പാര്വതീ വല്ലഭ അഷ്ടകമ്

പാര്വതീ വല്ലഭ അഷ്ടകമ്

ശ്ലോക 1

നമോ ഭൂതനാഥം നമോ ദേവദേവം

നമഃ കാലകാലം നമോ ദിവ്യതേജമ് ।

നമഃ കാമഭസ്മം നമഃ ശാന്തശീലം

ഭജേ പാര്വതീവല്ലഭം നീലകണ്ഠമ്

ശ്ലോക 2

സദാ തീര്ഥസിദ്ധം സദാ ഭക്തരക്ഷം

സദാ ശൈവപൂജ്യം സദാ ശുഭ്രഭസ്മമ് ।

സദാ ധ്യാനയുക്തം സദാ ജ്ഞാനതല്പം

ഭജേ പാര്വതീവല്ലഭം നീലകണ്ഠമ്

॥ 1 ॥

ശ്ലോക 3

ശ്മശാനേ ശയാനം മഹാസ്ഥാനവാസം

ശരീരം ഗജാനാം സദാ ചര്മവേഷ്ടമ് ।

പിശാചാദിനാഥം പശൂനാം പ്രതിഷ്ഠം

ഭജേ പാര്വതീവല്ലഭം നീലകണ്ഠമ്

॥ 2 ॥

ശ്ലോക 4

ഫണീനാഗകണ്ഠേ ഭുജങ്ഗാദ്യനേകം

ഗലേ രുണ്ഡമാലം മഹാവീര ശൂരമ് ।

കടിവ്യാഘ്രചര്മം ചിതാഭസ്മലേപം

ഭജേ പാര്വതീവല്ലഭം നീലകണ്ഠമ്

॥ 3 ॥

ശ്ലോക 5

ശിരഃ ശുദ്ധഗങ്ഗാ ശിവാ വാമഭാഗം

വിയദ്ദീര്ഘകേശം സദാ മാം ത്രിണേത്രമ് ।

ഫണീനാഗകര്ണം സദാ ഫാലചന്ദ്രം

ഭജേ പാര്വതീവല്ലഭം നീലകണ്ഠമ്

॥ 4 ॥

ശ്ലോക 6

കരേ ശൂലധാരം മഹാകഷ്ടനാശം

സുരേശം പരേശം മഹേശം ജനേശമ് ।

ധനേശാമരേശം ധ്വജേശം ഗിരീശം [ധനേശസ്യമിത്രം]

ഭജേ പാര്വതീവല്ലഭം നീലകണ്ഠമ്

॥ 5 ॥

ശ്ലോക 7

ഉദാസം സുദാസം സുകൈലാസവാസം

ധരാനിര്ഝരേ സംസ്ഥിതം ഹ്യാദിദേവമ് ।

അജം ഹേമകല്പദ്രുമം കല്പസേവ്യം

ഭജേ പാര്വതീവല്ലഭം നീലകണ്ഠമ്

॥ 6 ॥

ശ്ലോക 8

മുനീനാം വരേണ്യം ഗുണം രൂപവര്ണം

ദ്വിജൈഃ സമ്പഠന്തം ശിവം വേദശാസ്ത്രമ് ।

അഹോ ദീനവത്സം കൃപാലും ശിവം തം

ഭജേ പാര്വതീവല്ലഭം നീലകണ്ഠമ്

॥ 7 ॥

ശ്ലോക 9

സദാ ഭാവനാഥം സദാ സേവ്യമാനം

സദാ ഭക്തിദേവം സദാ പൂജ്യമാനമ് ।

മഹാതീര്ഥവാസം സദാ സേവ്യമേകം

ഭജേ പാര്വതീവല്ലഭം നീലകണ്ഠമ്

॥ 8 ॥

ശ്ലോക 10

ഇതി ശ്രീമച്ഛങ്കരയോഗീന്ദ്ര വിരചിതം പാര്വതീവല്ലഭാഷ്ടകം നാമ നീലകണ്ഠ സ്തവഃ ॥