ಮಹಾಮೃತ್ಯುಞ್ಜಯ ಸ್ತೋತ್ರಮ್ (ರುದ್ರಂ ಪಶುಪತಿಮ್)

ಮಹಾಮೃತ್ಯುಞ್ಜಯ ಸ್ತೋತ್ರಮ್ (ರುದ್ರಂ ಪಶುಪತಿಮ್)

ಶ್ಲೋಕ 1

ಶ್ರೀಗಣೇಶಾಯ ನಮಃ ।

ಓಂ ಅಸ್ಯ ಶ್ರೀಮಹಾಮೃತ್ಯುಞ್ಜಯಸ್ತೋತ್ರಮನ್ತ್ರಸ್ಯ ಶ್ರೀ ಮಾರ್ಕಣ್ಡೇಯ ಋಷಿಃ,

ಅನುಷ್ಟುಪ್ಛನ್ದಃ, ಶ್ರೀಮೃತ್ಯುಞ್ಜಯೋ ದೇವತಾ, ಗೌರೀ ಶಕ್ತಿಃ,

ಮಮ ಸರ್ವಾರಿಷ್ಟಸಮಸ್ತಮೃತ್ಯುಶಾನ್ತ್ಯರ್ಥಂ ಸಕಲೈಶ್ವರ್ಯಪ್ರಾಪ್ತ್ಯರ್ಥಂ

ಜಪೇ ವಿನೋಯೋಗಃ ।

ಧ್ಯಾನಮ್

ಚನ್ದ್ರಾರ್ಕಾಗ್ನಿವಿಲೋಚನಂ ಸ್ಮಿತಮುಖಂ ಪದ್ಮದ್ವಯಾನ್ತಸ್ಥಿತಂ

ಮುದ್ರಾಪಾಶಮೃಗಾಕ್ಷಸತ್ರವಿಲಸತ್ಪಾಣಿಂ ಹಿಮಾಂಶುಪ್ರಭಮ್ ।

ಕೋಟೀನ್ದುಪ್ರಗಲತ್ಸುಧಾಪ್ಲುತತಮುಂ ಹಾರಾದಿಭೂಷೋಜ್ಜ್ವಲಂ

ಕಾನ್ತಂ ವಿಶ್ವವಿಮೋಹನಂ ಪಶುಪತಿಂ ಮೃತ್ಯುಞ್ಜಯಂ ಭಾವಯೇತ್ ॥

ರುದ್ರಂ ಪಶುಪತಿಂ ಸ್ಥಾಣುಂ ನೀಲಕಣ್ಠಮುಮಾಪತಿಮ್ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

ಶ್ಲೋಕ 2

ನೀಲಕಣ್ಠಂ ಕಾಲಮೂರ್ತ್ತಿಂ ಕಾಲಜ್ಞಂ ಕಾಲನಾಶನಮ್ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

॥ 1॥

ಶ್ಲೋಕ 3

ನೀಲಕಣ್ಠಂ ವಿರೂಪಾಕ್ಷಂ ನಿರ್ಮಲಂ ನಿಲಯಪ್ರದಮ್ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

॥ 2॥

ಶ್ಲೋಕ 4

ವಾಮದೇವಂ ಮಹಾದೇವಂ ಲೋಕನಾಥಂ ಜಗದ್ಗುರುಮ್ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

॥ 3॥

ಶ್ಲೋಕ 5

ದೇವದೇವಂ ಜಗನ್ನಾಥಂ ದೇವೇಶಂ ವೃಷಭಧ್ವಜಮ್ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

॥ 4॥

ಶ್ಲೋಕ 6

ತ್ರ್ಯಕ್ಷಂ ಚತುರ್ಭುಜಂ ಶಾನ್ತಂ ಜಟಾಮಕುಟಧಾರಿಣಮ್ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

॥ 5॥

ಶ್ಲೋಕ 7

ಭಸ್ಮೋದ್ಧೂಲಿತಸರ್ವಾಙ್ಗಂ ನಾಗಾಭರಣಭೂಷಿತಮ್ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

॥ 6॥

ಶ್ಲೋಕ 8

ಅನನ್ತಮವ್ಯಯಂ ಶಾನ್ತಂ ಅಕ್ಷಮಾಲಾಧರಂ ಹರಮ್ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

॥ 7॥

ಶ್ಲೋಕ 9

ಆನನ್ದಂ ಪರಮಂ ನಿತ್ಯಂ ಕೈವಲ್ಯಪದದಾಯಿನಮ್ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

॥ 8॥

ಶ್ಲೋಕ 10

ಅರ್ದ್ಧನಾರೀಶ್ವರಂ ದೇವಂ ಪಾರ್ವತೀಪ್ರಾಣನಾಯಕಮ್ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

॥ 9॥

ಶ್ಲೋಕ 11

ಪ್ರಲಯಸ್ಥಿತಿಕರ್ತ್ತಾರಮಾದಿಕರ್ತ್ತಾರಮೀಶ್ವರಮ್ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

॥ 10॥

ಶ್ಲೋಕ 12

ವ್ಯೋಮಕೇಶಂ ವಿರೂಪಾಕ್ಷಂ ಚನ್ದ್ರಾರ್ದ್ಧಕೃತಶೇಖರಮ್ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

॥ 11॥

ಶ್ಲೋಕ 13

ಗಙ್ಗಾಧರಂ ಶಶಿಧರಂ ಶಙ್ಕರಂ ಶೂಲಪಾಣಿನಮ್ ।

(ಪಾಠಭೇದಃ) ಗಙ್ಗಾಧರಂ ಮಹಾದೇವಂ ಸರ್ವಾಭರಣಭೂಷಿತಮ್ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

॥ 12॥

ಶ್ಲೋಕ 14

ಅನಾಥಃ ಪರಮಾನನ್ತಂ ಕೈವಲ್ಯಪದಗಾಮಿನಿ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

॥ 13॥

ಶ್ಲೋಕ 15

ಸ್ವರ್ಗಾಪವರ್ಗದಾತಾರಂ ಸೃಷ್ಟಿಸ್ಥಿತ್ಯನ್ತಕಾರಣಮ್ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

॥ 14॥

ಶ್ಲೋಕ 16

ಕಲ್ಪಾಯುರ್ದ್ದೇಹಿ ಮೇ ಪುಣ್ಯಂ ಯಾವದಾಯುರರೋಗತಾಮ್ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

॥ 15॥

ಶ್ಲೋಕ 17

ಶಿವೇಶಾನಾಂ ಮಹಾದೇವಂ ವಾಮದೇವಂ ಸದಾಶಿವಮ್ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

॥ 16॥

ಶ್ಲೋಕ 18

ಉತ್ಪತ್ತಿಸ್ಥಿತಿಸಂಹಾರಕರ್ತಾರಮೀಶ್ವರಂ ಗುರುಮ್ ।

ನಮಾಮಿ ಶಿರಸಾ ದೇವಂ ಕಿಂ ನೋ ಮೃತ್ಯುಃ ಕರಿಷ್ಯತಿ

॥ 17॥

ಶ್ಲೋಕ 19

ಫಲಶ್ರುತಿ

ಮಾರ್ಕಣ್ಡೇಯಕೃತಂ ಸ್ತೋತ್ರಂ ಯಃ ಪಠೇಚ್ಛಿವಸನ್ನಿಧೌ ।

ತಸ್ಯ ಮೃತ್ಯುಭಯಂ ನಾಸ್ತಿ ನಾಗ್ನಿಚೌರಭಯಂ ಕ್ವಚಿತ್

॥ 18॥

ಶ್ಲೋಕ 20

ಶತಾವರ್ತ್ತಂ ಪ್ರಕರ್ತವ್ಯಂ ಸಙ್ಕಟೇ ಕಷ್ಟನಾಶನಮ್ ।

ಶುಚಿರ್ಭೂತ್ವಾ ಪಥೇತ್ಸ್ತೋತ್ರಂ ಸರ್ವಸಿದ್ಧಿಪ್ರದಾಯಕಮ್

॥ 19॥

ಶ್ಲೋಕ 21

ಮೃತ್ಯುಞ್ಜಯ ಮಹಾದೇವ ತ್ರಾಹಿ ಮಾಂ ಶರಣಾಗತಮ್ ।

ಜನ್ಮಮೃತ್ಯುಜರಾರೋಗೈಃ ಪೀಡಿತಂ ಕರ್ಮಬನ್ಧನೈಃ

॥ 20॥

ಶ್ಲೋಕ 22

ತಾವಕಸ್ತ್ವದ್ಗತಃ ಪ್ರಾಣಸ್ತ್ವಚ್ಚಿತ್ತೋಽಹಂ ಸದಾ ಮೃಡ ।

ಇತಿ ವಿಜ್ಞಾಪ್ಯ ದೇವೇಶಂ ತ್ರ್ಯಮ್ಬಕಾಖ್ಯಮನುಂ ಜಪೇತ್

॥ 21॥

ಶ್ಲೋಕ 23

ನಮಃ ಶಿವಾಯ ಸಾಮ್ಬಾಯ ಹರಯೇ ಪರಮಾತ್ಮನೇ ।

ಪ್ರಣತಕ್ಲೇಶನಾಶಾಯ ಯೋಗಿನಾಂ ಪತಯೇ ನಮಃ

॥ 23॥

ಶ್ಲೋಕ 24

ಶತಾಙ್ಗಾಯುರ್ಮನ್ತ್ರಃ ।

ಓಂ ಹ್ರೀಂ ಶ್ರೀಂ ಹ್ರೀಂ ಹ್ರೈಂ ಹ್ರಃ

ಹನ ಹನ ದಹ ದಹ ಪಚ ಪಚ ಗೃಹಾಣ ಗೃಹಾಣ

ಮಾರಯ ಮಾರಯ ಮರ್ದಯ ಮರ್ದಯ ಮಹಾಮಹಾಭೈರವ ಭೈರವರೂಪೇಣ

ಧುನಯ ಧುನಯ ಕಮ್ಪಯ ಕಮ್ಪಯ ವಿಘ್ನಯ ವಿಘ್ನಯ ವಿಶ್ವೇಶ್ವರ

ಕ್ಷೋಭಯ ಕ್ಷೋಭಯ ಕಟುಕಟು ಮೋಹಯ ಮೋಹಯ ಹುಂ ಫಟ್

ಸ್ವಾಹಾ ಇತಿ ಮನ್ತ್ರಮಾತ್ರೇಣ ಸಮಾಭೀಷ್ಟೋ ಭವತಿ ॥

॥ ಇತಿ ಶ್ರೀಮಾರ್ಕಣ್ಡೇಯಪುರಾಣೇ ಮಾರ್ಕಣ್ಡೇಯಕೃತ ಮಹಾಮೃತ್ಯುಞ್ಜಯಸ್ತೋತ್ರಂ

ಸಮ್ಪೂರ್ಣಮ್ ॥