Sri Maha Kali Stotram

श्री महाकाली स्तोत्रं

श्लोक 1

ध्यानम्

शवारूढां महाभीमां घोरदंष्ट्रां वरप्रदां

हास्ययुक्तां त्रिणेत्राञ्च कपाल कर्त्रिका कराम् ।

मुक्तकेशीं ललज्जिह्वां पिबन्तीं रुधिरं मुहुः

चतुर्बाहुयुतां देवीं वराभयकरां स्मरेत् ॥

शवारूढां महाभीमां घोरदंष्ट्रां हसन्मुखीं

चतुर्भुजां खड्गमुण्डवराभयकरां शिवाम् ।

मुण्डमालाधरां देवीं ललज्जिह्वां दिगम्बरां

एवं सञ्चिन्तयेत्कालीं श्मशनालयवासिनीम् ॥

स्तोत्रम्

विश्वेश्वरीं जगद्धात्रीं स्थितिसंहारकारिणीम् ।

निद्रां भगवतीं विष्णोरतुलां तेजसः प्रभाम्

श्लोक 2

त्वं स्वाहा त्वं स्वधा त्वं हि वषट्कारः स्वरात्मिका ।

सुधा त्वमक्षरे नित्ये त्रिधा मात्रात्मिका स्थिता

॥ 1 ॥

श्लोक 3

अर्थमात्रास्थिता नित्या यानुच्चार्या विशेषतः ।

त्वमेव सन्ध्या सावित्री त्वं देवी जननी परा

॥ 2 ॥

श्लोक 4

त्वयैतद्धार्यते विश्वं त्वयैतद्सृज्यते जगत् ।

त्वयैतत्पाल्यते देवि त्वमत्स्यन्ते च सर्वदा

॥ 3 ॥

श्लोक 5

विसृष्टौ सृष्टिरूपा त्वं स्थितिरूपा च पालने ।

तथा संहृतिरूपान्ते जगतोऽस्य जगन्मये

॥ 4 ॥

श्लोक 6

महाविद्या महामाया महामेधा महास्मृतिः ।

महामोहा च भवती महादेवी महेश्वरी

॥ 5 ॥

श्लोक 7

प्रकृतिस्त्वं च सर्वस्य गुणत्रयविभाविनी ।

कालरात्रिर्महारात्रिर्मोहरात्रिश्च दारुणा

॥ 6 ॥

श्लोक 8

त्वं श्रीस्त्वमीश्वरी त्वं ह्रीस्त्वं बुद्धिर्बोधलक्षणा ।

लज्जा पुष्टिस्तथा तुष्टिस्त्वं शान्तिः क्षान्तिरेव च

॥ 7 ॥

श्लोक 9

खड्गिनी शूलिनी घोरा गदिनी चक्रिणी तथा ।

शङ्खिनी चापिनी बाणभुशुण्डीपरिघायुधा

॥ 8 ॥

श्लोक 10

सौम्या सौम्यतराशेषा सौम्येभ्यस्त्वतिसुन्दरी ।

परापराणां परमा त्वमेव परमेश्वरी

॥ 9 ॥

श्लोक 11

यच्च किञ्चित् क्वचिद्वस्तु सदसद्वाखिलात्मिके ।

तस्य सर्वस्य या शक्तिः सा त्वं किं स्तूयसे तदा

॥ 10 ॥

श्लोक 12

यया त्वया जगत्स्रष्टा जगत्पात्यत्ति यो जगत् ।

सोऽपि निद्रावशं नीतः कस्त्वां स्तोतुमिहेश्वरः

॥ 11 ॥

श्लोक 13

विष्णुः शरीरग्रहणमहमीशान एव च ।

कारितास्ते यतोऽतस्त्वां कः स्तोतुं शक्तिमान् भवेत्

॥ 12 ॥

श्लोक 14

सा त्वमित्थं प्रभावैः स्वैरुदारैर्देवि संस्तुता ।

मोहयैतौ दुराधर्षावसुरौ मधुकैटभौ

॥ 13 ॥

श्लोक 15

प्रबोधं च जगत्स्वामी नीयतामच्युतो लघु ।

बोधश्च क्रियतामस्य हन्तुमेतौ महासुरौ

॥ 14 ॥

श्लोक 16

इति श्री महाकाली स्तोत्रम् ।