ಶ್ರೀ ನೃಸಿಂಹ ಮನ್ತ್ರರಾಜಪಾದ ಸ್ತೋತ್ರಮ್

ಶ್ರೀ ನೃಸಿಂಹ ಮನ್ತ್ರರಾಜಪಾದ ಸ್ತೋತ್ರಮ್

ಶ್ಲೋಕ 1

ಪಾರ್ವತ್ಯುವಾಚ ।

ಮನ್ತ್ರಾಣಾಂ ಪರಮಂ ಮನ್ತ್ರಂ ಗುಹ್ಯಾನಾಂ ಗುಹ್ಯಮೇವ ಚ ।

ಬ್ರೂಹಿ ಮೇ ನಾರಸಿಂಹಸ್ಯ ತತ್ತ್ವಂ ಮನ್ತ್ರಸ್ಯ ದುರ್ಲಭಮ್ ॥

ಶಙ್ಕರ ಉವಾಚ ।

ವೃತ್ತೋತ್ಫುಲ್ಲವಿಶಾಲಾಕ್ಷಂ ವಿಪಕ್ಷಕ್ಷಯದೀಕ್ಷಿತಮ್ ।

ನಿನಾದತ್ರಸ್ತವಿಶ್ವಾಣ್ಡಂ ವಿಷ್ಣುಮುಗ್ರಂ ನಮಾಮ್ಯಹಮ್

ಶ್ಲೋಕ 2

ಸರ್ವೈರವಧ್ಯತಾಂ ಪ್ರಾಪ್ತಂ ಸಬಲೌಘಂ ದಿತೇಃ ಸುತಮ್ ।

ನಖಾಗ್ರೈಃ ಶಕಲೀಚಕ್ರೇ ಯಸ್ತಂ ವೀರಂ ನಮಾಮ್ಯಹಮ್

॥ 1 ॥

ಶ್ಲೋಕ 3

ಪದಾವಷ್ಟಬ್ಧಪಾತಾಲಂ ಮೂರ್ಧಾಽಽವಿಷ್ಟತ್ರಿವಿಷ್ಟಪಮ್ ।

ಭುಜಪ್ರವಿಷ್ಟಾಷ್ಟದಿಶಂ ಮಹಾವಿಷ್ಣುಂ ನಮಾಮ್ಯಹಮ್

॥ 2 ॥

ಶ್ಲೋಕ 4

ಜ್ಯೋತೀಂಷ್ಯರ್ಕೇನ್ದುನಕ್ಷತ್ರಜ್ವಲನಾದೀನ್ಯನುಕ್ರಮಾತ್ ।

ಜ್ವಲನ್ತಿ ತೇಜಸಾ ಯಸ್ಯ ತಂ ಜ್ವಲನ್ತಂ ನಮಾಮ್ಯಹಮ್

॥ 3 ॥

ಶ್ಲೋಕ 5

ಸರ್ವೇನ್ದ್ರಿಯೈರಪಿ ವಿನಾ ಸರ್ವಂ ಸರ್ವತ್ರ ಸರ್ವದಾ ।

ಯೋ ಜಾನಾತಿ ನಮಾಮ್ಯಾದ್ಯಂ ತಮಹಂ ಸರ್ವತೋಮುಖಮ್

॥ 4 ॥

ಶ್ಲೋಕ 6

ನರವತ್ ಸಿಂಹವಚ್ಚೈವ ಯಸ್ಯ ರೂಪಂ ಮಹಾತ್ಮನಃ ।

ಮಹಾಸಟಂ ಮಹಾದಂಷ್ಟ್ರಂ ತಂ ನೃಸಿಂಹಂ ನಮಾಮ್ಯಹಮ್

॥ 5 ॥

ಶ್ಲೋಕ 7

ಯನ್ನಾಮಸ್ಮರಣಾದ್ಭೀತಾಃ ಭೂತವೇತಾಲರಾಕ್ಷಸಾಃ ।

ರೋಗಾದ್ಯಾಶ್ಚ ಪ್ರಣಶ್ಯನ್ತಿ ಭೀಷಣಂ ತಂ ನಮಾಮ್ಯಹಮ್

॥ 6 ॥

ಶ್ಲೋಕ 8

ಸರ್ವೇಽಪಿ ಯಂ ಸಮಾಶ್ರಿತ್ಯ ಸಕಲಂ ಭದ್ರಮಶ್ನುತೇ ।

ಶ್ರಿಯಾ ಚ ಭದ್ರಯಾ ಜುಷ್ಟೋ ಯಸ್ತಂ ಭದ್ರಂ ನಮಾಮ್ಯಹಮ್

॥ 7 ॥

ಶ್ಲೋಕ 9

ಸಾಕ್ಷಾತ್ ಸ್ವಕಾಲೇ ಸಮ್ಪ್ರಾಪ್ತಂ ಮೃತ್ಯುಂ ಶತ್ರುಗಣಾನ್ವಿತಮ್ ।

ಭಕ್ತಾನಾಂ ನಾಶಯೇದ್ಯಸ್ತು ಮೃತ್ಯುಮೃತ್ಯುಂ ನಮಾಮ್ಯಹಮ್

॥ 8 ॥

ಶ್ಲೋಕ 10

ನಮಸ್ಕಾರಾತ್ಮಕಂ ಯಸ್ಮೈ ವಿಧಾಯಾತ್ಮನಿವೇದನಮ್ ।

ತ್ಯಕ್ತದುಃಖೋಽಖಿಲಾನ್ ಕಾಮಾನಶ್ನನ್ತಂ ತಂ ನಮಾಮ್ಯಹಮ್

॥ 9 ॥

ಶ್ಲೋಕ 11

ದಾಸಭೂತಾಃ ಸ್ವತಃ ಸರ್ವೇ ಹ್ಯಾತ್ಮಾನಃ ಪರಮಾತ್ಮನಃ ।

ಅತೋಽಹಮಪಿ ತೇ ದಾಸಃ ಇತಿ ಮತ್ವಾ ನಮಾಮ್ಯಹಮ್

॥ 10 ॥

ಶ್ಲೋಕ 12

ಶಙ್ಕರೇಣಾದರಾತ್ ಪ್ರೋಕ್ತಂ ಪದಾನಾಂ ತತ್ತ್ವಮುತ್ತಮಮ್ ।

ತ್ರಿಸನ್ಧ್ಯಂ ಯಃ ಪಠೇತ್ತಸ್ಯ ಶ್ರೀವಿದ್ಯಾಽಽಯುಶ್ಚ ವರ್ಧತೇ

॥ 11 ॥

ಶ್ಲೋಕ 13

ಇತಿ ಶ್ರೀಶಙ್ಕರಕೃತ ಶ್ರೀ ನೃಸಿಂಹ ಮನ್ತ್ರರಾಜಪದ ಸ್ತೋತ್ರಮ್ ।