શ્રી રુદ્રં લઘુન્યાસમ્

શ્રી રુદ્રં લઘુન્યાસમ્

ૐ અથાત્માનગ્ં શિવાત્માનં શ્રી રુદ્રરૂપ-ન્ધ્યાયેત્ ॥

શુદ્ધસ્ફટિક સઙ્કાશ-ન્ત્રિનેત્ર-મ્પઞ્ચ વક્ત્રકમ્ ।

ગઙ્ગાધર-ન્દશભુજં સર્વાભરણ ભૂષિતમ્ ॥

નીલગ્રીવં શશાઙ્કાઙ્ક-ન્નાગ યજ્ઞોપ વીતિનમ્ ।

વ્યાઘ્ર ચર્મોત્તરીય-ઞ્ચ વરેણ્યમભય પ્રદમ્ ॥

કમણ્ડલ્-વક્ષ સૂત્રાણા-ન્ધારિણં શૂલપાણિનમ્ ।

જ્વલન્ત-મ્પિઙ્ગલજટા શિખા મુદ્દ્યોત ધારિણમ્ ॥

વૃષ સ્કન્ધ સમારૂઢં ઉમા દેહાર્થ ધારિણમ્ ।

અમૃતેનાપ્લુતં શાન્ત-ન્દિવ્યભોગ સમન્વિતમ્ ॥

દિગ્દેવતા સમાયુક્તં સુરાસુર નમસ્કૃતમ્ ।

નિત્ય-ઞ્ચ શાશ્વતં શુદ્ધ-ન્ધ્રુવ-મક્ષર-મવ્યયમ્ ।

સર્વ વ્યાપિન-મીશાનં રુદ્રં-વૈઁ વિશ્વરૂપિણમ્ ।

એવ-ન્ધ્યાત્વા દ્વિજ-સ્સમ્ય-ક્તતો યજનમારભેત્ ॥

અથાતો રુદ્ર સ્નાનાર્ચનાભિષેક વિધિં-વ્યાઁ᳚ક્ષ્યાસ્યામઃ ।

આદિત એવ તીર્થે સ્નાત્વા,

ઉદેત્ય શુચિઃ પ્રયતો બ્રહ્મચારી શુક્લવાસા દેવાભિમુખ-સ્સ્થિત્વા,

આત્મનિ દેવતા-સ્સ્થાપયેત્ ॥

પ્રજનને બ્રહ્મા તિષ્ઠતુ ।

પાદયોર્વિષ્ણુસ્તિષ્ઠતુ ।

હસ્તયોર્​હરસ્તિષ્ઠતુ ।

બાહ્વોરિન્દ્રસ્તિષ્ટતુ ।

જઠરે-ઽઅગ્નિસ્તિષ્ઠતુ ।

હૃદ॑યે શિવસ્તિષ્ઠતુ ।

કણ્ઠે વસવસ્તિષ્ઠન્તુ ।

વક્ત્રે સરસ્વતી તિષ્ઠતુ ।

નાસિકયો-ર્વાયુસ્તિષ્ઠતુ ।

નયનયો-શ્ચન્દ્રાદિત્યૌ તિષ્ટેતામ્ ।

કર્ણયોરશ્વિનૌ તિષ્ટેતામ્ ।

લલાટે રુદ્રાસ્તિષ્ઠન્તુ ।

મૂર્થ્ન્યાદિત્યાસ્તિષ્ઠન્તુ ।

શિરસિ મહાદેવસ્તિષ્ઠતુ ।

શિખાયાં-વાઁમદેવાસ્તિષ્ઠતુ ।

પૃષ્ઠે પિનાકી તિષ્ઠતુ ।

પુરત-શ્શૂલી તિષ્ઠતુ ।

પાર્​શ્વયો-શ્શિવાશઙ્કરૌ તિષ્ઠેતામ્ ।

સર્વતો વાયુસ્તિષ્ઠતુ ।

તતો બહિ-સ્સર્વતો-ઽગ્નિર્જ્વાલામાલા-પરિવૃતસ્તિષ્ઠતુ ।

સર્વેષ્વઙ્ગેષુ સર્વા દેવતા યથાસ્થાન-ન્તિષ્ઠન્તુ ।

માગ્ં રક્ષન્તુ ।

અ॒ગ્નિર્મે॑ વા॒ચિ શ્રિ॒તઃ । વાઘૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।

વા॒યુર્મે᳚ પ્રા॒ણે શ્રિ॒તઃ । પ્રા॒ણો હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।

સૂર્યો॑ મે॒ ચક્ષુષિ શ્રિ॒તઃ । ચક્ષુ॒ર્​હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।

ચ॒ન્દ્રમા॑ મે॒ મન॑સિ શ્રિ॒તઃ । મનો॒ હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।

દિશો॑ મે॒ શ્રોત્રે᳚ શ્રિ॒તાઃ । શ્રોત્ર॒ગ્ં॒ હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।

આપોમે॒ રેતસિ શ્રિ॒તાઃ । રેતો હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।

પૃ॒થિ॒વી મે॒ શરી॑રે શ્રિ॒તા । શરી॑ર॒ગ્ં॒ હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।

ઓ॒ષ॒ધિ॒ વ॒ન॒સ્પતયો॑ મે॒ લોમ॑સુ શ્રિ॒તાઃ । લોમા॑નિ॒ હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।

ઇન્દ્રો॑ મે॒ બલે᳚ શ્રિ॒તઃ । બલ॒ગ્ં॒ હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।

પ॒ર્જન્યો॑ મે॒ મૂ॒ર્દ્નિ શ્રિ॒તઃ । મૂ॒ર્ધા હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।

ઈશા॑નો મે॒ મ॒ન્યૌ શ્રિ॒તઃ । મ॒ન્યુર્​હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।

આ॒ત્મા મ॑ આ॒ત્મનિ॑ શ્રિ॒તઃ । આ॒ત્મા હૃદ॑યે । હૃદ॑ય॒-મ્મયિ॑ । અ॒હમ॒મૃતે᳚ । અ॒મૃત॒-મ્બ્રહ્મ॑ણિ ।

પુન॑ર્મ આ॒ત્મા પુન॒રાયુ॒ રાગા᳚ત્ । પુનઃ॑ પ્રા॒ણઃ પુન॒રાકૂ॑ત॒માગા᳚ત્ । વૈ॒શ્વા॒ન॒રો ર॒શ્મિભિ॑ર્વાવૃધા॒નઃ । અ॒ન્તસ્તિ॑ષ્ઠ॒ત્વમૃત॑સ્ય ગો॒પાઃ ॥

અસ્ય શ્રી રુદ્રાધ્યાય પ્રશ્ન મહામન્ત્રસ્ય,

અઘોર ઋષિઃ,

અનુષ્ટુ-પ્છન્દઃ,

સઙ્કર્​ષણ મૂર્તિ સ્વરૂપો યો-ઽસાવાદિત્યઃ પરમપુરુષ-સ્સ એષ રુદ્રો દેવતા ।

નમ-શ્શિવાયેતિ બીજમ્ ।

શિવતરાયેતિ શક્તિઃ ।

મહાદેવાયેતિ કીલકમ્ ।

શ્રી સામ્બ સદાશિવ પ્રસાદ સિદ્ધ્યર્થે જપે વિનિયોગઃ ॥

ૐ અગ્નિહોત્રાત્મને અઙ્ગુષ્ઠાભ્યા-ન્નમઃ ।

દર્​શપૂર્ણ માસાત્મને તર્જનીભ્યા-ન્નમઃ ।

ચાતુર્માસ્યાત્મને મધ્યમાભ્યા-ન્નમઃ ।

નિરૂઢ પશુબન્ધાત્મને અનામિકાભ્યા-ન્નમઃ ।

જ્યોતિષ્ટોમાત્મને કનિષ્ઠિકાભ્યા-ન્નમઃ ।

સર્વક્રત્વાત્મને કરતલ કરપૃષ્ઠાભ્યા-ન્નમઃ ॥

અગ્નિહોત્રાત્મને હૃદયાય નમઃ ।

દર્​શપૂર્ણ માસાત્મને શિરસે સ્વાહા ।

ચાતુર્માસ્યાત્મને શિખાયૈ વષટ્ ।

નિરૂઢ પશુબન્ધાત્મને કવચાય હુમ્ ।

જ્યોતિષ્ટોમાત્મને નેત્રત્રયાય વૌષટ્ ।

સર્વક્રત્વાત્મને અસ્ત્રાયફટ્ । ભૂર્ભુવસ્સુવરોમિતિ દિગ્બન્ધઃ ॥

ધ્યાનં

આપાતાલ-નભસ્સ્થલાન્ત-ભુવન-બ્રહ્માણ્ડ-માવિસ્ફુરત્-

જ્યોતિ-સ્સ્ફાટિક-લિઙ્ગ-મૌલિ-વિલસત્-પૂર્ણેન્દુ-વાન્તામૃતૈઃ ।

અસ્તોકાપ્લુત-મેક-મીશ-મનિશં રુદ્રાનુ-વાકાઞ્જપન્

ધ્યાયે-દીપ્સિત-સિદ્ધયે ધ્રુવપદં-વિઁપ્રો-ઽભિષિઞ્ચે-ચ્ચિવમ્ ॥

બ્રહ્માણ્ડ વ્યાપ્તદેહા ભસિત હિમરુચા ભાસમાના ભુજઙ્ગૈઃ

કણ્ઠે કાલાઃ કપર્દાઃ કલિત-શશિકલા-શ્ચણ્ડ કોદણ્ડ હસ્તાઃ ।

ત્ર્યક્ષા રુદ્રાક્ષમાલાઃ પ્રકટિતવિભવા-શ્શામ્ભવા મૂર્તિભેદાઃ

રુદ્રા-શ્શ્રીરુદ્રસૂક્ત-પ્રકટિતવિભવા નઃ પ્રયચ્ચન્તુ સૌખ્યમ્ ॥

ઓ-ઙ્ગ॒ણાના᳚-ન્ત્વા ગ॒ણપ॑તિગ્ં હવામહે ક॒વિ-ઙ્ક॑વી॒નામુ॑પ॒મશ્ર॑વસ્તમમ્ ।

જ્યે॒ષ્ઠ॒રાજ॒-મ્બ્રહ્મ॑ણા-મ્બ્રહ્મણસ્પત॒ આ નઃ॑ શૃ॒ણ્વન્નૂ॒તિભિ॑સ્સીદ॒ સાદ॑નમ્ ॥

મહાગણપતયે॒ નમઃ ॥

શ-ઞ્ચ॑ મે॒ મય॑શ્ચ મે પ્રિ॒ય-ઞ્ચ॑ મે-ઽનુકા॒મશ્ચ॑ મે॒ કામ॑શ્ચ મે સૌમનસ॒શ્ચ॑ મે ભ॒દ્ર-ઞ્ચ॑ મે॒ શ્રેય॑શ્ચ મે॒ વસ્ય॑શ્ચ મે॒ યશ॑શ્ચ મે॒ ભગ॑શ્ચ મે॒ દ્રવિ॑ણ-ઞ્ચ મે ય॒ન્તા ચ॑ મે ધ॒ર્તા ચ॑ મે॒ ક્ષેમ॑શ્ચ મે॒ ધૃતિ॑શ્ચ મે॒ વિશ્વ॑-ઞ્ચ મે॒ મહ॑શ્ચ મે સં॒​વિઁચ્ચ॑ મે॒ જ્ઞાત્ર॑-ઞ્ચ મે॒ સૂશ્ચ॑ મે પ્ર॒સૂશ્ચ॑ મે॒ સીર॑-ઞ્ચ મે લ॒યશ્ચ॑ મ ઋ॒ત-ઞ્ચ॑ મે॒-ઽમૃત॑-ઞ્ચ મે-ઽય॒ક્ષ્મ-ઞ્ચ॒ મે-ઽના॑મયચ્ચ મે જી॒વાતુ॑શ્ચ મે દીર્ઘાયુ॒ત્વ-ઞ્ચ॑ મે-ઽનમિ॒ત્ર-ઞ્ચ॒ મે-ઽભ॑ય-ઞ્ચ મે સુ॒ગ-ઞ્ચ॑ મે॒ શય॑ન-ઞ્ચ મે સૂ॒ષા ચ॑ મે॒ સુ॒દિન॑-ઞ્ચ મે ॥

ૐ શાન્તિ॒-શ્શાન્તિ॒-શ્શાન્તિઃ॑ ॥