Sarpa Suktam
సర్ప సూక్తమ్
Sarpa Suktam
సర్ప సూక్తమ్
శ్లోక 1
నమో॑ అస్తు స॒ర్పేభ్యో॒ యే కే చ॑ పృథి॒వీ మను॑ ।
యే అ॒న్తరి॑క్షే॒ యే ది॒వి తేభ్యః॑ స॒ర్పేభ్యో॒ నమః॑ । (తై.సం.4.2.3)
యే॑-ఽదో రో॑చ॒నే ది॒వో యే వా॒ సూర్య॑స్య ర॒శ్మిషు॑ ।
యేషా॑మ॒ప్సు సదః॑ కృ॒త-న్తేభ్యః॑ స॒ర్పేభ్యో॒ నమః॑ ।
యా ఇష॑వో యాతు॒ధానా॑నాం॒-యేఁ వా॒ వన॒స్పతీ॒గ్ం॒ రను॑ ।
యే వా॑-ఽవ॒టేషు॒ శేర॑తే॒ తేభ్యః॑ స॒ర్పేభ్యో॒ నమః॑ ।
ఇ॒దగ్ం స॒ర్పేభ్యో॑ హ॒విర॑స్తు॒ జుష్టమ్᳚ ।
ఆ॒శ్రే॒షా యేషా॑మను॒యన్తి॒ చేతః॑ ।
యే అ॒న్తరి॑క్ష-మ్పృథి॒వీ-ఙ్క్షి॒యన్తి॑ ।
తే న॑స్స॒ర్పాసో॒ హవ॒మాగ॑మిష్ఠాః ।
యే రో॑చ॒నే సూర్య॒స్యాపి॑ స॒ర్పాః ।
యే దివ॑-న్దే॒వీమను॑స॒న్చర॑న్తి ।
యేషా॑మాశ్రే॒షా అ॑ను॒యన్తి॒ కామమ్᳚ ।
తేభ్య॑స్స॒ర్పేభ్యో॒ మధు॑మజ్జుహోమి
శ్లోక 2
ని॒ఘృష్వై॑రస॒మాయు॑తైః ।
కాలైర్హరిత్వ॑మాప॒న్నైః ।
ఇన్ద్రాయా॑హి స॒హస్ర॑యుక్ ।
అ॒గ్నిర్వి॒భ్రాష్టి॑వసనః ।
వా॒యుశ్వేత॑సికద్రు॒కః ।
సం॒వఁ॒థ్స॒రో వి॑షూ॒వర్ణైః᳚ ।
నిత్యా॒స్తే-ఽనుచ॑రాస్త॒వ ।
సుబ్రహ్మణ్యోగ్ం సుబ్రహ్మణ్యోగ్ం సు॑బ్రహ్మణ్యోగ్మ్
॥ 2 ॥
శ్లోక 3
ఓం శాన్తి-శ్శాన్తి-శ్శాన్తిః ॥