മഹാമൃത്യുഞ്ജയ സ്തോത്രമ് (രുദ്രം പശുപതിമ്)

മഹാമൃത്യുഞ്ജയ സ്തോത്രമ് (രുദ്രം പശുപതിമ്)

ശ്ലോക 1

ശ്രീഗണേശായ നമഃ ।

ഓം അസ്യ ശ്രീമഹാമൃത്യുഞ്ജയസ്തോത്രമന്ത്രസ്യ ശ്രീ മാര്കണ്ഡേയ ഋഷിഃ,

അനുഷ്ടുപ്ഛന്ദഃ, ശ്രീമൃത്യുഞ്ജയോ ദേവതാ, ഗൌരീ ശക്തിഃ,

മമ സര്വാരിഷ്ടസമസ്തമൃത്യുശാന്ത്യര്ഥം സകലൈശ്വര്യപ്രാപ്ത്യര്ഥം

ജപേ വിനോയോഗഃ ।

ധ്യാനമ്

ചന്ദ്രാര്കാഗ്നിവിലോചനം സ്മിതമുഖം പദ്മദ്വയാന്തസ്ഥിതം

മുദ്രാപാശമൃഗാക്ഷസത്രവിലസത്പാണിം ഹിമാംശുപ്രഭമ് ।

കോടീന്ദുപ്രഗലത്സുധാപ്ലുതതമും ഹാരാദിഭൂഷോജ്ജ്വലം

കാന്തം വിശ്വവിമോഹനം പശുപതിം മൃത്യുഞ്ജയം ഭാവയേത് ॥

രുദ്രം പശുപതിം സ്ഥാണും നീലകണ്ഠമുമാപതിമ് ।

നമാമി ശിരസാ ദേവം കിം നോ മൃത്യുഃ കരിഷ്യതി

ശ്ലോക 2

നീലകണ്ഠം കാലമൂര്ത്തിം കാലജ്ഞം കാലനാശനമ് ।

നമാമി ശിരസാ ദേവം കിം നോ മൃത്യുഃ കരിഷ്യതി

॥ 1॥

ശ്ലോക 3

നീലകണ്ഠം വിരൂപാക്ഷം നിര്മലം നിലയപ്രദമ് ।

നമാമി ശിരസാ ദേവം കിം നോ മൃത്യുഃ കരിഷ്യതി

॥ 2॥

ശ്ലോക 4

വാമദേവം മഹാദേവം ലോകനാഥം ജഗദ്ഗുരുമ് ।

നമാമി ശിരസാ ദേവം കിം നോ മൃത്യുഃ കരിഷ്യതി

॥ 3॥

ശ്ലോക 5

ദേവദേവം ജഗന്നാഥം ദേവേശം വൃഷഭധ്വജമ് ।

നമാമി ശിരസാ ദേവം കിം നോ മൃത്യുഃ കരിഷ്യതി

॥ 4॥

ശ്ലോക 6

ത്ര്യക്ഷം ചതുര്ഭുജം ശാന്തം ജടാമകുടധാരിണമ് ।

നമാമി ശിരസാ ദേവം കിം നോ മൃത്യുഃ കരിഷ്യതി

॥ 5॥

ശ്ലോക 7

ഭസ്മോദ്ധൂലിതസര്വാങ്ഗം നാഗാഭരണഭൂഷിതമ് ।

നമാമി ശിരസാ ദേവം കിം നോ മൃത്യുഃ കരിഷ്യതി

॥ 6॥

ശ്ലോക 8

അനന്തമവ്യയം ശാന്തം അക്ഷമാലാധരം ഹരമ് ।

നമാമി ശിരസാ ദേവം കിം നോ മൃത്യുഃ കരിഷ്യതി

॥ 7॥

ശ്ലോക 9

ആനന്ദം പരമം നിത്യം കൈവല്യപദദായിനമ് ।

നമാമി ശിരസാ ദേവം കിം നോ മൃത്യുഃ കരിഷ്യതി

॥ 8॥

ശ്ലോക 10

അര്ദ്ധനാരീശ്വരം ദേവം പാര്വതീപ്രാണനായകമ് ।

നമാമി ശിരസാ ദേവം കിം നോ മൃത്യുഃ കരിഷ്യതി

॥ 9॥

ശ്ലോക 11

പ്രലയസ്ഥിതികര്ത്താരമാദികര്ത്താരമീശ്വരമ് ।

നമാമി ശിരസാ ദേവം കിം നോ മൃത്യുഃ കരിഷ്യതി

॥ 10॥

ശ്ലോക 12

വ്യോമകേശം വിരൂപാക്ഷം ചന്ദ്രാര്ദ്ധകൃതശേഖരമ് ।

നമാമി ശിരസാ ദേവം കിം നോ മൃത്യുഃ കരിഷ്യതി

॥ 11॥

ശ്ലോക 13

ഗങ്ഗാധരം ശശിധരം ശങ്കരം ശൂലപാണിനമ് ।

(പാഠഭേദഃ) ഗങ്ഗാധരം മഹാദേവം സര്വാഭരണഭൂഷിതമ് ।

നമാമി ശിരസാ ദേവം കിം നോ മൃത്യുഃ കരിഷ്യതി

॥ 12॥

ശ്ലോക 14

അനാഥഃ പരമാനന്തം കൈവല്യപദഗാമിനി ।

നമാമി ശിരസാ ദേവം കിം നോ മൃത്യുഃ കരിഷ്യതി

॥ 13॥

ശ്ലോക 15

സ്വര്ഗാപവര്ഗദാതാരം സൃഷ്ടിസ്ഥിത്യന്തകാരണമ് ।

നമാമി ശിരസാ ദേവം കിം നോ മൃത്യുഃ കരിഷ്യതി

॥ 14॥

ശ്ലോക 16

കല്പായുര്ദ്ദേഹി മേ പുണ്യം യാവദായുരരോഗതാമ് ।

നമാമി ശിരസാ ദേവം കിം നോ മൃത്യുഃ കരിഷ്യതി

॥ 15॥

ശ്ലോക 17

ശിവേശാനാം മഹാദേവം വാമദേവം സദാശിവമ് ।

നമാമി ശിരസാ ദേവം കിം നോ മൃത്യുഃ കരിഷ്യതി

॥ 16॥

ശ്ലോക 18

ഉത്പത്തിസ്ഥിതിസംഹാരകര്താരമീശ്വരം ഗുരുമ് ।

നമാമി ശിരസാ ദേവം കിം നോ മൃത്യുഃ കരിഷ്യതി

॥ 17॥

ശ്ലോക 19

ഫലശ്രുതി

മാര്കണ്ഡേയകൃതം സ്തോത്രം യഃ പഠേച്ഛിവസന്നിധൌ ।

തസ്യ മൃത്യുഭയം നാസ്തി നാഗ്നിചൌരഭയം ക്വചിത്

॥ 18॥

ശ്ലോക 20

ശതാവര്ത്തം പ്രകര്തവ്യം സങ്കടേ കഷ്ടനാശനമ് ।

ശുചിര്ഭൂത്വാ പഥേത്സ്തോത്രം സര്വസിദ്ധിപ്രദായകമ്

॥ 19॥

ശ്ലോക 21

മൃത്യുഞ്ജയ മഹാദേവ ത്രാഹി മാം ശരണാഗതമ് ।

ജന്മമൃത്യുജരാരോഗൈഃ പീഡിതം കര്മബന്ധനൈഃ

॥ 20॥

ശ്ലോക 22

താവകസ്ത്വദ്ഗതഃ പ്രാണസ്ത്വച്ചിത്തോഽഹം സദാ മൃഡ ।

ഇതി വിജ്ഞാപ്യ ദേവേശം ത്ര്യമ്ബകാഖ്യമനും ജപേത്

॥ 21॥

ശ്ലോക 23

നമഃ ശിവായ സാമ്ബായ ഹരയേ പരമാത്മനേ ।

പ്രണതക്ലേശനാശായ യോഗിനാം പതയേ നമഃ

॥ 23॥

ശ്ലോക 24

ശതാങ്ഗായുര്മന്ത്രഃ ।

ഓം ഹ്രീം ശ്രീം ഹ്രീം ഹ്രൈം ഹ്രഃ

ഹന ഹന ദഹ ദഹ പച പച ഗൃഹാണ ഗൃഹാണ

മാരയ മാരയ മര്ദയ മര്ദയ മഹാമഹാഭൈരവ ഭൈരവരൂപേണ

ധുനയ ധുനയ കമ്പയ കമ്പയ വിഘ്നയ വിഘ്നയ വിശ്വേശ്വര

ക്ഷോഭയ ക്ഷോഭയ കടുകടു മോഹയ മോഹയ ഹും ഫട്

സ്വാഹാ ഇതി മന്ത്രമാത്രേണ സമാഭീഷ്ടോ ഭവതി ॥

॥ ഇതി ശ്രീമാര്കണ്ഡേയപുരാണേ മാര്കണ്ഡേയകൃത മഹാമൃത്യുഞ്ജയസ്തോത്രം

സമ്പൂര്ണമ് ॥