ಮನ್ಯು ಸೂಕ್ತಮ್

ಮನ್ಯು ಸೂಕ್ತಮ್

ಶ್ಲೋಕ 1

ಅಥ ಮನ್ಯುಸೂಕ್ತಂ

ಋಗ್ವೇದ ಸಂಹಿತಾ; ಮಣ್ಡಲಂ 10; ಸೂಕ್ತಂ 83,84

ಯಸ್ತೇ᳚ ಮ॒ನ್ಯೋ-ಽವಿ॑ಧದ್ ವಜ್ರ ಸಾಯಕ॒ ಸಹ॒ ಓಜಃ॑ ಪುಷ್ಯತಿ॒ ವಿಶ್ವ॑ಮಾನು॒ಷಕ್ ।

ಸಾ॒ಹ್ಯಾಮ॒ ದಾಸ॒ಮಾರ್ಯ॒-ನ್ತ್ವಯಾ᳚ ಯು॒ಜಾ ಸಹ॑ಸ್ಕೃತೇನ॒ ಸಹ॑ಸಾ॒ ಸಹ॑ಸ್ವತಾ

ಶ್ಲೋಕ 2

ಮ॒ನ್ಯುರಿನ್ದ್ರೋ᳚ ಮ॒ನ್ಯುರೇ॒ವಾಸ॑ ದೇ॒ವೋ ಮ॒ನ್ಯುರ್ ಹೋತಾ॒ ವರು॑ಣೋ ಜಾ॒ತವೇ᳚ದಾಃ ।

ಮ॒ನ್ಯುಂ-ವಿಁಶ॑ ಈಲತೇ॒ ಮಾನು॑ಷೀ॒ರ್ಯಾಃ ಪಾ॒ಹಿ ನೋ᳚ ಮನ್ಯೋ॒ ತಪ॑ಸಾ ಸ॒ಜೋಷಾಃ᳚

॥ 1 ॥

ಶ್ಲೋಕ 3

ಅ॒ಭೀ᳚ಹಿ ಮನ್ಯೋ ತ॒ವಸ॒ಸ್ತವೀ᳚ಯಾ॒-ನ್ತಪ॑ಸಾ ಯು॒ಜಾ ವಿ ಜ॑ಹಿ ಶತ್ರೂ᳚ನ್ ।

ಅ॒ಮಿ॒ತ್ರ॒ಹಾ ವೃ॑ತ್ರ॒ಹಾ ದ॑ಸ್ಯು॒ಹಾ ಚ॒ ವಿಶ್ವಾ॒ ವಸೂ॒ನ್ಯಾ ಭ॑ರಾ॒ ತ್ವ-ನ್ನಃ॑

॥ 2 ॥

ಶ್ಲೋಕ 4

ತ್ವಂ ಹಿ ಮ᳚ನ್ಯೋ ಅ॒ಭಿಭೂ᳚ತ್ಯೋಜಾ-ಸ್ಸ್ವಯ॒ಮ್ಭೂರ್ಭಾಮೋ᳚ ಅಭಿಮಾತಿಷಾ॒ಹಃ ।

ವಿ॒ಶ್ವಚ॑ರ್-ಷಣಿ॒-ಸ್ಸಹು॑ರಿ॒-ಸ್ಸಹಾ᳚ವಾನ॒ಸ್ಮಾಸ್ವೋಜಃ॒ ಪೃತ॑ನಾಸು ಧೇಹಿ

॥ 3 ॥

ಶ್ಲೋಕ 5

ಅ॒ಭಾ॒ಗ-ಸ್ಸನ್ನಪ॒ ಪರೇ᳚ತೋ ಅಸ್ಮಿ॒ ತವ॒ ಕ್ರತ್ವಾ᳚ ತವಿ॒ಷಸ್ಯ॑ ಪ್ರಚೇತಃ ।

ತ-ನ್ತ್ವಾ᳚ ಮನ್ಯೋ ಅಕ್ರ॒ತುರ್ಜಿ॑ಹೀಲಾ॒ಹಂ ಸ್ವಾತ॒ನೂರ್ಬ॑ಲ॒ದೇಯಾ᳚ಯ॒ ಮೇಹಿ॑

॥ 4 ॥

ಶ್ಲೋಕ 6

ಅ॒ಯ-ನ್ತೇ᳚ ಅ॒ಸ್ಮ್ಯುಪ॒ ಮೇಹ್ಯ॒ರ್ವಾಙ್ ಪ್ರ॑ತೀಚೀ॒ನ-ಸ್ಸ॑ಹುರೇ ವಿಶ್ವಧಾಯಃ ।

ಮನ್ಯೋ᳚ ವಜ್ರಿನ್ನ॒ಭಿ ಮಾಮಾ ವ॑ವೃತ್ಸ್ವಹನಾ᳚ವ॒ ದಸ್ಯೂ᳚ನ್ ಋ॒ತ ಬೋ᳚ಧ್ಯಾ॒ಪೇಃ

॥ 5 ॥

ಶ್ಲೋಕ 7

ಅ॒ಭಿ ಪ್ರೇಹಿ॑ ದಕ್ಷಿಣ॒ತೋ ಭ॑ವಾ॒ ಮೇ-ಽಧಾ᳚ ವೃ॒ತ್ರಾಣಿ॑ ಜಙ್ಘನಾವ॒ ಭೂರಿ॑ ।

ಜು॒ಹೋಮಿ॑ ತೇ ಧ॒ರುಣ॒-ಮ್ಮಧ್ವೋ॒ ಅಗ್ರ॑ಮುಭಾ ಉ॑ಪಾಂ॒ಶು ಪ್ರ॑ಥ॒ಮಾ ಪಿ॑ಬಾವ

॥ 6 ॥

ಶ್ಲೋಕ 8

ತ್ವಯಾ᳚ ಮನ್ಯೋ ಸ॒ರಥ॑ಮಾರು॒ಜನ್ತೋ॒ ಹರ್​ಷ॑ಮಾಣಾಸೋ ಧೃಷಿ॒ತಾ ಮ॑ರುತ್ವಃ ।

ತಿ॒ಗ್ಮೇಷ॑ವ॒ ಆಯು॑ಧಾ ಸಂ॒ಶಿಶಾ᳚ನಾ ಅ॒ಭಿ ಪ್ರಯ᳚ನ್ತು॒ ನರೋ᳚ ಅ॒ಗ್ನಿರೂ᳚ಪಾಃ

॥ 7 ॥

ಶ್ಲೋಕ 9

ಅ॒ಗ್ನಿರಿ॑ವ ಮನ್ಯೋ ತ್ವಿಷಿ॒ತ-ಸ್ಸ॑ಹಸ್ವ ಸೇನಾ॒ನೀರ್ನಃ॑ ಸಹುರೇ ಹೂ॒ತ ಏ᳚ಧಿ ।

ಹ॒ತ್ವಾಯ॒ ಶತ್ರೂ॒ನ್ ವಿ ಭ॑ಜಸ್ವ॒ ವೇದ॒ ಓಜೋ॒ ಮಿಮಾ᳚ನೋ॒ ವಿಮೃಧೋ᳚ ನುದಸ್ವ

॥ 8 ॥

ಶ್ಲೋಕ 10

ಸಹ॑ಸ್ವ ಮನ್ಯೋ ಅ॒ಭಿಮಾ᳚ತಿಮ॒ಸ್ಮೇ ರು॒ಜ-ನ್ಮೃ॒ಣ-ನ್ಪ್ರ॑ಮೃ॒ಣ-ನ್ಪ್ರೇಹಿ॒ ಶತ್ರೂ᳚ನ್ ।

ಉ॒ಗ್ರ-ನ್ತೇ॒ ಪಾಜೋ᳚ ನ॒ನ್ವಾ ರು॑ರುಧ್ರೇ ವ॒ಶೀ ವಶ᳚-ನ್ನಯಸ ಏಕಜ॒ ತ್ವಮ್

॥ 9 ॥

ಶ್ಲೋಕ 11

ಏಕೋ᳚ ಬಹೂ॒ನಾಮ॑ಸಿ ಮನ್ಯವೀಲಿ॒ತೋ ವಿಶಂ᳚​ವಿಁಶಂ-ಯುಁ॒ಧಯೇ॒ ಸಂ ಶಿ॑ಶಾಧಿ ।

ಅಕೃ॑ತ್ತರು॒-ಕ್ತ್ವಯಾ᳚ ಯು॒ಜಾ ವ॒ಯ-ನ್ದ್ಯು॒ಮನ್ತ॒-ಙ್ಘೋಷಂ᳚-ವಿಁಜ॒ಯಾಯ॑ ಕೃಣ್ಮಹೇ ॥ 11

ವಿ॒ಜೇ॒ಷ॒ಕೃದಿನ್ದ್ರ॑ ಇವಾನವಬ್ರ॒ವೋ॒(ಓ)3॑-ಽಸ್ಮಾಕ᳚-ಮ್ಮನ್ಯೋ ಅಧಿ॒ಪಾ ಭ॑ವೇ॒ಹ 3

ಪ್ರಿ॒ಯ-ನ್ತೇ॒ ನಾಮ॑ ಸಹುರೇ ಗೃಣೀಮಸಿ ವಿ॒ದ್ಮಾತಮುತ್ಸಂ॒-ಯಁತ॑ ಆಬ॒ಭೂಥ॑

॥ 10 ॥

ಶ್ಲೋಕ 12

ಆಭೂ᳚ತ್ಯಾ ಸಹ॒ಜಾ ವ॑ಜ್ರ ಸಾಯಕ॒ ಸಹೋ᳚ ಬಿಭರ್​ಷ್ಯಭಿಭೂತ॒ ಉತ್ತ॑ರಮ್ ।

ಕ್ರತ್ವಾ᳚ ನೋ ಮನ್ಯೋ ಸ॒ಹಮೇ॒ದ್ಯೇ᳚ಧಿ ಮಹಾಧ॒ನಸ್ಯ॑ ಪುರುಹೂತ ಸಂ॒ಸೃಜಿ॑

॥ 12 ॥

ಶ್ಲೋಕ 13

ಸಂಸೃ॑ಷ್ಟ॒-ನ್ಧನ॑ಮು॒ಭಯಂ᳚ ಸ॒ಮಾಕೃ॑ತಮ॒ಸ್ಮಭ್ಯ᳚-ನ್ದತ್ತಾಂ॒-ವಁರು॑ಣಶ್ಚ ಮ॒ನ್ಯುಃ ।

ಭಿಯ॒-ನ್ದಧಾ᳚ನಾ॒ ಹೃದ॑ಯೇಷು॒ ಶತ್ರ॑ವಃ॒ ಪರಾ᳚ಜಿತಾಸೋ॒ ಅಪ॒ ನಿಲ॑ಯನ್ತಾಮ್

॥ 13 ॥

ಶ್ಲೋಕ 14

ಧನ್ವ॑ನಾ॒ಗಾಧನ್ವ॑ ನಾ॒ಜಿಞ್ಜ॑ಯೇಮ॒ ಧನ್ವ॑ನಾ ತೀ॒ವ್ರಾ-ಸ್ಸ॒ಮದೋ᳚ ಜಯೇಮ ।

ಧನು-ಶ್ಶತ್ರೋ᳚ರಪಕಾ॒ಮ-ಙ್ಕೃ॑ಣೋತಿ॒ ಧನ್ವ॑ ನಾ॒ಸರ್ವಾಃ᳚ ಪ್ರ॒ದಿಶೋ᳚ ಜಯೇಮ ॥

ಓಂ ಶಾನ್ತಾ॑ ಪೃಥಿವೀ ಶಿ॑ವಮ॒ನ್ತರಿಕ್ಷ॒-ನ್ದ್ಯೌರ್ನೋ᳚ ದೇ॒ವ್ಯ-ಽಭ॑ಯನ್ನೋ ಅಸ್ತು ।

ಶಿ॒ವಾ॒ ದಿಶಃ॑ ಪ್ರ॒ದಿಶ॑ ಉ॒ದ್ದಿಶೋ᳚ ನ॒-ಽಆಪೋ᳚ ವಿ॒ಶ್ವತಃ॒ ಪರಿ॑ಪಾನ್ತು ಸ॒ರ್ವತ॒-ಶ್ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥