આઞ્જનેય સહસ્ર નામમ્

આઞ્જનેય સહસ્ર નામમ્

શ્લોક 1

ૐ અસ્ય શ્રીહનુમત્સહસ્રનામસ્તોત્ર મન્ત્રસ્ય શ્રીરામચન્દ્રૃષિઃ અનુષ્ટુપ્છન્દઃ શ્રીહનુમાન્મહારુદ્રો દેવતા હ્રીં શ્રીં હ્રૌં હ્રાં બીજં શ્રીં ઇતિ શક્તિઃ કિલિકિલ બુબુ કારેણ ઇતિ કીલકં લઙ્કાવિધ્વંસનેતિ કવચં મમ સર્વોપદ્રવશાન્ત્યર્થે મમ સર્વકાર્યસિદ્ધ્યર્થે જપે વિનિયોગઃ ।

ધ્યાનમ્

પ્રતપ્તસ્વર્ણવર્ણાભં સંરક્તારુણલોચનમ્ ।

સુગ્રીવાદિયુતં ધ્યાયેત્ પીતામ્બરસમાવૃતમ્ ॥

ગોષ્પદીકૃતવારાશિં પુચ્છમસ્તકમીશ્વરમ્ ।

જ્ઞાનમુદ્રાં ચ બિભ્રાણં સર્વાલઙ્કારભૂષિતમ્ ॥

વામહસ્તસમાકૃષ્ટદશાસ્યાનનમણ્ડલમ્ ।

ઉદ્યદ્દક્ષિણદોર્દણ્ડં હનૂમન્તં વિચિન્તયેત્ ॥

સ્તોત્રમ્

હનૂમાન્ શ્રીપ્રદો વાયુપુત્રો રુદ્રો નયોઽજરઃ ।

અમૃત્યુર્વીરવીરશ્ચ ગ્રામવાસો જનાશ્રયઃ

શ્લોક 2

ધનદો નિર્ગુણાકારો વીરો નિધિપતિર્મુનિઃ ।

પિઙ્ગાક્ષો વરદો વાગ્મી સીતાશોકવિનાશનઃ

॥ 1 ॥

શ્લોક 3

શિવઃ શર્વઃ પરોઽવ્યક્તો વ્યક્તાવ્યક્તો ધરાધરઃ ।

પિઙ્ગકેશઃ પિઙ્ગરોમા શ્રુતિગમ્યઃ સનાતનઃ

॥ 2 ॥

શ્લોક 4

અનાદિર્ભગવાન્ દિવ્યો વિશ્વહેતુર્નરાશ્રયઃ ।

આરોગ્યકર્તા વિશ્વેશો વિશ્વનાથો હરીશ્વરઃ

॥ 3 ॥

શ્લોક 5

ભર્ગો રામો રામભક્તઃ કલ્યાણપ્રકૃતીશ્વરઃ ।

વિશ્વમ્ભરો વિશ્વમૂર્તિર્વિશ્વાકારોઽથ વિશ્વપઃ

॥ 4 ॥

શ્લોક 6

વિશ્વાત્મા વિશ્વસેવ્યોઽથ વિશ્વો વિશ્વધરો રવિઃ ।

વિશ્વચેષ્ટો વિશ્વગમ્યો વિશ્વધ્યેયઃ કલાધરઃ

॥ 5 ॥

શ્લોક 7

પ્લવઙ્ગમઃ કપિશ્રેષ્ઠો જ્યેષ્ઠો વેદ્યો વનેચરઃ ।

બાલો વૃદ્ધો યુવા તત્ત્વં તત્ત્વગમ્યઃ સખા હ્યજઃ

॥ 6 ॥

શ્લોક 8

અઞ્જનાસૂનુરવ્યગ્રો ગ્રામસ્યાન્તો ધરાધરઃ ।

ભૂર્ભુવઃસ્વર્મહર્લોકો જનોલોકસ્તપોઽવ્યયઃ

॥ 7 ॥

શ્લોક 9

સત્યમોઙ્કારગમ્યશ્ચ પ્રણવો વ્યાપકોઽમલઃ ।

શિવધર્મપ્રતિષ્ઠાતા રામેષ્ટઃ ફલ્ગુનપ્રિયઃ

॥ 8 ॥

શ્લોક 10

ગોષ્પદીકૃતવારીશઃ પૂર્ણકામો ધરાપતિઃ ।

રક્ષોઘ્નઃ પુણ્ડરીકાક્ષઃ શરણાગતવત્સલઃ

॥ 9 ॥

શ્લોક 11

જાનકીપ્રાણદાતા ચ રક્ષઃપ્રાણાપહારકઃ ।

પૂર્ણઃ સત્યઃ પીતવાસા દિવાકરસમપ્રભઃ

॥ 10 ॥

શ્લોક 12

દ્રોણહર્તા શક્તિનેતા શક્તિરાક્ષસમારકઃ ।

અક્ષઘ્નો રામદૂતશ્ચ શાકિનીજીવિતાહરઃ

॥ 11 ॥

શ્લોક 13

બુભૂકારહતારાતિર્ગર્વપર્વતમર્દનઃ ।

હેતુસ્ત્વહેતુઃ પ્રાંશુશ્ચ વિશ્વકર્તા જગદ્ગુરુઃ

॥ 12 ॥

શ્લોક 14

જગન્નાથો જગન્નેતા જગદીશો જનેશ્વરઃ ।

જગત્શ્રિતો હરિઃ શ્રીશો ગરુડસ્મયભઞ્જકઃ

॥ 13 ॥

શ્લોક 15

પાર્થધ્વજો વાયુપુત્રઃ સિતપુચ્છોઽમિતપ્રભઃ ।

બ્રહ્મપુચ્છઃ પરબ્રહ્મપુચ્છો રામેષ્ટકારકઃ

॥ 14 ॥

શ્લોક 16

સુગ્રીવાદિયુતો જ્ઞાની વાનરો વાનરેશ્વરઃ ।

કલ્પસ્થાયી ચિરઞ્જીવી પ્રસન્નશ્ચ સદાશિવઃ

॥ 15 ॥

શ્લોક 17

સન્મતિઃ સદ્ગતિર્ભુક્તિમુક્તિદઃ કીર્તિદાયકઃ ।

કીર્તિઃ કીર્તિપ્રદશ્ચૈવ સમુદ્રઃ શ્રીપ્રદઃ શિવઃ

॥ 16 ॥

શ્લોક 18

ઉદધિક્રમણો દેવઃ સંસારભયનાશનઃ ।

વાલિબન્ધનકૃદ્વિશ્વજેતા વિશ્વપ્રતિષ્ઠિતઃ

॥ 17 ॥

શ્લોક 19

લઙ્કારિઃ કાલપુરુષો લઙ્કેશગૃહભઞ્જનઃ ।

ભૂતાવાસો વાસુદેવો વસુસ્ત્રિભુવનેશ્વરઃ ॥

શ્રીરામરૂપઃ કૃષ્ણસ્તુ લઙ્કાપ્રાસાદભઞ્જનઃ ।

કૃષ્ણઃ કૃષ્ણસ્તુતઃ શાન્તઃ શાન્તિદો વિશ્વભાવનઃ

॥ 18 ॥

શ્લોક 20

વિશ્વભોક્તાઽથ મારઘ્નો બ્રહ્મચારી જિતેન્દ્રિયઃ ।

ઊર્ધ્વગો લાઙ્ગુલી માલી લાઙ્ગૂલાહતરાક્ષસઃ

॥ 20 ॥

શ્લોક 21

સમીરતનુજો વીરો વીરમારો જયપ્રદઃ ।

જગન્મઙ્ગલદઃ પુણ્યઃ પુણ્યશ્રવણકીર્તનઃ

॥ 21 ॥

શ્લોક 22

પુણ્યકીર્તિઃ પુણ્યગીતિર્જગત્પાવનપાવનઃ ।

દેવેશોઽમિતરોમાઽથ રામભક્તવિધાયકઃ

॥ 22 ॥

શ્લોક 23

ધ્યાતા ધ્યેયો જગત્સાક્ષી ચેતા ચૈતન્યવિગ્રહઃ ।

જ્ઞાનદઃ પ્રાણદઃ પ્રાણો જગત્પ્રાણઃ સમીરણઃ

॥ 23 ॥

શ્લોક 24

વિભીષણપ્રિયઃ શૂરઃ પિપ્પલાશ્રયસિદ્ધિદઃ ।

સિદ્ધઃ સિદ્ધાશ્રયઃ કાલઃ કાલભક્ષકપૂજિતઃ

॥ 24 ॥

શ્લોક 25

લઙ્કેશનિધનસ્થાયી લઙ્કાદાહક ઈશ્વરઃ ।

ચન્દ્રસૂર્યાગ્નિનેત્રશ્ચ કાલાગ્નિઃ પ્રલયાન્તકઃ

॥ 25 ॥

શ્લોક 26

કપિલઃ કપિશઃ પુણ્યરાતિર્દ્વાદશરાશિગઃ ।

સર્વાશ્રયોઽપ્રમેયાત્મા રેવત્યાદિનિવારકઃ

॥ 26 ॥

શ્લોક 27

લક્ષ્મણપ્રાણદાતા ચ સીતાજીવનહેતુકઃ ।

રામધ્યાયી હૃષીકેશો વિષ્ણુભક્તો જટી બલી

॥ 27 ॥

શ્લોક 28

દેવારિદર્પહા હોતા ધાતા કર્તા જગત્પ્રભુઃ ।

નગરગ્રામપાલશ્ચ શુદ્ધો બુદ્ધો નિરન્તરઃ

॥ 28 ॥

શ્લોક 29

નિરઞ્જનો નિર્વિકલ્પો ગુણાતીતો ભયઙ્કરઃ ।

હનુમાંશ્ચ દુરારાધ્યસ્તપઃસાધ્યો મહેશ્વરઃ

॥ 29 ॥

શ્લોક 30

જાનકીઘનશોકોત્થતાપહર્તા પરાશરઃ ।

વાઙ્મયઃ સદસદ્રૂપઃ કારણં પ્રકૃતેઃ પરઃ

॥ 30 ॥

શ્લોક 31

ભાગ્યદો નિર્મલો નેતા પુચ્છલઙ્કાવિદાહકઃ ।

પુચ્છબદ્ધો યાતુધાનો યાતુધાનરિપુપ્રિયઃ

॥ 31 ॥

શ્લોક 32

છાયાપહારી ભૂતેશો લોકેશઃ સદ્ગતિપ્રદઃ ।

પ્લવઙ્ગમેશ્વરઃ ક્રોધઃ ક્રોધસંરક્તલોચનઃ

॥ 32 ॥

શ્લોક 33

ક્રોધહર્તા તાપહર્તા ભક્તાભયવરપ્રદઃ ।

ભક્તાનુકમ્પી વિશ્વેશઃ પુરુહૂતઃ પુરન્દરઃ

॥ 33 ॥

શ્લોક 34

અગ્નિર્વિભાવસુર્ભાસ્વાન્ યમો નિરૃતિરેવ ચ ।

વરુણો વાયુગતિમાન્ વાયુઃ કુબેર ઈશ્વરઃ

॥ 34 ॥

શ્લોક 35

રવિશ્ચન્દ્રઃ કુજઃ સૌમ્યો ગુરુઃ કાવ્યઃ શનૈશ્ચરઃ ।

રાહુઃ કેતુર્મરુદ્દાતા ધાતા હર્તા સમીરજઃ

॥ 35 ॥

શ્લોક 36

મશકીકૃતદેવારિર્દૈત્યારિર્મધુસૂદનઃ ।

કામઃ કપિઃ કામપાલઃ કપિલો વિશ્વજીવનઃ

॥ 36 ॥

શ્લોક 37

ભાગીરથીપદામ્ભોજઃ સેતુબન્ધવિશારદઃ ।

સ્વાહા સ્વધા હવિઃ કવ્યં હવ્યવાહઃ પ્રકાશકઃ

॥ 37 ॥

શ્લોક 38

સ્વપ્રકાશો મહાવીરો મધુરોઽમિતવિક્રમઃ ।

ઉડ્ડીનોડ્ડીનગતિમાન્ સદ્ગતિઃ પુરુષોત્તમઃ

॥ 38 ॥

શ્લોક 39

જગદાત્મા જગદ્યોનિર્જગદન્તો હ્યનન્તરઃ ।

વિપાપ્મા નિષ્કલઙ્કોઽથ મહાન્ મહદહઙ્કૃતિઃ

॥ 39 ॥

શ્લોક 40

ખં વાયુઃ પૃથિવી ચાપો વહ્નિર્દિક્ કાલ એકલઃ ।

ક્ષેત્રજ્ઞઃ ક્ષેત્રપાલશ્ચ પલ્વલીકૃતસાગરઃ

॥ 40 ॥

શ્લોક 41

હિરણ્મયઃ પુરાણશ્ચ ખેચરો ભૂચરો મનુઃ ।

હિરણ્યગર્ભઃ સૂત્રાત્મા રાજરાજો વિશાં પતિઃ

॥ 41 ॥

શ્લોક 42

વેદાન્તવેદ્ય ઉદ્ગીથો વેદાઙ્ગો વેદપારગઃ ।

પ્રતિગ્રામસ્થિતઃ સદ્યઃ સ્ફૂર્તિદાતા ગુણાકરઃ

॥ 42 ॥

શ્લોક 43

નક્ષત્રમાલી ભૂતાત્મા સુરભિઃ કલ્પપાદપઃ ।

ચિન્તામણિર્ગુણનિધિઃ પ્રજાદ્વારમનુત્તમઃ

॥ 43 ॥

શ્લોક 44

પુણ્યશ્લોકઃ પુરારાતિઃ મતિમાન્ શર્વરીપતિઃ ।

કિલ્કિલારાવસન્ત્રસ્તભૂતપ્રેતપિશાચકઃ

॥ 44 ॥

શ્લોક 45

ઋણત્રયહરઃ સૂક્ષ્મઃ સ્થૂલઃ સર્વગતિઃ પુમાન્ ।

અપસ્મારહરઃ સ્મર્તા શ્રુતિર્ગાથા સ્મૃતિર્મનુઃ

॥ 45 ॥

શ્લોક 46

સ્વર્ગદ્વારં પ્રજાદ્વારં મોક્ષદ્વારં યતીશ્વરઃ ।

નાદરૂપં પરં બ્રહ્મ બ્રહ્મ બ્રહ્મપુરાતનઃ

॥ 46 ॥

શ્લોક 47

એકોઽનેકો જનઃ શુક્લઃ સ્વયઞ્જ્યોતિરનાકુલઃ ।

જ્યોતિર્જ્યોતિરનાદિશ્ચ સાત્ત્વિકો રાજસસ્તમઃ

॥ 47 ॥

શ્લોક 48

તમોહર્તા નિરાલમ્બો નિરાકારો ગુણાકરઃ ।

ગુણાશ્રયો ગુણમયો બૃહત્કાયો બૃહદ્યશાઃ ॥

બૃહદ્ધનુર્બૃહત્પાદો બૃહન્મૂર્ધા બૃહત્સ્વનઃ ।

બૃહત્કર્ણો બૃહન્નાસો બૃહદ્બાહુર્બૃહત્તનુઃ

॥ 48 ॥

શ્લોક 49

બૃહદ્ગલો બૃહત્કાયો બૃહત્પુચ્છો બૃહત્કરઃ ।

બૃહદ્ગતિર્બૃહત્સેવો બૃહલ્લોકફલપ્રદઃ

॥ 50 ॥

શ્લોક 50

બૃહદ્ભક્તિર્બૃહદ્વાઞ્છાફલદો બૃહદીશ્વરઃ ।

બૃહલ્લોકનુતો દ્રષ્ટા વિદ્યાદાતા જગદ્ગુરુઃ

॥ 51 ॥

શ્લોક 51

દેવાચાર્યઃ સત્યવાદી બ્રહ્મવાદી કલાધરઃ ।

સપ્તપાતાલગામી ચ મલયાચલસંશ્રયઃ

॥ 52 ॥

શ્લોક 52

ઉત્તરાશાસ્થિતઃ શ્રીશો દિવ્યૌષધિવશઃ ખગઃ ।

શાખામૃગઃ કપીન્દ્રોઽથ પુરાણઃ પ્રાણચઞ્ચુરઃ

॥ 53 ॥

શ્લોક 53

ચતુરો બ્રાહ્મણો યોગી યોગિગમ્યઃ પરોઽવરઃ ।

અનાદિનિધનો વ્યાસો વૈકુણ્ઠઃ પૃથિવીપતિઃ

॥ 54 ॥

શ્લોક 54

અપરાજિતો જિતારાતિઃ સદાનન્દદ ઈશિતા ।

ગોપાલો ગોપતિર્યોદ્ધા કલિઃ સ્ફાલઃ પરાત્પરઃ

॥ 55 ॥

શ્લોક 55

મનોવેગી સદાયોગી સંસારભયનાશનઃ ।

તત્ત્વદાતાઽથ તત્ત્વજ્ઞસ્તત્ત્વં તત્ત્વપ્રકાશકઃ

॥ 56 ॥

શ્લોક 56

શુદ્ધો બુદ્ધો નિત્યયુક્તો ભક્તાકારો જગદ્રથઃ ।

પ્રલયોઽમિતમાયશ્ચ માયાતીતો વિમત્સરઃ

॥ 57 ॥

શ્લોક 57

માયાનિર્જિતરક્ષાશ્ચ માયાનિર્મિતવિષ્ટપઃ ।

માયાશ્રયશ્ચ નિર્લેપો માયાનિર્વર્તકઃ સુખી ॥

સુખી સુખપ્રદો નાગો મહેશકૃતસંસ્તવઃ ।

મહેશ્વરઃ સત્યસન્ધઃ શરભઃ કલિપાવનઃ

॥ 58 ॥

શ્લોક 58

રસો રસજ્ઞઃ સન્માનો રૂપં ચક્ષુઃ શ્રુતી રવઃ ।

ઘ્રાણં ગન્ધઃ સ્પર્શનં ચ સ્પર્શો હિઙ્કારમાનગઃ

॥ 60 ॥

શ્લોક 59

નેતિ નેતીતિ ગમ્યશ્ચ વૈકુણ્ઠભજનપ્રિયઃ ।

ગિરિશો ગિરિજાકાન્તો દુર્વાસાઃ કવિરઙ્ગિરાઃ

॥ 61 ॥

શ્લોક 60

ભૃગુર્વસિષ્ઠશ્ચ્યવનો નારદસ્તુમ્બુરુર્હરઃ ।

વિશ્વક્ષેત્રં વિશ્વબીજં વિશ્વનેત્રં ચ વિશ્વપઃ

॥ 62 ॥

શ્લોક 61

યાજકો યજમાનશ્ચ પાવકઃ પિતરસ્તથા ।

શ્રદ્ધા બુદ્ધિઃ ક્ષમા તન્દ્રા મન્ત્રો મન્ત્રયિતા સુરઃ

॥ 63 ॥

શ્લોક 62

રાજેન્દ્રો ભૂપતી રૂઢો માલી સંસારસારથિઃ ।

નિત્યઃ સમ્પૂર્ણકામશ્ચ ભક્તકામધુગુત્તમઃ

॥ 64 ॥

શ્લોક 63

ગણપઃ કેશવો ભ્રાતા પિતા માતાઽથ મારુતિઃ ।

સહસ્રમૂર્ધા સહસ્રાસ્યઃ સહસ્રાક્ષઃ સહસ્રપાત્

॥ 65 ॥

શ્લોક 64

કામજિત્ કામદહનઃ કામઃ કામ્યફલપ્રદઃ ।

મુદ્રોપહારી રક્ષોઘ્નઃ ક્ષિતિભારહરો બલઃ

॥ 66 ॥

શ્લોક 65

નખદંષ્ટ્રાયુધો વિષ્ણુભક્તો ભક્તાભયપ્રદઃ ।

દર્પહા દર્પદો દંષ્ટ્રાશતમૂર્તિરમૂર્તિમાન્

॥ 67 ॥

શ્લોક 66

મહાનિધિર્મહાભાગો મહાભર્ગો મહર્ધિદઃ ।

મહાકારો મહાયોગી મહાતેજા મહાદ્યુતિઃ ॥

મહાકર્મા મહાનાદો મહામન્ત્રો મહામતિઃ ।

મહાશમો મહોદારો મહાદેવાત્મકો વિભુઃ

॥ 68 ॥

શ્લોક 67

રુદ્રકર્મા ક્રૂરકર્મા રત્નનાભઃ કૃતાગમઃ ।

અમ્ભોધિલઙ્ઘનઃ સિદ્ધઃ સત્યધર્મા પ્રમોદનઃ

॥ 70 ॥

શ્લોક 68

જિતામિત્રો જયઃ સોમો વિજયો વાયુવાહનઃ ।

જીવો ધાતા સહસ્રાંશુર્મુકુન્દો ભૂરિદક્ષિણઃ

॥ 71 ॥

શ્લોક 69

સિદ્ધાર્થઃ સિદ્ધિદઃ સિદ્ધઃ સઙ્કલ્પઃ સિદ્ધિહેતુકઃ ।

સપ્તપાતાલચરણઃ સપ્તર્ષિગણવન્દિતઃ

॥ 72 ॥

શ્લોક 70

સપ્તાબ્ધિલઙ્ઘનો વીરઃ સપ્તદ્વીપોરુમણ્ડલઃ ।

સપ્તાઙ્ગરાજ્યસુખદઃ સપ્તમાતૃનિષેવિતઃ

॥ 73 ॥

શ્લોક 71

સપ્તલોકૈકમકુટઃ સપ્તહોત્રઃ સ્વરાશ્રયઃ ।

સપ્તસામોપગીતશ્ચ સપ્તપાતાલસંશ્રયઃ

॥ 74 ॥

શ્લોક 72

સપ્તચ્છન્દોનિધિઃ સપ્તચ્છન્દઃ સપ્તજનાશ્રયઃ ।

મેધાદઃ કીર્તિદઃ શોકહારી દૌર્ભાગ્યનાશનઃ

॥ 75 ॥

શ્લોક 73

સર્વવશ્યકરો ગર્ભદોષહા પુત્રપૌત્રદઃ ।

પ્રતિવાદિમુખસ્તમ્ભો રુષ્ટચિત્તપ્રસાદનઃ

॥ 76 ॥

શ્લોક 74

પરાભિચારશમનો દુઃખહા બન્ધમોક્ષદઃ ।

નવદ્વારપુરાધારો નવદ્વારનિકેતનઃ

॥ 77 ॥

શ્લોક 75

નરનારાયણસ્તુત્યો નવનાથમહેશ્વરઃ ।

મેખલી કવચી ખડ્ગી ભ્રાજિષ્ણુર્જિષ્ણુસારથિઃ ॥

બહુયોજનવિસ્તીર્ણપુચ્છઃ પુચ્છહતાસુરઃ ।

દુષ્ટહન્તા નિયમિતા પિશાચગ્રહશાતનઃ

॥ 78 ॥

શ્લોક 76

બાલગ્રહવિનાશી ચ ધર્મનેતા કૃપાકરઃ ।

ઉગ્રકૃત્યશ્ચોગ્રવેગ ઉગ્રનેત્રઃ શતક્રતુઃ

॥ 80 ॥

શ્લોક 77

શતમન્યુસ્તુતઃ સ્તુત્યઃ સ્તુતિઃ સ્તોતા મહાબલઃ ।

સમગ્રગુણશાલી ચ વ્યગ્રો રક્ષોવિનાશનઃ

॥ 81 ॥

શ્લોક 78

રક્ષોઽગ્નિદાવો બ્રહ્મેશઃ શ્રીધરો ભક્તવત્સલઃ ।

મેઘનાદો મેઘરૂપો મેઘવૃષ્ટિનિવારણઃ

॥ 82 ॥

શ્લોક 79

મેઘજીવનહેતુશ્ચ મેઘશ્યામઃ પરાત્મકઃ ।

સમીરતનયો ધાતા તત્ત્વવિદ્યાવિશારદઃ

॥ 83 ॥

શ્લોક 80

અમોઘોઽમોઘવૃષ્ટિશ્ચાભીષ્ટદોઽનિષ્ટનાશનઃ ।

અર્થોઽનર્થાપહારી ચ સમર્થો રામસેવકઃ

॥ 84 ॥

શ્લોક 81

અર્થી ધન્યોઽસુરારાતિઃ પુણ્ડરીકાક્ષ આત્મભૂઃ ।

સઙ્કર્ષણો વિશુદ્ધાત્મા વિદ્યારાશિઃ સુરેશ્વરઃ

॥ 85 ॥

શ્લોક 82

અચલોદ્ધારકો નિત્યઃ સેતુકૃદ્રામસારથિઃ ।

આનન્દઃ પરમાનન્દો મત્સ્યઃ કૂર્મો નિધિઃ શયઃ

॥ 86 ॥

શ્લોક 83

વરાહો નારસિંહશ્ચ વામનો જમદગ્નિજઃ ।

રામઃ કૃષ્ણઃ શિવો બુદ્ધઃ કલ્કી રામાશ્રયો હરિઃ

॥ 87 ॥

શ્લોક 84

નન્દી ભૃઙ્ગી ચ ચણ્ડી ચ ગણેશો ગણસેવિતઃ ।

કર્માધ્યક્ષઃ સુરારામો વિશ્રામો જગતીપતિઃ ॥

જગન્નાથઃ કપીશશ્ચ સર્વાવાસઃ સદાશ્રયઃ ।

સુગ્રીવાદિસ્તુતો દાન્તઃ સર્વકર્મા પ્લવઙ્ગમઃ

॥ 88 ॥

શ્લોક 85

નખદારિતરક્ષશ્ચ નખયુદ્ધવિશારદઃ ।

કુશલઃ સુધનઃ શેષો વાસુકિસ્તક્ષકસ્તથા

॥ 90 ॥

શ્લોક 86

સ્વર્ણવર્ણો બલાઢ્યશ્ચ પુરુજેતાઽઘનાશનઃ ।

કૈવલ્યદીપઃ કૈવલ્યો ગરુડઃ પન્નગો ગુરુઃ

॥ 91 ॥

શ્લોક 87

ક્લીક્લીરાવહતારાતિગર્વઃ પર્વતભેદનઃ ।

વજ્રાઙ્ગો વજ્રવક્ત્રશ્ચ ભક્તવજ્રનિવારકઃ

॥ 92 ॥

શ્લોક 88

નખાયુધો મણિગ્રીવો જ્વાલામાલી ચ ભાસ્કરઃ ।

પ્રૌઢપ્રતાપસ્તપનો ભક્તતાપનિવારકઃ

॥ 93 ॥

શ્લોક 89

શરણં જીવનં ભોક્તા નાનાચેષ્ટોઽથ ચઞ્ચલઃ ।

સ્વસ્થસ્ત્વસ્વાસ્થ્યહા દુઃખશાતનઃ પવનાત્મજઃ

॥ 94 ॥

શ્લોક 90

પવનઃ પાવનઃ કાન્તો ભક્તાઙ્ગઃ સહનો બલઃ ।

મેઘનાદરિપુર્મેઘનાદસંહૃતરાક્ષસઃ

॥ 95 ॥

શ્લોક 91

ક્ષરોઽક્ષરો વિનીતાત્મા વાનરેશઃ સતાઙ્ગતિઃ ।

શ્રીકણ્ઠઃ શિતિકણ્ઠશ્ચ સહાયઃ સહનાયકઃ

॥ 96 ॥

શ્લોક 92

અસ્થૂલસ્ત્વનણુર્ભર્ગો દેવસંસૃતિનાશનઃ ।

અધ્યાત્મવિદ્યાસારશ્ચાપ્યધ્યાત્મકુશલઃ સુધીઃ

॥ 97 ॥

શ્લોક 93

અકલ્મષઃ સત્યહેતુઃ સત્યદઃ સત્યગોચરઃ ।

સત્યગર્ભઃ સત્યરૂપઃ સત્યઃ સત્યપરાક્રમઃ

॥ 98 ॥

શ્લોક 94

અઞ્જનાપ્રાણલિઙ્ગં ચ વાયુવંશોદ્ભવઃ શ્રુતિઃ ।

ભદ્રરૂપો રુદ્રરૂપઃ સુરૂપશ્ચિત્રરૂપધૃક્

॥ 99 ॥

શ્લોક 95

મૈનાકવન્દિતઃ સૂક્ષ્મદર્શનો વિજયો જયઃ ।

ક્રાન્તદિઙ્મણ્ડલો રુદ્રઃ પ્રકટીકૃતવિક્રમઃ

॥ 100 ॥

શ્લોક 96

કમ્બુકણ્ઠઃ પ્રસન્નાત્મા હ્રસ્વનાસો વૃકોદરઃ ।

લમ્બોષ્ઠઃ કુણ્ડલી ચિત્રમાલી યોગવિદાં વરઃ

॥ 101 ॥

શ્લોક 97

વિપશ્ચિત્ કવિરાનન્દવિગ્રહોઽનલ્પનાશનઃ ।

ફાલ્ગુનીસૂનુરવ્યગ્રો યોગાત્મા યોગતત્પરઃ

॥ 102 ॥

શ્લોક 98

યોગવિદ્યોગકર્તા ચ યોગયોનિર્દિગમ્બરઃ ।

અકારાદિક્ષકારાન્તવર્ણનિર્મિતવિગ્રહઃ

॥ 103 ॥

શ્લોક 99

ઉલૂખલમુખઃ સિદ્ધસંસ્તુતઃ પરમેશ્વરઃ ।

શ્લિષ્ટજઙ્ઘઃ શ્લિષ્ટજાનુઃ શ્લિષ્ટપાણિઃ શિખાધરઃ

॥ 104 ॥

શ્લોક 100

સુશર્માઽમિતધર્મા ચ નારાયણપરાયણઃ ।

જિષ્ણુર્ભવિષ્ણૂ રોચિષ્ણુર્ગ્રસિષ્ણુઃ સ્થાણુરેવ ચ

॥ 105 ॥

શ્લોક 101

હરી રુદ્રાનુકૃદ્વૃક્ષકમ્પનો ભૂમિકમ્પનઃ ।

ગુણપ્રવાહઃ સૂત્રાત્મા વીતરાગઃ સ્તુતિપ્રિયઃ

॥ 106 ॥

શ્લોક 102

નાગકન્યાભયધ્વંસી કૃતપૂર્ણઃ કપાલભૃત્ ।

અનુકૂલોઽક્ષયોઽપાયોઽનપાયો વેદપારગઃ

॥ 107 ॥

શ્લોક 103

અક્ષરઃ પુરુષો લોકનાથસ્ત્ર્યક્ષઃ પ્રભુર્દૃઢઃ ।

અષ્ટાઙ્ગયોગફલભૂઃ સત્યસન્ધઃ પુરુષ્ટુતઃ

॥ 108 ॥

શ્લોક 104

શ્મશાનસ્થાનનિલયઃ પ્રેતવિદ્રાવણક્ષમઃ ।

પઞ્ચાક્ષરપરઃ પઞ્ચમાતૃકો રઞ્જનો ધ્વજઃ

॥ 109 ॥

શ્લોક 105

યોગિનીવૃન્દવન્દ્યશ્રીઃ શત્રુઘ્નોઽનન્તવિક્રમઃ ।

બ્રહ્મચારીન્દ્રિયવપુર્ધૃતદણ્ડો દશાત્મકઃ

॥ 110 ॥

શ્લોક 106

અપ્રપઞ્ચઃ સદાચારઃ શૂરસેનો વિદારકઃ ।

બુદ્ધઃ પ્રમોદ આનન્દઃ સપ્તજિહ્વપતિર્ધરઃ

॥ 111 ॥

શ્લોક 107

નવદ્વારપુરાધારઃ પ્રત્યગ્રઃ સામગાયનઃ ।

ષટ્ચક્રધામા સ્વર્લોકભયહૃન્માનદો મદઃ

॥ 112 ॥

શ્લોક 108

સર્વવશ્યકરઃ શક્તિરનન્તોઽનન્તમઙ્ગલઃ ।

અષ્ટમૂર્તિધરો નેતા વિરૂપઃ સ્વરસુન્દરઃ

॥ 113 ॥

શ્લોક 109

ધૂમકેતુર્મહાકેતુઃ સત્યકેતુર્મહારથઃ ।

નન્દીપ્રિયઃ સ્વતન્ત્રશ્ચ મેખલી ડમરુપ્રિયઃ

॥ 114 ॥

શ્લોક 110

લોહિતાઙ્ગઃ સમિદ્વહ્નિઃ ષડૃતુઃ શર્વ ઈશ્વરઃ ।

ફલભુક્ ફલહસ્તશ્ચ સર્વકર્મફલપ્રદઃ

॥ 115 ॥

શ્લોક 111

ધર્માધ્યક્ષો ધર્મફલો ધર્મો ધર્મપ્રદોઽર્થદઃ ।

પઞ્ચવિંશતિતત્ત્વજ્ઞસ્તારકો બ્રહ્મતત્પરઃ

॥ 116 ॥

શ્લોક 112

ત્રિમાર્ગવસતિર્ભીમઃ સર્વદુષ્ટનિબર્હણઃ ।

ઊર્જઃસ્વામી જલસ્વામી શૂલી માલી નિશાકરઃ

॥ 117 ॥

શ્લોક 113

રક્તામ્બરધરો રક્તો રક્તમાલ્યવિભૂષણઃ ।

વનમાલી શુભાઙ્ગશ્ચ શ્વેતઃ શ્વેતામ્બરો યુવા

॥ 118 ॥

શ્લોક 114

જયોઽજેયપરીવારઃ સહસ્રવદનઃ કવિઃ ।

શાકિનીડાકિનીયક્ષરક્ષોભૂતપ્રભઞ્જનઃ

॥ 119 ॥

શ્લોક 115

સદ્યોજાતઃ કામગતિર્જ્ઞાનમૂર્તિર્યશસ્કરઃ ।

શમ્ભુતેજાઃ સાર્વભૌમો વિષ્ણુભક્તઃ પ્લવઙ્ગમઃ

॥ 120 ॥

શ્લોક 116

ચતુર્ણવતિમન્ત્રજ્ઞઃ પૌલસ્ત્યબલદર્પહા ।

સર્વલક્ષ્મીપ્રદઃ શ્રીમાનઙ્ગદપ્રિયવર્ધનઃ

॥ 121 ॥

શ્લોક 117

સ્મૃતિબીજં સુરેશાનઃ સંસારભયનાશનઃ ।

ઉત્તમઃ શ્રીપરીવારઃ શ્રીભૂરુગ્રશ્ચ કામધુક્

॥ 122 ॥

શ્લોક 118

સદાગતિર્માતરિશ્વા રામપાદાબ્જષટ્પદઃ ।

નીલપ્રિયો નીલવર્ણો નીલવર્ણપ્રિયઃ સુહૃત્

॥ 123 ॥

શ્લોક 119

રામદૂતો લોકબન્ધુરન્તરાત્મા મનોરમઃ ।

શ્રીરામધ્યાનકૃદ્વીરઃ સદા કિમ્પુરુષસ્તુતઃ

॥ 124 ॥

શ્લોક 120

રામકાર્યાન્તરઙ્ગશ્ચ શુદ્ધિર્ગતિરનામયઃ ।

પુણ્યશ્લોકઃ પરાનન્દઃ પરેશપ્રિયસારથિઃ

॥ 125 ॥

શ્લોક 121

લોકસ્વામી મુક્તિદાતા સર્વકારણકારણઃ ।

મહાબલો મહાવીરઃ પારાવારગતિર્ગુરુઃ

॥ 126 ॥

શ્લોક 122

તારકો ભગવાંસ્ત્રાતા સ્વસ્તિદાતા સુમઙ્ગલઃ ।

સમસ્તલોકસાક્ષી ચ સમસ્તસુરવન્દિતઃ ।

સીતાસમેતશ્રીરામપાદસેવાધુરન્ધરઃ

॥ 127 ॥

શ્લોક 123

ઇદં નામસહસ્રં તુ યોઽધીતે પ્રત્યહં નરઃ ।

દુઃખૌઘો નશ્યતે ક્ષિપ્રં સમ્પત્તિર્વર્ધતે ચિરમ્ ।

વશ્યં ચતુર્વિધં તસ્ય ભવત્યેવ ન સંશયઃ

॥ 128 ॥

શ્લોક 124

રાજાનો રાજપુત્રાશ્ચ રાજકીયાશ્ચ મન્ત્રિણઃ ।

ત્રિકાલં પઠનાદસ્ય દૃશ્યન્તે ચ ત્રિપક્ષતઃ

॥ 129 ॥

શ્લોક 125

અશ્વત્થમૂલે જપતાં નાસ્તિ વૈરિકૃતં ભયમ્ ।

ત્રિકાલપઠનાદસ્ય સિદ્ધિઃ સ્યાત્ કરસંસ્થિતા

॥ 130 ॥

શ્લોક 126

બ્રાહ્મે મુહૂર્તે ચોત્થાય પ્રત્યહં યઃ પઠેન્નરઃ ।

ઐહિકામુષ્મિકાન્ સોઽપિ લભતે નાત્ર સંશયઃ

॥ 131 ॥

શ્લોક 127

સઙ્ગ્રામે સન્નિવિષ્ટાનાં વૈરિવિદ્રાવણં ભવેત્ ।

જ્વરાપસ્મારશમનં ગુલ્માદિવ્યાધિવારણમ્

॥ 132 ॥

શ્લોક 128

સામ્રાજ્યસુખસમ્પત્તિદાયકં જપતાં નૃણામ્ ।

ય ઇદં પઠતે નિત્યં પાઠયેદ્વા સમાહિતઃ ।

સર્વાન્ કામાનવાપ્નોતિ વાયુપુત્રપ્રસાદતઃ

॥ 133 ॥

શ્લોક 129

ઇતિ શ્રીઆઞ્જનેય સહસ્રનામ સ્તોત્રમ્ ।