ಪಾರ್ವತೀ ವಲ್ಲಭ ಅಷ್ಟಕಮ್

ಪಾರ್ವತೀ ವಲ್ಲಭ ಅಷ್ಟಕಮ್

ಶ್ಲೋಕ 1

ನಮೋ ಭೂತನಾಥಂ ನಮೋ ದೇವದೇವಂ

ನಮಃ ಕಾಲಕಾಲಂ ನಮೋ ದಿವ್ಯತೇಜಮ್ ।

ನಮಃ ಕಾಮಭಸ್ಮಂ ನಮಃ ಶಾನ್ತಶೀಲಂ

ಭಜೇ ಪಾರ್ವತೀವಲ್ಲಭಂ ನೀಲಕಣ್ಠಮ್

ಶ್ಲೋಕ 2

ಸದಾ ತೀರ್ಥಸಿದ್ಧಂ ಸದಾ ಭಕ್ತರಕ್ಷಂ

ಸದಾ ಶೈವಪೂಜ್ಯಂ ಸದಾ ಶುಭ್ರಭಸ್ಮಮ್ ।

ಸದಾ ಧ್ಯಾನಯುಕ್ತಂ ಸದಾ ಜ್ಞಾನತಲ್ಪಂ

ಭಜೇ ಪಾರ್ವತೀವಲ್ಲಭಂ ನೀಲಕಣ್ಠಮ್

॥ 1 ॥

ಶ್ಲೋಕ 3

ಶ್ಮಶಾನೇ ಶಯಾನಂ ಮಹಾಸ್ಥಾನವಾಸಂ

ಶರೀರಂ ಗಜಾನಾಂ ಸದಾ ಚರ್ಮವೇಷ್ಟಮ್ ।

ಪಿಶಾಚಾದಿನಾಥಂ ಪಶೂನಾಂ ಪ್ರತಿಷ್ಠಂ

ಭಜೇ ಪಾರ್ವತೀವಲ್ಲಭಂ ನೀಲಕಣ್ಠಮ್

॥ 2 ॥

ಶ್ಲೋಕ 4

ಫಣೀನಾಗಕಣ್ಠೇ ಭುಜಙ್ಗಾದ್ಯನೇಕಂ

ಗಲೇ ರುಣ್ಡಮಾಲಂ ಮಹಾವೀರ ಶೂರಮ್ ।

ಕಟಿವ್ಯಾಘ್ರಚರ್ಮಂ ಚಿತಾಭಸ್ಮಲೇಪಂ

ಭಜೇ ಪಾರ್ವತೀವಲ್ಲಭಂ ನೀಲಕಣ್ಠಮ್

॥ 3 ॥

ಶ್ಲೋಕ 5

ಶಿರಃ ಶುದ್ಧಗಙ್ಗಾ ಶಿವಾ ವಾಮಭಾಗಂ

ವಿಯದ್ದೀರ್ಘಕೇಶಂ ಸದಾ ಮಾಂ ತ್ರಿಣೇತ್ರಮ್ ।

ಫಣೀನಾಗಕರ್ಣಂ ಸದಾ ಫಾಲಚನ್ದ್ರಂ

ಭಜೇ ಪಾರ್ವತೀವಲ್ಲಭಂ ನೀಲಕಣ್ಠಮ್

॥ 4 ॥

ಶ್ಲೋಕ 6

ಕರೇ ಶೂಲಧಾರಂ ಮಹಾಕಷ್ಟನಾಶಂ

ಸುರೇಶಂ ಪರೇಶಂ ಮಹೇಶಂ ಜನೇಶಮ್ ।

ಧನೇಶಾಮರೇಶಂ ಧ್ವಜೇಶಂ ಗಿರೀಶಂ [ಧನೇಶಸ್ಯಮಿತ್ರಂ]

ಭಜೇ ಪಾರ್ವತೀವಲ್ಲಭಂ ನೀಲಕಣ್ಠಮ್

॥ 5 ॥

ಶ್ಲೋಕ 7

ಉದಾಸಂ ಸುದಾಸಂ ಸುಕೈಲಾಸವಾಸಂ

ಧರಾನಿರ್ಝರೇ ಸಂಸ್ಥಿತಂ ಹ್ಯಾದಿದೇವಮ್ ।

ಅಜಂ ಹೇಮಕಲ್ಪದ್ರುಮಂ ಕಲ್ಪಸೇವ್ಯಂ

ಭಜೇ ಪಾರ್ವತೀವಲ್ಲಭಂ ನೀಲಕಣ್ಠಮ್

॥ 6 ॥

ಶ್ಲೋಕ 8

ಮುನೀನಾಂ ವರೇಣ್ಯಂ ಗುಣಂ ರೂಪವರ್ಣಂ

ದ್ವಿಜೈಃ ಸಮ್ಪಠನ್ತಂ ಶಿವಂ ವೇದಶಾಸ್ತ್ರಮ್ ।

ಅಹೋ ದೀನವತ್ಸಂ ಕೃಪಾಲುಂ ಶಿವಂ ತಂ

ಭಜೇ ಪಾರ್ವತೀವಲ್ಲಭಂ ನೀಲಕಣ್ಠಮ್

॥ 7 ॥

ಶ್ಲೋಕ 9

ಸದಾ ಭಾವನಾಥಂ ಸದಾ ಸೇವ್ಯಮಾನಂ

ಸದಾ ಭಕ್ತಿದೇವಂ ಸದಾ ಪೂಜ್ಯಮಾನಮ್ ।

ಮಹಾತೀರ್ಥವಾಸಂ ಸದಾ ಸೇವ್ಯಮೇಕಂ

ಭಜೇ ಪಾರ್ವತೀವಲ್ಲಭಂ ನೀಲಕಣ್ಠಮ್

॥ 8 ॥

ಶ್ಲೋಕ 10

ಇತಿ ಶ್ರೀಮಚ್ಛಙ್ಕರಯೋಗೀನ್ದ್ರ ವಿರಚಿತಂ ಪಾರ್ವತೀವಲ್ಲಭಾಷ್ಟಕಂ ನಾಮ ನೀಲಕಣ್ಠ ಸ್ತವಃ ॥