ശ്രീ ആദ്യ കാലീ സ്തോത്രം

ശ്രീ ആദ്യ കാലീ സ്തോത്രം

ശ്ലോക 1

ബ്രഹ്മോവാച

ശൃണു വത്സ പ്രവക്ഷ്യാമി ആദ്യാസ്തോത്രം മഹാഫലമ് ।

യഃ പഠേത് സതതം ഭക്ത്യാ സ ഏവ വിഷ്ണുവല്ലഭഃ

ശ്ലോക 2

മൃത്യുര്വ്യാധിഭയം തസ്യ നാസ്തി കിഞ്ചിത് കലൌ യുഗേ ।

അപുത്രാ ലഭതേ പുത്രം ത്രിപക്ഷം ശ്രവണം യദി

॥ 1 ॥

ശ്ലോക 3

ദ്വൌ മാസൌ ബന്ധനാന്മുക്തി വിപ്രവക്ത്രാത് ശ്രുതം യദി ।

മൃതവത്സാ ജീവവത്സാ ഷണ്മാസം ശ്രവണം യദി

॥ 2 ॥

ശ്ലോക 4

നൌകായാം സങ്കടേ യുദ്ധേ പഠനാജ്ജയമാപ്നുയാത് ।

ലിഖിത്വാ സ്ഥാപയേദ്ഗേഹേ നാഗ്നിചൌരഭയം ക്വചിത്

॥ 3 ॥

ശ്ലോക 5

രാജസ്ഥാനേ ജയീ നിത്യം പ്രസന്നാഃ സര്വദേവതാ ।

ഓം ഹ്രീമ് ।

ബ്രഹ്മാണീ ബ്രഹ്മലോകേ ച വൈകുണ്ഠേ സര്വമങ്ഗലാ

॥ 4 ॥

ശ്ലോക 6

ഇന്ദ്രാണീ അമരാവത്യാമമ്ബികാ വരുണാലയേ ।

യമാലയേ കാലരൂപാ കുബേരഭവനേ ശുഭാ

॥ 5 ॥

ശ്ലോക 7

മഹാനന്ദാഗ്നികോണേ ച വായവ്യാം മൃഗവാഹിനീ ।

നൈരൃത്യാം രക്തദന്താ ച ഐശാന്യാം ശൂലധാരിണീ

॥ 6 ॥

ശ്ലോക 8

പാതാലേ വൈഷ്ണവീരൂപാ സിംഹലേ ദേവമോഹിനീ ।

സുരസാ ച മണിദ്വിപേ ലങ്കായാം ഭദ്രകാലികാ

॥ 7 ॥

ശ്ലോക 9

രാമേശ്വരീ സേതുബന്ധേ വിമലാ പുരുഷോത്തമേ ।

വിരജാ ഔഡ്രദേശേ ച കാമാക്ഷ്യാ നീലപര്വതേ

॥ 8 ॥

ശ്ലോക 10

കാലികാ വങ്ഗദേശേ ച അയോധ്യായാം മഹേശ്വരീ ।

വാരാണസ്യാമന്നപൂര്ണാ ഗയാക്ഷേത്രേ ഗയേശ്വരീ

॥ 9 ॥

ശ്ലോക 11

കുരുക്ഷേത്രേ ഭദ്രകാലീ വ്രജേ കാത്യായനീ പരാ ।

ദ്വാരകായാം മഹാമായാ മഥുരായാം മഹേശ്വരീ

॥ 10 ॥

ശ്ലോക 12

ക്ഷുധാ ത്വം സര്വഭൂതാനാം വേലാ ത്വം സാഗരസ്യ ച ।

നവമീ ശുക്ലപക്ഷസ്യ കൃഷ്ണസ്യൈകാദശീ പരാ

॥ 11 ॥

ശ്ലോക 13

ദക്ഷസാ ദുഹിതാ ദേവീ ദക്ഷയജ്ഞവിനാശിനീ ।

രാമസ്യ ജാനകീ ത്വം ഹി രാവണധ്വംസകാരിണീ

॥ 12 ॥

ശ്ലോക 14

ചണ്ഡമുണ്ഡവധേ ദേവീ രക്തബീജവിനാശിനീ ।

നിശുമ്ഭശുമ്ഭമഥിനീ മധുകൈടഭഘാതിനീ

॥ 13 ॥

ശ്ലോക 15

വിഷ്ണുഭക്തിപ്രദാ ദുര്ഗാ സുഖദാ മോക്ഷദാ സദാ ।

ആദ്യാസ്തവമിമം പുണ്യം യഃ പഠേത് സതതം നരഃ

॥ 14 ॥

ശ്ലോക 16

സര്വജ്വരഭയം ന സ്യാത് സര്വവ്യാധിവിനാശനമ് ।

കോടിതീര്ഥഫലം തസ്യ ലഭതേ നാത്ര സംശയഃ

॥ 15 ॥

ശ്ലോക 17

ജയാ മേ ചാഗ്രതഃ പാതു വിജയാ പാതു പൃഷ്ഠതഃ ।

നാരായണീ ശീര്ഷദേശേ സര്വാങ്ഗേ സിംഹവാഹിനീ

॥ 16 ॥

ശ്ലോക 18

ശിവദൂതീ ഉഗ്രചണ്ഡാ പ്രത്യങ്ഗേ പരമേശ്വരീ ।

വിശാലാക്ഷീ മഹാമായാ കൌമാരീ ശങ്ഖിനീ ശിവാ

॥ 17 ॥

ശ്ലോക 19

ചക്രിണീ ജയദാത്രീ ച രണമത്താ രണപ്രിയാ ।

ദുര്ഗാ ജയന്തീ കാലീ ച ഭദ്രകാലീ മഹോദരീ

॥ 18 ॥

ശ്ലോക 20

നാരസിംഹീ ച വാരാഹീ സിദ്ധിദാത്രീ സുഖപ്രദാ ।

ഭയങ്കരീ മഹാരൌദ്രീ മഹാഭയവിനാശിനീ

॥ 19 ॥

ശ്ലോക 21

ഇതി ശ്രീബ്രഹ്മയാമലേ ബ്രഹ്മനാരദസംവാദേ ശ്രീ ആദ്യാ സ്തോത്രമ് ॥