શનિ વજ્રપઞ્જર કવચમ્

શનિ વજ્રપઞ્જર કવચમ્

શ્લોક 1

નીલામ્બરો નીલવપુઃ કિરીટી

ગૃધ્રસ્થિતાસ્ત્રકરો ધનુષ્માન્ ।

ચતુર્ભુજઃ સૂર્યસુતઃ પ્રસન્નઃ

સદા મમસ્યાદ્વરદઃ પ્રશાન્તઃ ॥

બ્રહ્મા ઉવાચ ।

શૃણુધ્વં ઋષયઃ સર્વે શનિ પીડાહરં મહત્ ।

કવચં શનિરાજસ્ય સૌરૈરિદમનુત્તમમ્ ॥

કવચં દેવતાવાસં વજ્ર પઞ્જર સંઙ્ગકમ્ ।

શનૈશ્ચર પ્રીતિકરં સર્વસૌભાગ્યદાયકમ્ ॥

અથ શ્રી શનિ વજ્ર પઞ્જર કવચમ્ ।

ૐ શ્રી શનૈશ્ચરઃ પાતુ ફાલં મે સૂર્યનન્દનઃ । [ભાલં]

નેત્રે છાયાત્મજઃ પાતુ પાતુ કર્ણૌ યમાનુજઃ

શ્લોક 2

નાસાં વૈવસ્વતઃ પાતુ મુખં મે ભાસ્કરઃ સદા ।

સ્નિગ્ધકણ્ઠશ્ચ મે કણ્ઠં ભુજૌ પાતુ મહાભુજઃ

॥ 1 ॥

શ્લોક 3

સ્કન્ધૌ પાતુ શનિશ્ચૈવ કરૌ પાતુ શુભપ્રદઃ ।

વક્ષઃ પાતુ યમભ્રાતા કુક્ષિં પાત્વસિતસ્તથા

॥ 2 ॥

શ્લોક 4

નાભિં ગ્રહપતિઃ પાતુ મન્દઃ પાતુ કટિં તથા ।

ઊરૂ મમાન્તકઃ પાતુ યમો જાનુયુગં તથા

॥ 3 ॥

શ્લોક 5

પાદૌ મન્દગતિઃ પાતુ સર્વાઙ્ગં પાતુ પિપ્પલઃ ।

અઙ્ગોપાઙ્ગાનિ સર્વાણિ રક્ષેન્ મે સૂર્યનન્દનઃ

॥ 4 ॥

શ્લોક 6

ફલશ્રુતિઃ

ઇત્યેતત્કવચં દિવ્યં પઠેત્સૂર્યસુતસ્ય યઃ ।

ન તસ્ય જાયતે પીડા પ્રીતો ભવતિ સૂર્યજઃ ॥

વ્યયજન્મદ્વિતીયસ્થો મૃત્યુસ્થાનગતોપિવા ।

કલત્રસ્થો ગતોવાપિ સુપ્રીતસ્તુ સદા શનિઃ ॥

અષ્ટમસ્થો સૂર્યસુતે વ્યયે જન્મદ્વિતીયગે ।

કવચં પઠતે નિત્યં ન પીડા જાયતે ક્વચિત્ ॥

ઇત્યેતત્કવચં દિવ્યં સૌરેર્યન્નિર્મિતં પુરા ।

દ્વાદશાષ્ટમજન્મસ્થદોષાન્નાશયતે સદા ।

જન્મલગ્નસ્થિતાન્ દોષાન્ સર્વાન્નાશયતે પ્રભુઃ ॥

ઇતિ શ્રી બ્રહ્માણ્ડપુરાણે બ્રહ્મનારદસંવાદે શનિવજ્રપઞ્જર કવચં સમ્પૂર્ણમ્ ॥