શ્રી મીનાક્ષી સ્તોત્રમ્

શ્રી મીનાક્ષી સ્તોત્રમ્

શ્લોક 1

શ્રીવિદ્યે શિવવામભાગનિલયે શ્રીરાજરાજાર્ચિતે

શ્રીનાથાદિગુરુસ્વરૂપવિભવે ચિન્તામણીપીઠિકે ।

શ્રીવાણીગિરિજાનુતાઙ્ઘ્રિકમલે શ્રીશામ્ભવિ શ્રીશિવે

મધ્યાહ્ને મલયધ્વજાધિપસુતે માં પાહિ મીનામ્બિકે

શ્લોક 2

ચક્રસ્થેઽચપલે ચરાચરજગન્નાથે જગત્પૂજિતે

આર્તાલીવરદે નતાભયકરે વક્ષોજભારાન્વિતે ।

વિદ્યે વેદકલાપમૌલિવિદિતે વિદ્યુલ્લતાવિગ્રહે

માતઃ પૂર્ણસુધારસાર્દ્રહૃદયે માં પાહિ મીનામ્બિકે

॥ 1 ॥

શ્લોક 3

કોટીરાઙ્ગદરત્નકુણ્ડલધરે કોદણ્ડબાણાઞ્ચિતે

કોકાકારકુચદ્વયોપરિલસત્પ્રાલમ્બહારાઞ્ચિતે ।

શિઞ્જન્નૂપુરપાદસારસમણીશ્રીપાદુકાલઙ્કૃતે

મદ્દારિદ્ર્યભુજઙ્ગગારુડખગે માં પાહિ મીનામ્બિકે

॥ 2 ॥

શ્લોક 4

બ્રહ્મેશાચ્યુતગીયમાનચરિતે પ્રેતાસનાન્તસ્થિતે

પાશોદઙ્કુશચાપબાણકલિતે બાલેન્દુચૂડાઞ્ચિતે ।

બાલે બાલકુરઙ્ગલોલનયને બાલાર્કકોટ્યુજ્જ્વલે

મુદ્રારાધિતદૈવતે મુનિસુતે માં પાહિ મીનામ્બિકે

॥ 3 ॥

શ્લોક 5

ગન્ધર્વામરયક્ષપન્નગનુતે ગઙ્ગાધરાલિઙ્ગિતે

ગાયત્રીગરુડાસને કમલજે સુશ્યામલે સુસ્થિતે ।

ખાતીતે ખલદારુપાવકશિખે ખદ્યોતકોટ્યુજ્જ્વલે

મન્ત્રારાધિતદૈવતે મુનિસુતે માં પાહી મીનામ્બિકે

॥ 4 ॥

શ્લોક 6

નાદે નારદતુમ્બુરાદ્યવિનુતે નાદાન્તનાદાત્મિકે

નિત્યે નીલલતાત્મિકે નિરુપમે નીવારશૂકોપમે ।

કાન્તે કામકલે કદમ્બનિલયે કામેશ્વરાઙ્કસ્થિતે

મદ્વિદ્યે મદભીષ્ટકલ્પલતિકે માં પાહિ મીનામ્બિકે

॥ 5 ॥

શ્લોક 7

વીણાનાદનિમીલિતાર્ધનયને વિસ્રસ્તચૂલીભરે

તામ્બૂલારુણપલ્લવાધરયુતે તાટઙ્કહારાન્વિતે ।

શ્યામે ચન્દ્રકલાવતંસકલિતે કસ્તૂરિકાફાલિકે

પૂર્ણે પૂર્ણકલાભિરામવદને માં પાહિ મીનામ્બિકે

॥ 6 ॥

શ્લોક 8

શબ્દબ્રહ્મમયી ચરાચરમયી જ્યોતિર્મયી વાઙ્મયી

નિત્યાનન્દમયી નિરઞ્જનમયી તત્ત્વમ્મયી ચિન્મયી ।

તત્ત્વાતીતમયી પરાત્પરમયી માયામયી શ્રીમયી

સર્વૈશ્વર્યમયી સદાશિવમયી માં પાહિ મીનામ્બિકે

॥ 7 ॥

શ્લોક 9

ઇતિ શ્રીમત્પરમહંસપરિવ્રાજકાચાર્યસ્ય શ્રીગોવિન્દભગવત્પૂજ્યપાદશિષ્યસ્ય શ્રીમચ્છઙ્કરભગવતઃ કૃતૌ મીનાક્ષી સ્તોત્રમ્ ।