Anjaneya Sahasra Namam

आञ्जनेय सहस्र नामम्

श्लोक 1

ॐ अस्य श्रीहनुमत्सहस्रनामस्तोत्र मन्त्रस्य श्रीरामचन्द्रृषिः अनुष्टुप्छन्दः श्रीहनुमान्महारुद्रो देवता ह्रीं श्रीं ह्रौं ह्रां बीजं श्रीं इति शक्तिः किलिकिल बुबु कारेण इति कीलकं लङ्काविध्वंसनेति कवचं मम सर्वोपद्रवशान्त्यर्थे मम सर्वकार्यसिद्ध्यर्थे जपे विनियोगः ।

ध्यानम्

प्रतप्तस्वर्णवर्णाभं संरक्तारुणलोचनम् ।

सुग्रीवादियुतं ध्यायेत् पीताम्बरसमावृतम् ॥

गोष्पदीकृतवाराशिं पुच्छमस्तकमीश्वरम् ।

ज्ञानमुद्रां च बिभ्राणं सर्वालङ्कारभूषितम् ॥

वामहस्तसमाकृष्टदशास्याननमण्डलम् ।

उद्यद्दक्षिणदोर्दण्डं हनूमन्तं विचिन्तयेत् ॥

स्तोत्रम्

हनूमान् श्रीप्रदो वायुपुत्रो रुद्रो नयोऽजरः ।

अमृत्युर्वीरवीरश्च ग्रामवासो जनाश्रयः

श्लोक 2

धनदो निर्गुणाकारो वीरो निधिपतिर्मुनिः ।

पिङ्गाक्षो वरदो वाग्मी सीताशोकविनाशनः

॥ 1 ॥

श्लोक 3

शिवः शर्वः परोऽव्यक्तो व्यक्ताव्यक्तो धराधरः ।

पिङ्गकेशः पिङ्गरोमा श्रुतिगम्यः सनातनः

॥ 2 ॥

श्लोक 4

अनादिर्भगवान् दिव्यो विश्वहेतुर्नराश्रयः ।

आरोग्यकर्ता विश्वेशो विश्वनाथो हरीश्वरः

॥ 3 ॥

श्लोक 5

भर्गो रामो रामभक्तः कल्याणप्रकृतीश्वरः ।

विश्वम्भरो विश्वमूर्तिर्विश्वाकारोऽथ विश्वपः

॥ 4 ॥

श्लोक 6

विश्वात्मा विश्वसेव्योऽथ विश्वो विश्वधरो रविः ।

विश्वचेष्टो विश्वगम्यो विश्वध्येयः कलाधरः

॥ 5 ॥

श्लोक 7

प्लवङ्गमः कपिश्रेष्ठो ज्येष्ठो वेद्यो वनेचरः ।

बालो वृद्धो युवा तत्त्वं तत्त्वगम्यः सखा ह्यजः

॥ 6 ॥

श्लोक 8

अञ्जनासूनुरव्यग्रो ग्रामस्यान्तो धराधरः ।

भूर्भुवःस्वर्महर्लोको जनोलोकस्तपोऽव्ययः

॥ 7 ॥

श्लोक 9

सत्यमोङ्कारगम्यश्च प्रणवो व्यापकोऽमलः ।

शिवधर्मप्रतिष्ठाता रामेष्टः फल्गुनप्रियः

॥ 8 ॥

श्लोक 10

गोष्पदीकृतवारीशः पूर्णकामो धरापतिः ।

रक्षोघ्नः पुण्डरीकाक्षः शरणागतवत्सलः

॥ 9 ॥

श्लोक 11

जानकीप्राणदाता च रक्षःप्राणापहारकः ।

पूर्णः सत्यः पीतवासा दिवाकरसमप्रभः

॥ 10 ॥

श्लोक 12

द्रोणहर्ता शक्तिनेता शक्तिराक्षसमारकः ।

अक्षघ्नो रामदूतश्च शाकिनीजीविताहरः

॥ 11 ॥

श्लोक 13

बुभूकारहतारातिर्गर्वपर्वतमर्दनः ।

हेतुस्त्वहेतुः प्रांशुश्च विश्वकर्ता जगद्गुरुः

॥ 12 ॥

श्लोक 14

जगन्नाथो जगन्नेता जगदीशो जनेश्वरः ।

जगत्श्रितो हरिः श्रीशो गरुडस्मयभञ्जकः

॥ 13 ॥

श्लोक 15

पार्थध्वजो वायुपुत्रः सितपुच्छोऽमितप्रभः ।

ब्रह्मपुच्छः परब्रह्मपुच्छो रामेष्टकारकः

॥ 14 ॥

श्लोक 16

सुग्रीवादियुतो ज्ञानी वानरो वानरेश्वरः ।

कल्पस्थायी चिरञ्जीवी प्रसन्नश्च सदाशिवः

॥ 15 ॥

श्लोक 17

सन्मतिः सद्गतिर्भुक्तिमुक्तिदः कीर्तिदायकः ।

कीर्तिः कीर्तिप्रदश्चैव समुद्रः श्रीप्रदः शिवः

॥ 16 ॥

श्लोक 18

उदधिक्रमणो देवः संसारभयनाशनः ।

वालिबन्धनकृद्विश्वजेता विश्वप्रतिष्ठितः

॥ 17 ॥

श्लोक 19

लङ्कारिः कालपुरुषो लङ्केशगृहभञ्जनः ।

भूतावासो वासुदेवो वसुस्त्रिभुवनेश्वरः ॥

श्रीरामरूपः कृष्णस्तु लङ्काप्रासादभञ्जनः ।

कृष्णः कृष्णस्तुतः शान्तः शान्तिदो विश्वभावनः

॥ 18 ॥

श्लोक 20

विश्वभोक्ताऽथ मारघ्नो ब्रह्मचारी जितेन्द्रियः ।

ऊर्ध्वगो लाङ्गुली माली लाङ्गूलाहतराक्षसः

॥ 20 ॥

श्लोक 21

समीरतनुजो वीरो वीरमारो जयप्रदः ।

जगन्मङ्गलदः पुण्यः पुण्यश्रवणकीर्तनः

॥ 21 ॥

श्लोक 22

पुण्यकीर्तिः पुण्यगीतिर्जगत्पावनपावनः ।

देवेशोऽमितरोमाऽथ रामभक्तविधायकः

॥ 22 ॥

श्लोक 23

ध्याता ध्येयो जगत्साक्षी चेता चैतन्यविग्रहः ।

ज्ञानदः प्राणदः प्राणो जगत्प्राणः समीरणः

॥ 23 ॥

श्लोक 24

विभीषणप्रियः शूरः पिप्पलाश्रयसिद्धिदः ।

सिद्धः सिद्धाश्रयः कालः कालभक्षकपूजितः

॥ 24 ॥

श्लोक 25

लङ्केशनिधनस्थायी लङ्कादाहक ईश्वरः ।

चन्द्रसूर्याग्निनेत्रश्च कालाग्निः प्रलयान्तकः

॥ 25 ॥

श्लोक 26

कपिलः कपिशः पुण्यरातिर्द्वादशराशिगः ।

सर्वाश्रयोऽप्रमेयात्मा रेवत्यादिनिवारकः

॥ 26 ॥

श्लोक 27

लक्ष्मणप्राणदाता च सीताजीवनहेतुकः ।

रामध्यायी हृषीकेशो विष्णुभक्तो जटी बली

॥ 27 ॥

श्लोक 28

देवारिदर्पहा होता धाता कर्ता जगत्प्रभुः ।

नगरग्रामपालश्च शुद्धो बुद्धो निरन्तरः

॥ 28 ॥

श्लोक 29

निरञ्जनो निर्विकल्पो गुणातीतो भयङ्करः ।

हनुमांश्च दुराराध्यस्तपःसाध्यो महेश्वरः

॥ 29 ॥

श्लोक 30

जानकीघनशोकोत्थतापहर्ता पराशरः ।

वाङ्मयः सदसद्रूपः कारणं प्रकृतेः परः

॥ 30 ॥

श्लोक 31

भाग्यदो निर्मलो नेता पुच्छलङ्काविदाहकः ।

पुच्छबद्धो यातुधानो यातुधानरिपुप्रियः

॥ 31 ॥

श्लोक 32

छायापहारी भूतेशो लोकेशः सद्गतिप्रदः ।

प्लवङ्गमेश्वरः क्रोधः क्रोधसंरक्तलोचनः

॥ 32 ॥

श्लोक 33

क्रोधहर्ता तापहर्ता भक्ताभयवरप्रदः ।

भक्तानुकम्पी विश्वेशः पुरुहूतः पुरन्दरः

॥ 33 ॥

श्लोक 34

अग्निर्विभावसुर्भास्वान् यमो निरृतिरेव च ।

वरुणो वायुगतिमान् वायुः कुबेर ईश्वरः

॥ 34 ॥

श्लोक 35

रविश्चन्द्रः कुजः सौम्यो गुरुः काव्यः शनैश्चरः ।

राहुः केतुर्मरुद्दाता धाता हर्ता समीरजः

॥ 35 ॥

श्लोक 36

मशकीकृतदेवारिर्दैत्यारिर्मधुसूदनः ।

कामः कपिः कामपालः कपिलो विश्वजीवनः

॥ 36 ॥

श्लोक 37

भागीरथीपदाम्भोजः सेतुबन्धविशारदः ।

स्वाहा स्वधा हविः कव्यं हव्यवाहः प्रकाशकः

॥ 37 ॥

श्लोक 38

स्वप्रकाशो महावीरो मधुरोऽमितविक्रमः ।

उड्डीनोड्डीनगतिमान् सद्गतिः पुरुषोत्तमः

॥ 38 ॥

श्लोक 39

जगदात्मा जगद्योनिर्जगदन्तो ह्यनन्तरः ।

विपाप्मा निष्कलङ्कोऽथ महान् महदहङ्कृतिः

॥ 39 ॥

श्लोक 40

खं वायुः पृथिवी चापो वह्निर्दिक् काल एकलः ।

क्षेत्रज्ञः क्षेत्रपालश्च पल्वलीकृतसागरः

॥ 40 ॥

श्लोक 41

हिरण्मयः पुराणश्च खेचरो भूचरो मनुः ।

हिरण्यगर्भः सूत्रात्मा राजराजो विशां पतिः

॥ 41 ॥

श्लोक 42

वेदान्तवेद्य उद्गीथो वेदाङ्गो वेदपारगः ।

प्रतिग्रामस्थितः सद्यः स्फूर्तिदाता गुणाकरः

॥ 42 ॥

श्लोक 43

नक्षत्रमाली भूतात्मा सुरभिः कल्पपादपः ।

चिन्तामणिर्गुणनिधिः प्रजाद्वारमनुत्तमः

॥ 43 ॥

श्लोक 44

पुण्यश्लोकः पुरारातिः मतिमान् शर्वरीपतिः ।

किल्किलारावसन्त्रस्तभूतप्रेतपिशाचकः

॥ 44 ॥

श्लोक 45

ऋणत्रयहरः सूक्ष्मः स्थूलः सर्वगतिः पुमान् ।

अपस्मारहरः स्मर्ता श्रुतिर्गाथा स्मृतिर्मनुः

॥ 45 ॥

श्लोक 46

स्वर्गद्वारं प्रजाद्वारं मोक्षद्वारं यतीश्वरः ।

नादरूपं परं ब्रह्म ब्रह्म ब्रह्मपुरातनः

॥ 46 ॥

श्लोक 47

एकोऽनेको जनः शुक्लः स्वयञ्ज्योतिरनाकुलः ।

ज्योतिर्ज्योतिरनादिश्च सात्त्विको राजसस्तमः

॥ 47 ॥

श्लोक 48

तमोहर्ता निरालम्बो निराकारो गुणाकरः ।

गुणाश्रयो गुणमयो बृहत्कायो बृहद्यशाः ॥

बृहद्धनुर्बृहत्पादो बृहन्मूर्धा बृहत्स्वनः ।

बृहत्कर्णो बृहन्नासो बृहद्बाहुर्बृहत्तनुः

॥ 48 ॥

श्लोक 49

बृहद्गलो बृहत्कायो बृहत्पुच्छो बृहत्करः ।

बृहद्गतिर्बृहत्सेवो बृहल्लोकफलप्रदः

॥ 50 ॥

श्लोक 50

बृहद्भक्तिर्बृहद्वाञ्छाफलदो बृहदीश्वरः ।

बृहल्लोकनुतो द्रष्टा विद्यादाता जगद्गुरुः

॥ 51 ॥

श्लोक 51

देवाचार्यः सत्यवादी ब्रह्मवादी कलाधरः ।

सप्तपातालगामी च मलयाचलसंश्रयः

॥ 52 ॥

श्लोक 52

उत्तराशास्थितः श्रीशो दिव्यौषधिवशः खगः ।

शाखामृगः कपीन्द्रोऽथ पुराणः प्राणचञ्चुरः

॥ 53 ॥

श्लोक 53

चतुरो ब्राह्मणो योगी योगिगम्यः परोऽवरः ।

अनादिनिधनो व्यासो वैकुण्ठः पृथिवीपतिः

॥ 54 ॥

श्लोक 54

अपराजितो जितारातिः सदानन्दद ईशिता ।

गोपालो गोपतिर्योद्धा कलिः स्फालः परात्परः

॥ 55 ॥

श्लोक 55

मनोवेगी सदायोगी संसारभयनाशनः ।

तत्त्वदाताऽथ तत्त्वज्ञस्तत्त्वं तत्त्वप्रकाशकः

॥ 56 ॥

श्लोक 56

शुद्धो बुद्धो नित्ययुक्तो भक्ताकारो जगद्रथः ।

प्रलयोऽमितमायश्च मायातीतो विमत्सरः

॥ 57 ॥

श्लोक 57

मायानिर्जितरक्षाश्च मायानिर्मितविष्टपः ।

मायाश्रयश्च निर्लेपो मायानिर्वर्तकः सुखी ॥

सुखी सुखप्रदो नागो महेशकृतसंस्तवः ।

महेश्वरः सत्यसन्धः शरभः कलिपावनः

॥ 58 ॥

श्लोक 58

रसो रसज्ञः सन्मानो रूपं चक्षुः श्रुती रवः ।

घ्राणं गन्धः स्पर्शनं च स्पर्शो हिङ्कारमानगः

॥ 60 ॥

श्लोक 59

नेति नेतीति गम्यश्च वैकुण्ठभजनप्रियः ।

गिरिशो गिरिजाकान्तो दुर्वासाः कविरङ्गिराः

॥ 61 ॥

श्लोक 60

भृगुर्वसिष्ठश्च्यवनो नारदस्तुम्बुरुर्हरः ।

विश्वक्षेत्रं विश्वबीजं विश्वनेत्रं च विश्वपः

॥ 62 ॥

श्लोक 61

याजको यजमानश्च पावकः पितरस्तथा ।

श्रद्धा बुद्धिः क्षमा तन्द्रा मन्त्रो मन्त्रयिता सुरः

॥ 63 ॥

श्लोक 62

राजेन्द्रो भूपती रूढो माली संसारसारथिः ।

नित्यः सम्पूर्णकामश्च भक्तकामधुगुत्तमः

॥ 64 ॥

श्लोक 63

गणपः केशवो भ्राता पिता माताऽथ मारुतिः ।

सहस्रमूर्धा सहस्रास्यः सहस्राक्षः सहस्रपात्

॥ 65 ॥

श्लोक 64

कामजित् कामदहनः कामः काम्यफलप्रदः ।

मुद्रोपहारी रक्षोघ्नः क्षितिभारहरो बलः

॥ 66 ॥

श्लोक 65

नखदंष्ट्रायुधो विष्णुभक्तो भक्ताभयप्रदः ।

दर्पहा दर्पदो दंष्ट्राशतमूर्तिरमूर्तिमान्

॥ 67 ॥

श्लोक 66

महानिधिर्महाभागो महाभर्गो महर्धिदः ।

महाकारो महायोगी महातेजा महाद्युतिः ॥

महाकर्मा महानादो महामन्त्रो महामतिः ।

महाशमो महोदारो महादेवात्मको विभुः

॥ 68 ॥

श्लोक 67

रुद्रकर्मा क्रूरकर्मा रत्ननाभः कृतागमः ।

अम्भोधिलङ्घनः सिद्धः सत्यधर्मा प्रमोदनः

॥ 70 ॥

श्लोक 68

जितामित्रो जयः सोमो विजयो वायुवाहनः ।

जीवो धाता सहस्रांशुर्मुकुन्दो भूरिदक्षिणः

॥ 71 ॥

श्लोक 69

सिद्धार्थः सिद्धिदः सिद्धः सङ्कल्पः सिद्धिहेतुकः ।

सप्तपातालचरणः सप्तर्षिगणवन्दितः

॥ 72 ॥

श्लोक 70

सप्ताब्धिलङ्घनो वीरः सप्तद्वीपोरुमण्डलः ।

सप्ताङ्गराज्यसुखदः सप्तमातृनिषेवितः

॥ 73 ॥

श्लोक 71

सप्तलोकैकमकुटः सप्तहोत्रः स्वराश्रयः ।

सप्तसामोपगीतश्च सप्तपातालसंश्रयः

॥ 74 ॥

श्लोक 72

सप्तच्छन्दोनिधिः सप्तच्छन्दः सप्तजनाश्रयः ।

मेधादः कीर्तिदः शोकहारी दौर्भाग्यनाशनः

॥ 75 ॥

श्लोक 73

सर्ववश्यकरो गर्भदोषहा पुत्रपौत्रदः ।

प्रतिवादिमुखस्तम्भो रुष्टचित्तप्रसादनः

॥ 76 ॥

श्लोक 74

पराभिचारशमनो दुःखहा बन्धमोक्षदः ।

नवद्वारपुराधारो नवद्वारनिकेतनः

॥ 77 ॥

श्लोक 75

नरनारायणस्तुत्यो नवनाथमहेश्वरः ।

मेखली कवची खड्गी भ्राजिष्णुर्जिष्णुसारथिः ॥

बहुयोजनविस्तीर्णपुच्छः पुच्छहतासुरः ।

दुष्टहन्ता नियमिता पिशाचग्रहशातनः

॥ 78 ॥

श्लोक 76

बालग्रहविनाशी च धर्मनेता कृपाकरः ।

उग्रकृत्यश्चोग्रवेग उग्रनेत्रः शतक्रतुः

॥ 80 ॥

श्लोक 77

शतमन्युस्तुतः स्तुत्यः स्तुतिः स्तोता महाबलः ।

समग्रगुणशाली च व्यग्रो रक्षोविनाशनः

॥ 81 ॥

श्लोक 78

रक्षोऽग्निदावो ब्रह्मेशः श्रीधरो भक्तवत्सलः ।

मेघनादो मेघरूपो मेघवृष्टिनिवारणः

॥ 82 ॥

श्लोक 79

मेघजीवनहेतुश्च मेघश्यामः परात्मकः ।

समीरतनयो धाता तत्त्वविद्याविशारदः

॥ 83 ॥

श्लोक 80

अमोघोऽमोघवृष्टिश्चाभीष्टदोऽनिष्टनाशनः ।

अर्थोऽनर्थापहारी च समर्थो रामसेवकः

॥ 84 ॥

श्लोक 81

अर्थी धन्योऽसुरारातिः पुण्डरीकाक्ष आत्मभूः ।

सङ्कर्षणो विशुद्धात्मा विद्याराशिः सुरेश्वरः

॥ 85 ॥

श्लोक 82

अचलोद्धारको नित्यः सेतुकृद्रामसारथिः ।

आनन्दः परमानन्दो मत्स्यः कूर्मो निधिः शयः

॥ 86 ॥

श्लोक 83

वराहो नारसिंहश्च वामनो जमदग्निजः ।

रामः कृष्णः शिवो बुद्धः कल्की रामाश्रयो हरिः

॥ 87 ॥

श्लोक 84

नन्दी भृङ्गी च चण्डी च गणेशो गणसेवितः ।

कर्माध्यक्षः सुरारामो विश्रामो जगतीपतिः ॥

जगन्नाथः कपीशश्च सर्वावासः सदाश्रयः ।

सुग्रीवादिस्तुतो दान्तः सर्वकर्मा प्लवङ्गमः

॥ 88 ॥

श्लोक 85

नखदारितरक्षश्च नखयुद्धविशारदः ।

कुशलः सुधनः शेषो वासुकिस्तक्षकस्तथा

॥ 90 ॥

श्लोक 86

स्वर्णवर्णो बलाढ्यश्च पुरुजेताऽघनाशनः ।

कैवल्यदीपः कैवल्यो गरुडः पन्नगो गुरुः

॥ 91 ॥

श्लोक 87

क्लीक्लीरावहतारातिगर्वः पर्वतभेदनः ।

वज्राङ्गो वज्रवक्त्रश्च भक्तवज्रनिवारकः

॥ 92 ॥

श्लोक 88

नखायुधो मणिग्रीवो ज्वालामाली च भास्करः ।

प्रौढप्रतापस्तपनो भक्ततापनिवारकः

॥ 93 ॥

श्लोक 89

शरणं जीवनं भोक्ता नानाचेष्टोऽथ चञ्चलः ।

स्वस्थस्त्वस्वास्थ्यहा दुःखशातनः पवनात्मजः

॥ 94 ॥

श्लोक 90

पवनः पावनः कान्तो भक्ताङ्गः सहनो बलः ।

मेघनादरिपुर्मेघनादसंहृतराक्षसः

॥ 95 ॥

श्लोक 91

क्षरोऽक्षरो विनीतात्मा वानरेशः सताङ्गतिः ।

श्रीकण्ठः शितिकण्ठश्च सहायः सहनायकः

॥ 96 ॥

श्लोक 92

अस्थूलस्त्वनणुर्भर्गो देवसंसृतिनाशनः ।

अध्यात्मविद्यासारश्चाप्यध्यात्मकुशलः सुधीः

॥ 97 ॥

श्लोक 93

अकल्मषः सत्यहेतुः सत्यदः सत्यगोचरः ।

सत्यगर्भः सत्यरूपः सत्यः सत्यपराक्रमः

॥ 98 ॥

श्लोक 94

अञ्जनाप्राणलिङ्गं च वायुवंशोद्भवः श्रुतिः ।

भद्ररूपो रुद्ररूपः सुरूपश्चित्ररूपधृक्

॥ 99 ॥

श्लोक 95

मैनाकवन्दितः सूक्ष्मदर्शनो विजयो जयः ।

क्रान्तदिङ्मण्डलो रुद्रः प्रकटीकृतविक्रमः

॥ 100 ॥

श्लोक 96

कम्बुकण्ठः प्रसन्नात्मा ह्रस्वनासो वृकोदरः ।

लम्बोष्ठः कुण्डली चित्रमाली योगविदां वरः

॥ 101 ॥

श्लोक 97

विपश्चित् कविरानन्दविग्रहोऽनल्पनाशनः ।

फाल्गुनीसूनुरव्यग्रो योगात्मा योगतत्परः

॥ 102 ॥

श्लोक 98

योगविद्योगकर्ता च योगयोनिर्दिगम्बरः ।

अकारादिक्षकारान्तवर्णनिर्मितविग्रहः

॥ 103 ॥

श्लोक 99

उलूखलमुखः सिद्धसंस्तुतः परमेश्वरः ।

श्लिष्टजङ्घः श्लिष्टजानुः श्लिष्टपाणिः शिखाधरः

॥ 104 ॥

श्लोक 100

सुशर्माऽमितधर्मा च नारायणपरायणः ।

जिष्णुर्भविष्णू रोचिष्णुर्ग्रसिष्णुः स्थाणुरेव च

॥ 105 ॥

श्लोक 101

हरी रुद्रानुकृद्वृक्षकम्पनो भूमिकम्पनः ।

गुणप्रवाहः सूत्रात्मा वीतरागः स्तुतिप्रियः

॥ 106 ॥

श्लोक 102

नागकन्याभयध्वंसी कृतपूर्णः कपालभृत् ।

अनुकूलोऽक्षयोऽपायोऽनपायो वेदपारगः

॥ 107 ॥

श्लोक 103

अक्षरः पुरुषो लोकनाथस्त्र्यक्षः प्रभुर्दृढः ।

अष्टाङ्गयोगफलभूः सत्यसन्धः पुरुष्टुतः

॥ 108 ॥

श्लोक 104

श्मशानस्थाननिलयः प्रेतविद्रावणक्षमः ।

पञ्चाक्षरपरः पञ्चमातृको रञ्जनो ध्वजः

॥ 109 ॥

श्लोक 105

योगिनीवृन्दवन्द्यश्रीः शत्रुघ्नोऽनन्तविक्रमः ।

ब्रह्मचारीन्द्रियवपुर्धृतदण्डो दशात्मकः

॥ 110 ॥

श्लोक 106

अप्रपञ्चः सदाचारः शूरसेनो विदारकः ।

बुद्धः प्रमोद आनन्दः सप्तजिह्वपतिर्धरः

॥ 111 ॥

श्लोक 107

नवद्वारपुराधारः प्रत्यग्रः सामगायनः ।

षट्चक्रधामा स्वर्लोकभयहृन्मानदो मदः

॥ 112 ॥

श्लोक 108

सर्ववश्यकरः शक्तिरनन्तोऽनन्तमङ्गलः ।

अष्टमूर्तिधरो नेता विरूपः स्वरसुन्दरः

॥ 113 ॥

श्लोक 109

धूमकेतुर्महाकेतुः सत्यकेतुर्महारथः ।

नन्दीप्रियः स्वतन्त्रश्च मेखली डमरुप्रियः

॥ 114 ॥

श्लोक 110

लोहिताङ्गः समिद्वह्निः षडृतुः शर्व ईश्वरः ।

फलभुक् फलहस्तश्च सर्वकर्मफलप्रदः

॥ 115 ॥

श्लोक 111

धर्माध्यक्षो धर्मफलो धर्मो धर्मप्रदोऽर्थदः ।

पञ्चविंशतितत्त्वज्ञस्तारको ब्रह्मतत्परः

॥ 116 ॥

श्लोक 112

त्रिमार्गवसतिर्भीमः सर्वदुष्टनिबर्हणः ।

ऊर्जःस्वामी जलस्वामी शूली माली निशाकरः

॥ 117 ॥

श्लोक 113

रक्ताम्बरधरो रक्तो रक्तमाल्यविभूषणः ।

वनमाली शुभाङ्गश्च श्वेतः श्वेताम्बरो युवा

॥ 118 ॥

श्लोक 114

जयोऽजेयपरीवारः सहस्रवदनः कविः ।

शाकिनीडाकिनीयक्षरक्षोभूतप्रभञ्जनः

॥ 119 ॥

श्लोक 115

सद्योजातः कामगतिर्ज्ञानमूर्तिर्यशस्करः ।

शम्भुतेजाः सार्वभौमो विष्णुभक्तः प्लवङ्गमः

॥ 120 ॥

श्लोक 116

चतुर्णवतिमन्त्रज्ञः पौलस्त्यबलदर्पहा ।

सर्वलक्ष्मीप्रदः श्रीमानङ्गदप्रियवर्धनः

॥ 121 ॥

श्लोक 117

स्मृतिबीजं सुरेशानः संसारभयनाशनः ।

उत्तमः श्रीपरीवारः श्रीभूरुग्रश्च कामधुक्

॥ 122 ॥

श्लोक 118

सदागतिर्मातरिश्वा रामपादाब्जषट्पदः ।

नीलप्रियो नीलवर्णो नीलवर्णप्रियः सुहृत्

॥ 123 ॥

श्लोक 119

रामदूतो लोकबन्धुरन्तरात्मा मनोरमः ।

श्रीरामध्यानकृद्वीरः सदा किम्पुरुषस्तुतः

॥ 124 ॥

श्लोक 120

रामकार्यान्तरङ्गश्च शुद्धिर्गतिरनामयः ।

पुण्यश्लोकः परानन्दः परेशप्रियसारथिः

॥ 125 ॥

श्लोक 121

लोकस्वामी मुक्तिदाता सर्वकारणकारणः ।

महाबलो महावीरः पारावारगतिर्गुरुः

॥ 126 ॥

श्लोक 122

तारको भगवांस्त्राता स्वस्तिदाता सुमङ्गलः ।

समस्तलोकसाक्षी च समस्तसुरवन्दितः ।

सीतासमेतश्रीरामपादसेवाधुरन्धरः

॥ 127 ॥

श्लोक 123

इदं नामसहस्रं तु योऽधीते प्रत्यहं नरः ।

दुःखौघो नश्यते क्षिप्रं सम्पत्तिर्वर्धते चिरम् ।

वश्यं चतुर्विधं तस्य भवत्येव न संशयः

॥ 128 ॥

श्लोक 124

राजानो राजपुत्राश्च राजकीयाश्च मन्त्रिणः ।

त्रिकालं पठनादस्य दृश्यन्ते च त्रिपक्षतः

॥ 129 ॥

श्लोक 125

अश्वत्थमूले जपतां नास्ति वैरिकृतं भयम् ।

त्रिकालपठनादस्य सिद्धिः स्यात् करसंस्थिता

॥ 130 ॥

श्लोक 126

ब्राह्मे मुहूर्ते चोत्थाय प्रत्यहं यः पठेन्नरः ।

ऐहिकामुष्मिकान् सोऽपि लभते नात्र संशयः

॥ 131 ॥

श्लोक 127

सङ्ग्रामे सन्निविष्टानां वैरिविद्रावणं भवेत् ।

ज्वरापस्मारशमनं गुल्मादिव्याधिवारणम्

॥ 132 ॥

श्लोक 128

साम्राज्यसुखसम्पत्तिदायकं जपतां नृणाम् ।

य इदं पठते नित्यं पाठयेद्वा समाहितः ।

सर्वान् कामानवाप्नोति वायुपुत्रप्रसादतः

॥ 133 ॥

श्लोक 129

इति श्रीआञ्जनेय सहस्रनाम स्तोत्रम् ।