ಶನಿ ವಜ್ರಪಞ್ಜರ ಕವಚಮ್

ಶನಿ ವಜ್ರಪಞ್ಜರ ಕವಚಮ್

ಶ್ಲೋಕ 1

ನೀಲಾಮ್ಬರೋ ನೀಲವಪುಃ ಕಿರೀಟೀ

ಗೃಧ್ರಸ್ಥಿತಾಸ್ತ್ರಕರೋ ಧನುಷ್ಮಾನ್ ।

ಚತುರ್ಭುಜಃ ಸೂರ್ಯಸುತಃ ಪ್ರಸನ್ನಃ

ಸದಾ ಮಮಸ್ಯಾದ್ವರದಃ ಪ್ರಶಾನ್ತಃ ॥

ಬ್ರಹ್ಮಾ ಉವಾಚ ।

ಶೃಣುಧ್ವಂ ಋಷಯಃ ಸರ್ವೇ ಶನಿ ಪೀಡಾಹರಂ ಮಹತ್ ।

ಕವಚಂ ಶನಿರಾಜಸ್ಯ ಸೌರೈರಿದಮನುತ್ತಮಮ್ ॥

ಕವಚಂ ದೇವತಾವಾಸಂ ವಜ್ರ ಪಞ್ಜರ ಸಂಙ್ಗಕಮ್ ।

ಶನೈಶ್ಚರ ಪ್ರೀತಿಕರಂ ಸರ್ವಸೌಭಾಗ್ಯದಾಯಕಮ್ ॥

ಅಥ ಶ್ರೀ ಶನಿ ವಜ್ರ ಪಞ್ಜರ ಕವಚಮ್ ।

ಓಂ ಶ್ರೀ ಶನೈಶ್ಚರಃ ಪಾತು ಫಾಲಂ ಮೇ ಸೂರ್ಯನನ್ದನಃ । [ಭಾಲಂ]

ನೇತ್ರೇ ಛಾಯಾತ್ಮಜಃ ಪಾತು ಪಾತು ಕರ್ಣೌ ಯಮಾನುಜಃ

ಶ್ಲೋಕ 2

ನಾಸಾಂ ವೈವಸ್ವತಃ ಪಾತು ಮುಖಂ ಮೇ ಭಾಸ್ಕರಃ ಸದಾ ।

ಸ್ನಿಗ್ಧಕಣ್ಠಶ್ಚ ಮೇ ಕಣ್ಠಂ ಭುಜೌ ಪಾತು ಮಹಾಭುಜಃ

॥ 1 ॥

ಶ್ಲೋಕ 3

ಸ್ಕನ್ಧೌ ಪಾತು ಶನಿಶ್ಚೈವ ಕರೌ ಪಾತು ಶುಭಪ್ರದಃ ।

ವಕ್ಷಃ ಪಾತು ಯಮಭ್ರಾತಾ ಕುಕ್ಷಿಂ ಪಾತ್ವಸಿತಸ್ತಥಾ

॥ 2 ॥

ಶ್ಲೋಕ 4

ನಾಭಿಂ ಗ್ರಹಪತಿಃ ಪಾತು ಮನ್ದಃ ಪಾತು ಕಟಿಂ ತಥಾ ।

ಊರೂ ಮಮಾನ್ತಕಃ ಪಾತು ಯಮೋ ಜಾನುಯುಗಂ ತಥಾ

॥ 3 ॥

ಶ್ಲೋಕ 5

ಪಾದೌ ಮನ್ದಗತಿಃ ಪಾತು ಸರ್ವಾಙ್ಗಂ ಪಾತು ಪಿಪ್ಪಲಃ ।

ಅಙ್ಗೋಪಾಙ್ಗಾನಿ ಸರ್ವಾಣಿ ರಕ್ಷೇನ್ ಮೇ ಸೂರ್ಯನನ್ದನಃ

॥ 4 ॥

ಶ್ಲೋಕ 6

ಫಲಶ್ರುತಿಃ

ಇತ್ಯೇತತ್ಕವಚಂ ದಿವ್ಯಂ ಪಠೇತ್ಸೂರ್ಯಸುತಸ್ಯ ಯಃ ।

ನ ತಸ್ಯ ಜಾಯತೇ ಪೀಡಾ ಪ್ರೀತೋ ಭವತಿ ಸೂರ್ಯಜಃ ॥

ವ್ಯಯಜನ್ಮದ್ವಿತೀಯಸ್ಥೋ ಮೃತ್ಯುಸ್ಥಾನಗತೋಪಿವಾ ।

ಕಲತ್ರಸ್ಥೋ ಗತೋವಾಪಿ ಸುಪ್ರೀತಸ್ತು ಸದಾ ಶನಿಃ ॥

ಅಷ್ಟಮಸ್ಥೋ ಸೂರ್ಯಸುತೇ ವ್ಯಯೇ ಜನ್ಮದ್ವಿತೀಯಗೇ ।

ಕವಚಂ ಪಠತೇ ನಿತ್ಯಂ ನ ಪೀಡಾ ಜಾಯತೇ ಕ್ವಚಿತ್ ॥

ಇತ್ಯೇತತ್ಕವಚಂ ದಿವ್ಯಂ ಸೌರೇರ್ಯನ್ನಿರ್ಮಿತಂ ಪುರಾ ।

ದ್ವಾದಶಾಷ್ಟಮಜನ್ಮಸ್ಥದೋಷಾನ್ನಾಶಯತೇ ಸದಾ ।

ಜನ್ಮಲಗ್ನಸ್ಥಿತಾನ್ ದೋಷಾನ್ ಸರ್ವಾನ್ನಾಶಯತೇ ಪ್ರಭುಃ ॥

ಇತಿ ಶ್ರೀ ಬ್ರಹ್ಮಾಣ್ಡಪುರಾಣೇ ಬ್ರಹ್ಮನಾರದಸಂವಾದೇ ಶನಿವಜ್ರಪಞ್ಜರ ಕವಚಂ ಸಮ್ಪೂರ್ಣಮ್ ॥