శ్రీ గాయత్రి సహస్ర నామ స్తోత్రమ్

శ్రీ గాయత్రి సహస్ర నామ స్తోత్రమ్

శ్లోక 1

నారద ఉవాచ –

భగవన్సర్వధర్మజ్ఞ సర్వశాస్త్రవిశారద ।

శ్రుతిస్మృతిపురాణానాం రహస్యం త్వన్ముఖాచ్ఛ్రుతమ్

శ్లోక 2

సర్వపాపహరం దేవ యేన విద్యా ప్రవర్తతే ।

కేన వా బ్రహ్మవిజ్ఞానం కిం ను వా మోక్షసాధనమ్

॥ 1 ॥

శ్లోక 3

బ్రాహ్మణానాం గతిః కేన కేన వా మృత్యు నాశనమ్ ।

ఐహికాముష్మికఫలం కేన వా పద్మలోచన

॥ 2 ॥

శ్లోక 4

వక్తుమర్హస్యశేషేణ సర్వే నిఖిలమాదితః ।

శ్రీనారాయణ ఉవాచ –

సాధు సాధు మహాప్రాజ్ఞ సమ్యక్ పృష్టం త్వయాఽనఘ

॥ 3 ॥

శ్లోక 5

శృణు వక్ష్యామి యత్నేన గాయత్ర్యష్టసహస్రకమ్ ।

నామ్నాం శుభానాం దివ్యానాం సర్వపాపవినాశనమ్

॥ 4 ॥

శ్లోక 6

సృష్ట్యాదౌ యద్భగవతా పూర్వే ప్రోక్తం బ్రవీమి తే ।

అష్టోత్తరసహస్రస్య ఋషిర్బ్రహ్మా ప్రకీర్తితః

॥ 5 ॥

శ్లోక 7

ఛన్దోఽనుష్టుప్తథా దేవీ గాయత్రీం దేవతా స్మృతా ।

హలోబీజాని తస్యైవ స్వరాః శక్తయ ఈరితాః

॥ 6 ॥

శ్లోక 8

అఙ్గన్యాసకరన్యాసావుచ్యేతే మాతృకాక్షరైః ।

అథ ధ్యానం ప్రవక్ష్యామి సాధకానాం హితాయ వై

॥ 7 ॥

శ్లోక 9

ధ్యానమ్

రక్తశ్వేతహిరణ్యనీలధవలైర్యుక్తాం త్రినీత్రోజ్జ్వలాం

రక్తాం రక్తనవస్రజం మణిగణైర్యుక్తాం కుమారీమిమామ్ ।

గాయత్రీం కమలాసనాం కరతలవ్యానద్ధకుణ్డామ్బుజాం

పద్మాక్షీం చ వరస్రజం చ దధతీం హంసాధిరూఢాం భజే

॥ 8 ॥

శ్లోక 10

అచిన్త్యలక్షణావ్యక్తాప్యర్థమాతృమహేశ్వరీ ।

అమృతార్ణవమధ్యస్థాప్యజితా చాపరాజితా

॥ 9 ॥

శ్లోక 11

అణిమాదిగుణాధారాప్యర్కమణ్డలసంస్థితా ।

అజరాజాపరాధర్మా అక్షసూత్రధరాధరా

॥ 10 ॥

శ్లోక 12

అకారాదిక్షకారాన్తాప్యరిషడ్వర్గభేదినీ ।

అఞ్జనాద్రిప్రతీకాశాప్యఞ్జనాద్రినివాసినీ

॥ 11 ॥

శ్లోక 13

అదితిశ్చాజపావిద్యాప్యరవిన్దనిభేక్షణా ।

అన్తర్బహిఃస్థితావిద్యాధ్వంసినీ చాన్తరాత్మికా

॥ 12 ॥

శ్లోక 14

అజా చాజముఖావాసాప్యరవిన్దనిభాననా ।

అర్ధమాత్రార్థదానజ్ఞాప్యరిమణ్డలమర్దినీ

॥ 13 ॥

శ్లోక 15

అసురఘ్నీ హ్యమావాస్యాప్యలక్ష్మీఘ్న్యన్త్యజార్చితా ।

ఆదిలక్ష్మీశ్చాదిశక్తిరాకృతిశ్చాయతాననా

॥ 14 ॥

శ్లోక 16

ఆదిత్యపదవీచారాప్యాదిత్యపరిసేవితా ।

ఆచార్యావర్తనాచారాప్యాదిమూర్తినివాసినీ

॥ 15 ॥

శ్లోక 17

ఆగ్నేయీ చామరీ చాద్యా చారాధ్యా చాసనస్థితా ।

ఆధారనిలయాధారా చాకాశాన్తనివాసినీ

॥ 16 ॥

శ్లోక 18

ఆద్యాక్షరసమాయుక్తా చాన్తరాకాశరూపిణీ ।

ఆదిత్యమణ్డలగతా చాన్తరధ్వాన్తనాశినీ

॥ 17 ॥

శ్లోక 19

ఇన్దిరా చేష్టదా చేష్టా చేన్దీవరనిభేక్షణా ।

ఇరావతీ చేన్ద్రపదా చేన్ద్రాణీ చేన్దురూపిణీ

॥ 18 ॥

శ్లోక 20

ఇక్షుకోదణ్డసంయుక్తా చేషుసన్ధానకారిణీ ।

ఇన్ద్రనీలసమాకారా చేడాపిఙ్గలరూపిణీ

॥ 19 ॥

శ్లోక 21

ఇన్ద్రాక్షీచేశ్వరీ దేవీ చేహాత్రయవివర్జితా ।

ఉమా చోషా హ్యుడునిభా ఉర్వారుకఫలాననా

॥ 20 ॥

శ్లోక 22

ఉడుప్రభా చోడుమతీ హ్యుడుపా హ్యుడుమధ్యగా ।

ఊర్ధ్వా చాప్యూర్ధ్వకేశీ చాప్యూర్ధ్వాధోగతిభేదినీ

॥ 21 ॥

శ్లోక 23

ఊర్ధ్వబాహుప్రియా చోర్మిమాలావాగ్గ్రన్థదాయినీ ।

ఋతం చర్షిరృతుమతీ ఋషిదేవనమస్కృతా

॥ 22 ॥

శ్లోక 24

ఋగ్వేదా ఋణహర్త్రీ చ ఋషిమణ్డలచారిణీ ।

ఋద్ధిదా ఋజుమార్గస్థా ఋజుధర్మా ఋజుప్రదా

॥ 23 ॥

శ్లోక 25

ఋగ్వేదనిలయా ఋజ్వీ లుప్తధర్మప్రవర్తినీ ।

లూతారివరసమ్భూతా లూతాదివిషహారిణీ

॥ 24 ॥

శ్లోక 26

ఏకాక్షరా చైకమాత్రా చైకా చైకైకనిష్ఠితా ।

ఐన్ద్రీ హ్యైరావతారూఢా చైహికాముష్మికప్రదా

॥ 25 ॥

శ్లోక 27

ఓఙ్కారా హ్యోషధీ చోతా చోతప్రోతనివాసినీ ।

ఔర్వా హ్యౌషధసమ్పన్నా ఔపాసనఫలప్రదా

॥ 26 ॥

శ్లోక 28

అణ్డమధ్యస్థితా దేవీ చాఃకారమనురూపిణీ ।

కాత్యాయనీ కాలరాత్రిః కామాక్షీ కామసున్దరీ

॥ 27 ॥

శ్లోక 29

కమలా కామినీ కాన్తా కామదా కాలకణ్ఠినీ ।

కరికుమ్భస్తనభరా కరవీరసువాసినీ

॥ 28 ॥

శ్లోక 30

కల్యాణీ కుణ్డలవతీ కురుక్షేత్రనివాసినీ ।

కురువిన్దదలాకారా కుణ్డలీ కుముదాలయా

॥ 29 ॥

శ్లోక 31

కాలజిహ్వా కరాలాస్యా కాలికా కాలరూపిణీ ।

కమనీయగుణా కాన్తిః కలాధారా కుముద్వతీ

॥ 30 ॥

శ్లోక 32

కౌశికీ కమలాకారా కామచారప్రభఞ్జినీ ।

కౌమారీ కరుణాపాఙ్గీ కకువన్తా కరిప్రియా

॥ 31 ॥

శ్లోక 33

కేసరీ కేశవనుతా కదమ్బకుసుమప్రియా ।

కాలిన్దీ కాలికా కాఞ్చీ కలశోద్భవసంస్తుతా

॥ 32 ॥

శ్లోక 34

కామమాతా క్రతుమతీ కామరూపా కృపావతీ ।

కుమారీ కుణ్డనిలయా కిరాతీ కీరవాహనా

॥ 33 ॥

శ్లోక 35

కైకేయీ కోకిలాలాపా కేతకీ కుసుమప్రియా ।

కమణ్డలుధరా కాలీ కర్మనిర్మూలకారిణీ

॥ 34 ॥

శ్లోక 36

కలహంసగతిః కక్షా కృతకౌతుకమఙ్గలా ।

కస్తూరీతిలకా కమ్ప్రా కరీన్ద్రగమనా కుహూః

॥ 35 ॥

శ్లోక 37

కర్పూరలేపనా కృష్ణా కపిలా కుహరాశ్రయా ।

కూటస్థా కుధరా కమ్రా కుక్షిస్థాఖిలవిష్టపా

॥ 36 ॥

శ్లోక 38

ఖడ్గఖేటధరా ఖర్వా ఖేచరీ ఖగవాహనా ।

ఖట్వాఙ్గధారిణీ ఖ్యాతా ఖగరాజోపరిస్థితా

॥ 37 ॥

శ్లోక 39

ఖలఘ్నీ ఖణ్డితజరా ఖణ్డాఖ్యానప్రదాయినీ ।

ఖణ్డేన్దుతిలకా గఙ్గా గణేశగుహపూజితా

॥ 38 ॥

శ్లోక 40

గాయత్రీ గోమతీ గీతా గాన్ధారీ గానలోలుపా ।

గౌతమీ గామినీ గాధా గన్ధర్వాప్సరసేవితా

॥ 39 ॥

శ్లోక 41

గోవిన్దచరణాక్రాన్తా గుణత్రయవిభావితా ।

గన్ధర్వీ గహ్వరీ గోత్రా గిరీశా గహనా గమీ

॥ 40 ॥

శ్లోక 42

గుహావాసా గుణవతీ గురుపాపప్రణాశినీ ।

గుర్వీ గుణవతీ గుహ్యా గోప్తవ్యా గుణదాయినీ

॥ 41 ॥

శ్లోక 43

గిరిజా గుహ్యమాతఙ్గీ గరుడధ్వజవల్లభా ।

గర్వాపహారిణీ గోదా గోకులస్థా గదాధరా

॥ 42 ॥

శ్లోక 44

గోకర్ణనిలయాసక్తా గుహ్యమణ్డలవర్తినీ ।

ఘర్మదా ఘనదా ఘణ్టా ఘోరదానవమర్దినీ

॥ 43 ॥

శ్లోక 45

ఘృణిమన్త్రమయీ ఘోషా ఘనసమ్పాతదాయినీ ।

ఘణ్టారవప్రియా ఘ్రాణా ఘృణిసన్తుష్టకారిణీ

॥ 44 ॥

శ్లోక 46

ఘనారిమణ్డలా ఘూర్ణా ఘృతాచీ ఘనవేగినీ ।

జ్ఞానధాతుమయీ చర్చా చర్చితా చారుహాసినీ

॥ 45 ॥

శ్లోక 47

చటులా చణ్డికా చిత్రా చిత్రమాల్యవిభూషితా ।

చతుర్భుజా చారుదన్తా చాతురీ చరితప్రదా

॥ 46 ॥

శ్లోక 48

చూలికా చిత్రవస్త్రాన్తా చన్ద్రమఃకర్ణకుణ్డలా ।

చన్ద్రహాసా చారుదాత్రీ చకోరీ చన్ద్రహాసినీ

॥ 47 ॥

శ్లోక 49

చన్ద్రికా చన్ద్రధాత్రీ చ చౌరీ చౌరా చ చణ్డికా ।

చఞ్చద్వాగ్వాదినీ చన్ద్రచూడా చోరవినాశినీ

॥ 48 ॥

శ్లోక 50

చారుచన్దనలిప్తాఙ్గీ చఞ్చచ్చామరవీజితా ।

చారుమధ్యా చారుగతిశ్చన్దిలా చన్ద్రరూపిణీ

॥ 49 ॥

శ్లోక 51

చారుహోమప్రియా చార్వాచరితా చక్రబాహుకా ।

చన్ద్రమణ్డలమధ్యస్థా చన్ద్రమణ్డలదర్పణా

॥ 50 ॥

శ్లోక 52

చక్రవాకస్తనీ చేష్టా చిత్రా చారువిలాసినీ ।

చిత్స్వరూపా చన్ద్రవతీ చన్ద్రమాశ్చన్దనప్రియా

॥ 51 ॥

శ్లోక 53

చోదయిత్రీ చిరప్రజ్ఞా చాతకా చారుహేతుకీ ।

ఛత్రయాతా ఛత్రధరా ఛాయా ఛన్దఃపరిచ్ఛదా

॥ 52 ॥

శ్లోక 54

ఛాయాదేవీ ఛిద్రనఖా ఛన్నేన్ద్రియవిసర్పిణీ ।

ఛన్దోఽనుష్టుప్ప్రతిష్ఠాన్తా ఛిద్రోపద్రవభేదినీ

॥ 53 ॥

శ్లోక 55

ఛేదా ఛత్రేశ్వరీ ఛిన్నా ఛురికా ఛేదనప్రియా ।

జననీ జన్మరహితా జాతవేదా జగన్మయీ

॥ 54 ॥

శ్లోక 56

జాహ్నవీ జటిలా జేత్రీ జరామరణవర్జితా ।

జమ్బూద్వీపవతీ జ్వాలా జయన్తీ జలశాలినీ

॥ 55 ॥

శ్లోక 57

జితేన్ద్రియా జితక్రోధా జితామిత్రా జగత్ప్రియా ।

జాతరూపమయీ జిహ్వా జానకీ జగతీ జరా

॥ 56 ॥

శ్లోక 58

జనిత్రీ జహ్నుతనయా జగత్త్రయహితైషిణీ ।

జ్వాలాముఖీ జపవతీ జ్వరఘ్నీ జితవిష్టపా

॥ 57 ॥

శ్లోక 59

జితాక్రాన్తమయీ జ్వాలా జాగ్రతీ జ్వరదేవతా ।

జ్వలన్తీ జలదా జ్యేష్ఠా జ్యాఘోషాస్ఫోటదిఙ్ముఖీ

॥ 58 ॥

శ్లోక 60

జమ్భినీ జృమ్భణా జృమ్భా జ్వలన్మాణిక్యకుణ్డలా ।

ఝిఞ్ఝికా ఝణనిర్ఘోషా ఝఞ్ఝామారుతవేగినీ

॥ 59 ॥

శ్లోక 61

ఝల్లరీవాద్యకుశలా ఞరూపా ఞభుజా స్మృతా ।

టఙ్కబాణసమాయుక్తా టఙ్కినీ టఙ్కభేదినీ

॥ 60 ॥

శ్లోక 62

టఙ్కీగణకృతాఘోషా టఙ్కనీయమహోరసా ।

టఙ్కారకారిణీ దేవీ ఠఠశబ్దనినాదినీ

॥ 61 ॥

శ్లోక 63

డామరీ డాకినీ డిమ్భా డుణ్డుమారైకనిర్జితా ।

డామరీతన్త్రమార్గస్థా డమడ్డమరునాదినీ

॥ 62 ॥

శ్లోక 64

డిణ్డీరవసహా డిమ్భలసత్క్రీడాపరాయణా ।

ఢుణ్ఢివిఘ్నేశజననీ ఢక్కాహస్తా ఢిలివ్రజా

॥ 63 ॥

శ్లోక 65

నిత్యజ్ఞానా నిరుపమా నిర్గుణా నర్మదా నదీ ।

త్రిగుణా త్రిపదా తన్త్రీ తులసీ తరుణా తరుః

॥ 64 ॥

శ్లోక 66

త్రివిక్రమపదాక్రాన్తా తురీయపదగామినీ ।

తరుణాదిత్యసఙ్కాశా తామసీ తుహినా తురా

॥ 65 ॥

శ్లోక 67

త్రికాలజ్ఞానసమ్పన్నా త్రివేణీ చ త్రిలోచనా ।

త్రిశక్తిస్త్రిపురా తుఙ్గా తురఙ్గవదనా తథా

॥ 66 ॥

శ్లోక 68

తిమిఙ్గిలగిలా తీవ్రా త్రిస్రోతా తామసాదినీ ।

తన్త్రమన్త్రవిశేషజ్ఞా తనుమధ్యా త్రివిష్టపా

॥ 67 ॥

శ్లోక 69

త్రిసన్ధ్యా త్రిస్తనీ తోషాసంస్థా తాలప్రతాపినీ ।

తాటఙ్కినీ తుషారాభా తుహినాచలవాసినీ

॥ 68 ॥

శ్లోక 70

తన్తుజాలసమాయుక్తా తారహారావలిప్రియా ।

తిలహోమప్రియా తీర్థా తమాలకుసుమాకృతిః

॥ 69 ॥

శ్లోక 71

తారకా త్రియుతా తన్వీ త్రిశఙ్కుపరివారితా ।

తలోదరీ తిలాభూషా తాటఙ్కప్రియవాదినీ

॥ 70 ॥

శ్లోక 72

త్రిజటా తిత్తిరీ తృష్ణా త్రివిధా తరుణాకృతిః ।

తప్తకాఞ్చనసఙ్కాశా తప్తకాఞ్చనభూషణా

॥ 71 ॥

శ్లోక 73

త్రైయమ్బకా త్రివర్గా చ త్రికాలజ్ఞానదాయినీ ।

తర్పణా తృప్తిదా తృప్తా తామసీ తుమ్బురుస్తుతా

॥ 72 ॥

శ్లోక 74

తార్క్ష్యస్థా త్రిగుణాకారా త్రిభఙ్గీ తనువల్లరిః ।

థాత్కారీ థారవా థాన్తా దోహినీ దీనవత్సలా

॥ 73 ॥

శ్లోక 75

దానవాన్తకరీ దుర్గా దుర్గాసురనిబర్హిణీ ।

దేవరీతిర్దివారాత్రిర్ద్రౌపదీ దున్దుభిస్వనా

॥ 74 ॥

శ్లోక 76

దేవయానీ దురావాసా దారిద్ర్యోద్భేదినీ దివా ।

దామోదరప్రియా దీప్తా దిగ్వాసా దిగ్విమోహినీ

॥ 75 ॥

శ్లోక 77

దణ్డకారణ్యనిలయా దణ్డినీ దేవపూజితా ।

దేవవన్ద్యా దివిషదా ద్వేషిణీ దానవాకృతిః

॥ 76 ॥

శ్లోక 78

దీనానాథస్తుతా దీక్షా దైవతాదిస్వరూపిణీ ।

ధాత్రీ ధనుర్ధరా ధేనుర్ధారిణీ ధర్మచారిణీ

॥ 77 ॥

శ్లోక 79

ధురన్ధరా ధరాధారా ధనదా ధాన్యదోహినీ ।

ధర్మశీలా ధనాధ్యక్షా ధనుర్వేదవిశారదా

॥ 78 ॥

శ్లోక 80

ధృతిర్ధన్యా ధృతపదా ధర్మరాజప్రియా ధ్రువా ।

ధూమావతీ ధూమకేశీ ధర్మశాస్త్రప్రకాశినీ

॥ 79 ॥

శ్లోక 81

నన్దా నన్దప్రియా నిద్రా నృనుతా నన్దనాత్మికా ।

నర్మదా నలినీ నీలా నీలకణ్ఠసమాశ్రయా

॥ 80 ॥

శ్లోక 82

నారాయణప్రియా నిత్యా నిర్మలా నిర్గుణా నిధిః ।

నిరాధారా నిరుపమా నిత్యశుద్ధా నిరఞ్జనా

॥ 81 ॥

శ్లోక 83

నాదబిన్దుకలాతీతా నాదబిన్దుకలాత్మికా ।

నృసింహినీ నగధరా నృపనాగవిభూషితా

॥ 82 ॥

శ్లోక 84

నరకక్లేశశమనీ నారాయణపదోద్భవా ।

నిరవద్యా నిరాకారా నారదప్రియకారిణీ

॥ 83 ॥

శ్లోక 85

నానాజ్యోతిః సమాఖ్యాతా నిధిదా నిర్మలాత్మికా ।

నవసూత్రధరా నీతిర్నిరుపద్రవకారిణీ

॥ 84 ॥

శ్లోక 86

నన్దజా నవరత్నాఢ్యా నైమిషారణ్యవాసినీ ।

నవనీతప్రియా నారీ నీలజీమూతనిస్వనా

॥ 85 ॥

శ్లోక 87

నిమేషిణీ నదీరూపా నీలగ్రీవా నిశీశ్వరీ ।

నామావలిర్నిశుమ్భఘ్నీ నాగలోకనివాసినీ

॥ 86 ॥

శ్లోక 88

నవజామ్బూనదప్రఖ్యా నాగలోకాధిదేవతా ।

నూపురాక్రాన్తచరణా నరచిత్తప్రమోదినీ

॥ 87 ॥

శ్లోక 89

నిమగ్నారక్తనయనా నిర్ఘాతసమనిస్వనా ।

నన్దనోద్యాననిలయా నిర్వ్యూహోపరిచారిణీ

॥ 88 ॥

శ్లోక 90

పార్వతీ పరమోదారా పరబ్రహ్మాత్మికా పరా ।

పఞ్చకోశవినిర్ముక్తా పఞ్చపాతకనాశినీ

॥ 89 ॥

శ్లోక 91

పరచిత్తవిధానజ్ఞా పఞ్చికా పఞ్చరూపిణీ ।

పూర్ణిమా పరమా ప్రీతిః పరతేజః ప్రకాశినీ

॥ 90 ॥

శ్లోక 92

పురాణీ పౌరుషీ పుణ్యా పుణ్డరీకనిభేక్షణా ।

పాతాలతలనిర్మగ్నా ప్రీతా ప్రీతివివర్ధినీ

॥ 91 ॥

శ్లోక 93

పావనీ పాదసహితా పేశలా పవనాశినీ ।

ప్రజాపతిః పరిశ్రాన్తా పర్వతస్తనమణ్డలా

॥ 92 ॥

శ్లోక 94

పద్మప్రియా పద్మసంస్థా పద్మాక్షీ పద్మసమ్భవా ।

పద్మపత్రా పద్మపదా పద్మినీ ప్రియభాషిణీ

॥ 93 ॥

శ్లోక 95

పశుపాశవినిర్ముక్తా పురన్ధ్రీ పురవాసినీ ।

పుష్కలా పురుషా పర్వా పారిజాతసుమప్రియా

॥ 94 ॥

శ్లోక 96

పతివ్రతా పవిత్రాఙ్గీ పుష్పహాసపరాయణా ।

ప్రజ్ఞావతీసుతా పౌత్రీ పుత్రపూజ్యా పయస్వినీ

॥ 95 ॥

శ్లోక 97

పట్టిపాశధరా పఙ్క్తిః పితృలోకప్రదాయినీ ।

పురాణీ పుణ్యశీలా చ ప్రణతార్తివినాశినీ

॥ 96 ॥

శ్లోక 98

ప్రద్యుమ్నజననీ పుష్టా పితామహపరిగ్రహా ।

పుణ్డరీకపురావాసా పుణ్డరీకసమాననా

॥ 97 ॥

శ్లోక 99

పృథుజఙ్ఘా పృథుభుజా పృథుపాదా పృథూదరీ ।

ప్రవాలశోభా పిఙ్గాక్షీ పీతవాసాః ప్రచాపలా

॥ 98 ॥

శ్లోక 100

ప్రసవా పుష్టిదా పుణ్యా ప్రతిష్ఠా ప్రణవాగతిః ।

పఞ్చవర్ణా పఞ్చవాణీ పఞ్చికా పఞ్జరస్థితా

॥ 99 ॥

శ్లోక 101

పరమాయా పరజ్యోతిః పరప్రీతిః పరాగతిః ।

పరాకాష్ఠా పరేశానీ పావనీ పావకద్యుతిః

॥ 100 ॥

శ్లోక 102

పుణ్యభద్రా పరిచ్ఛేద్యా పుష్పహాసా పృథూదరీ ।

పీతాఙ్గీ పీతవసనా పీతశయ్యా పిశాచినీ

॥ 101 ॥

శ్లోక 103

పీతక్రియా పిశాచఘ్నీ పాటలాక్షీ పటుక్రియా ।

పఞ్చభక్షప్రియాచారా పూతనాప్రాణఘాతినీ

॥ 102 ॥

శ్లోక 104

పున్నాగవనమధ్యస్థా పుణ్యతీర్థనిషేవితా ।

పఞ్చాఙ్గీ చ పరాశక్తిః పరమాహ్లాదకారిణీ

॥ 103 ॥

శ్లోక 105

పుష్పకాణ్డస్థితా పూషా పోషితాఖిలవిష్టపా ।

ప్రాణప్రియా పఞ్చశిఖా పన్నగోపరిశాయినీ

॥ 104 ॥

శ్లోక 106

పఞ్చమాత్రాత్మికా పృథ్వీ పథికా పృథుదోహినీ ।

పురాణన్యాయమీమాంసా పాటలీ పుష్పగన్ధినీ

॥ 105 ॥

శ్లోక 107

పుణ్యప్రజా పారదాత్రీ పరమార్గైకగోచరా ।

ప్రవాలశోభా పూర్ణాశా ప్రణవా పల్లవోదరీ

॥ 106 ॥

శ్లోక 108

ఫలినీ ఫలదా ఫల్గుః ఫూత్కారీ ఫలకాకృతిః ।

ఫణీన్ద్రభోగశయనా ఫణిమణ్డలమణ్డితా

॥ 107 ॥

శ్లోక 109

బాలబాలా బహుమతా బాలాతపనిభాంశుకా ।

బలభద్రప్రియా వన్ద్యా బడవా బుద్ధిసంస్తుతా

॥ 108 ॥

శ్లోక 110

బన్దీదేవీ బిలవతీ బడిశఘ్నీ బలిప్రియా ।

బాన్ధవీ బోధితా బుద్ధిర్బన్ధూకకుసుమప్రియా

॥ 109 ॥

శ్లోక 111

బాలభానుప్రభాకారా బ్రాహ్మీ బ్రాహ్మణదేవతా ।

బృహస్పతిస్తుతా బృన్దా బృన్దావనవిహారిణీ

॥ 110 ॥

శ్లోక 112

బాలాకినీ బిలాహారా బిలవాసా బహూదకా ।

బహునేత్రా బహుపదా బహుకర్ణావతంసికా

॥ 111 ॥

శ్లోక 113

బహుబాహుయుతా బీజరూపిణీ బహురూపిణీ ।

బిన్దునాదకలాతీతా బిన్దునాదస్వరూపిణీ

॥ 112 ॥

శ్లోక 114

బద్ధగోధాఙ్గులిత్రాణా బదర్యాశ్రమవాసినీ ।

బృన్దారకా బృహత్స్కన్ధా బృహతీ బాణపాతినీ

॥ 113 ॥

శ్లోక 115

బృన్దాధ్యక్షా బహునుతా వనితా బహువిక్రమా ।

బద్ధపద్మాసనాసీనా బిల్వపత్రతలస్థితా

॥ 114 ॥

శ్లోక 116

బోధిద్రుమనిజావాసా బడిస్థా బిన్దుదర్పణా ।

బాలా బాణాసనవతీ బడబానలవేగినీ

॥ 115 ॥

శ్లోక 117

బ్రహ్మాణ్డబహిరన్తఃస్థా బ్రహ్మకఙ్కణసూత్రిణీ ।

భవానీ భీషణవతీ భావినీ భయహారిణీ

॥ 116 ॥

శ్లోక 118

భద్రకాలీ భుజఙ్గాక్షీ భారతీ భారతాశయా ।

భైరవీ భీషణాకారా భూతిదా భూతిమాలినీ

॥ 117 ॥

శ్లోక 119

భామినీ భోగనిరతా భద్రదా భూరివిక్రమా ।

భూతవాసా భృగులతా భార్గవీ భూసురార్చితా

॥ 118 ॥

శ్లోక 120

భాగీరథీ భోగవతీ భవనస్థా భిషగ్వరా ।

భామినీ భోగినీ భాషా భవానీ భూరిదక్షిణా

॥ 119 ॥

శ్లోక 121

భర్గాత్మికా భీమవతీ భవబన్ధవిమోచినీ ।

భజనీయా భూతధాత్రీరఞ్జితా భువనేశ్వరీ

॥ 120 ॥

శ్లోక 122

భుజఙ్గవలయా భీమా భేరుణ్డా భాగధేయినీ ।

మాతా మాయా మధుమతీ మధుజిహ్వా మధుప్రియా

॥ 121 ॥

శ్లోక 123

మహాదేవీ మహాభాగా మాలినీ మీనలోచనా ।

మాయాతీతా మధుమతీ మధుమాంసా మధుద్రవా

॥ 122 ॥

శ్లోక 124

మానవీ మధుసమ్భూతా మిథిలాపురవాసినీ ।

మధుకైటభసంహర్త్రీ మేదినీ మేఘమాలినీ

॥ 123 ॥

శ్లోక 125

మన్దోదరీ మహామాయా మైథిలీ మసృణప్రియా ।

మహాలక్ష్మీర్మహాకాలీ మహాకన్యా మహేశ్వరీ

॥ 124 ॥

శ్లోక 126

మాహేన్ద్రీ మేరుతనయా మన్దారకుసుమార్చితా ।

మఞ్జుమఞ్జీరచరణా మోక్షదా మఞ్జుభాషిణీ

॥ 125 ॥

శ్లోక 127

మధురద్రావిణీ ముద్రా మలయా మలయాన్వితా ।

మేధా మరకతశ్యామా మాగధీ మేనకాత్మజా

॥ 126 ॥

శ్లోక 128

మహామారీ మహావీరా మహాశ్యామా మనుస్తుతా ।

మాతృకా మిహిరాభాసా ముకున్దపదవిక్రమా

॥ 127 ॥

శ్లోక 129

మూలాధారస్థితా ముగ్ధా మణిపూరకవాసినీ ।

మృగాక్షీ మహిషారూఢా మహిషాసురమర్దినీ

॥ 128 ॥

శ్లోక 130

యోగాసనా యోగగమ్యా యోగా యౌవనకాశ్రయా ।

యౌవనీ యుద్ధమధ్యస్థా యమునా యుగధారిణీ

॥ 129 ॥

శ్లోక 131

యక్షిణీ యోగయుక్తా చ యక్షరాజప్రసూతినీ ।

యాత్రా యానవిధానజ్ఞా యదువంశసముద్భవా

॥ 130 ॥

శ్లోక 132

యకారాదిహకారాన్తా యాజుషీ యజ్ఞరూపిణీ ।

యామినీ యోగనిరతా యాతుధానభయఙ్కరీ

॥ 131 ॥

శ్లోక 133

రుక్మిణీ రమణీ రామా రేవతీ రేణుకా రతిః ।

రౌద్రీ రౌద్రప్రియాకారా రామమాతా రతిప్రియా

॥ 132 ॥

శ్లోక 134

రోహిణీ రాజ్యదా రేవా రమా రాజీవలోచనా ।

రాకేశీ రూపసమ్పన్నా రత్నసింహాసనస్థితా

॥ 133 ॥

శ్లోక 135

రక్తమాల్యామ్బరధరా రక్తగన్ధానులేపనా ।

రాజహంససమారూఢా రమ్భా రక్తబలిప్రియా

॥ 134 ॥

శ్లోక 136

రమణీయయుగాధారా రాజితాఖిలభూతలా ।

రురుచర్మపరీధానా రథినీ రత్నమాలికా

॥ 135 ॥

శ్లోక 137

రోగేశీ రోగశమనీ రావిణీ రోమహర్షిణీ ।

రామచన్ద్రపదాక్రాన్తా రావణచ్ఛేదకారిణీ

॥ 136 ॥

శ్లోక 138

రత్నవస్త్రపరిచ్ఛన్నా రథస్థా రుక్మభూషణా ।

లజ్జాధిదేవతా లోలా లలితా లిఙ్గధారిణీ

॥ 137 ॥

శ్లోక 139

లక్ష్మీర్లోలా లుప్తవిషా లోకినీ లోకవిశ్రుతా ।

లజ్జా లమ్బోదరీ దేవీ లలనా లోకధారిణీ

॥ 138 ॥

శ్లోక 140

వరదా వన్దితా విద్యా వైష్ణవీ విమలాకృతిః ।

వారాహీ విరజా వర్షా వరలక్ష్మీర్విలాసినీ

॥ 139 ॥

శ్లోక 141

వినతా వ్యోమమధ్యస్థా వారిజాసనసంస్థితా ।

వారుణీ వేణుసమ్భూతా వీతిహోత్రా విరూపిణీ

॥ 140 ॥

శ్లోక 142

వాయుమణ్డలమధ్యస్థా విష్ణురూపా విధిప్రియా ।

విష్ణుపత్నీ విష్ణుమతీ విశాలాక్షీ వసున్ధరా

॥ 141 ॥

శ్లోక 143

వామదేవప్రియా వేలా వజ్రిణీ వసుదోహినీ ।

వేదాక్షరపరీతాఙ్గీ వాజపేయఫలప్రదా

॥ 142 ॥

శ్లోక 144

వాసవీ వామజననీ వైకుణ్ఠనిలయా వరా ।

వ్యాసప్రియా వర్మధరా వాల్మీకిపరిసేవితా

॥ 143 ॥

శ్లోక 145

శాకమ్భరీ శివా శాన్తా శారదా శరణాగతిః ।

శాతోదరీ శుభాచారా శుమ్భాసురవిమర్దినీ

॥ 144 ॥

శ్లోక 146

శోభావతీ శివాకారా శఙ్కరార్ధశరీరిణీ ।

శోణా శుభాశయా శుభ్రా శిరఃసన్ధానకారిణీ

॥ 145 ॥

శ్లోక 147

శరావతీ శరానన్దా శరజ్జ్యోత్స్నా శుభాననా ।

శరభా శూలినీ శుద్ధా శబరీ శుకవాహనా

॥ 146 ॥

శ్లోక 148

శ్రీమతీ శ్రీధరానన్దా శ్రవణానన్దదాయినీ ।

శర్వాణీ శర్వరీవన్ద్యా షడ్భాషా షడృతుప్రియా

॥ 147 ॥

శ్లోక 149

షడాధారస్థితా దేవీ షణ్ముఖప్రియకారిణీ ।

షడఙ్గరూపసుమతీ సురాసురనమస్కృతా

॥ 148 ॥

శ్లోక 150

సరస్వతీ సదాధారా సర్వమఙ్గలకారిణీ ।

సామగానప్రియా సూక్ష్మా సావిత్రీ సామసమ్భవా

॥ 149 ॥

శ్లోక 151

సర్వావాసా సదానన్దా సుస్తనీ సాగరామ్బరా ।

సర్వైశ్వర్యప్రియా సిద్ధిః సాధుబన్ధుపరాక్రమా

॥ 150 ॥

శ్లోక 152

సప్తర్షిమణ్డలగతా సోమమణ్డలవాసినీ ।

సర్వజ్ఞా సాన్ద్రకరుణా సమానాధికవర్జితా

॥ 151 ॥

శ్లోక 153

సర్వోత్తుఙ్గా సఙ్గహీనా సద్గుణా సకలేష్టదా ।

సరధా సూర్యతనయా సుకేశీ సోమసంహతిః

॥ 152 ॥

శ్లోక 154

హిరణ్యవర్ణా హరిణీ హ్రీఙ్కారీ హంసవాహినీ ।

క్షౌమవస్త్రపరీతాఙ్గీ క్షీరాబ్ధితనయా క్షమా

॥ 153 ॥

శ్లోక 155

గాయత్రీ చైవ సావిత్రీ పార్వతీ చ సరస్వతీ ।

వేదగర్భా వరారోహా శ్రీగాయత్రీ పరామ్బికా

॥ 154 ॥

శ్లోక 156

ఇతి సాహస్రకం నామ్నాం గాయత్ర్యాశ్చైవ నారద ।

పుణ్యదం సర్వపాపఘ్నం మహాసమ్పత్తిదాయకమ్

॥ 155 ॥

శ్లోక 157

ఏవం నామాని గాయత్ర్యాస్తోషోత్పత్తికరాణి హి ।

అష్టమ్యాం చ విశేషేణ పఠితవ్యం ద్విజైః సహ

॥ 156 ॥

శ్లోక 158

జపం కృత్వా హోమ పూజా ధ్యానం కృత్వా విశేషతః ।

యస్మై కస్మై న దాతవ్యం గాయత్ర్యాస్తు విశేషతః

॥ 157 ॥

శ్లోక 159

సుభక్తాయ సుశిష్యాయ వక్తవ్యం భూసురాయ వై ।

భ్రష్టేభ్యః సాధకేభ్యశ్చ బాన్ధవేభ్యో న దర్శయేత్

॥ 158 ॥

శ్లోక 160

యద్గృహే లిఖితం శాస్త్రం భయం తస్య న కస్యచిత్ ।

చఞ్చలాపిస్థిరా భూత్వా కమలా తత్ర తిష్ఠతి

॥ 159 ॥

శ్లోక 161

ఇదం రహస్యం పరమం గుహ్యాద్గుహ్యతరం మహత్ ।

పుణ్యప్రదం మనుష్యాణాం దరిద్రాణాం నిధిప్రదమ్

॥ 160 ॥

శ్లోక 162

మోక్షప్రదం ముముక్షూణాం కామినాం సర్వకామదమ్ ।

రోగాద్వై ముచ్యతే రోగీ బద్ధో ముచ్యేత బన్ధనాత్

॥ 161 ॥

శ్లోక 163

బ్రహ్మహత్యా సురాపానం సువర్ణస్తేయినో నరాః ।

గురుతల్పగతో వాపి పాతకాన్ముచ్యతే సకృత్

॥ 162 ॥

శ్లోక 164

అసత్ప్రతిగ్రహాచ్చైవాఽభక్ష్యభక్షాద్విశేషతః ।

పాఖణ్డానృతముఖ్యేభ్యః పఠనాదేవ ముచ్యతే

॥ 163 ॥

శ్లోక 165

ఇదం రహస్యమమలం మయోక్తం పద్మజోద్భవ ।

బ్రహ్మసాయుజ్యదం నౄణాం సత్యం సత్యం న సంశయః

॥ 164 ॥

శ్లోక 166

ఇతి శ్రీదేవీభాగవతే మహాపురాణే ద్వాదశస్కన్ధే గాయత్రీసహస్రనామ స్తోత్ర కథనం నామ షష్ఠోఽధ్యాయః ॥