పార్వతీ వల్లభ అష్టకమ్

పార్వతీ వల్లభ అష్టకమ్

శ్లోక 1

నమో భూతనాథం నమో దేవదేవం

నమః కాలకాలం నమో దివ్యతేజమ్ ।

నమః కామభస్మం నమః శాన్తశీలం

భజే పార్వతీవల్లభం నీలకణ్ఠమ్

శ్లోక 2

సదా తీర్థసిద్ధం సదా భక్తరక్షం

సదా శైవపూజ్యం సదా శుభ్రభస్మమ్ ।

సదా ధ్యానయుక్తం సదా జ్ఞానతల్పం

భజే పార్వతీవల్లభం నీలకణ్ఠమ్

॥ 1 ॥

శ్లోక 3

శ్మశానే శయానం మహాస్థానవాసం

శరీరం గజానాం సదా చర్మవేష్టమ్ ।

పిశాచాదినాథం పశూనాం ప్రతిష్ఠం

భజే పార్వతీవల్లభం నీలకణ్ఠమ్

॥ 2 ॥

శ్లోక 4

ఫణీనాగకణ్ఠే భుజఙ్గాద్యనేకం

గలే రుణ్డమాలం మహావీర శూరమ్ ।

కటివ్యాఘ్రచర్మం చితాభస్మలేపం

భజే పార్వతీవల్లభం నీలకణ్ఠమ్

॥ 3 ॥

శ్లోక 5

శిరః శుద్ధగఙ్గా శివా వామభాగం

వియద్దీర్ఘకేశం సదా మాం త్రిణేత్రమ్ ।

ఫణీనాగకర్ణం సదా ఫాలచన్ద్రం

భజే పార్వతీవల్లభం నీలకణ్ఠమ్

॥ 4 ॥

శ్లోక 6

కరే శూలధారం మహాకష్టనాశం

సురేశం పరేశం మహేశం జనేశమ్ ।

ధనేశామరేశం ధ్వజేశం గిరీశం [ధనేశస్యమిత్రం]

భజే పార్వతీవల్లభం నీలకణ్ఠమ్

॥ 5 ॥

శ్లోక 7

ఉదాసం సుదాసం సుకైలాసవాసం

ధరానిర్ఝరే సంస్థితం హ్యాదిదేవమ్ ।

అజం హేమకల్పద్రుమం కల్పసేవ్యం

భజే పార్వతీవల్లభం నీలకణ్ఠమ్

॥ 6 ॥

శ్లోక 8

మునీనాం వరేణ్యం గుణం రూపవర్ణం

ద్విజైః సమ్పఠన్తం శివం వేదశాస్త్రమ్ ।

అహో దీనవత్సం కృపాలుం శివం తం

భజే పార్వతీవల్లభం నీలకణ్ఠమ్

॥ 7 ॥

శ్లోక 9

సదా భావనాథం సదా సేవ్యమానం

సదా భక్తిదేవం సదా పూజ్యమానమ్ ।

మహాతీర్థవాసం సదా సేవ్యమేకం

భజే పార్వతీవల్లభం నీలకణ్ఠమ్

॥ 8 ॥

శ్లోక 10

ఇతి శ్రీమచ్ఛఙ్కరయోగీన్ద్ర విరచితం పార్వతీవల్లభాష్టకం నామ నీలకణ్ఠ స్తవః ॥