শ্রীমদ্ভগবদ্গীতা মূলম্ - সপ্তমোঽধ্যাযঃ

শ্রীমদ্ভগবদ্গীতা মূলম্ - সপ্তমোঽধ্যাযঃ

শ্লোক 1

ওঁ শ্রী পরমাত্মনে নমঃ

অথ সপ্তমোঽধ্যাযঃ ।

জ্ঞানবিজ্ঞানযোগঃ

শ্রীভগবানুবাচ

ময্যাসক্তমনাঃ পার্থ যোগং যুঞ্জন্মদাশ্রযঃ ।

অসংশযং সমগ্রং মাং যথা জ্ঞাস্যসি তচ্ছৃণু

শ্লোক 2

জ্ঞানং তেঽহং সবিজ্ঞানমিদং বক্ষ্যাম্যশেষতঃ ।

যজ্জ্ঞাত্বা নেহ ভূযোঽন্যজ্জ্ঞাতব্যমবশিষ্যতে

॥ 1 ॥

শ্লোক 3

মনুষ্যাণাং সহস্রেষু কশ্চিদ্যততি সিদ্ধযে ।

যততামপি সিদ্ধানাং কশ্চিন্মাং বেত্তি তত্ত্বতঃ

॥ 2 ॥

শ্লোক 4

ভূমিরাপোঽনলো বাযুঃ খং মনো বুদ্ধিরেব চ ।

অহঙ্কার ইতীযং মে ভিন্না প্রকৃতিরষ্টধা

॥ 3 ॥

শ্লোক 5

অপরেযমিতস্ত্বন্যাং প্রকৃতিং বিদ্ধি মে পরাম্ ।

জীবভূতাং মহাবাহো যযেদং ধার্যতে জগত্

॥ 4 ॥

শ্লোক 6

এতদ্যোনীনি ভূতানি সর্বাণীত্যুপধারয ।

অহং কৃত্স্নস্য জগতঃ প্রভবঃ প্রলযস্তথা

॥ 5 ॥

শ্লোক 7

মত্তঃ পরতরং নান্যত্কিঞ্চিদস্তি ধনঞ্জয ।

মযি সর্বমিদং প্রোতং সূত্রে মণিগণা ইব

॥ 6 ॥

শ্লোক 8

রসোঽহমপ্সু কৌন্তেয প্রভাস্মি শশিসূর্যযোঃ ।

প্রণবঃ সর্ববেদেষু শব্দঃ খে পৌরুষং নৃষু

॥ 7 ॥

শ্লোক 9

পুণ্যো গন্ধঃ পৃথিব্যাং চ তেজশ্চাস্মি বিভাবসৌ ।

জীবনং সর্বভূতেষু তপশ্চাস্মি তপস্বিষু

॥ 8 ॥

শ্লোক 10

বীজং মাং সর্বভূতানাং বিদ্ধি পার্থ সনাতনম্ ।

বুদ্ধির্বুদ্ধিমতামস্মি তেজস্তেজস্বিনামহম্

॥ 9 ॥

শ্লোক 11

বলং বলবতাং চাহং কামরাগবিবর্জিতম্ ।

ধর্মাবিরুদ্ধো ভূতেষু কামোঽস্মি ভরতর্ষভ

॥ 10 ॥

শ্লোক 12

যে চৈব সাত্ত্বিকা ভাবা রাজসাস্তামসাশ্চ যে ।

মত্ত এবেতি তান্বিদ্ধি ন ত্বহং তেষু তে মযি

॥ 11 ॥

শ্লোক 13

ত্রিভির্গুণমযৈর্ভাবৈরেভিঃ সর্বমিদং জগত্ ।

মোহিতং নাভিজানাতি মামেভ্যঃ পরমব্যযম্

॥ 12 ॥

শ্লোক 14

দৈবী হ্যেষা গুণমযী মম মাযা দুরত্যযা ।

মামেব যে প্রপদ্যন্তে মাযামেতাং তরন্তি তে

॥ 13 ॥

শ্লোক 15

ন মাং দুষ্কৃতিনো মূঢাঃ প্রপদ্যন্তে নরাধমাঃ ।

মাযযাপহৃতজ্ঞানা আসুরং ভাবমাশ্রিতাঃ

॥ 14 ॥

শ্লোক 16

চতুর্বিধা ভজন্তে মাং জনাঃ সুকৃতিনোঽর্জুন ।

আর্তো জিজ্ঞাসুরর্থার্থী জ্ঞানী চ ভরতর্ষভ

॥ 15 ॥

শ্লোক 17

তেষাং জ্ঞানী নিত্যযুক্ত একভক্তির্বিশিষ্যতে ।

প্রিযো হি জ্ঞানিনোঽত্যর্থমহং স চ মম প্রিযঃ

॥ 16 ॥

শ্লোক 18

উদারাঃ সর্ব এবৈতে জ্ঞানী ত্বাত্মৈব মে মতম্ ।

আস্থিতঃ স হি যুক্তাত্মা মামেবানুত্তমাং গতিম্

॥ 17 ॥

শ্লোক 19

বহূনাং জন্মনামন্তে জ্ঞানবান্মাং প্রপদ্যতে ।

বাসুদেবঃ সর্বমিতি স মহাত্মা সুদুর্লভঃ

॥ 18 ॥

শ্লোক 20

কামৈস্তৈস্তৈর্হৃতজ্ঞানাঃ প্রপদ্যন্তেঽন্যদেবতাঃ ।

তং তং নিযমমাস্থায প্রকৃত্যা নিযতাঃ স্বযা

॥ 19 ॥

শ্লোক 21

যো যো যাং যাং তনুং ভক্তঃ শ্রদ্ধযার্চিতুমিচ্ছতি ।

তস্য তস্যাচলাং শ্রদ্ধাং তামেব বিদধাম্যহম্

॥ 20 ॥

শ্লোক 22

স তযা শ্রদ্ধযা যুক্তস্তস্যারাধনমীহতে ।

লভতে চ ততঃ কামান্মযৈব বিহিতান্হি তান্

॥ 21 ॥

শ্লোক 23

অন্তবত্তু ফলং তেষাং তদ্ভবত্যল্পমেধসাম্ ।

দেবান্দেবযজো যান্তি মদ্ভক্তা যান্তি মামপি

॥ 22 ॥

শ্লোক 24

অব্যক্তং ব্যক্তিমাপন্নং মন্যন্তে মামবুদ্ধযঃ ।

পরং ভাবমজানন্তো মমাব্যযমনুত্তমম্

॥ 23 ॥

শ্লোক 25

নাহং প্রকাশঃ সর্বস্য যোগমাযাসমাবৃতঃ ।

মূঢোঽযং নাভিজানাতি লোকো মামজমব্যযম্

॥ 24 ॥

শ্লোক 26

বেদাহং সমতীতানি বর্তমানানি চার্জুন ।

ভবিষ্যাণি চ ভূতানি মাং তু বেদ ন কশ্চন

॥ 25 ॥

শ্লোক 27

ইচ্ছাদ্বেষসমুত্থেন দ্বন্দ্বমোহেন ভারত ।

সর্বভূতানি সম্মোহং সর্গে যান্তি পরন্তপ

॥ 26 ॥

শ্লোক 28

যেষাং ত্বন্তগতং পাপং জনানাং পুণ্যকর্মণাম্ ।

তে দ্বন্দ্বমোহনির্মুক্তা ভজন্তে মাং দৃঢব্রতাঃ

॥ 27 ॥

শ্লোক 29

জরামরণমোক্ষায মামাশ্রিত্য যতন্তি যে ।

তে ব্রহ্ম তদ্বিদুঃ কৃত্স্নমধ্যাত্মং কর্ম চাখিলম্

॥ 28 ॥

শ্লোক 30

সাধিভূতাধিদৈবং মাং সাধিযজ্ঞং চ যে বিদুঃ ।

প্রযাণকালেঽপি চ মাং তে বিদুর্যুক্তচেতসঃ

॥ 29 ॥

শ্লোক 31

ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে

শ্রীকৃষ্ণার্জুনসংবাদেজ্ঞানবিজ্ঞানযোগো নাম সপ্তমোঽধ্যাযঃ

॥ 30 ॥

শ্লোক 32