ಶ್ರೀ ನರಸಿಂಹ ಅಷ್ಟಕಮ್

ಶ್ರೀ ನರಸಿಂಹ ಅಷ್ಟಕಮ್

ಶ್ಲೋಕ 1

ಶ್ರೀಮದಕಲಙ್ಕ ಪರಿಪೂರ್ಣ ಶಶಿಕೋಟಿ-

ಶ್ರೀಧರ ಮನೋಹರ ಸಟಾಪಟಲ ಕಾನ್ತ।

ಪಾಲಯ ಕೃಪಾಲಯ ಭವಾಮ್ಬುಧಿ-ನಿಮಗ್ನಂ

ದೈತ್ಯವರಕಾಲ ನರಸಿಂಹ ನರಸಿಂಹ

ಶ್ಲೋಕ 2

ಪಾದಕಮಲಾವನತ ಪಾತಕಿ-ಜನಾನಾಂ

ಪಾತಕದವಾನಲ ಪತತ್ರಿವರ-ಕೇತೋ।

ಭಾವನ ಪರಾಯಣ ಭವಾರ್ತಿಹರಯಾ ಮಾಂ

ಪಾಹಿ ಕೃಪಯೈವ ನರಸಿಂಹ ನರಸಿಂಹ

॥ 1 ॥

ಶ್ಲೋಕ 3

ತುಙ್ಗನಖ-ಪಙ್ಕ್ತಿ-ದಲಿತಾಸುರ-ವರಾಸೃಕ್

ಪಙ್ಕ-ನವಕುಙ್ಕುಮ-ವಿಪಙ್ಕಿಲ-ಮಹೋರಃ ।

ಪಣ್ಡಿತನಿಧಾನ-ಕಮಲಾಲಯ ನಮಸ್ತೇ

ಪಙ್ಕಜನಿಷಣ್ಣ ನರಸಿಂಹ ನರಸಿಂಹ

॥ 2 ॥

ಶ್ಲೋಕ 4

ಮೌಲಿಷು ವಿಭೂಷಣಮಿವಾಮರ ವರಾಣಾಂ

ಯೋಗಿಹೃದಯೇಷು ಚ ಶಿರಸ್ಸುನಿಗಮಾನಾಮ್ ।

ರಾಜದರವಿನ್ದ-ರುಚಿರಂ ಪದಯುಗಂ ತೇ

ದೇಹಿ ಮಮ ಮೂರ್ಧ್ನಿ ನರಸಿಂಹ ನರಸಿಂಹ

॥ 3 ॥

ಶ್ಲೋಕ 5

ವಾರಿಜವಿಲೋಚನ ಮದನ್ತಿಮ-ದಶಾಯಾಂ

ಕ್ಲೇಶ-ವಿವಶೀಕೃತ-ಸಮಸ್ತ-ಕರಣಾಯಾಮ್ ।

ಏಹಿ ರಮಯಾ ಸಹ ಶರಣ್ಯ ವಿಹಗಾನಾಂ

ನಾಥಮಧಿರುಹ್ಯ ನರಸಿಂಹ ನರಸಿಂಹ

॥ 4 ॥

ಶ್ಲೋಕ 6

ಹಾಟಕ-ಕಿರೀಟ-ವರಹಾರ-ವನಮಾಲಾ

ಧಾರರಶನಾ-ಮಕರಕುಣ್ಡಲ-ಮಣೀನ್ದ್ರೈಃ ।

ಭೂಷಿತಮಶೇಷ-ನಿಲಯಂ ತವ ವಪುರ್ಮೇ

ಚೇತಸಿ ಚಕಾಸ್ತು ನರಸಿಂಹ ನರಸಿಂಹ

॥ 5 ॥

ಶ್ಲೋಕ 7

ಇನ್ದು ರವಿ ಪಾವಕ ವಿಲೋಚನ ರಮಾಯಾಃ

ಮನ್ದಿರ ಮಹಾಭುಜ-ಲಸದ್ವರ-ರಥಾಙ್ಗ।

ಸುನ್ದರ ಚಿರಾಯ ರಮತಾಂ ತ್ವಯಿ ಮನೋ ಮೇ

ನನ್ದಿತ ಸುರೇಶ ನರಸಿಂಹ ನರಸಿಂಹ

॥ 6 ॥

ಶ್ಲೋಕ 8

ಮಾಧವ ಮುಕುನ್ದ ಮಧುಸೂದನ ಮುರಾರೇ

ವಾಮನ ನೃಸಿಂಹ ಶರಣಂ ಭವ ನತಾನಾಮ್ ।

ಕಾಮದ ಘೃಣಿನ್ ನಿಖಿಲಕಾರಣ ನಯೇಯಂ

ಕಾಲಮಮರೇಶ ನರಸಿಂಹ ನರಸಿಂಹ

॥ 7 ॥

ಶ್ಲೋಕ 9

ಅಷ್ಟಕಮಿದಂ ಸಕಲ-ಪಾತಕ-ಭಯಘ್ನಂ

ಕಾಮದಂ ಅಶೇಷ-ದುರಿತಾಮಯ-ರಿಪುಘ್ನಮ್ ।

ಯಃ ಪಠತಿ ಸನ್ತತಮಶೇಷ-ನಿಲಯಂ ತೇ

ಗಚ್ಛತಿ ಪದಂ ಸ ನರಸಿಂಹ ನರಸಿಂಹ

॥ 8 ॥

ಶ್ಲೋಕ 10