ಸರ್ಪ ಸೂಕ್ತಮ್

ಸರ್ಪ ಸೂಕ್ತಮ್

ಶ್ಲೋಕ 1

ನಮೋ॑ ಅಸ್ತು ಸ॒ರ್ಪೇಭ್ಯೋ॒ ಯೇ ಕೇ ಚ॑ ಪೃಥಿ॒ವೀ ಮನು॑ ।

ಯೇ ಅ॒ನ್ತರಿ॑ಕ್ಷೇ॒ ಯೇ ದಿ॒ವಿ ತೇಭ್ಯಃ॑ ಸ॒ರ್ಪೇಭ್ಯೋ॒ ನಮಃ॑ । (ತೈ.ಸಂ.4.2.3)

ಯೇ॑-ಽದೋ ರೋ॑ಚ॒ನೇ ದಿ॒ವೋ ಯೇ ವಾ॒ ಸೂರ್ಯ॑ಸ್ಯ ರ॒ಶ್ಮಿಷು॑ ।

ಯೇಷಾ॑ಮ॒ಪ್ಸು ಸದಃ॑ ಕೃ॒ತ-ನ್ತೇಭ್ಯಃ॑ ಸ॒ರ್ಪೇಭ್ಯೋ॒ ನಮಃ॑ ।

ಯಾ ಇಷ॑ವೋ ಯಾತು॒ಧಾನಾ॑ನಾಂ॒-ಯೇಁ ವಾ॒ ವನ॒ಸ್ಪತೀ॒ಗ್ಂ॒‍ ರನು॑ ।

ಯೇ ವಾ॑-ಽವ॒ಟೇಷು॒ ಶೇರ॑ತೇ॒ ತೇಭ್ಯಃ॑ ಸ॒ರ್ಪೇಭ್ಯೋ॒ ನಮಃ॑ ।

ಇ॒ದಗ್ಂ ಸ॒ರ್ಪೇಭ್ಯೋ॑ ಹ॒ವಿರ॑ಸ್ತು॒ ಜುಷ್ಟಮ್᳚ ।

ಆ॒ಶ್ರೇ॒ಷಾ ಯೇಷಾ॑ಮನು॒ಯನ್ತಿ॒ ಚೇತಃ॑ ।

ಯೇ ಅ॒ನ್ತರಿ॑ಕ್ಷ-ಮ್ಪೃಥಿ॒ವೀ-ಙ್ಕ್ಷಿ॒ಯನ್ತಿ॑ ।

ತೇ ನ॑ಸ್ಸ॒ರ್ಪಾಸೋ॒ ಹವ॒ಮಾಗ॑ಮಿಷ್ಠಾಃ ।

ಯೇ ರೋ॑ಚ॒ನೇ ಸೂರ್ಯ॒ಸ್ಯಾಪಿ॑ ಸ॒ರ್ಪಾಃ ।

ಯೇ ದಿವ॑-ನ್ದೇ॒ವೀಮನು॑ಸ॒ನ್ಚರ॑ನ್ತಿ ।

ಯೇಷಾ॑ಮಾಶ್ರೇ॒ಷಾ ಅ॑ನು॒ಯನ್ತಿ॒ ಕಾಮಮ್᳚ ।

ತೇಭ್ಯ॑ಸ್ಸ॒ರ್ಪೇಭ್ಯೋ॒ ಮಧು॑ಮಜ್ಜುಹೋಮಿ

ಶ್ಲೋಕ 2

ನಿ॒ಘೃಷ್ವೈ॑ರಸ॒ಮಾಯು॑ತೈಃ ।

ಕಾಲೈರ್​ಹರಿತ್ವ॑ಮಾಪ॒ನ್ನೈಃ ।

ಇನ್ದ್ರಾಯಾ॑ಹಿ ಸ॒ಹಸ್ರ॑ಯುಕ್ ।

ಅ॒ಗ್ನಿರ್ವಿ॒ಭ್ರಾಷ್ಟಿ॑ವಸನಃ ।

ವಾ॒ಯುಶ್ವೇತ॑ಸಿಕದ್ರು॒ಕಃ ।

ಸಂ॒​ವಁ॒ಥ್ಸ॒ರೋ ವಿ॑ಷೂ॒ವರ್ಣೈಃ᳚ ।

ನಿತ್ಯಾ॒ಸ್ತೇ-ಽನುಚ॑ರಾಸ್ತ॒ವ ।

ಸುಬ್ರಹ್ಮಣ್ಯೋಗ್ಂ ಸುಬ್ರಹ್ಮಣ್ಯೋಗ್ಂ ಸು॑ಬ್ರಹ್ಮಣ್ಯೋಗ್ಮ್

॥ 2 ॥

ಶ್ಲೋಕ 3

ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ ॥