శ్రీ లక్ష్మీ సహస్రనామ స్తోత్రం

శ్రీ లక్ష్మీ సహస్రనామ స్తోత్రం

శ్లోక 1

నామ్నాం సాష్టసహస్రఞ్చ బ్రూహి గార్గ్య మహామతే ।

మహాలక్ష్మ్యా మహాదేవ్యా భుక్తిముక్త్యర్థసిద్ధయే

శ్లోక 2

గార్గ్య ఉవాచ

సనత్కుమారమాసీనం ద్వాదశాదిత్యసన్నిభమ్ ।

అపృచ్ఛన్యోగినో భక్త్యా యోగినామర్థసిద్ధయే

॥ 1 ॥

శ్లోక 3

సర్వలౌకికకర్మభ్యో విముక్తానాం హితాయ వై ।

భుక్తిముక్తిప్రదం జప్యమనుబ్రూహి దయానిధే

॥ 2 ॥

శ్లోక 4

సనత్కుమార భగవన్సర్వజ్ఞోఽసి విశేషతః ।

ఆస్తిక్యసిద్ధయే నౄణాం క్షిప్రధర్మార్థసాధనమ్

॥ 3 ॥

శ్లోక 5

ఖిద్యన్తి మానవాస్సర్వే ధనాభావేన కేవలమ్ ।

సిద్ధ్యన్తి ధనినోఽన్యస్య నైవ ధర్మార్థకామనాః

॥ 4 ॥

శ్లోక 6

దారిద్ర్యధ్వంసినీ నామ కేన విద్యా ప్రకీర్తితా ।

కేన వా బ్రహ్మవిద్యాఽపి కేన మృత్యువినాశినీ

॥ 5 ॥

శ్లోక 7

సర్వాసాం సారభూతైకా విద్యానాం కేన కీర్తితా ।

ప్రత్యక్షసిద్ధిదా బ్రహ్మన్ తామాచక్ష్వ దయానిధే

॥ 6 ॥

శ్లోక 8

సనత్కుమార ఉవాచ

సాధు పృష్టం మహాభాగాస్సర్వలోకహితైషిణః ।

మహతామేష ధర్మశ్చ నాన్యేషామితి మే మతిః

॥ 7 ॥

శ్లోక 9

బ్రహ్మవిష్ణుమహాదేవమహేన్ద్రాదిమహాత్మభిః ।

సమ్ప్రోక్తం కథయామ్యద్య లక్ష్మీనామసహస్రకమ్

॥ 8 ॥

శ్లోక 10

యస్యోచ్చారణమాత్రేణ దారిద్ర్యాన్ముచ్యతే నరః ।

కిం పునస్తజ్జపాజ్జాపీ సర్వేష్టార్థానవాప్నుయాత్

॥ 9 ॥

శ్లోక 11

అస్య శ్రీలక్ష్మీదివ్యసహస్రనామస్తోత్రమహామన్త్రస్య ఆనన్దకర్దమచిక్లీతేన్దిరాసుతాదయో మహాత్మానో మహర్షయః అనుష్టుప్ఛన్దః విష్ణుమాయా శక్తిః మహాలక్ష్మీః పరాదేవతా శ్రీమహాలక్ష్మీప్రసాదద్వారా సర్వేష్టార్థసిద్ధ్యర్థే జపే వినియోగః ।

ధ్యానమ్

పద్మనాభప్రియాం దేవీం పద్మాక్షీం పద్మవాసినీమ్ ।

పద్మవక్త్రాం పద్మహస్తాం వన్దే పద్మామహర్నిశమ్

॥ 10 ॥

శ్లోక 12

పూర్ణేన్దువదనాం దివ్యరత్నాభరణభూషితామ్ ।

వరదాభయహస్తాఢ్యాం ధ్యాయేచ్చన్ద్రసహోదరీమ్

॥ 1 ॥

శ్లోక 13

ఇచ్ఛారూపాం భగవతస్సచ్చిదానన్దరూపిణీమ్ ।

సర్వజ్ఞాం సర్వజననీం విష్ణువక్షస్స్థలాలయామ్ ।

దయాలుమనిశం ధ్యాయేత్సుఖసిద్ధిస్వరూపిణీమ్

॥ 2 ॥

శ్లోక 14

స్తోత్రమ్

నిత్యాగతానన్తనిత్యా నన్దినీ జనరఞ్జనీ ।

నిత్యప్రకాశినీ చైవ స్వప్రకాశస్వరూపిణీ

॥ 3 ॥

శ్లోక 15

మహాలక్ష్మీర్మహాకాలీ మహాకన్యా సరస్వతీ ।

భోగవైభవసన్ధాత్రీ భక్తానుగ్రహకారిణీ

॥ 1 ॥

శ్లోక 16

ఈశావాస్యా మహామాయా మహాదేవీ మహేశ్వరీ ।

హృల్లేఖా పరమా శక్తిర్మాతృకాబీజరూపిణీ

॥ 2 ॥

శ్లోక 17

నిత్యానన్దా నిత్యబోధా నాదినీ జనమోదినీ ।

సత్యప్రత్యయనీ చైవ స్వప్రకాశాత్మరూపిణీ

॥ 3 ॥

శ్లోక 18

త్రిపురా భైరవీ విద్యా హంసా వాగీశ్వరీ శివా ।

వాగ్దేవీ చ మహారాత్రిః కాలరాత్రిస్త్రిలోచనా

॥ 4 ॥

శ్లోక 19

భద్రకాలీ కరాలీ చ మహాకాలీ తిలోత్తమా ।

కాలీ కరాలవక్త్రాన్తా కామాక్షీ కామదా శుభా

॥ 5 ॥

శ్లోక 20

చణ్డికా చణ్డరూపేశా చాముణ్డా చక్రధారిణీ ।

త్రైలోక్యజయినీ దేవీ త్రైలోక్యవిజయోత్తమా

॥ 6 ॥

శ్లోక 21

సిద్ధలక్ష్మీః క్రియాలక్ష్మీర్మోక్షలక్ష్మీః ప్రసాదినీ ।

ఉమా భగవతీ దుర్గా చాన్ద్రీ దాక్షాయణీ శివా

॥ 7 ॥

శ్లోక 22

ప్రత్యఙ్గిరా ధరావేలా లోకమాతా హరిప్రియా ।

పార్వతీ పరమా దేవీ బ్రహ్మవిద్యాప్రదాయినీ

॥ 8 ॥

శ్లోక 23

అరూపా బహురూపా చ విరూపా విశ్వరూపిణీ ।

పఞ్చభూతాత్మికా వాణీ పఞ్చభూతాత్మికా పరా

॥ 9 ॥

శ్లోక 24

కాలీ మా పఞ్చికా వాగ్మీ హవిఃప్రత్యధిదేవతా ।

దేవమాతా సురేశానా దేవగర్భాఽమ్బికా ధృతిః

॥ 10 ॥

శ్లోక 25

సఙ్ఖ్యా జాతిః క్రియాశక్తిః ప్రకృతిర్మోహినీ మహీ ।

యజ్ఞవిద్యా మహావిద్యా గుహ్యవిద్యా విభావరీ

॥ 11 ॥

శ్లోక 26

జ్యోతిష్మతీ మహామాతా సర్వమన్త్రఫలప్రదా ।

దారిద్ర్యధ్వంసినీ దేవీ హృదయగ్రన్థిభేదినీ

॥ 12 ॥

శ్లోక 27

సహస్రాదిత్యసఙ్కాశా చన్ద్రికా చన్ద్రరూపిణీ ।

గాయత్రీ సోమసమ్భూతిస్సావిత్రీ ప్రణవాత్మికా

॥ 13 ॥

శ్లోక 28

శాఙ్కరీ వైష్ణవీ బ్రాహ్మీ సర్వదేవనమస్కృతా ।

సేవ్యదుర్గా కుబేరాక్షీ కరవీరనివాసినీ

॥ 14 ॥

శ్లోక 29

జయా చ విజయా చైవ జయన్తీ చాఽపరాజితా ।

కుబ్జికా కాలికా శాస్త్రీ వీణాపుస్తకధారిణీ

॥ 15 ॥

శ్లోక 30

సర్వజ్ఞశక్తిశ్శ్రీశక్తిర్బ్రహ్మవిష్ణుశివాత్మికా ।

ఇడాపిఙ్గలికామధ్యమృణాలీతన్తురూపిణీ

॥ 16 ॥

శ్లోక 31

యజ్ఞేశానీ ప్రథా దీక్షా దక్షిణా సర్వమోహినీ ।

అష్టాఙ్గయోగినీ దేవీ నిర్బీజధ్యానగోచరా

॥ 17 ॥

శ్లోక 32

సర్వతీర్థస్థితా శుద్ధా సర్వపర్వతవాసినీ ।

వేదశాస్త్రప్రభా దేవీ షడఙ్గాదిపదక్రమా

॥ 18 ॥

శ్లోక 33

శివా ధాత్రీ శుభానన్దా యజ్ఞకర్మస్వరూపిణీ ।

వ్రతినీ మేనకా దేవీ బ్రహ్మాణీ బ్రహ్మచారిణీ

॥ 19 ॥

శ్లోక 34

ఏకాక్షరపరా తారా భవబన్ధవినాశినీ ।

విశ్వమ్భరా ధరాధారా నిరాధారాఽధికస్వరా

॥ 20 ॥

శ్లోక 35

రాకా కుహూరమావాస్యా పూర్ణిమాఽనుమతిర్ద్యుతిః ।

సినీవాలీ శివాఽవశ్యా వైశ్వదేవీ పిశఙ్గిలా

॥ 21 ॥

శ్లోక 36

పిప్పలా చ విశాలాక్షీ రక్షోఘ్నీ వృష్టికారిణీ ।

దుష్టవిద్రావిణీ దేవీ సర్వోపద్రవనాశినీ

॥ 22 ॥

శ్లోక 37

శారదా శరసన్ధానా సర్వశస్త్రస్వరూపిణీ ।

యుద్ధమధ్యస్థితా దేవీ సర్వభూతప్రభఞ్జనీ

॥ 23 ॥

శ్లోక 38

అయుద్ధా యుద్ధరూపా చ శాన్తా శాన్తిస్వరూపిణీ ।

గఙ్గా సరస్వతీవేణీయమునానర్మదాపగా

॥ 24 ॥

శ్లోక 39

సముద్రవసనావాసా బ్రహ్మాణ్డశ్రోణిమేఖలా ।

పఞ్చవక్త్రా దశభుజా శుద్ధస్ఫటికసన్నిభా

॥ 25 ॥

శ్లోక 40

రక్తా కృష్ణా సితా పీతా సర్వవర్ణా నిరీశ్వరీ ।

కాలికా చక్రికా దేవీ సత్యా తు వటుకాస్థితా

॥ 26 ॥

శ్లోక 41

తరుణీ వారుణీ నారీ జ్యేష్ఠాదేవీ సురేశ్వరీ ।

విశ్వమ్భరాధరా కర్త్రీ గలార్గలవిభఞ్జనీ

॥ 27 ॥

శ్లోక 42

సన్ధ్యారాత్రిర్దివాజ్యోత్స్నా కలాకాష్ఠా నిమేషికా ।

ఉర్వీ కాత్యాయనీ శుభ్రా సంసారార్ణవతారిణీ

॥ 28 ॥

శ్లోక 43

కపిలా కీలికాఽశోకా మల్లికానవమల్లికా । [ మల్లికానవమాలికా ]

దేవికా నన్దికా శాన్తా భఞ్జికా భయభఞ్జికా

॥ 29 ॥

శ్లోక 44

కౌశికీ వైదికీ దేవీ సౌరీ రూపాధికాఽతిభా ।

దిగ్వస్త్రా నవవస్త్రా చ కన్యకా కమలోద్భవా

॥ 30 ॥

శ్లోక 45

శ్రీస్సౌమ్యలక్షణాఽతీతదుర్గా సూత్రప్రబోధికా ।

శ్రద్ధా మేధా కృతిః ప్రజ్ఞా ధారణా కాన్తిరేవ చ

॥ 31 ॥

శ్లోక 46

శ్రుతిః స్మృతిర్ధృతిర్ధన్యా భూతిరిష్టిర్మనీషిణీ ।

విరక్తిర్వ్యాపినీ మాయా సర్వమాయాప్రభఞ్జనీ

॥ 32 ॥

శ్లోక 47

మాహేన్ద్రీ మన్త్రిణీ సింహీ చేన్ద్రజాలస్వరూపిణీ ।

అవస్థాత్రయనిర్ముక్తా గుణత్రయవివర్జితా

॥ 33 ॥

శ్లోక 48

ఈషణాత్రయనిర్ముక్తా సర్వరోగవివర్జితా ।

యోగిధ్యానాన్తగమ్యా చ యోగధ్యానపరాయణా

॥ 34 ॥

శ్లోక 49

త్రయీశిఖా విశేషజ్ఞా వేదాన్తజ్ఞానరూపిణీ ।

భారతీ కమలా భాషా పద్మా పద్మవతీ కృతిః

॥ 35 ॥

శ్లోక 50

గౌతమీ గోమతీ గౌరీ ఈశానా హంసవాహినీ ।

నారాయణీ ప్రభాధారా జాహ్నవీ శఙ్కరాత్మజా

॥ 36 ॥

శ్లోక 51

చిత్రఘణ్టా సునన్దా శ్రీర్మానవీ మనుసమ్భవా ।

స్తమ్భినీ క్షోభిణీ మారీ భ్రామిణీ శత్రుమారిణీ

॥ 37 ॥

శ్లోక 52

మోహినీ ద్వేషిణీ వీరా అఘోరా రుద్రరూపిణీ ।

రుద్రైకాదశినీ పుణ్యా కల్యాణీ లాభకారిణీ

॥ 38 ॥

శ్లోక 53

దేవదుర్గా మహాదుర్గా స్వప్నదుర్గాఽష్టభైరవీ ।

సూర్యచన్ద్రాగ్నిరూపా చ గ్రహనక్షత్రరూపిణీ

॥ 39 ॥

శ్లోక 54

బిన్దునాదకలాతీతా బిన్దునాదకలాత్మికా ।

దశవాయుజయాకారా కలాషోడశసంయుతా

॥ 40 ॥

శ్లోక 55

కాశ్యపీ కమలాదేవీ నాదచక్రనివాసినీ ।

మృడాధారా స్థిరా గుహ్యా దేవికా చక్రరూపిణీ

॥ 41 ॥

శ్లోక 56

అవిద్యా శార్వరీ భుఞ్జా జమ్భాసురనిబర్హిణీ ।

శ్రీకాయా శ్రీకలా శుభ్రా కర్మనిర్మూలకారిణీ

॥ 42 ॥

శ్లోక 57

ఆదిలక్ష్మీర్గుణాధారా పఞ్చబ్రహ్మాత్మికా పరా ।

శ్రుతిర్బ్రహ్మముఖావాసా సర్వసమ్పత్తిరూపిణీ

॥ 43 ॥

శ్లోక 58

మృతసఞ్జీవనీ మైత్రీ కామినీ కామవర్జితా ।

నిర్వాణమార్గదా దేవీ హంసినీ కాశికా క్షమా

॥ 44 ॥

శ్లోక 59

సపర్యా గుణినీ భిన్నా నిర్గుణా ఖణ్డితాశుభా ।

స్వామినీ వేదినీ శక్యా శామ్బరీ చక్రధారిణీ

॥ 45 ॥

శ్లోక 60

దణ్డినీ ముణ్డినీ వ్యాఘ్రీ శిఖినీ సోమసంహతిః ।

చిన్తామణిశ్చిదానన్దా పఞ్చబాణప్రబోధినీ

॥ 46 ॥

శ్లోక 61

బాణశ్రేణిస్సహస్రాక్షీ సహస్రభుజపాదుకా ।

సన్ధ్యావలిస్త్రిసన్ధ్యాఖ్యా బ్రహ్మాణ్డమణిభూషణా

॥ 47 ॥

శ్లోక 62

వాసవీ వారుణీసేనా కులికా మన్త్రరఞ్జనీ ।

జితప్రాణస్వరూపా చ కాన్తా కామ్యవరప్రదా

॥ 48 ॥

శ్లోక 63

మన్త్రబ్రాహ్మణవిద్యార్థా నాదరూపా హవిష్మతీ ।

ఆథర్వణిః శ్రుతిః శూన్యా కల్పనావర్జితా సతీ

॥ 49 ॥

శ్లోక 64

సత్తాజాతిః ప్రమాఽమేయాఽప్రమితిః ప్రాణదా గతిః ।

అవర్ణా పఞ్చవర్ణా చ సర్వదా భువనేశ్వరీ

॥ 50 ॥

శ్లోక 65

త్రైలోక్యమోహినీ విద్యా సర్వభర్త్రీ క్షరాఽక్షరా ।

హిరణ్యవర్ణా హరిణీ సర్వోపద్రవనాశినీ

॥ 51 ॥

శ్లోక 66

కైవల్యపదవీరేఖా సూర్యమణ్డలసంస్థితా ।

సోమమణ్డలమధ్యస్థా వహ్నిమణ్డలసంస్థితా

॥ 52 ॥

శ్లోక 67

వాయుమణ్డలమధ్యస్థా వ్యోమమణ్డలసంస్థితా ।

చక్రికా చక్రమధ్యస్థా చక్రమార్గప్రవర్తినీ

॥ 53 ॥

శ్లోక 68

కోకిలాకులచక్రేశా పక్షతిః పఙ్క్తిపావనీ ।

సర్వసిద్ధాన్తమార్గస్థా షడ్వర్ణావరవర్జితా

॥ 54 ॥

శ్లోక 69

శరరుద్రహరా హన్త్రీ సర్వసంహారకారిణీ ।

పురుషా పౌరుషీ తుష్టిస్సర్వతన్త్రప్రసూతికా

॥ 55 ॥

శ్లోక 70

అర్ధనారీశ్వరీ దేవీ సర్వవిద్యాప్రదాయినీ ।

భార్గవీ యాజుషీవిద్యా సర్వోపనిషదాస్థితా

॥ 56 ॥

శ్లోక 71

॥ 57 ॥ [ భుజుషీవిద్యా ]

వ్యోమకేశాఖిలప్రాణా పఞ్చకోశవిలక్షణా ।

పఞ్చకోశాత్మికా ప్రత్యక్పఞ్చబ్రహ్మాత్మికా శివా

శ్లోక 72

జగజ్జరాజనిత్రీ చ పఞ్చకర్మప్రసూతికా ।

వాగ్దేవ్యాభరణాకారా సర్వకామ్యస్థితాస్థితిః

॥ 58 ॥

శ్లోక 73

అష్టాదశచతుష్షష్ఠిపీఠికా విద్యయా యుతా ।

కాలికాకర్షణశ్యామా యక్షిణీ కిన్నరేశ్వరీ

॥ 59 ॥

శ్లోక 74

కేతకీ మల్లికాఽశోకా వారాహీ ధరణీ ధ్రువా ।

నారసింహీ మహోగ్రాస్యా భక్తానామార్తినాశినీ

॥ 60 ॥

శ్లోక 75

అన్తర్బలా స్థిరా లక్ష్మీర్జరామరణనాశినీ ।

శ్రీరఞ్జితా మహాకాయా సోమసూర్యాగ్నిలోచనా

॥ 61 ॥

శ్లోక 76

అదితిర్దేవమాతా చ అష్టపుత్రాఽష్టయోగినీ ।

అష్టప్రకృతిరష్టాష్టవిభ్రాజద్వికృతాకృతిః

॥ 62 ॥

శ్లోక 77

దుర్భిక్షధ్వంసినీ దేవీ సీతా సత్యా చ రుక్మిణీ ।

ఖ్యాతిజా భార్గవీ దేవీ దేవయోనిస్తపస్వినీ

॥ 63 ॥

శ్లోక 78

శాకమ్భరీ మహాశోణా గరుడోపరిసంస్థితా ।

సింహగా వ్యాఘ్రగా దేవీ వాయుగా చ మహాద్రిగా

॥ 64 ॥

శ్లోక 79

అకారాదిక్షకారాన్తా సర్వవిద్యాధిదేవతా ।

మన్త్రవ్యాఖ్యాననిపుణా జ్యోతిశ్శాస్త్రైకలోచనా

॥ 65 ॥

శ్లోక 80

ఇడాపిఙ్గలికామధ్యాసుషుమ్నా గ్రన్థిభేదినీ ।

కాలచక్రాశ్రయోపేతా కాలచక్రస్వరూపిణీ

॥ 66 ॥

శ్లోక 81

వైశారదీ మతిశ్శ్రేష్ఠా వరిష్ఠా సర్వదీపికా ।

వైనాయకీ వరారోహా శ్రోణివేలా బహిర్వలిః

॥ 67 ॥

శ్లోక 82

జమ్భినీ జృమ్భిణీ జమ్భకారిణీ గణకారికా ।

శరణీ చక్రికాఽనన్తా సర్వవ్యాధిచికిత్సకీ

॥ 68 ॥

శ్లోక 83

దేవకీ దేవసఙ్కాశా వారిధిః కరుణాకరా ।

శర్వరీ సర్వసమ్పన్నా సర్వపాపప్రభఞ్జనీ

॥ 69 ॥

శ్లోక 84

ఏకమాత్రా ద్విమాత్రా చ త్రిమాత్రా చ తథాఽపరా ।

అర్ధమాత్రా పరా సూక్ష్మా సూక్ష్మార్థాఽర్థపరాఽపరా

॥ 70 ॥

శ్లోక 85

ఏకవీరా విశేషాఖ్యా షష్ఠీదేవీ మనస్వినీ ।

నైష్కర్మ్యా నిష్కలాలోకా జ్ఞానకర్మాధికా గుణా

॥ 71 ॥

శ్లోక 86

సబన్ధ్వానన్దసన్దోహా వ్యోమాకారాఽనిరూపితా ।

గద్యపద్యాత్మికా వాణీ సర్వాలఙ్కారసంయుతా

॥ 72 ॥

శ్లోక 87

సాధుబన్ధపదన్యాసా సర్వౌకో ఘటికావలిః ।

షట్కర్మా కర్కశాకారా సర్వకర్మవివర్జితా

॥ 73 ॥

శ్లోక 88

ఆదిత్యవర్ణా చాపర్ణా కామినీ వరరూపిణీ ।

బ్రహ్మాణీ బ్రహ్మసన్తానా వేదవాగీశ్వరీ శివా

॥ 74 ॥

శ్లోక 89

పురాణన్యాయమీమాంసాధర్మశాస్త్రాగమశ్రుతా ।

సద్యోవేదవతీ సర్వా హంసీ విద్యాధిదేవతా

॥ 75 ॥

శ్లోక 90

విశ్వేశ్వరీ జగద్ధాత్రీ విశ్వనిర్మాణకారిణీ ।

వైదికీ వేదరూపా చ కాలికా కాలరూపిణీ

॥ 76 ॥

శ్లోక 91

నారాయణీ మహాదేవీ సర్వతత్త్వప్రవర్తినీ ।

హిరణ్యవర్ణరూపా చ హిరణ్యపదసమ్భవా

॥ 77 ॥

శ్లోక 92

కైవల్యపదవీ పుణ్యా కైవల్యజ్ఞానలక్షితా ।

బ్రహ్మసమ్పత్తిరూపా చ బ్రహ్మసమ్పత్తికారిణీ

॥ 78 ॥

శ్లోక 93

వారుణీ వారుణారాధ్యా సర్వకర్మప్రవర్తినీ ।

ఏకాక్షరపరాఽఽయుక్తా సర్వదారిద్ర్యభఞ్జినీ

॥ 79 ॥

శ్లోక 94

పాశాఙ్కుశాన్వితా దివ్యా వీణావ్యాఖ్యాక్షసూత్రభృత్ ।

ఏకమూర్తిస్త్రయీమూర్తిర్మధుకైటభభఞ్జినీ

॥ 80 ॥

శ్లోక 95

సాఙ్ఖ్యా సాఙ్ఖ్యవతీ జ్వాలా జ్వలన్తీ కామరూపిణీ ।

జాగ్రతీ సర్వసమ్పత్తిస్సుషుప్తా స్వేష్టదాయినీ

॥ 81 ॥

శ్లోక 96

కపాలినీ మహాదంష్ట్రా భ్రుకుటీ కుటిలాననా ।

సర్వావాసా సువాసా చ బృహత్యష్టిశ్చ శక్వరీ

॥ 82 ॥

శ్లోక 97

ఛన్దోగణప్రతిష్ఠా చ కల్మాషీ కరుణాత్మికా ।

చక్షుష్మతీ మహాఘోషా ఖడ్గచర్మధరాఽశనిః

॥ 83 ॥

శ్లోక 98

శిల్పవైచిత్ర్యవిద్యోతా సర్వతోభద్రవాసినీ ।

అచిన్త్యలక్షణాకారా సూత్రభాష్యనిబన్ధనా

॥ 84 ॥

శ్లోక 99

సర్వవేదార్థసమ్పత్తిస్సర్వశాస్త్రార్థమాతృకా ।

అకారాదిక్షకారాన్తసర్వవర్ణకృతస్థలా

॥ 85 ॥

శ్లోక 100

సర్వలక్ష్మీస్సదానన్దా సారవిద్యా సదాశివా ।

సర్వజ్ఞా సర్వశక్తిశ్చ ఖేచరీరూపగోచ్ఛ్రితా

॥ 86 ॥

శ్లోక 101

అణిమాదిగుణోపేతా పరా కాష్ఠా పరా గతిః ।

హంసయుక్తవిమానస్థా హంసారూఢా శశిప్రభా

॥ 87 ॥

శ్లోక 102

భవానీ వాసనాశక్తిరాకృతిస్థాఖిలాఽఖిలా ।

తన్త్రహేతుర్విచిత్రాఙ్గీ వ్యోమగఙ్గావినోదినీ

॥ 88 ॥

శ్లోక 103

వర్షా చ వార్షికా చైవ ఋగ్యజుస్సామరూపిణీ ।

మహానదీనదీపుణ్యాఽగణ్యపుణ్యగుణక్రియా

॥ 89 ॥

శ్లోక 104

సమాధిగతలభ్యార్థా శ్రోతవ్యా స్వప్రియా ఘృణా ।

నామాక్షరపరా దేవీ ఉపసర్గనఖాఞ్చితా

॥ 90 ॥

శ్లోక 105

నిపాతోరుద్వయీజఙ్ఘా మాతృకా మన్త్రరూపిణీ ।

ఆసీనా చ శయానా చ తిష్ఠన్తీ ధావనాధికా

॥ 91 ॥

శ్లోక 106

లక్ష్యలక్షణయోగాఢ్యా తాద్రూప్యగణనాకృతిః ।

సైకరూపా నైకరూపా సేన్దురూపా తదాకృతిః

॥ 92 ॥

శ్లోక 107

సమాసతద్ధితాకారా విభక్తివచనాత్మికా ।

స్వాహాకారా స్వధాకారా శ్రీపత్యర్ధాఙ్గనన్దినీ

॥ 93 ॥

శ్లోక 108

గమ్భీరా గహనా గుహ్యా యోనిలిఙ్గార్ధధారిణీ ।

శేషవాసుకిసంసేవ్యా చపలా వరవర్ణినీ

॥ 94 ॥

శ్లోక 109

కారుణ్యాకారసమ్పత్తిః కీలకృన్మన్త్రకీలికా ।

శక్తిబీజాత్మికా సర్వమన్త్రేష్టాక్షయకామనా

॥ 95 ॥

శ్లోక 110

ఆగ్నేయీ పార్థివా ఆప్యా వాయవ్యా వ్యోమకేతనా ।

సత్యజ్ఞానాత్మికాఽఽనన్దా బ్రాహ్మీ బ్రహ్మ సనాతనీ

॥ 96 ॥

శ్లోక 111

అవిద్యావాసనా మాయాప్రకృతిస్సర్వమోహినీ ।

శక్తిర్ధారణశక్తిశ్చ చిదచిచ్ఛక్తియోగినీ

॥ 97 ॥

శ్లోక 112

వక్త్రారుణా మహామాయా మరీచిర్మదమర్దినీ ।

విరాట్ స్వాహా స్వధా శుద్ధా నీరూపాస్తిస్సుభక్తిగా

॥ 98 ॥

శ్లోక 113

నిరూపితాద్వయీవిద్యా నిత్యానిత్యస్వరూపిణీ ।

వైరాజమార్గసఞ్చారా సర్వసత్పథదర్శినీ

॥ 99 ॥

శ్లోక 114

జాలన్ధరీ మృడానీ చ భవానీ భవభఞ్జనీ ।

త్రైకాలికజ్ఞానతన్తుస్త్రికాలజ్ఞానదాయినీ

॥ 100 ॥

శ్లోక 115

నాదాతీతా స్మృతిః ప్రజ్ఞా ధాత్రీరూపా త్రిపుష్కరా ।

పరాజితావిధానజ్ఞా విశేషితగుణాత్మికా

॥ 101 ॥

శ్లోక 116

హిరణ్యకేశినీ హేమబ్రహ్మసూత్రవిచక్షణా ।

అసఙ్ఖ్యేయపరార్ధాన్తస్వరవ్యఞ్జనవైఖరీ

॥ 102 ॥

శ్లోక 117

మధుజిహ్వా మధుమతీ మధుమాసోదయా మధుః ।

మాధవీ చ మహాభాగా మేఘగమ్భీరనిస్వనా

॥ 103 ॥

శ్లోక 118

బ్రహ్మవిష్ణుమహేశాదిజ్ఞాతవ్యార్థవిశేషగా ।

నాభౌ వహ్నిశిఖాకారా లలాటే చన్ద్రసన్నిభా

॥ 104 ॥

శ్లోక 119

భ్రూమధ్యే భాస్కరాకారా సర్వతారాకృతిర్హృది ।

కృత్తికాదిభరణ్యన్తనక్షత్రేష్ట్యార్చితోదయా

॥ 105 ॥

శ్లోక 120

గ్రహవిద్యాత్మికా జ్యోతిర్జ్యోతిర్విన్మతిజీవికా ।

బ్రహ్మాణ్డగర్భిణీ బాలా సప్తావరణదేవతా

॥ 106 ॥

శ్లోక 121

వైరాజోత్తమసామ్రాజ్యా కుమారకుశలోదయా ।

బగలా భ్రమరామ్బా చ శివదూతీ శివాత్మికా

॥ 107 ॥

శ్లోక 122

మేరువిన్ధ్యాదిసంస్థానా కాశ్మీరపురవాసినీ ।

యోగనిద్రా మహానిద్రా వినిద్రా రాక్షసాశ్రితా

॥ 108 ॥

శ్లోక 123

సువర్ణదా మహాగఙ్గా పఞ్చాఖ్యా పఞ్చసంహతిః ।

సుప్రజాతా సువీరా చ సుపోషా సుపతిశ్శివా

॥ 109 ॥

శ్లోక 124

సుగృహా రక్తబీజాన్తా హతకన్దర్పజీవికా ।

సముద్రవ్యోమమధ్యస్థా సమబిన్దుసమాశ్రయా

॥ 110 ॥

శ్లోక 125

సౌభాగ్యరసజీవాతుస్సారాసారవివేకదృక్ ।

త్రివల్యాదిసుపుష్టాఙ్గా భారతీ భరతాశ్రితా

॥ 111 ॥

శ్లోక 126

నాదబ్రహ్మమయీవిద్యా జ్ఞానబ్రహ్మమయీపరా ।

బ్రహ్మనాడీ నిరుక్తిశ్చ బ్రహ్మకైవల్యసాధనమ్

॥ 112 ॥

శ్లోక 127

కాలికేయమహోదారవీర్యవిక్రమరూపిణీ ।

వడవాగ్నిశిఖావక్త్రా మహాకవలతర్పణా

॥ 113 ॥

శ్లోక 128

మహాభూతా మహాదర్పా మహాసారా మహాక్రతుః ।

పఞ్జభూతమహాగ్రాసా పఞ్చభూతాధిదేవతా

॥ 114 ॥

శ్లోక 129

సర్వప్రమాణా సమ్పత్తిస్సర్వరోగప్రతిక్రియా ।

బ్రహ్మాణ్డాన్తర్బహిర్వ్యాప్తా విష్ణువక్షోవిభూషిణీ

॥ 115 ॥

శ్లోక 130

శాఙ్కరీ విధివక్త్రస్థా ప్రవరా వరహేతుకీ ।

హేమమాలా శిఖామాలా త్రిశిఖా పఞ్చలోచనా

॥ 116 ॥

శ్లోక 131

॥ 117 ॥ [ పఞ్చమోచనా ]

సర్వాగమసదాచారమర్యాదా యాతుభఞ్జనీ ।

పుణ్యశ్లోకప్రబన్ధాఢ్యా సర్వాన్తర్యామిరూపిణీ

శ్లోక 132

సామగానసమారాధ్యా శ్రోత్రకర్ణరసాయనమ్ ।

జీవలోకైకజీవాతుర్భద్రోదారవిలోకనా

॥ 118 ॥

శ్లోక 133

తటిత్కోటిలసత్కాన్తిస్తరుణీ హరిసున్దరీ ।

మీననేత్రా చ సేన్ద్రాక్షీ విశాలాక్షీ సుమఙ్గలా

॥ 119 ॥

శ్లోక 134

సర్వమఙ్గలసమ్పన్నా సాక్షాన్మఙ్గలదేవతా ।

దేహహృద్దీపికా దీప్తిర్జిహ్వపాపప్రణాశినీ

॥ 120 ॥

శ్లోక 135

అర్ధచన్ద్రోల్లసద్దంష్ట్రా యజ్ఞవాటీవిలాసినీ ।

మహాదుర్గా మహోత్సాహా మహాదేవబలోదయా

॥ 121 ॥

శ్లోక 136

డాకినీడ్యా శాకినీడ్యా సాకినీడ్యా సమస్తజుట్ ।

నిరఙ్కుశా నాకివన్ద్యా షడాధారాధిదేవతా

॥ 122 ॥

శ్లోక 137

భువనజ్ఞానినిశ్శ్రేణీ భువనాకారవల్లరీ ।

శాశ్వతీ శాశ్వతాకారా లోకానుగ్రహకారిణీ

॥ 123 ॥

శ్లోక 138

సారసీ మానసీ హంసీ హంసలోకప్రదాయినీ ।

చిన్ముద్రాలఙ్కృతకరా కోటిసూర్యసమప్రభా

॥ 124 ॥

శ్లోక 139

సుఖప్రాణిశిరోరేఖా సదదృష్టప్రదాయినీ ।

సర్వసాఙ్కర్యదోషఘ్నీ గ్రహోపద్రవనాశినీ

॥ 125 ॥

శ్లోక 140

క్షుద్రజన్తుభయఘ్నీ చ విషరోగాదిభఞ్జనీ ।

సదాశాన్తా సదాశుద్ధా గృహచ్ఛిద్రనివారిణీ

॥ 126 ॥

శ్లోక 141

కలిదోషప్రశమనీ కోలాహలపురస్థితా ।

గౌరీ లాక్షణికీ ముఖ్యా జఘన్యాకృతివర్జితా

॥ 127 ॥

శ్లోక 142

మాయా విద్యా మూలభూతా వాసవీ విష్ణుచేతనా ।

వాదినీ వసురూపా చ వసురత్నపరిచ్ఛదా

॥ 128 ॥

శ్లోక 143

ఛాన్దసీ చన్ద్రహృదయా మన్త్రస్వచ్ఛన్దభైరవీ ।

వనమాలా వైజయన్తీ పఞ్చదివ్యాయుధాత్మికా

॥ 129 ॥

శ్లోక 144

పీతామ్బరమయీ చఞ్చత్కౌస్తుభా హరికామినీ ।

నిత్యా తథ్యా రమా రామా రమణీ మృత్యుభఞ్జనీ

॥ 130 ॥

శ్లోక 145

జ్యేష్ఠా కాష్ఠా ధనిష్ఠాన్తా శరాఙ్గీ నిర్గుణప్రియా ।

మైత్రేయా మిత్రవిన్దా చ శేష్యశేషకలాశయా

॥ 131 ॥

శ్లోక 146

వారాణసీవాసలభ్యా చార్యావర్తజనస్తుతా । [ వారాణసీవాసరతా ]

జగదుత్పత్తిసంస్థానసంహారత్రయకారణమ్

॥ 132 ॥

శ్లోక 147

త్వమమ్బ విష్ణుసర్వస్వం నమస్తేఽస్తు మహేశ్వరి ।

నమస్తే సర్వలోకానాం జనన్యై పుణ్యమూర్తయే

॥ 133 ॥

శ్లోక 148

సిద్ధలక్ష్మీర్మహాకాలి మహలక్ష్మి నమోఽస్తు తే ।

సద్యోజాతాదిపఞ్చాగ్నిరూపా పఞ్చకపఞ్చకమ్

॥ 134 ॥

శ్లోక 149

యన్త్రలక్ష్మీర్భవత్యాదిరాద్యాద్యే తే నమో నమః ।

సృష్ట్యాదికారణాకారవితతే దోషవర్జితే

॥ 135 ॥

శ్లోక 150

జగల్లక్ష్మీర్జగన్మాతర్విష్ణుపత్ని నమోఽస్తు తే ।

నవకోటిమహాశక్తిసముపాస్యపదామ్బుజే

॥ 136 ॥

శ్లోక 151

కనత్సౌవర్ణరత్నాఢ్య సర్వాభరణభూషితే ।

అనన్తానిత్యమహిషీప్రపఞ్చేశ్వరనాయకి

॥ 137 ॥

శ్లోక 152

అత్యుచ్ఛ్రితపదాన్తస్థే పరమవ్యోమనాయకి ।

నాకపృష్ఠగతారాధ్యే విష్ణులోకవిలాసిని

॥ 138 ॥

శ్లోక 153

వైకుణ్ఠరాజమహిషి శ్రీరఙ్గనగరాశ్రితే ।

రఙ్గనాయకి భూపుత్రి కృష్ణే వరదవల్లభే

॥ 139 ॥

శ్లోక 154

కోటిబ్రహ్మాదిసంసేవ్యే కోటిరుద్రాదికీర్తితే ।

మాతులుఙ్గమయం ఖేటం సౌవర్ణచషకం తథా

॥ 140 ॥

శ్లోక 155

పద్మద్వయం పూర్ణకుమ్భం కీరఞ్చ వరదాభయే ।

పాశమఙ్కుశకం శఙ్ఖం చక్రం శూలం కృపాణికామ్

॥ 141 ॥

శ్లోక 156

ధనుర్బాణౌ చాక్షమాలాం చిన్ముద్రామపి బిభ్రతీ ।

అష్టాదశభుజే లక్ష్మీర్మహాష్టాదశపీఠగే

॥ 142 ॥

శ్లోక 157

భూమినీలాదిసంసేవ్యే స్వామిచిత్తానువర్తిని ।

పద్మే పద్మాలయే పద్మి పూర్ణకుమ్భాభిషేచితే

॥ 143 ॥

శ్లోక 158

ఇన్దిరేన్దిన్దిరాభాక్షి క్షీరసాగరకన్యకే ।

భార్గవి త్వం స్వతన్త్రేచ్ఛా వశీకృతజగత్పతిః

॥ 144 ॥

శ్లోక 159

మఙ్గలం మఙ్గలానాం త్వం దేవతానాం చ దేవతా ।

త్వముత్తమోత్తమానాం చ త్వం శ్రేయః పరమామృతమ్

॥ 145 ॥

శ్లోక 160

ధనధాన్యాభివృద్ధిశ్చ సార్వభౌమసుఖోచ్ఛ్రయా ।

ఆన్దోలికాదిసౌభాగ్యం మత్తేభాదిమహోదయః

॥ 146 ॥

శ్లోక 161

పుత్రపౌత్రాభివృద్ధిశ్చ విద్యాభోగబలాదికమ్ ।

ఆయురారోగ్యసమ్పత్తిరష్టైశ్వర్యం త్వమేవ హి

॥ 147 ॥

శ్లోక 162

పరమేశవిభూతిశ్చ సూక్ష్మాత్సూక్ష్మతరాగతిః ।

సదయాపాఙ్గసన్దత్తబ్రహ్మేన్ద్రాదిపదస్థితిః

॥ 148 ॥

శ్లోక 163

అవ్యాహతమహాభాగ్యం త్వమేవాక్షోభ్యవిక్రమః ।

సమన్వయశ్చ వేదానామవిరోధస్త్వమేవ హి

॥ 149 ॥

శ్లోక 164

నిఃశ్రేయసపదప్రాప్తిసాధనం ఫలమేవ చ ।

శ్రీమన్త్రరాజరాజ్ఞీ చ శ్రీవిద్యా క్షేమకారిణీ

॥ 150 ॥

శ్లోక 165

శ్రీమ్బీజజపసన్తుష్టా ఐం హ్రీం శ్రీం బీజపాలికా ।

ప్రపత్తిమార్గసులభా విష్ణుప్రథమకిఙ్కరీ

॥ 151 ॥

శ్లోక 166

క్లీఙ్కారార్థసవిత్రీ చ సౌమఙ్గల్యాధిదేవతా ।

శ్రీషోడశాక్షరీవిద్యా శ్రీయన్త్రపురవాసినీ

॥ 152 ॥

శ్లోక 167

సర్వమఙ్గలమాఙ్గల్యే శివే సర్వార్థసాధికే ।

శరణ్యే త్ర్యమ్బకే గౌరీ నారాయణి నమోఽస్తు తే

॥ 153 ॥

శ్లోక 168

పునః పునర్నమస్తేఽస్తు సాష్టాఙ్గమయుతం పునః ।

సనత్కుమార ఉవాచ-

ఏవం స్తుతా మహాలక్ష్మీర్బ్రహ్మరుద్రాదిభిస్సురైః ।

నమద్భిరార్తైర్దీనైశ్చ నిస్స్వత్వైర్భోగవర్జితైః

॥ 154 ॥

శ్లోక 169

జ్యేష్ఠా జుష్టైశ్చ నిశ్శ్రీకైస్సంసారాత్స్వపరాయణైః ।

విష్ణుపత్నీ దదౌ తేషాం దర్శనం దృష్టితర్పణమ్

॥ 1 ॥

శ్లోక 170

శరత్పూర్ణేన్దుకోట్యాభధవలాపాఙ్గవీక్షణైః ।

సర్వాన్సత్త్వసమావిష్టాన్ చక్రే హృష్టా వరం దదౌ

॥ 2 ॥

శ్లోక 171

మహాలక్ష్మీరువాచ-

నామ్నాం సాష్టసహస్రం మే ప్రమాదాద్వాపి యస్సకృత్ ।

కీర్తయేత్తత్కులే సత్యం వసామ్యాచన్ద్రతారకమ్

॥ 3 ॥

శ్లోక 172

కిం పునర్నియమాజ్జప్తుర్మదేకశరణస్య చ ।

మాతృవత్సానుకమ్పాహం పోషకీ స్యామహర్నిశమ్

॥ 4 ॥

శ్లోక 173

మన్నామ స్తవతాం లోకే దుర్లభం నాస్తి చిన్తితమ్ ।

మత్ప్రసాదేన సర్వేఽపి స్వస్వేష్టార్థమవాప్స్యథ

॥ 5 ॥

శ్లోక 174

లుప్తవైష్ణవధర్మస్య మద్వ్రతేష్వవకీర్ణినః ।

భక్తిప్రపత్తిహీనస్య వన్ద్యో నామ్నాం స్తవోఽపి మే

॥ 6 ॥

శ్లోక 175

తస్మాదవశ్యం తైర్దోషైర్విహీనః పాపవర్జితః ।

జపేత్సాష్టసహస్రం మే నామ్నాం ప్రత్యహమాదరాత్

॥ 7 ॥

శ్లోక 176

సాక్షాదలక్ష్మీపుత్రోఽపి దుర్భాగ్యోఽప్యలసోఽపి వా ।

అప్రయత్నోఽపి మూఢోఽపి వికలః పతితోఽపి చ

॥ 8 ॥

శ్లోక 177

అవశ్యం ప్రాప్నుయాద్భాగ్యం మత్ప్రసాదేన కేవలమ్ ।

స్పృహేయమచిరాద్దేవా వరదానాయ జాపినః ।

దదామి సర్వమిష్టార్థం లక్ష్మీతి స్మరతాం ధ్రువమ్

॥ 9 ॥

శ్లోక 178

సనత్కుమార ఉవాచ-

ఇత్యుక్త్వాఽన్తర్దధే లక్ష్మీర్వైష్ణవీ భగవత్కలా ।

ఇష్టాపూర్తం చ సుకృతం భాగధేయం చ చిన్తితమ్

॥ 10 ॥

శ్లోక 179

స్వం స్వం స్థానం చ భోగం చ విజయం లేభిరే సురాః ।

తదేతత్ ప్రవదామ్యద్య లక్ష్మీనామసహస్రకమ్ ।

యోగినః పఠత క్షిప్రం చిన్తితార్థానవాప్స్యథ

॥ 11 ॥

శ్లోక 180

గార్గ్య ఉవాచ-

సనత్కుమారోయోగీన్ద్ర ఇత్యుక్త్వా స దయానిధిః ।

అనుగృహ్య యయౌ క్షిప్రం తాంశ్చ ద్వాదశయోగినః

॥ 12 ॥

శ్లోక 181

తస్మాదేతద్రహస్యం చ గోప్యం జప్యం ప్రయత్నతః ।

అష్టమ్యాం చ చతుర్దశ్యాం నవమ్యాం భృగువాసరే

॥ 13 ॥

శ్లోక 182

పౌర్ణమాస్యామమాయాం చ పర్వకాలే విశేషతః ।

జపేద్వా నిత్యకార్యేషు సర్వాన్కామానవాప్నుయాత్

॥ 14 ॥

శ్లోక 183

ఇతి శ్రీస్కన్దపురాణే సనత్కుమారసంహితాయాం లక్ష్మీసహస్రనామస్తోత్రం సమ్పూర్ణమ్ ॥