Medha Suktam
മേധാ സൂക്തമ്
Medha Suktam
മേധാ സൂക്തമ്
ശ്ലോക 1
തൈത്തിരീയാരണ്യകമ് - 4, പ്രപാഠകഃ - 10, അനുവാകഃ - 41-44
ഓം-യഁശ്ഛന്ദ॑സാമൃഷ॒ഭോ വി॒ശ്വരൂ॑പഃ ।
ഛന്ദോ॒ഭ്യോ-ഽധ്യ॒മൃതാ᳚ഥ്സമ്ബ॒ഭൂവ॑ ।
സ മേന്ദ്രോ॑ മേ॒ധയാ᳚ സ്പൃണോതു ।
അ॒മൃത॑സ്യ ദേവ॒ധാര॑ണോ ഭൂയാസമ് ।
ശരീ॑ര-മ്മേ॒ വിച॑ര്ഷണമ് ।
ജി॒ഹ്വാ മേ॒ മധു॑മത്തമാ ।
കര്ണാ᳚ഭ്യാം॒ ഭൂരി॒വിശ്രു॑വമ് ।
ബ്രഹ്മ॑ണഃ കോ॒ശോ॑-ഽസി മേ॒ധയാ പി॑ഹിതഃ ।
ശ്രു॒ത-മ്മേ॑ ഗോപായ ॥
ഓം ശാന്തി॒-ശ്ശാന്തി॒-ശ്ശാന്തിഃ॑ ॥
ഓ-മ്മേ॒ധാദേ॒വീ ജു॒ഷമാ॑ണാ ന॒ ആഗാ᳚-ദ്വി॒ശ്വാചീ॑ ഭ॒ദ്രാ സു॑മന॒സ്യ മാ॑നാ ।
ത്വയാ॒ ജുഷ്ടാ॑ നു॒ദമാ॑നാ ദു॒രുക്താ᳚-ന്ബൃ॒ഹദ്വ॑ദേമ വി॒ദഥേ॑ സു॒വീരാഃ᳚ ।
ത്വയാ॒ ജുഷ്ട॑ ഋ॒ഷിര്ഭ॑വതി ദേവി॒ ത്വയാ॒ ബ്രഹ്മാ॑-ഽഽഗ॒തശ്രീ॑രു॒ത ത്വയാ᳚ ।
ത്വയാ॒ ജുഷ്ട॑ശ്ചി॒ത്രം-വിഁ॑ന്ദതേ വസു॒ സാ നോ॑ ജുഷസ്വ॒ ദ്രവി॑ണോ ന മേധേ ॥
മേ॒ധാ-മ്മ॒ ഇന്ദ്രോ॑ ദദാതു മേ॒ധാ-ന്ദേ॒വീ സര॑സ്വതീ ।
മേ॒ധാ-മ്മേ॑ അ॒ശ്വിനാ॑വു॒ഭാ-വാധ॑ത്താ॒-മ്പുഷ്ക॑രസ്രജാ ।
അ॒പ്സ॒രാസു॑ ച॒ യാ മേ॒ധാ ഗ॑ന്ധ॒ര്വേഷു॑ ച॒ യന്മനഃ॑ ।
ദൈവീ᳚-മ്മേ॒ധാ സര॑സ്വതീ॒ സാ മാ᳚-മ്മേ॒ധാ സു॒രഭി॑-ര്ജുഷതാ॒ഗ്॒ സ്വാഹാ᳚ ॥
ആമാ᳚-മ്മേ॒ധാ സു॒രഭി॑-ര്വി॒ശ്വരൂ॑പാ॒ ഹിര॑ണ്യവര്ണാ॒ ജഗ॑തീ ജഗ॒മ്യാ ।
ഊര്ജ॑സ്വതീ॒ പയ॑സാ॒ പിന്വ॑മാനാ॒ സാ മാ᳚-മ്മേ॒ധാ സു॒പ്രതീ॑കാ ജുഷന്താമ് ॥
മയി॑ മേ॒ധാ-മ്മയി॑ പ്ര॒ജാ-മ്മയ്യ॒ഗ്നി-സ്തേജോ॑ ദധാതു॒,
മയി॑ മേ॒ധാ-മ്മയി॑ പ്ര॒ജാ-മ്മയീന്ദ്ര॑ ഇന്ദ്രി॒യ-ന്ദ॑ധാതു॒,
മയി॑ മേ॒ധാ-മ്മയി॑ പ്ര॒ജാ-മ്മയി॒ സൂര്യോ॒ ഭ്രാജോ॑ ദധാതു ॥
[ഓം ഹം॒സ॒ ഹം॒സായ॑ വി॒ദ്മഹേ॑ പരമഹം॒സായ॑ ധീമഹി ।
തന്നോ॑ ഹംസഃ പ്രചോ॒ദയാ᳚ത് ॥ (ഹംസഗായത്രീ)]
ഓം ശാന്തി॒-ശ്ശാന്തി॒-ശ്ശാന്തിഃ॑ ॥