મન્યુ સૂક્તમ્

મન્યુ સૂક્તમ્

શ્લોક 1

અથ મન્યુસૂક્તં

ઋગ્વેદ સંહિતા; મણ્ડલં 10; સૂક્તં 83,84

યસ્તે᳚ મ॒ન્યો-ઽવિ॑ધદ્ વજ્ર સાયક॒ સહ॒ ઓજઃ॑ પુષ્યતિ॒ વિશ્વ॑માનુ॒ષક્ ।

સા॒હ્યામ॒ દાસ॒માર્ય॒-ન્ત્વયા᳚ યુ॒જા સહ॑સ્કૃતેન॒ સહ॑સા॒ સહ॑સ્વતા

શ્લોક 2

મ॒ન્યુરિન્દ્રો᳚ મ॒ન્યુરે॒વાસ॑ દે॒વો મ॒ન્યુર્ હોતા॒ વરુ॑ણો જા॒તવે᳚દાઃ ।

મ॒ન્યું-વિઁશ॑ ઈલતે॒ માનુ॑ષી॒ર્યાઃ પા॒હિ નો᳚ મન્યો॒ તપ॑સા સ॒જોષાઃ᳚

॥ 1 ॥

શ્લોક 3

અ॒ભી᳚હિ મન્યો ત॒વસ॒સ્તવી᳚યા॒-ન્તપ॑સા યુ॒જા વિ જ॑હિ શત્રૂ᳚ન્ ।

અ॒મિ॒ત્ર॒હા વૃ॑ત્ર॒હા દ॑સ્યુ॒હા ચ॒ વિશ્વા॒ વસૂ॒ન્યા ભ॑રા॒ ત્વ-ન્નઃ॑

॥ 2 ॥

શ્લોક 4

ત્વં હિ મ᳚ન્યો અ॒ભિભૂ᳚ત્યોજા-સ્સ્વય॒મ્ભૂર્ભામો᳚ અભિમાતિષા॒હઃ ।

વિ॒શ્વચ॑ર્-ષણિ॒-સ્સહુ॑રિ॒-સ્સહા᳚વાન॒સ્માસ્વોજઃ॒ પૃત॑નાસુ ધેહિ

॥ 3 ॥

શ્લોક 5

અ॒ભા॒ગ-સ્સન્નપ॒ પરે᳚તો અસ્મિ॒ તવ॒ ક્રત્વા᳚ તવિ॒ષસ્ય॑ પ્રચેતઃ ।

ત-ન્ત્વા᳚ મન્યો અક્ર॒તુર્જિ॑હીલા॒હં સ્વાત॒નૂર્બ॑લ॒દેયા᳚ય॒ મેહિ॑

॥ 4 ॥

શ્લોક 6

અ॒ય-ન્તે᳚ અ॒સ્મ્યુપ॒ મેહ્ય॒ર્વાઙ્ પ્ર॑તીચી॒ન-સ્સ॑હુરે વિશ્વધાયઃ ।

મન્યો᳚ વજ્રિન્ન॒ભિ મામા વ॑વૃત્સ્વહના᳚વ॒ દસ્યૂ᳚ન્ ઋ॒ત બો᳚ધ્યા॒પેઃ

॥ 5 ॥

શ્લોક 7

અ॒ભિ પ્રેહિ॑ દક્ષિણ॒તો ભ॑વા॒ મે-ઽધા᳚ વૃ॒ત્રાણિ॑ જઙ્ઘનાવ॒ ભૂરિ॑ ।

જુ॒હોમિ॑ તે ધ॒રુણ॒-મ્મધ્વો॒ અગ્ર॑મુભા ઉ॑પાં॒શુ પ્ર॑થ॒મા પિ॑બાવ

॥ 6 ॥

શ્લોક 8

ત્વયા᳚ મન્યો સ॒રથ॑મારુ॒જન્તો॒ હર્​ષ॑માણાસો ધૃષિ॒તા મ॑રુત્વઃ ।

તિ॒ગ્મેષ॑વ॒ આયુ॑ધા સં॒શિશા᳚ના અ॒ભિ પ્રય᳚ન્તુ॒ નરો᳚ અ॒ગ્નિરૂ᳚પાઃ

॥ 7 ॥

શ્લોક 9

અ॒ગ્નિરિ॑વ મન્યો ત્વિષિ॒ત-સ્સ॑હસ્વ સેના॒નીર્નઃ॑ સહુરે હૂ॒ત એ᳚ધિ ।

હ॒ત્વાય॒ શત્રૂ॒ન્ વિ ભ॑જસ્વ॒ વેદ॒ ઓજો॒ મિમા᳚નો॒ વિમૃધો᳚ નુદસ્વ

॥ 8 ॥

શ્લોક 10

સહ॑સ્વ મન્યો અ॒ભિમા᳚તિમ॒સ્મે રુ॒જ-ન્મૃ॒ણ-ન્પ્ર॑મૃ॒ણ-ન્પ્રેહિ॒ શત્રૂ᳚ન્ ।

ઉ॒ગ્ર-ન્તે॒ પાજો᳚ ન॒ન્વા રુ॑રુધ્રે વ॒શી વશ᳚-ન્નયસ એકજ॒ ત્વમ્

॥ 9 ॥

શ્લોક 11

એકો᳚ બહૂ॒નામ॑સિ મન્યવીલિ॒તો વિશં᳚​વિઁશં-યુઁ॒ધયે॒ સં શિ॑શાધિ ।

અકૃ॑ત્તરુ॒-ક્ત્વયા᳚ યુ॒જા વ॒ય-ન્દ્યુ॒મન્ત॒-ઙ્ઘોષં᳚-વિઁજ॒યાય॑ કૃણ્મહે ॥ 11

વિ॒જે॒ષ॒કૃદિન્દ્ર॑ ઇવાનવબ્ર॒વો॒(ઓ)3॑-ઽસ્માક᳚-મ્મન્યો અધિ॒પા ભ॑વે॒હ 3

પ્રિ॒ય-ન્તે॒ નામ॑ સહુરે ગૃણીમસિ વિ॒દ્માતમુત્સં॒-યઁત॑ આબ॒ભૂથ॑

॥ 10 ॥

શ્લોક 12

આભૂ᳚ત્યા સહ॒જા વ॑જ્ર સાયક॒ સહો᳚ બિભર્​ષ્યભિભૂત॒ ઉત્ત॑રમ્ ।

ક્રત્વા᳚ નો મન્યો સ॒હમે॒દ્યે᳚ધિ મહાધ॒નસ્ય॑ પુરુહૂત સં॒સૃજિ॑

॥ 12 ॥

શ્લોક 13

સંસૃ॑ષ્ટ॒-ન્ધન॑મુ॒ભયં᳚ સ॒માકૃ॑તમ॒સ્મભ્ય᳚-ન્દત્તાં॒-વઁરુ॑ણશ્ચ મ॒ન્યુઃ ।

ભિય॒-ન્દધા᳚ના॒ હૃદ॑યેષુ॒ શત્ર॑વઃ॒ પરા᳚જિતાસો॒ અપ॒ નિલ॑યન્તામ્

॥ 13 ॥

શ્લોક 14

ધન્વ॑ના॒ગાધન્વ॑ ના॒જિઞ્જ॑યેમ॒ ધન્વ॑ના તી॒વ્રા-સ્સ॒મદો᳚ જયેમ ।

ધનુ-શ્શત્રો᳚રપકા॒મ-ઙ્કૃ॑ણોતિ॒ ધન્વ॑ ના॒સર્વાઃ᳚ પ્ર॒દિશો᳚ જયેમ ॥

ૐ શાન્તા॑ પૃથિવી શિ॑વમ॒ન્તરિક્ષ॒-ન્દ્યૌર્નો᳚ દે॒વ્ય-ઽભ॑યન્નો અસ્તુ ।

શિ॒વા॒ દિશઃ॑ પ્ર॒દિશ॑ ઉ॒દ્દિશો᳚ ન॒-ઽઆપો᳚ વિ॒શ્વતઃ॒ પરિ॑પાન્તુ સ॒ર્વત॒-શ્શાન્તિ॒-શ્શાન્તિ॒-શ્શાન્તિઃ॑ ॥