ശ്രീ നൃസിംഹ മന്ത്രരാജപാദ സ്തോത്രമ്

ശ്രീ നൃസിംഹ മന്ത്രരാജപാദ സ്തോത്രമ്

ശ്ലോക 1

പാര്വത്യുവാച ।

മന്ത്രാണാം പരമം മന്ത്രം ഗുഹ്യാനാം ഗുഹ്യമേവ ച ।

ബ്രൂഹി മേ നാരസിംഹസ്യ തത്ത്വം മന്ത്രസ്യ ദുര്ലഭമ് ॥

ശങ്കര ഉവാച ।

വൃത്തോത്ഫുല്ലവിശാലാക്ഷം വിപക്ഷക്ഷയദീക്ഷിതമ് ।

നിനാദത്രസ്തവിശ്വാണ്ഡം വിഷ്ണുമുഗ്രം നമാമ്യഹമ്

ശ്ലോക 2

സര്വൈരവധ്യതാം പ്രാപ്തം സബലൌഘം ദിതേഃ സുതമ് ।

നഖാഗ്രൈഃ ശകലീചക്രേ യസ്തം വീരം നമാമ്യഹമ്

॥ 1 ॥

ശ്ലോക 3

പദാവഷ്ടബ്ധപാതാലം മൂര്ധാഽഽവിഷ്ടത്രിവിഷ്ടപമ് ।

ഭുജപ്രവിഷ്ടാഷ്ടദിശം മഹാവിഷ്ണും നമാമ്യഹമ്

॥ 2 ॥

ശ്ലോക 4

ജ്യോതീംഷ്യര്കേന്ദുനക്ഷത്രജ്വലനാദീന്യനുക്രമാത് ।

ജ്വലന്തി തേജസാ യസ്യ തം ജ്വലന്തം നമാമ്യഹമ്

॥ 3 ॥

ശ്ലോക 5

സര്വേന്ദ്രിയൈരപി വിനാ സര്വം സര്വത്ര സര്വദാ ।

യോ ജാനാതി നമാമ്യാദ്യം തമഹം സര്വതോമുഖമ്

॥ 4 ॥

ശ്ലോക 6

നരവത് സിംഹവച്ചൈവ യസ്യ രൂപം മഹാത്മനഃ ।

മഹാസടം മഹാദംഷ്ട്രം തം നൃസിംഹം നമാമ്യഹമ്

॥ 5 ॥

ശ്ലോക 7

യന്നാമസ്മരണാദ്ഭീതാഃ ഭൂതവേതാലരാക്ഷസാഃ ।

രോഗാദ്യാശ്ച പ്രണശ്യന്തി ഭീഷണം തം നമാമ്യഹമ്

॥ 6 ॥

ശ്ലോക 8

സര്വേഽപി യം സമാശ്രിത്യ സകലം ഭദ്രമശ്നുതേ ।

ശ്രിയാ ച ഭദ്രയാ ജുഷ്ടോ യസ്തം ഭദ്രം നമാമ്യഹമ്

॥ 7 ॥

ശ്ലോക 9

സാക്ഷാത് സ്വകാലേ സമ്പ്രാപ്തം മൃത്യും ശത്രുഗണാന്വിതമ് ।

ഭക്താനാം നാശയേദ്യസ്തു മൃത്യുമൃത്യും നമാമ്യഹമ്

॥ 8 ॥

ശ്ലോക 10

നമസ്കാരാത്മകം യസ്മൈ വിധായാത്മനിവേദനമ് ।

ത്യക്തദുഃഖോഽഖിലാന് കാമാനശ്നന്തം തം നമാമ്യഹമ്

॥ 9 ॥

ശ്ലോക 11

ദാസഭൂതാഃ സ്വതഃ സര്വേ ഹ്യാത്മാനഃ പരമാത്മനഃ ।

അതോഽഹമപി തേ ദാസഃ ഇതി മത്വാ നമാമ്യഹമ്

॥ 10 ॥

ശ്ലോക 12

ശങ്കരേണാദരാത് പ്രോക്തം പദാനാം തത്ത്വമുത്തമമ് ।

ത്രിസന്ധ്യം യഃ പഠേത്തസ്യ ശ്രീവിദ്യാഽഽയുശ്ച വര്ധതേ

॥ 11 ॥

ശ്ലോക 13

ഇതി ശ്രീശങ്കരകൃത ശ്രീ നൃസിംഹ മന്ത്രരാജപദ സ്തോത്രമ് ।