ആഞ്ജനേയ സഹസ്ര നാമമ്

ആഞ്ജനേയ സഹസ്ര നാമമ്

ശ്ലോക 1

ഓം അസ്യ ശ്രീഹനുമത്സഹസ്രനാമസ്തോത്ര മന്ത്രസ്യ ശ്രീരാമചന്ദ്രൃഷിഃ അനുഷ്ടുപ്ഛന്ദഃ ശ്രീഹനുമാന്മഹാരുദ്രോ ദേവതാ ഹ്രീം ശ്രീം ഹ്രൌം ഹ്രാം ബീജം ശ്രീം ഇതി ശക്തിഃ കിലികില ബുബു കാരേണ ഇതി കീലകം ലങ്കാവിധ്വംസനേതി കവചം മമ സര്വോപദ്രവശാന്ത്യര്ഥേ മമ സര്വകാര്യസിദ്ധ്യര്ഥേ ജപേ വിനിയോഗഃ ।

ധ്യാനമ്

പ്രതപ്തസ്വര്ണവര്ണാഭം സംരക്താരുണലോചനമ് ।

സുഗ്രീവാദിയുതം ധ്യായേത് പീതാമ്ബരസമാവൃതമ് ॥

ഗോഷ്പദീകൃതവാരാശിം പുച്ഛമസ്തകമീശ്വരമ് ।

ജ്ഞാനമുദ്രാം ച ബിഭ്രാണം സര്വാലങ്കാരഭൂഷിതമ് ॥

വാമഹസ്തസമാകൃഷ്ടദശാസ്യാനനമണ്ഡലമ് ।

ഉദ്യദ്ദക്ഷിണദോര്ദണ്ഡം ഹനൂമന്തം വിചിന്തയേത് ॥

സ്തോത്രമ്

ഹനൂമാന് ശ്രീപ്രദോ വായുപുത്രോ രുദ്രോ നയോഽജരഃ ।

അമൃത്യുര്വീരവീരശ്ച ഗ്രാമവാസോ ജനാശ്രയഃ

ശ്ലോക 2

ധനദോ നിര്ഗുണാകാരോ വീരോ നിധിപതിര്മുനിഃ ।

പിങ്ഗാക്ഷോ വരദോ വാഗ്മീ സീതാശോകവിനാശനഃ

॥ 1 ॥

ശ്ലോക 3

ശിവഃ ശര്വഃ പരോഽവ്യക്തോ വ്യക്താവ്യക്തോ ധരാധരഃ ।

പിങ്ഗകേശഃ പിങ്ഗരോമാ ശ്രുതിഗമ്യഃ സനാതനഃ

॥ 2 ॥

ശ്ലോക 4

അനാദിര്ഭഗവാന് ദിവ്യോ വിശ്വഹേതുര്നരാശ്രയഃ ।

ആരോഗ്യകര്താ വിശ്വേശോ വിശ്വനാഥോ ഹരീശ്വരഃ

॥ 3 ॥

ശ്ലോക 5

ഭര്ഗോ രാമോ രാമഭക്തഃ കല്യാണപ്രകൃതീശ്വരഃ ।

വിശ്വമ്ഭരോ വിശ്വമൂര്തിര്വിശ്വാകാരോഽഥ വിശ്വപഃ

॥ 4 ॥

ശ്ലോക 6

വിശ്വാത്മാ വിശ്വസേവ്യോഽഥ വിശ്വോ വിശ്വധരോ രവിഃ ।

വിശ്വചേഷ്ടോ വിശ്വഗമ്യോ വിശ്വധ്യേയഃ കലാധരഃ

॥ 5 ॥

ശ്ലോക 7

പ്ലവങ്ഗമഃ കപിശ്രേഷ്ഠോ ജ്യേഷ്ഠോ വേദ്യോ വനേചരഃ ।

ബാലോ വൃദ്ധോ യുവാ തത്ത്വം തത്ത്വഗമ്യഃ സഖാ ഹ്യജഃ

॥ 6 ॥

ശ്ലോക 8

അഞ്ജനാസൂനുരവ്യഗ്രോ ഗ്രാമസ്യാന്തോ ധരാധരഃ ।

ഭൂര്ഭുവഃസ്വര്മഹര്ലോകോ ജനോലോകസ്തപോഽവ്യയഃ

॥ 7 ॥

ശ്ലോക 9

സത്യമോങ്കാരഗമ്യശ്ച പ്രണവോ വ്യാപകോഽമലഃ ।

ശിവധര്മപ്രതിഷ്ഠാതാ രാമേഷ്ടഃ ഫല്ഗുനപ്രിയഃ

॥ 8 ॥

ശ്ലോക 10

ഗോഷ്പദീകൃതവാരീശഃ പൂര്ണകാമോ ധരാപതിഃ ।

രക്ഷോഘ്നഃ പുണ്ഡരീകാക്ഷഃ ശരണാഗതവത്സലഃ

॥ 9 ॥

ശ്ലോക 11

ജാനകീപ്രാണദാതാ ച രക്ഷഃപ്രാണാപഹാരകഃ ।

പൂര്ണഃ സത്യഃ പീതവാസാ ദിവാകരസമപ്രഭഃ

॥ 10 ॥

ശ്ലോക 12

ദ്രോണഹര്താ ശക്തിനേതാ ശക്തിരാക്ഷസമാരകഃ ।

അക്ഷഘ്നോ രാമദൂതശ്ച ശാകിനീജീവിതാഹരഃ

॥ 11 ॥

ശ്ലോക 13

ബുഭൂകാരഹതാരാതിര്ഗര്വപര്വതമര്ദനഃ ।

ഹേതുസ്ത്വഹേതുഃ പ്രാംശുശ്ച വിശ്വകര്താ ജഗദ്ഗുരുഃ

॥ 12 ॥

ശ്ലോക 14

ജഗന്നാഥോ ജഗന്നേതാ ജഗദീശോ ജനേശ്വരഃ ।

ജഗത്ശ്രിതോ ഹരിഃ ശ്രീശോ ഗരുഡസ്മയഭഞ്ജകഃ

॥ 13 ॥

ശ്ലോക 15

പാര്ഥധ്വജോ വായുപുത്രഃ സിതപുച്ഛോഽമിതപ്രഭഃ ।

ബ്രഹ്മപുച്ഛഃ പരബ്രഹ്മപുച്ഛോ രാമേഷ്ടകാരകഃ

॥ 14 ॥

ശ്ലോക 16

സുഗ്രീവാദിയുതോ ജ്ഞാനീ വാനരോ വാനരേശ്വരഃ ।

കല്പസ്ഥായീ ചിരഞ്ജീവീ പ്രസന്നശ്ച സദാശിവഃ

॥ 15 ॥

ശ്ലോക 17

സന്മതിഃ സദ്ഗതിര്ഭുക്തിമുക്തിദഃ കീര്തിദായകഃ ।

കീര്തിഃ കീര്തിപ്രദശ്ചൈവ സമുദ്രഃ ശ്രീപ്രദഃ ശിവഃ

॥ 16 ॥

ശ്ലോക 18

ഉദധിക്രമണോ ദേവഃ സംസാരഭയനാശനഃ ।

വാലിബന്ധനകൃദ്വിശ്വജേതാ വിശ്വപ്രതിഷ്ഠിതഃ

॥ 17 ॥

ശ്ലോക 19

ലങ്കാരിഃ കാലപുരുഷോ ലങ്കേശഗൃഹഭഞ്ജനഃ ।

ഭൂതാവാസോ വാസുദേവോ വസുസ്ത്രിഭുവനേശ്വരഃ ॥

ശ്രീരാമരൂപഃ കൃഷ്ണസ്തു ലങ്കാപ്രാസാദഭഞ്ജനഃ ।

കൃഷ്ണഃ കൃഷ്ണസ്തുതഃ ശാന്തഃ ശാന്തിദോ വിശ്വഭാവനഃ

॥ 18 ॥

ശ്ലോക 20

വിശ്വഭോക്താഽഥ മാരഘ്നോ ബ്രഹ്മചാരീ ജിതേന്ദ്രിയഃ ।

ഊര്ധ്വഗോ ലാങ്ഗുലീ മാലീ ലാങ്ഗൂലാഹതരാക്ഷസഃ

॥ 20 ॥

ശ്ലോക 21

സമീരതനുജോ വീരോ വീരമാരോ ജയപ്രദഃ ।

ജഗന്മങ്ഗലദഃ പുണ്യഃ പുണ്യശ്രവണകീര്തനഃ

॥ 21 ॥

ശ്ലോക 22

പുണ്യകീര്തിഃ പുണ്യഗീതിര്ജഗത്പാവനപാവനഃ ।

ദേവേശോഽമിതരോമാഽഥ രാമഭക്തവിധായകഃ

॥ 22 ॥

ശ്ലോക 23

ധ്യാതാ ധ്യേയോ ജഗത്സാക്ഷീ ചേതാ ചൈതന്യവിഗ്രഹഃ ।

ജ്ഞാനദഃ പ്രാണദഃ പ്രാണോ ജഗത്പ്രാണഃ സമീരണഃ

॥ 23 ॥

ശ്ലോക 24

വിഭീഷണപ്രിയഃ ശൂരഃ പിപ്പലാശ്രയസിദ്ധിദഃ ।

സിദ്ധഃ സിദ്ധാശ്രയഃ കാലഃ കാലഭക്ഷകപൂജിതഃ

॥ 24 ॥

ശ്ലോക 25

ലങ്കേശനിധനസ്ഥായീ ലങ്കാദാഹക ഈശ്വരഃ ।

ചന്ദ്രസൂര്യാഗ്നിനേത്രശ്ച കാലാഗ്നിഃ പ്രലയാന്തകഃ

॥ 25 ॥

ശ്ലോക 26

കപിലഃ കപിശഃ പുണ്യരാതിര്ദ്വാദശരാശിഗഃ ।

സര്വാശ്രയോഽപ്രമേയാത്മാ രേവത്യാദിനിവാരകഃ

॥ 26 ॥

ശ്ലോക 27

ലക്ഷ്മണപ്രാണദാതാ ച സീതാജീവനഹേതുകഃ ।

രാമധ്യായീ ഹൃഷീകേശോ വിഷ്ണുഭക്തോ ജടീ ബലീ

॥ 27 ॥

ശ്ലോക 28

ദേവാരിദര്പഹാ ഹോതാ ധാതാ കര്താ ജഗത്പ്രഭുഃ ।

നഗരഗ്രാമപാലശ്ച ശുദ്ധോ ബുദ്ധോ നിരന്തരഃ

॥ 28 ॥

ശ്ലോക 29

നിരഞ്ജനോ നിര്വികല്പോ ഗുണാതീതോ ഭയങ്കരഃ ।

ഹനുമാംശ്ച ദുരാരാധ്യസ്തപഃസാധ്യോ മഹേശ്വരഃ

॥ 29 ॥

ശ്ലോക 30

ജാനകീഘനശോകോത്ഥതാപഹര്താ പരാശരഃ ।

വാങ്മയഃ സദസദ്രൂപഃ കാരണം പ്രകൃതേഃ പരഃ

॥ 30 ॥

ശ്ലോക 31

ഭാഗ്യദോ നിര്മലോ നേതാ പുച്ഛലങ്കാവിദാഹകഃ ।

പുച്ഛബദ്ധോ യാതുധാനോ യാതുധാനരിപുപ്രിയഃ

॥ 31 ॥

ശ്ലോക 32

ഛായാപഹാരീ ഭൂതേശോ ലോകേശഃ സദ്ഗതിപ്രദഃ ।

പ്ലവങ്ഗമേശ്വരഃ ക്രോധഃ ക്രോധസംരക്തലോചനഃ

॥ 32 ॥

ശ്ലോക 33

ക്രോധഹര്താ താപഹര്താ ഭക്താഭയവരപ്രദഃ ।

ഭക്താനുകമ്പീ വിശ്വേശഃ പുരുഹൂതഃ പുരന്ദരഃ

॥ 33 ॥

ശ്ലോക 34

അഗ്നിര്വിഭാവസുര്ഭാസ്വാന് യമോ നിരൃതിരേവ ച ।

വരുണോ വായുഗതിമാന് വായുഃ കുബേര ഈശ്വരഃ

॥ 34 ॥

ശ്ലോക 35

രവിശ്ചന്ദ്രഃ കുജഃ സൌമ്യോ ഗുരുഃ കാവ്യഃ ശനൈശ്ചരഃ ।

രാഹുഃ കേതുര്മരുദ്ദാതാ ധാതാ ഹര്താ സമീരജഃ

॥ 35 ॥

ശ്ലോക 36

മശകീകൃതദേവാരിര്ദൈത്യാരിര്മധുസൂദനഃ ।

കാമഃ കപിഃ കാമപാലഃ കപിലോ വിശ്വജീവനഃ

॥ 36 ॥

ശ്ലോക 37

ഭാഗീരഥീപദാമ്ഭോജഃ സേതുബന്ധവിശാരദഃ ।

സ്വാഹാ സ്വധാ ഹവിഃ കവ്യം ഹവ്യവാഹഃ പ്രകാശകഃ

॥ 37 ॥

ശ്ലോക 38

സ്വപ്രകാശോ മഹാവീരോ മധുരോഽമിതവിക്രമഃ ।

ഉഡ്ഡീനോഡ്ഡീനഗതിമാന് സദ്ഗതിഃ പുരുഷോത്തമഃ

॥ 38 ॥

ശ്ലോക 39

ജഗദാത്മാ ജഗദ്യോനിര്ജഗദന്തോ ഹ്യനന്തരഃ ।

വിപാപ്മാ നിഷ്കലങ്കോഽഥ മഹാന് മഹദഹങ്കൃതിഃ

॥ 39 ॥

ശ്ലോക 40

ഖം വായുഃ പൃഥിവീ ചാപോ വഹ്നിര്ദിക് കാല ഏകലഃ ।

ക്ഷേത്രജ്ഞഃ ക്ഷേത്രപാലശ്ച പല്വലീകൃതസാഗരഃ

॥ 40 ॥

ശ്ലോക 41

ഹിരണ്മയഃ പുരാണശ്ച ഖേചരോ ഭൂചരോ മനുഃ ।

ഹിരണ്യഗര്ഭഃ സൂത്രാത്മാ രാജരാജോ വിശാം പതിഃ

॥ 41 ॥

ശ്ലോക 42

വേദാന്തവേദ്യ ഉദ്ഗീഥോ വേദാങ്ഗോ വേദപാരഗഃ ।

പ്രതിഗ്രാമസ്ഥിതഃ സദ്യഃ സ്ഫൂര്തിദാതാ ഗുണാകരഃ

॥ 42 ॥

ശ്ലോക 43

നക്ഷത്രമാലീ ഭൂതാത്മാ സുരഭിഃ കല്പപാദപഃ ।

ചിന്താമണിര്ഗുണനിധിഃ പ്രജാദ്വാരമനുത്തമഃ

॥ 43 ॥

ശ്ലോക 44

പുണ്യശ്ലോകഃ പുരാരാതിഃ മതിമാന് ശര്വരീപതിഃ ।

കില്കിലാരാവസന്ത്രസ്തഭൂതപ്രേതപിശാചകഃ

॥ 44 ॥

ശ്ലോക 45

ഋണത്രയഹരഃ സൂക്ഷ്മഃ സ്ഥൂലഃ സര്വഗതിഃ പുമാന് ।

അപസ്മാരഹരഃ സ്മര്താ ശ്രുതിര്ഗാഥാ സ്മൃതിര്മനുഃ

॥ 45 ॥

ശ്ലോക 46

സ്വര്ഗദ്വാരം പ്രജാദ്വാരം മോക്ഷദ്വാരം യതീശ്വരഃ ।

നാദരൂപം പരം ബ്രഹ്മ ബ്രഹ്മ ബ്രഹ്മപുരാതനഃ

॥ 46 ॥

ശ്ലോക 47

ഏകോഽനേകോ ജനഃ ശുക്ലഃ സ്വയഞ്ജ്യോതിരനാകുലഃ ।

ജ്യോതിര്ജ്യോതിരനാദിശ്ച സാത്ത്വികോ രാജസസ്തമഃ

॥ 47 ॥

ശ്ലോക 48

തമോഹര്താ നിരാലമ്ബോ നിരാകാരോ ഗുണാകരഃ ।

ഗുണാശ്രയോ ഗുണമയോ ബൃഹത്കായോ ബൃഹദ്യശാഃ ॥

ബൃഹദ്ധനുര്ബൃഹത്പാദോ ബൃഹന്മൂര്ധാ ബൃഹത്സ്വനഃ ।

ബൃഹത്കര്ണോ ബൃഹന്നാസോ ബൃഹദ്ബാഹുര്ബൃഹത്തനുഃ

॥ 48 ॥

ശ്ലോക 49

ബൃഹദ്ഗലോ ബൃഹത്കായോ ബൃഹത്പുച്ഛോ ബൃഹത്കരഃ ।

ബൃഹദ്ഗതിര്ബൃഹത്സേവോ ബൃഹല്ലോകഫലപ്രദഃ

॥ 50 ॥

ശ്ലോക 50

ബൃഹദ്ഭക്തിര്ബൃഹദ്വാഞ്ഛാഫലദോ ബൃഹദീശ്വരഃ ।

ബൃഹല്ലോകനുതോ ദ്രഷ്ടാ വിദ്യാദാതാ ജഗദ്ഗുരുഃ

॥ 51 ॥

ശ്ലോക 51

ദേവാചാര്യഃ സത്യവാദീ ബ്രഹ്മവാദീ കലാധരഃ ।

സപ്തപാതാലഗാമീ ച മലയാചലസംശ്രയഃ

॥ 52 ॥

ശ്ലോക 52

ഉത്തരാശാസ്ഥിതഃ ശ്രീശോ ദിവ്യൌഷധിവശഃ ഖഗഃ ।

ശാഖാമൃഗഃ കപീന്ദ്രോഽഥ പുരാണഃ പ്രാണചഞ്ചുരഃ

॥ 53 ॥

ശ്ലോക 53

ചതുരോ ബ്രാഹ്മണോ യോഗീ യോഗിഗമ്യഃ പരോഽവരഃ ।

അനാദിനിധനോ വ്യാസോ വൈകുണ്ഠഃ പൃഥിവീപതിഃ

॥ 54 ॥

ശ്ലോക 54

അപരാജിതോ ജിതാരാതിഃ സദാനന്ദദ ഈശിതാ ।

ഗോപാലോ ഗോപതിര്യോദ്ധാ കലിഃ സ്ഫാലഃ പരാത്പരഃ

॥ 55 ॥

ശ്ലോക 55

മനോവേഗീ സദായോഗീ സംസാരഭയനാശനഃ ।

തത്ത്വദാതാഽഥ തത്ത്വജ്ഞസ്തത്ത്വം തത്ത്വപ്രകാശകഃ

॥ 56 ॥

ശ്ലോക 56

ശുദ്ധോ ബുദ്ധോ നിത്യയുക്തോ ഭക്താകാരോ ജഗദ്രഥഃ ।

പ്രലയോഽമിതമായശ്ച മായാതീതോ വിമത്സരഃ

॥ 57 ॥

ശ്ലോക 57

മായാനിര്ജിതരക്ഷാശ്ച മായാനിര്മിതവിഷ്ടപഃ ।

മായാശ്രയശ്ച നിര്ലേപോ മായാനിര്വര്തകഃ സുഖീ ॥

സുഖീ സുഖപ്രദോ നാഗോ മഹേശകൃതസംസ്തവഃ ।

മഹേശ്വരഃ സത്യസന്ധഃ ശരഭഃ കലിപാവനഃ

॥ 58 ॥

ശ്ലോക 58

രസോ രസജ്ഞഃ സന്മാനോ രൂപം ചക്ഷുഃ ശ്രുതീ രവഃ ।

ഘ്രാണം ഗന്ധഃ സ്പര്ശനം ച സ്പര്ശോ ഹിങ്കാരമാനഗഃ

॥ 60 ॥

ശ്ലോക 59

നേതി നേതീതി ഗമ്യശ്ച വൈകുണ്ഠഭജനപ്രിയഃ ।

ഗിരിശോ ഗിരിജാകാന്തോ ദുര്വാസാഃ കവിരങ്ഗിരാഃ

॥ 61 ॥

ശ്ലോക 60

ഭൃഗുര്വസിഷ്ഠശ്ച്യവനോ നാരദസ്തുമ്ബുരുര്ഹരഃ ।

വിശ്വക്ഷേത്രം വിശ്വബീജം വിശ്വനേത്രം ച വിശ്വപഃ

॥ 62 ॥

ശ്ലോക 61

യാജകോ യജമാനശ്ച പാവകഃ പിതരസ്തഥാ ।

ശ്രദ്ധാ ബുദ്ധിഃ ക്ഷമാ തന്ദ്രാ മന്ത്രോ മന്ത്രയിതാ സുരഃ

॥ 63 ॥

ശ്ലോക 62

രാജേന്ദ്രോ ഭൂപതീ രൂഢോ മാലീ സംസാരസാരഥിഃ ।

നിത്യഃ സമ്പൂര്ണകാമശ്ച ഭക്തകാമധുഗുത്തമഃ

॥ 64 ॥

ശ്ലോക 63

ഗണപഃ കേശവോ ഭ്രാതാ പിതാ മാതാഽഥ മാരുതിഃ ।

സഹസ്രമൂര്ധാ സഹസ്രാസ്യഃ സഹസ്രാക്ഷഃ സഹസ്രപാത്

॥ 65 ॥

ശ്ലോക 64

കാമജിത് കാമദഹനഃ കാമഃ കാമ്യഫലപ്രദഃ ।

മുദ്രോപഹാരീ രക്ഷോഘ്നഃ ക്ഷിതിഭാരഹരോ ബലഃ

॥ 66 ॥

ശ്ലോക 65

നഖദംഷ്ട്രായുധോ വിഷ്ണുഭക്തോ ഭക്താഭയപ്രദഃ ।

ദര്പഹാ ദര്പദോ ദംഷ്ട്രാശതമൂര്തിരമൂര്തിമാന്

॥ 67 ॥

ശ്ലോക 66

മഹാനിധിര്മഹാഭാഗോ മഹാഭര്ഗോ മഹര്ധിദഃ ।

മഹാകാരോ മഹായോഗീ മഹാതേജാ മഹാദ്യുതിഃ ॥

മഹാകര്മാ മഹാനാദോ മഹാമന്ത്രോ മഹാമതിഃ ।

മഹാശമോ മഹോദാരോ മഹാദേവാത്മകോ വിഭുഃ

॥ 68 ॥

ശ്ലോക 67

രുദ്രകര്മാ ക്രൂരകര്മാ രത്നനാഭഃ കൃതാഗമഃ ।

അമ്ഭോധിലങ്ഘനഃ സിദ്ധഃ സത്യധര്മാ പ്രമോദനഃ

॥ 70 ॥

ശ്ലോക 68

ജിതാമിത്രോ ജയഃ സോമോ വിജയോ വായുവാഹനഃ ।

ജീവോ ധാതാ സഹസ്രാംശുര്മുകുന്ദോ ഭൂരിദക്ഷിണഃ

॥ 71 ॥

ശ്ലോക 69

സിദ്ധാര്ഥഃ സിദ്ധിദഃ സിദ്ധഃ സങ്കല്പഃ സിദ്ധിഹേതുകഃ ।

സപ്തപാതാലചരണഃ സപ്തര്ഷിഗണവന്ദിതഃ

॥ 72 ॥

ശ്ലോക 70

സപ്താബ്ധിലങ്ഘനോ വീരഃ സപ്തദ്വീപോരുമണ്ഡലഃ ।

സപ്താങ്ഗരാജ്യസുഖദഃ സപ്തമാതൃനിഷേവിതഃ

॥ 73 ॥

ശ്ലോക 71

സപ്തലോകൈകമകുടഃ സപ്തഹോത്രഃ സ്വരാശ്രയഃ ।

സപ്തസാമോപഗീതശ്ച സപ്തപാതാലസംശ്രയഃ

॥ 74 ॥

ശ്ലോക 72

സപ്തച്ഛന്ദോനിധിഃ സപ്തച്ഛന്ദഃ സപ്തജനാശ്രയഃ ।

മേധാദഃ കീര്തിദഃ ശോകഹാരീ ദൌര്ഭാഗ്യനാശനഃ

॥ 75 ॥

ശ്ലോക 73

സര്വവശ്യകരോ ഗര്ഭദോഷഹാ പുത്രപൌത്രദഃ ।

പ്രതിവാദിമുഖസ്തമ്ഭോ രുഷ്ടചിത്തപ്രസാദനഃ

॥ 76 ॥

ശ്ലോക 74

പരാഭിചാരശമനോ ദുഃഖഹാ ബന്ധമോക്ഷദഃ ।

നവദ്വാരപുരാധാരോ നവദ്വാരനികേതനഃ

॥ 77 ॥

ശ്ലോക 75

നരനാരായണസ്തുത്യോ നവനാഥമഹേശ്വരഃ ।

മേഖലീ കവചീ ഖഡ്ഗീ ഭ്രാജിഷ്ണുര്ജിഷ്ണുസാരഥിഃ ॥

ബഹുയോജനവിസ്തീര്ണപുച്ഛഃ പുച്ഛഹതാസുരഃ ।

ദുഷ്ടഹന്താ നിയമിതാ പിശാചഗ്രഹശാതനഃ

॥ 78 ॥

ശ്ലോക 76

ബാലഗ്രഹവിനാശീ ച ധര്മനേതാ കൃപാകരഃ ।

ഉഗ്രകൃത്യശ്ചോഗ്രവേഗ ഉഗ്രനേത്രഃ ശതക്രതുഃ

॥ 80 ॥

ശ്ലോക 77

ശതമന്യുസ്തുതഃ സ്തുത്യഃ സ്തുതിഃ സ്തോതാ മഹാബലഃ ।

സമഗ്രഗുണശാലീ ച വ്യഗ്രോ രക്ഷോവിനാശനഃ

॥ 81 ॥

ശ്ലോക 78

രക്ഷോഽഗ്നിദാവോ ബ്രഹ്മേശഃ ശ്രീധരോ ഭക്തവത്സലഃ ।

മേഘനാദോ മേഘരൂപോ മേഘവൃഷ്ടിനിവാരണഃ

॥ 82 ॥

ശ്ലോക 79

മേഘജീവനഹേതുശ്ച മേഘശ്യാമഃ പരാത്മകഃ ।

സമീരതനയോ ധാതാ തത്ത്വവിദ്യാവിശാരദഃ

॥ 83 ॥

ശ്ലോക 80

അമോഘോഽമോഘവൃഷ്ടിശ്ചാഭീഷ്ടദോഽനിഷ്ടനാശനഃ ।

അര്ഥോഽനര്ഥാപഹാരീ ച സമര്ഥോ രാമസേവകഃ

॥ 84 ॥

ശ്ലോക 81

അര്ഥീ ധന്യോഽസുരാരാതിഃ പുണ്ഡരീകാക്ഷ ആത്മഭൂഃ ।

സങ്കര്ഷണോ വിശുദ്ധാത്മാ വിദ്യാരാശിഃ സുരേശ്വരഃ

॥ 85 ॥

ശ്ലോക 82

അചലോദ്ധാരകോ നിത്യഃ സേതുകൃദ്രാമസാരഥിഃ ।

ആനന്ദഃ പരമാനന്ദോ മത്സ്യഃ കൂര്മോ നിധിഃ ശയഃ

॥ 86 ॥

ശ്ലോക 83

വരാഹോ നാരസിംഹശ്ച വാമനോ ജമദഗ്നിജഃ ।

രാമഃ കൃഷ്ണഃ ശിവോ ബുദ്ധഃ കല്കീ രാമാശ്രയോ ഹരിഃ

॥ 87 ॥

ശ്ലോക 84

നന്ദീ ഭൃങ്ഗീ ച ചണ്ഡീ ച ഗണേശോ ഗണസേവിതഃ ।

കര്മാധ്യക്ഷഃ സുരാരാമോ വിശ്രാമോ ജഗതീപതിഃ ॥

ജഗന്നാഥഃ കപീശശ്ച സര്വാവാസഃ സദാശ്രയഃ ।

സുഗ്രീവാദിസ്തുതോ ദാന്തഃ സര്വകര്മാ പ്ലവങ്ഗമഃ

॥ 88 ॥

ശ്ലോക 85

നഖദാരിതരക്ഷശ്ച നഖയുദ്ധവിശാരദഃ ।

കുശലഃ സുധനഃ ശേഷോ വാസുകിസ്തക്ഷകസ്തഥാ

॥ 90 ॥

ശ്ലോക 86

സ്വര്ണവര്ണോ ബലാഢ്യശ്ച പുരുജേതാഽഘനാശനഃ ।

കൈവല്യദീപഃ കൈവല്യോ ഗരുഡഃ പന്നഗോ ഗുരുഃ

॥ 91 ॥

ശ്ലോക 87

ക്ലീക്ലീരാവഹതാരാതിഗര്വഃ പര്വതഭേദനഃ ।

വജ്രാങ്ഗോ വജ്രവക്ത്രശ്ച ഭക്തവജ്രനിവാരകഃ

॥ 92 ॥

ശ്ലോക 88

നഖായുധോ മണിഗ്രീവോ ജ്വാലാമാലീ ച ഭാസ്കരഃ ।

പ്രൌഢപ്രതാപസ്തപനോ ഭക്തതാപനിവാരകഃ

॥ 93 ॥

ശ്ലോക 89

ശരണം ജീവനം ഭോക്താ നാനാചേഷ്ടോഽഥ ചഞ്ചലഃ ।

സ്വസ്ഥസ്ത്വസ്വാസ്ഥ്യഹാ ദുഃഖശാതനഃ പവനാത്മജഃ

॥ 94 ॥

ശ്ലോക 90

പവനഃ പാവനഃ കാന്തോ ഭക്താങ്ഗഃ സഹനോ ബലഃ ।

മേഘനാദരിപുര്മേഘനാദസംഹൃതരാക്ഷസഃ

॥ 95 ॥

ശ്ലോക 91

ക്ഷരോഽക്ഷരോ വിനീതാത്മാ വാനരേശഃ സതാങ്ഗതിഃ ।

ശ്രീകണ്ഠഃ ശിതികണ്ഠശ്ച സഹായഃ സഹനായകഃ

॥ 96 ॥

ശ്ലോക 92

അസ്ഥൂലസ്ത്വനണുര്ഭര്ഗോ ദേവസംസൃതിനാശനഃ ।

അധ്യാത്മവിദ്യാസാരശ്ചാപ്യധ്യാത്മകുശലഃ സുധീഃ

॥ 97 ॥

ശ്ലോക 93

അകല്മഷഃ സത്യഹേതുഃ സത്യദഃ സത്യഗോചരഃ ।

സത്യഗര്ഭഃ സത്യരൂപഃ സത്യഃ സത്യപരാക്രമഃ

॥ 98 ॥

ശ്ലോക 94

അഞ്ജനാപ്രാണലിങ്ഗം ച വായുവംശോദ്ഭവഃ ശ്രുതിഃ ।

ഭദ്രരൂപോ രുദ്രരൂപഃ സുരൂപശ്ചിത്രരൂപധൃക്

॥ 99 ॥

ശ്ലോക 95

മൈനാകവന്ദിതഃ സൂക്ഷ്മദര്ശനോ വിജയോ ജയഃ ।

ക്രാന്തദിങ്മണ്ഡലോ രുദ്രഃ പ്രകടീകൃതവിക്രമഃ

॥ 100 ॥

ശ്ലോക 96

കമ്ബുകണ്ഠഃ പ്രസന്നാത്മാ ഹ്രസ്വനാസോ വൃകോദരഃ ।

ലമ്ബോഷ്ഠഃ കുണ്ഡലീ ചിത്രമാലീ യോഗവിദാം വരഃ

॥ 101 ॥

ശ്ലോക 97

വിപശ്ചിത് കവിരാനന്ദവിഗ്രഹോഽനല്പനാശനഃ ।

ഫാല്ഗുനീസൂനുരവ്യഗ്രോ യോഗാത്മാ യോഗതത്പരഃ

॥ 102 ॥

ശ്ലോക 98

യോഗവിദ്യോഗകര്താ ച യോഗയോനിര്ദിഗമ്ബരഃ ।

അകാരാദിക്ഷകാരാന്തവര്ണനിര്മിതവിഗ്രഹഃ

॥ 103 ॥

ശ്ലോക 99

ഉലൂഖലമുഖഃ സിദ്ധസംസ്തുതഃ പരമേശ്വരഃ ।

ശ്ലിഷ്ടജങ്ഘഃ ശ്ലിഷ്ടജാനുഃ ശ്ലിഷ്ടപാണിഃ ശിഖാധരഃ

॥ 104 ॥

ശ്ലോക 100

സുശര്മാഽമിതധര്മാ ച നാരായണപരായണഃ ।

ജിഷ്ണുര്ഭവിഷ്ണൂ രോചിഷ്ണുര്ഗ്രസിഷ്ണുഃ സ്ഥാണുരേവ ച

॥ 105 ॥

ശ്ലോക 101

ഹരീ രുദ്രാനുകൃദ്വൃക്ഷകമ്പനോ ഭൂമികമ്പനഃ ।

ഗുണപ്രവാഹഃ സൂത്രാത്മാ വീതരാഗഃ സ്തുതിപ്രിയഃ

॥ 106 ॥

ശ്ലോക 102

നാഗകന്യാഭയധ്വംസീ കൃതപൂര്ണഃ കപാലഭൃത് ।

അനുകൂലോഽക്ഷയോഽപായോഽനപായോ വേദപാരഗഃ

॥ 107 ॥

ശ്ലോക 103

അക്ഷരഃ പുരുഷോ ലോകനാഥസ്ത്ര്യക്ഷഃ പ്രഭുര്ദൃഢഃ ।

അഷ്ടാങ്ഗയോഗഫലഭൂഃ സത്യസന്ധഃ പുരുഷ്ടുതഃ

॥ 108 ॥

ശ്ലോക 104

ശ്മശാനസ്ഥാനനിലയഃ പ്രേതവിദ്രാവണക്ഷമഃ ।

പഞ്ചാക്ഷരപരഃ പഞ്ചമാതൃകോ രഞ്ജനോ ധ്വജഃ

॥ 109 ॥

ശ്ലോക 105

യോഗിനീവൃന്ദവന്ദ്യശ്രീഃ ശത്രുഘ്നോഽനന്തവിക്രമഃ ।

ബ്രഹ്മചാരീന്ദ്രിയവപുര്ധൃതദണ്ഡോ ദശാത്മകഃ

॥ 110 ॥

ശ്ലോക 106

അപ്രപഞ്ചഃ സദാചാരഃ ശൂരസേനോ വിദാരകഃ ।

ബുദ്ധഃ പ്രമോദ ആനന്ദഃ സപ്തജിഹ്വപതിര്ധരഃ

॥ 111 ॥

ശ്ലോക 107

നവദ്വാരപുരാധാരഃ പ്രത്യഗ്രഃ സാമഗായനഃ ।

ഷട്ചക്രധാമാ സ്വര്ലോകഭയഹൃന്മാനദോ മദഃ

॥ 112 ॥

ശ്ലോക 108

സര്വവശ്യകരഃ ശക്തിരനന്തോഽനന്തമങ്ഗലഃ ।

അഷ്ടമൂര്തിധരോ നേതാ വിരൂപഃ സ്വരസുന്ദരഃ

॥ 113 ॥

ശ്ലോക 109

ധൂമകേതുര്മഹാകേതുഃ സത്യകേതുര്മഹാരഥഃ ।

നന്ദീപ്രിയഃ സ്വതന്ത്രശ്ച മേഖലീ ഡമരുപ്രിയഃ

॥ 114 ॥

ശ്ലോക 110

ലോഹിതാങ്ഗഃ സമിദ്വഹ്നിഃ ഷഡൃതുഃ ശര്വ ഈശ്വരഃ ।

ഫലഭുക് ഫലഹസ്തശ്ച സര്വകര്മഫലപ്രദഃ

॥ 115 ॥

ശ്ലോക 111

ധര്മാധ്യക്ഷോ ധര്മഫലോ ധര്മോ ധര്മപ്രദോഽര്ഥദഃ ।

പഞ്ചവിംശതിതത്ത്വജ്ഞസ്താരകോ ബ്രഹ്മതത്പരഃ

॥ 116 ॥

ശ്ലോക 112

ത്രിമാര്ഗവസതിര്ഭീമഃ സര്വദുഷ്ടനിബര്ഹണഃ ।

ഊര്ജഃസ്വാമീ ജലസ്വാമീ ശൂലീ മാലീ നിശാകരഃ

॥ 117 ॥

ശ്ലോക 113

രക്താമ്ബരധരോ രക്തോ രക്തമാല്യവിഭൂഷണഃ ।

വനമാലീ ശുഭാങ്ഗശ്ച ശ്വേതഃ ശ്വേതാമ്ബരോ യുവാ

॥ 118 ॥

ശ്ലോക 114

ജയോഽജേയപരീവാരഃ സഹസ്രവദനഃ കവിഃ ।

ശാകിനീഡാകിനീയക്ഷരക്ഷോഭൂതപ്രഭഞ്ജനഃ

॥ 119 ॥

ശ്ലോക 115

സദ്യോജാതഃ കാമഗതിര്ജ്ഞാനമൂര്തിര്യശസ്കരഃ ।

ശമ്ഭുതേജാഃ സാര്വഭൌമോ വിഷ്ണുഭക്തഃ പ്ലവങ്ഗമഃ

॥ 120 ॥

ശ്ലോക 116

ചതുര്ണവതിമന്ത്രജ്ഞഃ പൌലസ്ത്യബലദര്പഹാ ।

സര്വലക്ഷ്മീപ്രദഃ ശ്രീമാനങ്ഗദപ്രിയവര്ധനഃ

॥ 121 ॥

ശ്ലോക 117

സ്മൃതിബീജം സുരേശാനഃ സംസാരഭയനാശനഃ ।

ഉത്തമഃ ശ്രീപരീവാരഃ ശ്രീഭൂരുഗ്രശ്ച കാമധുക്

॥ 122 ॥

ശ്ലോക 118

സദാഗതിര്മാതരിശ്വാ രാമപാദാബ്ജഷട്പദഃ ।

നീലപ്രിയോ നീലവര്ണോ നീലവര്ണപ്രിയഃ സുഹൃത്

॥ 123 ॥

ശ്ലോക 119

രാമദൂതോ ലോകബന്ധുരന്തരാത്മാ മനോരമഃ ।

ശ്രീരാമധ്യാനകൃദ്വീരഃ സദാ കിമ്പുരുഷസ്തുതഃ

॥ 124 ॥

ശ്ലോക 120

രാമകാര്യാന്തരങ്ഗശ്ച ശുദ്ധിര്ഗതിരനാമയഃ ।

പുണ്യശ്ലോകഃ പരാനന്ദഃ പരേശപ്രിയസാരഥിഃ

॥ 125 ॥

ശ്ലോക 121

ലോകസ്വാമീ മുക്തിദാതാ സര്വകാരണകാരണഃ ।

മഹാബലോ മഹാവീരഃ പാരാവാരഗതിര്ഗുരുഃ

॥ 126 ॥

ശ്ലോക 122

താരകോ ഭഗവാംസ്ത്രാതാ സ്വസ്തിദാതാ സുമങ്ഗലഃ ।

സമസ്തലോകസാക്ഷീ ച സമസ്തസുരവന്ദിതഃ ।

സീതാസമേതശ്രീരാമപാദസേവാധുരന്ധരഃ

॥ 127 ॥

ശ്ലോക 123

ഇദം നാമസഹസ്രം തു യോഽധീതേ പ്രത്യഹം നരഃ ।

ദുഃഖൌഘോ നശ്യതേ ക്ഷിപ്രം സമ്പത്തിര്വര്ധതേ ചിരമ് ।

വശ്യം ചതുര്വിധം തസ്യ ഭവത്യേവ ന സംശയഃ

॥ 128 ॥

ശ്ലോക 124

രാജാനോ രാജപുത്രാശ്ച രാജകീയാശ്ച മന്ത്രിണഃ ।

ത്രികാലം പഠനാദസ്യ ദൃശ്യന്തേ ച ത്രിപക്ഷതഃ

॥ 129 ॥

ശ്ലോക 125

അശ്വത്ഥമൂലേ ജപതാം നാസ്തി വൈരികൃതം ഭയമ് ।

ത്രികാലപഠനാദസ്യ സിദ്ധിഃ സ്യാത് കരസംസ്ഥിതാ

॥ 130 ॥

ശ്ലോക 126

ബ്രാഹ്മേ മുഹൂര്തേ ചോത്ഥായ പ്രത്യഹം യഃ പഠേന്നരഃ ।

ഐഹികാമുഷ്മികാന് സോഽപി ലഭതേ നാത്ര സംശയഃ

॥ 131 ॥

ശ്ലോക 127

സങ്ഗ്രാമേ സന്നിവിഷ്ടാനാം വൈരിവിദ്രാവണം ഭവേത് ।

ജ്വരാപസ്മാരശമനം ഗുല്മാദിവ്യാധിവാരണമ്

॥ 132 ॥

ശ്ലോക 128

സാമ്രാജ്യസുഖസമ്പത്തിദായകം ജപതാം നൃണാമ് ।

യ ഇദം പഠതേ നിത്യം പാഠയേദ്വാ സമാഹിതഃ ।

സര്വാന് കാമാനവാപ്നോതി വായുപുത്രപ്രസാദതഃ

॥ 133 ॥

ശ്ലോക 129

ഇതി ശ്രീആഞ്ജനേയ സഹസ്രനാമ സ്തോത്രമ് ।