శ్రీ రుద్రం - చమకప్రశ్నః

శ్రీ రుద్రం - చమకప్రశ్నః

శ్లోక 1

ఓం అగ్నా॑విష్ణూ స॒జోష॑సే॒మావ॑ర్ధన్తు వా॒-ఙ్గిరః॑ ।

ద్యు॒మ్నైర్వాజే॑భి॒రాగ॑తమ్ ।

వాజ॑శ్చ మే ప్రస॒వశ్చ॑ మే॒

ప్రయ॑తిశ్చ మే॒ ప్రసి॑తిశ్చ మే

ధీ॒తిశ్చ॑ మే॒ క్రతు॑శ్చ మే॒

స్వర॑శ్చ మే॒ శ్లోక॑శ్చ మే

శ్రా॒వశ్చ॑ మే॒ శ్రుతి॑శ్చ మే॒

జ్యోతి॑శ్చ మే॒ సువ॑శ్చ మే

ప్రా॒ణశ్చ॑ మే-ఽపా॒నశ్చ॑ మే

వ్యా॒నశ్చ॒ మే-ఽసు॑శ్చ మే

చి॒త్త-ఞ్చ॑ మ॒ ఆధీ॑త-ఞ్చ మే॒

వాక్చ॑ మే॒ మన॑శ్చ మే॒

చక్షు॑శ్చ మే॒ శ్రోత్ర॑-ఞ్చ మే॒

దక్ష॑శ్చ మే॒ బల॑-ఞ్చ మ॒

ఓజ॑శ్చ మే॒ సహ॑శ్చ మ॒

ఆయు॑శ్చ మే జ॒రా చ॑ మ

ఆ॒త్మా చ॑ మే త॒నూశ్చ॑ మే॒

శర్మ॑ చ మే॒ వర్మ॑ చ॒ మే-ఽఙ్గా॑ని చ మే॒-ఽస్థాని॑ చ మే॒

పరూగ్ం॑షి చ మే॒ శరీ॑రాణి చ మే

శ్లోక 2

జైష్ఠ్య॑-ఞ్చ మ॒ ఆధి॑పత్య-ఞ్చ మే

మ॒న్యుశ్చ॑ మే॒ భామ॑శ్చ॒ మే-ఽమ॑శ్చ॒ మే-ఽమ్భ॑శ్చ మే

జే॒మా చ॑ మే మహి॒మా చ॑ మే

వరి॒మా చ॑ మే ప్రథి॒మా చ॑ మే

వ॒ర్​ష్మా చ॑ మే ద్రాఘు॒యా చ॑ మే

వృ॒ద్ధ-ఞ్చ॑ మే॒ వృద్ధి॑శ్చ మే

స॒త్య-ఞ్చ॑ మే శ్ర॒ద్ధా చ॑ మే॒

జగ॑చ్చ మే॒ ధన॑-ఞ్చ మే॒

వశ॑శ్చ మే॒ త్విషి॑శ్చ మే

క్రీ॒డా చ॑ మే॒ మోద॑శ్చ మే

జా॒త-ఞ్చ॑ మే జని॒ష్యమా॑ణ-ఞ్చ మే

సూ॒క్త-ఞ్చ॑ మే సుకృ॒త-ఞ్చ॑ మే

వి॒త్త-ఞ్చ॑ మే॒ వేద్య॑-ఞ్చ మే

భూ॒త-ఞ్చ॑ మే భవి॒ష్యచ్చ॑ మే

సు॒గ-ఞ్చ॑ మే సు॒పథ॑-ఞ్చ మ

ఋ॒ద్ధ-ఞ్చ॑ మ॒ ఋద్ధి॑శ్చ మే

కౢ॒ప్త-ఞ్చ॑ మే॒ కౢప్తి॑శ్చ మే

మ॒తిశ్చ॑ మే సుమ॒తిశ్చ॑ మే

॥ 1 ॥

శ్లోక 3

శ-ఞ్చ॑ మే॒ మయ॑శ్చ మే

ప్రి॒య-ఞ్చ॑ మే-ఽనుకా॒మశ్చ॑ మే॒ కామ॑శ్చ మే

సౌమన॒సశ్చ॑ మే భ॒ద్ర-ఞ్చ॑ మే॒

శ్రేయ॑శ్చ మే॒ వస్య॑శ్చ మే॒

యశ॑శ్చ మే॒ భగ॑శ్చ మే॒ ద్రవి॑ణ-ఞ్చ మే

య॒న్తా చ॑ మే ధ॒ర్తా చ॑ మే॒

క్షేమ॑శ్చ మే॒ ధృతి॑శ్చ మే॒

విశ్వ॑-ఞ్చ మే॒ మహ॑శ్చ మే

సం॒​విఁచ్చ॑ మే॒ జ్ఞాత్ర॑-ఞ్చ మే॒

సూశ్చ॑ మే ప్ర॒సూశ్చ॑ మే॒

సీర॑-ఞ్చ మే ల॒యశ్చ॑ మ

ఋ॒త-ఞ్చ॑ మే॒-ఽమృత॑-ఞ్చ మే-ఽయ॒క్ష్మ-ఞ్చ॒ మే-ఽనా॑మయచ్చ మే

జీ॒వాతు॑శ్చ మే దీర్ఘాయు॒త్వ-ఞ్చ॑ మే-ఽనమి॒త్ర-ఞ్చ॒ మే-ఽభ॑య-ఞ్చ మే

సు॒గ-ఞ్చ॑ మే॒ శయ॑న-ఞ్చ మే

సూ॒షా చ॑ మే సు॒దిన॑-ఞ్చ మే

॥ 2 ॥

శ్లోక 4

ఊర్క్చ॑ మే సూ॒నృతా॑ చ మే॒

పయ॑శ్చ మే॒ రస॑శ్చ మే

ఘృ॒త-ఞ్చ॑ మే॒ మధు॑ చ మే॒

సగ్ధి॑శ్చ మే॒ సపీ॑తిశ్చ మే

కృ॒షిశ్చ॑ మే॒ వృష్టి॑శ్చ మే॒

జైత్ర॑-ఞ్చ మ॒ ఔద్భి॑ద్య-ఞ్చ మే

ర॒యిశ్చ॑ మే॒ రాయ॑శ్చ మే

పు॒ష్ట-ఞ్చ॑ మే॒ పుష్టి॑శ్చ మే

వి॒భు చ॑ మే ప్ర॒భు చ॑ మే

బ॒హు చ॑ మే॒ భూయ॑శ్చ మే

పూ॒ర్ణ-ఞ్చ॑ మే పూ॒ర్ణత॑ర-ఞ్చ॒ మే-ఽక్షి॑తిశ్చ మే॒ కూయ॑వాశ్చ॒ మే-ఽన్న॑-ఞ్చ॒ మే-ఽక్షు॑చ్చ మే

వ్రీ॒హయ॑శ్చ మే॒ యవా᳚శ్చ మే॒

మాషా᳚శ్చ మే॒ తిలా᳚శ్చ మే

ము॒ద్గాశ్చ॑ మే ఖ॒ల్వా᳚శ్చ మే

గో॒ధూమా᳚శ్చ మే మ॒సురా᳚శ్చ మే

ప్రి॒యఙ్గ॑వశ్చ॒ మే-ఽణ॑వశ్చ మే

శ్యా॒మాకా᳚శ్చ మే నీ॒వారా᳚శ్చ మే

॥ 3 ॥

శ్లోక 5

అశ్మా॑ చ మే॒ మృత్తి॑కా చ మే

గి॒రయ॑శ్చ మే॒ పర్వ॑తాశ్చ మే॒

సిక॑తాశ్చ మే॒ వన॒స్పత॑యశ్చ మే॒

హిర॑ణ్య-ఞ్చ॒ మే-ఽయ॑శ్చ మే॒

సీస॑-ఞ్చ॒ మే త్రపు॑శ్చ మే

శ్యా॒మ-ఞ్చ॑ మే లో॒హ-ఞ్చ॑ మే॒-ఽగ్నిశ్చ॑ మ॒

ఆప॑శ్చ మే వీ॒రుధ॑శ్చ మ॒ ఓష॑ధయశ్చ మే

కృష్టప॒చ్య-ఞ్చ॑ మే-ఽకృష్టప॒చ్య-ఞ్చ॑ మే

గ్రా॒మ్యాశ్చ॑ మే ప॒శవ॑ ఆర॒ణ్యాశ్చ॑ య॒జ్ఞేన॑ కల్పన్తాం

వి॒త్త-ఞ్చ॑ మే॒ విత్తి॑శ్చ మే

భూ॒త-ఞ్చ॑ మే॒ భూతి॑శ్చ మే॒

వసు॑ చ మే వస॒తిశ్చ॑ మే॒

కర్మ॑ చ మే॒ శక్తి॑శ్చ॒ మే-ఽర్థ॑శ్చ మ॒

ఏమ॑శ్చ మ॒ ఇతి॑శ్చ మే॒ గతి॑శ్చ మే

॥ 4 ॥

శ్లోక 6

అ॒గ్నిశ్చ॑ మ॒ ఇన్ద్ర॑శ్చ మే॒

సోమ॑శ్చ మ॒ ఇన్ద్ర॑శ్చ మే

సవి॒తా చ॑ మ॒ ఇన్ద్ర॑శ్చ మే॒

సర॑స్వతీ చ మ॒ ఇన్ద్ర॑శ్చ మే

పూ॒షా చ॑ మ॒ ఇన్ద్ర॑శ్చ మే॒

బృహ॒స్పతి॑శ్చ మ॒ ఇన్ద్ర॑శ్చ మే

మి॒త్రశ్చ॑ మ॒ ఇన్ద్ర॑శ్చ మే॒

వరు॑ణశ్చ మ॒ ఇన్ద్ర॑శ్చ మే॒

త్వష్ఠా॑ చ మ॒ ఇన్ద్ర॑శ్చ మే

ధా॒తా చ॑ మ॒ ఇన్ద్ర॑శ్చ మే॒

విష్ణు॑శ్చ మ॒ ఇన్ద్ర॑శ్చ మే॒-ఽశ్వినౌ॑ చ మ॒ ఇన్ద్ర॑శ్చ మే

మ॒రుత॑శ్చ మ॒ ఇన్ద్ర॑శ్చ మే॒

విశ్వే॑ చ మే దే॒వా ఇన్ద్ర॑శ్చ మే

పృథి॒వీ చ॑ మ॒ ఇన్ద్ర॑శ్చ మే॒-ఽన్తరి॑క్ష-ఞ్చ మ॒ ఇన్ద్ర॑శ్చ మే॒

ద్యౌశ్చ॑ మ॒ ఇన్ద్ర॑శ్చ మే॒

దిశ॑శ్చ మ॒ ఇన్ద్ర॑శ్చ మే

మూ॒ర్ధా చ॑ మ॒ ఇన్ద్ర॑శ్చ మే

ప్ర॒జాప॑తిశ్చ మ॒ ఇన్ద్ర॑శ్చ మే

॥ 5 ॥

శ్లోక 7

అ॒గ్ం॒శుశ్చ॑ మే ర॒శ్మిశ్చ॒ మే-ఽదా᳚భ్యశ్చ॒ మే-ఽధి॑పతిశ్చ మ

ఉపా॒గ్ం॒శుశ్చ॑ మే-ఽన్తర్యా॒మశ్చ॑ మ

ఐన్ద్రవాయ॒వశ్చ॑ మే మైత్రావరు॒ణశ్చ॑ మ

ఆశ్వి॒నశ్చ॑ మే ప్రతిప్ర॒స్థాన॑శ్చ మే

శు॒క్రశ్చ॑ మే మ॒న్థీ చ॑ మ

ఆగ్రయ॒ణశ్చ॑ మే వైశ్వదే॒వశ్చ॑ మే

ధ్రు॒వశ్చ॑ మే వైశ్వాన॒రశ్చ॑ మ

ఋతుగ్ర॒హాశ్చ॑ మే-ఽతిగ్రా॒హ్యా᳚శ్చ మ

ఐన్ద్రా॒గ్నశ్చ॑ మే వైశ్వదే॒వశ్చ॑ మే

మరుత్వ॒తీయా᳚శ్చ మే మాహే॒న్ద్రశ్చ॑ మ

ఆది॒త్యశ్చ॑ మే సావి॒త్రశ్చ॑ మే

సారస్వ॒తశ్చ॑ మే పౌ॒ష్ణశ్చ॑ మే

పాత్నీవ॒తశ్చ॑ మే హారియోజ॒నశ్చ॑ మే

॥ 6 ॥

శ్లోక 8

ఇ॒ధ్మశ్చ॑ మే బ॒ర్॒హిశ్చ॑ మే॒

వేది॑శ్చ మే॒ దిష్ణి॑యాశ్చ మే॒

స్రుచ॑శ్చ మే చమ॒సాశ్చ॑ మే॒

గ్రావా॑ణశ్చ మే॒ స్వర॑వశ్చ మ

ఉపర॒వాశ్చ॑ మే-ఽధి॒షవ॑ణే చ మే

ద్రోణకల॒శశ్చ॑ మే వాయ॒వ్యా॑ని చ మే

పూత॒భృచ్చ॑ మ ఆధవ॒నీయ॑శ్చ మ॒

ఆగ్నీ᳚ధ్ర-ఞ్చ మే హవి॒ర్ధాన॑-ఞ్చ మే

గృ॒హాశ్చ॑ మే॒ సద॑శ్చ మే పురో॒డాశా᳚శ్చ మే

పచ॒తాశ్చ॑ మే-ఽవభృ॒థశ్చ॑ మే స్వగాకా॒రశ్చ॑ మే

॥ 7 ॥

శ్లోక 9

అ॒గ్నిశ్చ॑ మే ఘ॒ర్మశ్చ॑ మే॒-ఽర్కశ్చ॑ మే॒

సూర్య॑శ్చ మే ప్రా॒ణశ్చ॑ మే-ఽశ్వమే॒ధశ్చ॑ మే

పృథి॒వీ చ॒ మే-ఽది॑తిశ్చ మే॒ దితి॑శ్చ మే॒

ద్యౌశ్చ॑ మే॒ శక్వ॑రీర॒ఙ్గుల॑యో॒ దిశ॑శ్చ మే

య॒జ్ఞేన॑ కల్పన్తా॒మృక్చ॑ మే॒

సామ॑ చ మే॒ స్తోమ॑శ్చ మే॒

యజు॑శ్చ మే దీ॒క్షా చ॑ మే॒

తప॑శ్చ మ ఋ॒తుశ్చ॑ మే

వ్ర॒త-ఞ్చ॑ మే-ఽహోరా॒త్రయో᳚ర్వృ॒ష్ట్యా బృ॑హద్రథన్త॒రే చ॑ మే

య॒జ్ఞేన॑ కల్పేతామ్

॥ 8 ॥

శ్లోక 10

గర్భా᳚శ్చ మే వ॒త్సాశ్చ॑ మే॒

త్ర్యవి॑శ్చ మే త్ర్య॒వీచ॑ మే

దిత్య॒వాట్ చ॑ మే దిత్యౌ॒హీ చ॑ మే॒

పఞ్చా॑విశ్చ మే పఞ్చా॒వీ చ॑ మే

త్రివ॒త్సశ్చ॑ మే త్రివ॒త్సా చ॑ మే

తుర్య॒వాట్ చ॑ మే తుర్యౌ॒హీ చ॑ మే

పష్ఠ॒వాట్ చ॑ మే పష్ఠౌ॒హీ చ॑ మ

ఉ॒క్షా చ॑ మే వ॒శా చ॑ మ

ఋష॒భశ్చ॑ మే వే॒హచ్చ॑ మే-ఽన॒డ్వాఞ్చ॑ మే

ధే॒నుశ్చ॑ మ॒ ఆయు॑ర్య॒జ్ఞేన॑ కల్పతాం

ప్రా॒ణో య॒జ్ఞేన॑ కల్పతామపా॒నో య॒జ్ఞేన॑ కల్పతాం

వ్యా॒నో య॒జ్ఞేన॑ కల్పతాం॒

చక్షు॑ర్య॒జ్ఞేన॑ కల్పతా॒గ్॒ శ్రోత్రం॑-యఁ॒జ్ఞేన॑ కల్పతాం॒

మనో॑ య॒జ్ఞేన॑ కల్పతాం॒

వాగ్య॒జ్ఞేన॑ కల్పతామా॒త్మా య॒జ్ఞేన॑ కల్పతాం

య॒జ్ఞో య॒జ్ఞేన॑ కల్పతామ్

॥ 9 ॥

శ్లోక 11

ఏకా॑ చ మే తి॒స్రశ్చ॑ మే॒

పఞ్చ॑ చ మే స॒ప్త చ॑ మే॒

నవ॑ చ మ॒ ఏకా॑దశ చ మే॒

త్రయో॑దశ చ మే॒ పఞ్చ॑దశ చ మే

స॒ప్తద॑శ చ మే॒ నవ॑దశ చ మ॒

ఏక॑విగ్ంశతిశ్చ మే॒ త్రయో॑విగ్ంశతిశ్చ మే॒

పఞ్చ॑విగ్ంశతిశ్చ మే స॒ప్తవిగ్ం॑శతిశ్చ మే॒

నవ॑విగ్ంశతిశ్చ మ॒ ఏక॑త్రిగ్ంశచ్చ మే॒

త్రయ॑స్త్రిగ్ంశచ్చ మే॒ చత॑స్రశ్చ మే॒-ఽష్టౌ చ॑ మే॒

ద్వాద॑శ చ మే॒ షోడ॑శ చ మే

విగ్ంశ॒తిశ్చ॑ మే॒ చతు॑ర్విగ్ంశతిశ్చ మే॒-ఽష్టావిగ్ం॑శతిశ్చ మే॒

ద్వాత్రిగ్ం॑శచ్చ మే॒ షట్-త్రిగ్ం॑శచ్చ మే

చత్వారి॒గ్ం॒శచ్చ॑ మే॒ చతు॑శ్చత్వారిగ్ంశచ్చ మే॒-ఽష్టాచ॑త్వారిగ్ంశచ్చ మే॒

వాజ॑శ్చ ప్రస॒వశ్చా॑పి॒జశ్చ॒

క్రతు॑శ్చ॒ సువ॑శ్చ మూ॒ర్ధా చ॒

వ్యశ్ని॑యశ్చాన్త్యాయ॒నశ్చాన్త్య॑శ్చ

భౌవ॒నశ్చ॒ భువ॑న॒శ్చాధి॑పతిశ్చ

॥ 10 ॥

శ్లోక 12

ఓం ఇడా॑ దేవ॒హూ-ర్మను॑ర్యజ్ఞ॒నీ-ర్బృహ॒స్పతి॑రుక్థామ॒దాని॑

శగ్ంసిష॒ద్విశ్వే॑ దే॒వా-స్సూ᳚క్త॒వాచః॒ పృథి॑విమాత॒ర్మా

మా॑ హిగ్ంసీ॒ర్మధు॑ మనిష్యే॒ మధు॑ జనిష్యే॒

మధు॑ వక్ష్యామి॒ మధు॑ వదిష్యామి॒

మధు॑మతీ-న్దే॒వేభ్యో॒ వాచ॒ముద్యాసగ్ంశుశ్రూషే॒ణ్యా᳚మ్

మను॒ష్యే᳚భ్య॒స్తం

మా॑ దే॒వా అ॑వన్తు శో॒భాయై॑ పి॒తరో-ఽను॑మదన్తు ॥

ఓం శాన్తి॒-శ్శాన్తి॒-శ్శాన్తిః॑ ॥