শ্রী রাধা কৃষ্ণ অষ্টকম্

শ্রী রাধা কৃষ্ণ অষ্টকম্

শ্লোক 1

যঃ শ্রীগোবর্ধনাদ্রিং সকলসুরপতীংস্তত্রগোগোপবৃন্দং

স্বীযং সংরক্ষিতুং চেত্যমরসুখকরং মোহযন্ সন্দধার ।

তন্মানং খণ্ডযিত্বা বিজিতরিপুকুলো নীলধারাধরাভঃ

কৃষ্ণো রাধাসমেতো বিলসতু হৃদযে সোঽস্মদীযে সদৈব

শ্লোক 2

যং দৃষ্ট্বা কংসভূপঃ স্বকৃতকৃতিমহো সংস্মরন্মন্ত্রিবর্যান্

কিং বা পূর্বং মযেদং কৃতমিতি বচনং দুঃখিতঃ প্রত্যুবাচ ।

আজ্ঞপ্তো নারদেন স্মিতযুতবদনঃ পূরযন্সর্বকামান্

কৃষ্ণো রাধাসমেতো বিলসতু হৃদযে সোঽস্মদীযে সদৈব

॥ 1 ॥

শ্লোক 3

যেন প্রোদ্যত্প্রতাপা নৃপতিকুলভবাঃ পাণ্ডবাঃ কৌরবাব্ধিং

তীর্ত্বা পারং তদীযং জগদখিলনৃণাং দুস্তরঞ্চেতি জগ্মুঃ ।

তত্পত্নীচীরবৃদ্ধিপ্রবিদিতমহিমা ভূতলে ভূপতীশঃ

কৃষ্ণো রাধাসমেতো বিলসতু হৃদযে সোঽস্মদীযে সদৈব

॥ 2 ॥

শ্লোক 4

যস্মৈ চোদ্ধৃত্য পাত্রাদ্দধিযুতনবনীতং করৈর্গোপিকাভি-

র্দত্তং তদ্ভাবপূর্তৌ বিনিহিতহৃদযস্সত্যমেবং তিরোধাত্ ।

মুক্তাগুঞ্জাবলীভিঃ প্রচুরতমরুচিঃ কুণ্ডলাক্রান্তগণ্ডঃ

কৃষ্ণো রাধাসমেতো বিলসতু হৃদযে সোঽস্মদীযে সদৈব

॥ 3 ॥

শ্লোক 5

যস্মাদ্বিশ্বাভিরামাদিহ জননবিধৌ সর্বনন্দাদিগোপাঃ

সংসারার্তের্বিমুক্তাঃ সকলসুখকরাঃ সম্পদঃ প্রাপুরেব ।

ইত্থং পূর্ণেন্দুবক্ত্রঃ কলকমলদৃশঃ স্বীযজন্ম স্তুবন্তঃ

কৃষ্ণো রাধাসমেতো বিলসতু হৃদযে সোঽস্মদীযে সদৈব

॥ 4 ॥

শ্লোক 6

যস্য শ্রীনন্দসূনোঃ ব্রজযুবতিজনাশ্চাগতা ভর্তৃপুত্রাং-

স্ত্যক্ত্বা শ্রুত্বা সমীপে বিচকিতনযনাঃ সপ্রমোদাঃ স্বগেহে ।

রন্তুং রাসাদিলীলা মনসিজদলিতা বেণুনাদং চ রম্যং

কৃষ্ণো রাধাসমেতো বিলসতু হৃদযে সোঽস্মদীযে সদৈব

॥ 5 ॥

শ্লোক 7

যস্মিন্ দৃষ্টে সমস্তে জগতি যুবতযঃ প্রাণনাথব্রতাযা-

স্তা অপ্যেবং হি নূনং কিমপি চ হৃদযে কামভাবং দধত্যঃ ।

তত্স্নেহাব্ধিং বপুশ্চেদবিদিতধরণৌ সূর্যবিম্বস্বরূপাঃ

কৃষ্ণো রাধাসমেতো বিলসতু হৃদযে সোঽস্মদীযে সদৈব

॥ 6 ॥

শ্লোক 8

যঃ স্বীযে গোকুলেঽস্মিন্বিদিতনিজকুলোদ্ভূতবালৈঃ সমেতো

মাতর্যেবং চকার প্রসৃততমগুণান্বাললীলাবিলাসান্ ।

হত্বা বত্সপ্রলম্বদ্বিবিদবকখরান্গোপবৃন্দং জুগোপ

কৃষ্ণো রাধাসমেতো বিলসতু হৃদযে সোঽস্মদীযে সদৈব

॥ 7 ॥

শ্লোক 9

কৃষ্ণারাধাষ্টকং প্রাতরুত্থায প্রপঠেন্নরঃ ।

য এবং সর্বদা নূনং স প্রাপ্নোতি পরাং গতিম্

॥ 8 ॥

শ্লোক 10

ইতি শ্রীরঘুনাথচার্য বিরচিতং শ্রীরাধাকৃষ্ণাষ্টকম্ ।