ശനി വജ്രപഞ്ജര കവചമ്

ശനി വജ്രപഞ്ജര കവചമ്

ശ്ലോക 1

നീലാമ്ബരോ നീലവപുഃ കിരീടീ

ഗൃധ്രസ്ഥിതാസ്ത്രകരോ ധനുഷ്മാന് ।

ചതുര്ഭുജഃ സൂര്യസുതഃ പ്രസന്നഃ

സദാ മമസ്യാദ്വരദഃ പ്രശാന്തഃ ॥

ബ്രഹ്മാ ഉവാച ।

ശൃണുധ്വം ഋഷയഃ സര്വേ ശനി പീഡാഹരം മഹത് ।

കവചം ശനിരാജസ്യ സൌരൈരിദമനുത്തമമ് ॥

കവചം ദേവതാവാസം വജ്ര പഞ്ജര സംങ്ഗകമ് ।

ശനൈശ്ചര പ്രീതികരം സര്വസൌഭാഗ്യദായകമ് ॥

അഥ ശ്രീ ശനി വജ്ര പഞ്ജര കവചമ് ।

ഓം ശ്രീ ശനൈശ്ചരഃ പാതു ഫാലം മേ സൂര്യനന്ദനഃ । [ഭാലം]

നേത്രേ ഛായാത്മജഃ പാതു പാതു കര്ണൌ യമാനുജഃ

ശ്ലോക 2

നാസാം വൈവസ്വതഃ പാതു മുഖം മേ ഭാസ്കരഃ സദാ ।

സ്നിഗ്ധകണ്ഠശ്ച മേ കണ്ഠം ഭുജൌ പാതു മഹാഭുജഃ

॥ 1 ॥

ശ്ലോക 3

സ്കന്ധൌ പാതു ശനിശ്ചൈവ കരൌ പാതു ശുഭപ്രദഃ ।

വക്ഷഃ പാതു യമഭ്രാതാ കുക്ഷിം പാത്വസിതസ്തഥാ

॥ 2 ॥

ശ്ലോക 4

നാഭിം ഗ്രഹപതിഃ പാതു മന്ദഃ പാതു കടിം തഥാ ।

ഊരൂ മമാന്തകഃ പാതു യമോ ജാനുയുഗം തഥാ

॥ 3 ॥

ശ്ലോക 5

പാദൌ മന്ദഗതിഃ പാതു സര്വാങ്ഗം പാതു പിപ്പലഃ ।

അങ്ഗോപാങ്ഗാനി സര്വാണി രക്ഷേന് മേ സൂര്യനന്ദനഃ

॥ 4 ॥

ശ്ലോക 6

ഫലശ്രുതിഃ

ഇത്യേതത്കവചം ദിവ്യം പഠേത്സൂര്യസുതസ്യ യഃ ।

ന തസ്യ ജായതേ പീഡാ പ്രീതോ ഭവതി സൂര്യജഃ ॥

വ്യയജന്മദ്വിതീയസ്ഥോ മൃത്യുസ്ഥാനഗതോപിവാ ।

കലത്രസ്ഥോ ഗതോവാപി സുപ്രീതസ്തു സദാ ശനിഃ ॥

അഷ്ടമസ്ഥോ സൂര്യസുതേ വ്യയേ ജന്മദ്വിതീയഗേ ।

കവചം പഠതേ നിത്യം ന പീഡാ ജായതേ ക്വചിത് ॥

ഇത്യേതത്കവചം ദിവ്യം സൌരേര്യന്നിര്മിതം പുരാ ।

ദ്വാദശാഷ്ടമജന്മസ്ഥദോഷാന്നാശയതേ സദാ ।

ജന്മലഗ്നസ്ഥിതാന് ദോഷാന് സര്വാന്നാശയതേ പ്രഭുഃ ॥

ഇതി ശ്രീ ബ്രഹ്മാണ്ഡപുരാണേ ബ്രഹ്മനാരദസംവാദേ ശനിവജ്രപഞ്ജര കവചം സമ്പൂര്ണമ് ॥