શાન્તિ મન્ત્રમ્

શાન્તિ મન્ત્રમ્

શ્લોક 1

આપો॒ હિષ્ઠા મ॑યો॒ભુવઃ॒ । તા ન॑ ઊ॒ર્જે દ॑ધાતન । મ॒હેરણા॑ય॒ ચક્ષ॑સે । યો વઃ॑ શિ॒વત॑મો॒ રસ॒સ્તસ્ય॑ ભાજયતે॒ હ નઃ॒ । ઉ॒ષ॒તીરિ॑વ મા॒તરઃ॑ । તસ્મા॒ અર॑ઙ્ગમામવો॒ યસ્ય॒ ક્ષયા॑ય॒ જિ॑ન્વથ । આપો॑ જ॒નય॑થા ચ નઃ ।

પૃ॒થિ॒વી શા॒ન્તા સાગ્નિના॑ શા॒ન્તા સામે॑ શા॒ન્તા શુચગ્ં॑ શમયતુ ।

અ॒ન્તરિ॑ક્ષગ્ં શા॒ન્ત-ન્તદ્વા॒યુના॑ શા॒ન્ત-ન્તન્મે॑ શા॒ન્તગ્ં શુચગ્ં॑ શમયતુ ।

દ્યૌશ્શા॒ન્તા॒ સાદિ॒ત્યેન॑ શા॒ન્તા સા મે॑ શા॒ન્તા શુચગ્ં॑ શમયતુ ।

પૃ॒થિ॒વી શાન્તિ॑ર॒ન્તરિ॑ક્ષ॒ગ્ં॒ શાન્તિ॒-

ર્દ્યૌ-શ્શાન્તિ॒ર્-દિશ॒-શ્શાન્તિ॑-રવાન્તરદિ॒શા-શ્શાન્તિ॑-

ર॒ગ્નિ-શ્શાન્તિ॑ર્-વા॒યુ-શ્શાન્તિ॑-રાદિ॒ત્ય-

શ્શાન્તિ॑-શ્ચન્દ્ર॒મા॒-શ્શાન્તિ॒ર્-નક્ષ॑ત્રાણિ॒-

શ્શાન્તિ રાપ॒શ્શાન્તિ॒-રોષ॑ધય॒-

શ્શાન્તિ॒ર્-વન॒સ્પત॑ય॒-શ્શાન્તિ॒ર્-ગૌ॑-

શ્શાન્તિ॑-ર॒જા-શાન્તિ-રશ્વ॒-શ્શાન્તિઃ॒ પુરુ॑ષ॒-

શ્શાન્તિ॒-બ્રહ્મ॒-શાન્તિ॑ર્-બ્રાહ્મ॒ણ-

શ્શાન્તિ-શાન્તિ॑-રેવ શાન્તિ-શાન્તિ॑-ર્મે અસ્તુ॒ શાન્તિઃ॑ ।

તયા॒હગ્ં શાન્॒ત્યા॒ સ॑ર્વશા॒ન્ત્યા॒

મહ્ય॑-ન્દ્વિ॒પદે॒ ચતુ॑ષ્પદે ચ॒

શાન્તિ॑-ઙ્કરોમિ શાન્તિ॑ર્મે અસ્તુ॒ શાન્તિઃ॑ ॥

એહ॒ શ્રીશ્ચ॒ હ્રીશ્ચ॒ ધૃતિ॑શ્ચ॒

તપો॑ મે॒ધા પ્ર॑તિ॒ષ્ઠા શ્ર॒દ્ધા સ॒ત્યં

ધર્મ॑શ્ચૈ॒તાનિ॒ મોત્તિ॑ષ્ઠન્ત॒-મનૂત્તિ॑ષ્ઠન્તુ॒

મા મા॒ગ્॒ શ્રીશ્ચ॒ હ્રીશ્ચ॒ ધૃતિ॑શ્ચ॒

તપો॑ મે॒ધા પ્ર॑તિ॒ષ્ઠા શ્ર॒દ્ધા સ॒ત્યં

ધર્મ॑શ્ચૈ॒તાનિ॑ મા॒ મા હા॑સિષુઃ ।

ઉદાયુ॑ષા સ્વા॒યુષોદો॑ષદીના॒ગ્ં॒

રસે॒નોત્પ॒ર્જન્ય॑સ્ય॒ શુષ્મે॒ણોદસ્થામ॒મૃતા॒ગ્ં॒ અનુ॑ ।

તચ્ચક્ષુ॑ર્-દે॒વહિ॑ત-મ્પુ॒રસ્તા᳚ચ્ચુ॒ક્રમુ॒ચ્ચર॑ત્ ।

પશ્યે॑મ શ॒રદ॑શ્શ॒ત-ઞ્જીવે॑મ શ॒રદ॑શ્શ॒તં

નન્દા॑મ શ॒રદ॑શ્શ॒ત-મ્મોદા॑મ શ॒રદ॑શ્શ॒તં

ભવા॑મ શ॒રદ॑શ્શ॒તગ્ં શૃ॒ણવા॑મ શ॒રદ॑શ્શ॒તં

પબ્ર॑વામ શ॒રદ॑શ્શ॒તમજી॑તાસ્યામ શ॒રદ॑શ્શ॒તં

જોક્ચ॒ સૂર્ય॑-ન્દૃ॒શે ।

ય ઉદ॑ગાન્મહ॒તો-ઽર્ણવા᳚-દ્વિ॒ભ્રાજ॑માનસ્સરિ॒રસ્ય॒ મધ્યા॒થ્સમા॑ વૃષ॒ભો લો॑હિતા॒ક્ષસૂર્યો॑ વિપ॒શ્ચિન્મન॑સા પુનાતુ ॥

બ્રહ્મ॑ણ॒શ્ચોત॒ન્યસિ॒ બ્રહ્મ॑ણ આ॒ણીસ્થો॒ બ્રાહ્મ॑ણ આ॒વપ॑નમસિ ધારિ॒તેય-મ્પૃ॑થિ॒વી બ્રહ્મ॑ણા મ॒હી દા॑રિ॒તમે॑નેન મ॒હદન્॒તરિ॑ક્ષ॒-ન્દિવ॑-ન્દાધાર પૃથિ॒વીગ્ં સદેવાં॒-યઁદ॒હં-વેઁદ॒ તદ॒હ-ન્ધા॑રયાણિ॒ મામદ્વેદો-ઽથિ॒ વિસ્ર॑સત્ ।

મે॒ધા॒મ॒ની॒ષે માવિ॒શતાગ્ં સ॒મીચી॑ ભૂ॒તસ્ય॒ ભવ્ય॒સ્યાવ॑રુધ્યૈ॒ સર્વ॒માયુ॑રયાણિ॒ સર્વ॒માયુ॑રયાણિ ।

આ॒ભિર્ગી॒ર્ભિ-ર્યદતો॑ન ઊ॒નમાપ્યા॑યય હરિવો॒ વર્ધ॑માનઃ ।

ય॒દા સ્તો॒તૃભ્યો॒ મહિ॑ ગો॒ત્રા રુ॒જાસિ॑ ભૂયિષ્ઠ॒ભાજો॒ અધ॑ તે સ્યામ ।

બ્રહ્મ॒ પ્રાવા॑દિષ્મ॒ તન્નો॒ મા હા॑સીત્ ॥

ૐ શાન્તિ॒-શ્શાન્તિ॒-શ્શાન્તિઃ॑ ॥

ૐ સ-ન્ત્વા॑ સિઞ્ચામિ॒ યજુ॑ષા પ્ર॒જામાયુ॒ર્ધન॑-ઞ્ચ ॥

ૐ શાન્તિ॒-શ્શાન્તિ॒-શ્શાન્તિઃ॑ ॥

ૐ શ-ન્નો॑ મિ॒ત્ર-શ્શં-વઁરુ॑ણઃ ।

શ-ન્નો॑ ભવત્વર્ય॒મા ।

શ-ન્ન॒ ઇન્દ્રો॒ બૃહ॒સ્પતિઃ॑ ।

શ-ન્નો॒ વિષ્ણુ॑રુરુક્ર॒મઃ ।

નમો॒ બ્રહ્મ॑ણે । નમ॑સ્તે વાયો ।

ત્વમે॒વ પ્ર॒ત્યક્ષ॒-મ્બ્રહ્મા॑સિ ।

ત્વામે॒વ પ્ર॒ત્યક્ષ॒-મ્બ્રહ્મ॑ વદિષ્યામિ ।

ઋ॒તં-વઁ॑દિષ્યામિ । સ॒ત્યં-વઁ॑દિષ્યામિ ।

તન્મામ॑વતુ । તદ્વ॒ક્તાર॑મવતુ ।

અવ॑તુ॒ મામ્ । અવ॑તુ વ॒ક્તારમ્᳚ ॥

ૐ શાન્તિ॒-શ્શાન્તિ॒-શ્શાન્તિઃ॑ ॥

ઓ-ન્તચ્છં॒-યોઁરાવૃ॑ણીમહે ।

ગા॒તું-યઁ॒જ્ઞાય॑ । ગા॒તું-યઁ॒જ્ઞપ॑તયે ।

દૈવી᳚ સ્વ॒સ્તિર॑સ્તુ નઃ । સ્વ॒સ્તિર્-માનુ॑ષેભ્યઃ ।

ઊ॒ર્ધ્વ-ઞ્જિ॑ગાતુ ભેષ॒જમ્ ।

શ-ન્નો॑ અસ્તુ દ્વિ॒પદે᳚ । શ-ઞ્ચતુ॒ષ્પદે ।

ૐ શાન્તિ॒-શ્શાન્તિ॒-શ્શાન્તિઃ॑ ॥

ૐ સ॒હ ના॑ વવતુ । સ॒હ નૌ॑ ભુનક્તુ ।

સ॒હ વી॒ર્ય॑-ઙ્કરવાવહૈ ।

તે॒જ॒સ્વિના॒વધી॑તમસ્તુ॒ મા વિ॑દ્વિષા॒વહૈ᳚ ॥ (3)

ૐ શાન્તિ॒-શ્શાન્તિ॒-શ્શાન્તિઃ॑ ॥ (3)