નટરાજ સ્તોત્રં (પતઞ્જલિ કૃતમ્)

નટરાજ સ્તોત્રં (પતઞ્જલિ કૃતમ્)

શ્લોક 1

અથ ચરણશૃઙ્ગરહિત શ્રી નટરાજ સ્તોત્રં

સદઞ્ચિત-મુદઞ્ચિત નિકુઞ્ચિત પદં ઝલઝલં-ચલિત મઞ્જુ કટકમ્ ।

પતઞ્જલિ દૃગઞ્જન-મનઞ્જન-મચઞ્ચલપદં જનન ભઞ્જન કરમ્ ।

કદમ્બરુચિમમ્બરવસં પરમમમ્બુદ કદમ્બ કવિડમ્બક ગલમ્

ચિદમ્બુધિ મણિં બુધ હૃદમ્બુજ રવિં પર ચિદમ્બર નટં હૃદિ ભજ

શ્લોક 2

હરં ત્રિપુર ભઞ્જન-મનન્તકૃતકઙ્કણ-મખણ્ડદય-મન્તરહિતં

વિરિઞ્ચિસુરસંહતિપુરન્ધર વિચિન્તિતપદં તરુણચન્દ્રમકુટમ્ ।

પરં પદ વિખણ્ડિતયમં ભસિત મણ્ડિતતનું મદનવઞ્ચન પરં

ચિરન્તનમમું પ્રણવસઞ્ચિતનિધિં પર ચિદમ્બર નટં હૃદિ ભજ

॥ 1 ॥

શ્લોક 3

અવન્તમખિલં જગદભઙ્ગ ગુણતુઙ્ગમમતં ધૃતવિધું સુરસરિત્-

તરઙ્ગ નિકુરુમ્બ ધૃતિ લમ્પટ જટં શમનદમ્ભસુહરં ભવહરમ્ ।

શિવં દશદિગન્તર વિજૃમ્ભિતકરં કરલસન્મૃગશિશું પશુપતિં

હરં શશિધનઞ્જયપતઙ્ગનયનં પર ચિદમ્બર નટં હૃદિ ભજ

॥ 2 ॥

શ્લોક 4

અનન્તનવરત્નવિલસત્કટકકિઙ્કિણિઝલં ઝલઝલં ઝલરવં

મુકુન્દવિધિ હસ્તગતમદ્દલ લયધ્વનિધિમિદ્ધિમિત નર્તન પદમ્ ।

શકુન્તરથ બર્હિરથ નન્દિમુખ ભૃઙ્ગિરિટિસઙ્ઘનિકટં ભયહરમ્

સનન્દ સનક પ્રમુખ વન્દિત પદં પર ચિદમ્બર નટં હૃદિ ભજ

॥ 3 ॥

શ્લોક 5

અનન્તમહસં ત્રિદશવન્દ્ય ચરણં મુનિ હૃદન્તર વસન્તમમલમ્

કબન્ધ વિયદિન્દ્વવનિ ગન્ધવહ વહ્નિમખ બન્ધુરવિમઞ્જુ વપુષમ્ ।

અનન્તવિભવં ત્રિજગદન્તર મણિં ત્રિનયનં ત્રિપુર ખણ્ડન પરમ્

સનન્દ મુનિ વન્દિત પદં સકરુણં પર ચિદમ્બર નટં હૃદિ ભજ

॥ 4 ॥

શ્લોક 6

અચિન્ત્યમલિવૃન્દ રુચિ બન્ધુરગલં કુરિત કુન્દ નિકુરુમ્બ ધવલમ્

મુકુન્દ સુર વૃન્દ બલ હન્તૃ કૃત વન્દન લસન્તમહિકુણ્ડલ ધરમ્ ।

અકમ્પમનુકમ્પિત રતિં સુજન મઙ્ગલનિધિં ગજહરં પશુપતિમ્

ધનઞ્જય નુતં પ્રણત રઞ્જનપરં પર ચિદમ્બર નટં હૃદિ ભજ

॥ 5 ॥

શ્લોક 7

પરં સુરવરં પુરહરં પશુપતિં જનિત દન્તિમુખ ષણ્મુખમમું

મૃડં કનક પિઙ્ગલ જટં સનક પઙ્કજ રવિં સુમનસં હિમરુચિમ્ ।

અસઙ્ઘમનસં જલધિ જન્મગરલં કવલયન્ત મતુલં ગુણનિધિમ્

સનન્દ વરદં શમિતમિન્દુ વદનં પર ચિદમ્બર નટં હૃદિ ભજ

॥ 6 ॥

શ્લોક 8

અજં ક્ષિતિરથં ભુજગપુઙ્ગવગુણં કનક શૃઙ્ગિ ધનુષં કરલસત્

કુરઙ્ગ પૃથુ ટઙ્ક પરશું રુચિર કુઙ્કુમ રુચિં ડમરુકં ચ દધતમ્ ।

મુકુન્દ વિશિખં નમદવન્ધ્ય ફલદં નિગમ વૃન્દ તુરગં નિરુપમં

સ ચણ્ડિકમમું ઝટિતિ સંહૃતપુરં પર ચિદમ્બર નટં હૃદિ ભજ

॥ 7 ॥

શ્લોક 9

અનઙ્ગપરિપન્થિનમજં ક્ષિતિ ધુરન્ધરમલં કરુણયન્તમખિલં

જ્વલન્તમનલં દધતમન્તકરિપું સતતમિન્દ્ર સુરવન્દિતપદમ્ ।

ઉદઞ્ચદરવિન્દકુલ બન્ધુશત બિમ્બરુચિ સંહતિ સુગન્ધિ વપુષં

પતઞ્જલિ નુતં પ્રણવ પઞ્જર શુકં પર ચિદમ્બર નટં હૃદિ ભજ

॥ 8 ॥

શ્લોક 10

ઇતિ સ્તવમમું ભુજગપુઙ્ગવ કૃતં પ્રતિદિનં પઠતિ યઃ કૃતમુખઃ

સદઃ પ્રભુપદ દ્વિતયદર્શનપદં સુલલિતં ચરણ શૃઙ્ગ રહિતમ્ ।

સરઃ પ્રભવ સમ્ભવ હરિત્પતિ હરિપ્રમુખ દિવ્યનુત શઙ્કરપદં

સ ગચ્છતિ પરં ન તુ જનુર્જલનિધિં પરમદુઃખજનકં દુરિતદમ્

॥ 9 ॥

શ્લોક 11

ઇતિ શ્રી પતઞ્જલિમુનિ પ્રણીતં ચરણશૃઙ્ગરહિત નટરાજ સ્તોત્રં સમ્પૂર્ણમ્ ॥