ಸ್ತುವನ್ತಃ

ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ

॥ 4 ॥

ಶ್ಲೋಕ 6

ಯಸ್ಯ ಶ್ರೀನನ್ದಸೂನೋಃ ವ್ರಜಯುವತಿಜನಾಶ್ಚಾಗತಾ ಭರ್ತೃಪುತ್ರಾಂ-

ಸ್ತ್ಯಕ್ತ್ವಾ ಶ್ರುತ್ವಾ ಸಮೀಪೇ ವಿಚಕಿತನಯನಾಃ ಸಪ್ರಮೋದಾಃ ಸ್ವಗೇಹೇ ।

ರನ್ತುಂ ರಾಸಾದಿಲೀಲಾ ಮನಸಿಜದಲಿತಾ ವೇಣುನಾದಂ ಚ ರಮ್ಯಂ

ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ

॥ 5 ॥

ಶ್ಲೋಕ 7

ಯಸ್ಮಿನ್ ದೃಷ್ಟೇ ಸಮಸ್ತೇ ಜಗತಿ ಯುವತಯಃ ಪ್ರಾಣನಾಥವ್ರತಾಯಾ-

ಸ್ತಾ ಅಪ್ಯೇವಂ ಹಿ ನೂನಂ ಕಿಮಪಿ ಚ ಹೃದಯೇ ಕಾಮಭಾವಂ ದಧತ್ಯಃ ।

ತತ್ಸ್ನೇಹಾಬ್ಧಿಂ ವಪುಶ್ಚೇದವಿದಿತಧರಣೌ ಸೂರ್ಯಬಿಮ್ಬಸ್ವರೂಪಾಃ

ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ

॥ 6 ॥

ಶ್ಲೋಕ 8

ಯಃ ಸ್ವೀಯೇ ಗೋಕುಲೇಽಸ್ಮಿನ್ವಿದಿತನಿಜಕುಲೋದ್ಭೂತಬಾಲೈಃ ಸಮೇತೋ

ಮಾತರ್ಯೇವಂ ಚಕಾರ ಪ್ರಸೃತತಮಗುಣಾನ್ಬಾಲಲೀಲಾವಿಲಾಸಾನ್ ।

ಹತ್ವಾ ವತ್ಸಪ್ರಲಮ್ಬದ್ವಿವಿದಬಕಖರಾನ್ಗೋಪಬೃನ್ದಂ ಜುಗೋಪ

ಕೃಷ್ಣೋ ರಾಧಾಸಮೇತೋ ವಿಲಸತು ಹೃದಯೇ ಸೋಽಸ್ಮದೀಯೇ ಸದೈವ

॥ 7 ॥

ಶ್ಲೋಕ 9

ಕೃಷ್ಣಾರಾಧಾಷ್ಟಕಂ ಪ್ರಾತರುತ್ಥಾಯ ಪ್ರಪಠೇನ್ನರಃ ।

ಯ ಏವಂ ಸರ್ವದಾ ನೂನಂ ಸ ಪ್ರಾಪ್ನೋತಿ ಪರಾಂ ಗತಿಮ್

॥ 8 ॥

ಶ್ಲೋಕ 10

ಇತಿ ಶ್ರೀರಘುನಾಥಚಾರ್ಯ ವಿರಚಿತಂ ಶ್ರೀರಾಧಾಕೃಷ್ಣಾಷ್ಟಕಮ್ ।