മഹേന്ദ്ര കൃത മഹാലക്ഷ്മീ സ്തോത്രം

മഹേന്ദ്ര കൃത മഹാലക്ഷ്മീ സ്തോത്രം

ശ്ലോക 1

മഹേന്ദ്ര ഉവാച

നമഃ കമലവാസിന്യൈ നാരായണ്യൈ നമോ നമഃ ।

കൃഷ്ണപ്രിയായൈ സാരായൈ പദ്മായൈ ച നമോ നമഃ

ശ്ലോക 2

പദ്മപത്രേക്ഷണായൈ ച പദ്മാസ്യായൈ നമോ നമഃ ।

പദ്മാസനായൈ പദ്മിന്യൈ വൈഷ്ണവ്യൈ ച നമോ നമഃ

॥ 1 ॥

ശ്ലോക 3

സര്വസമ്പത്സ്വരൂപായൈ സര്വദാത്ര്യൈ നമോ നമഃ ।

സുഖദായൈ മോക്ഷദായൈ സിദ്ധിദായൈ നമോ നമഃ

॥ 2 ॥

ശ്ലോക 4

ഹരിഭക്തിപ്രദാത്ര്യൈ ച ഹര്ഷദാത്ര്യൈ നമോ നമഃ ।

കൃഷ്ണവക്ഷഃസ്ഥിതായൈ ച കൃഷ്ണേശായൈ നമോ നമഃ

॥ 3 ॥

ശ്ലോക 5

കൃഷ്ണശോഭാസ്വരൂപായൈ രത്നാഢ്യായൈ നമോ നമഃ ।

സമ്പത്യധിഷ്ഠാതൃദേവ്യൈ മഹാദേവ്യൈ നമോ നമഃ

॥ 4 ॥

ശ്ലോക 6

സസ്യാധിഷ്ഠാതൃദേവ്യൈ ച സസ്യലക്ഷ്മ്യൈ നമോ നമഃ ।

നമോ ബുദ്ധിസ്വരൂപായൈ ബുദ്ധിദായൈ നമോ നമഃ

॥ 5 ॥

ശ്ലോക 7

വൈകുണ്ഠേ ച മഹാലക്ഷ്മീര്ലക്ഷ്മീഃ ക്ഷീരോദസാഗരേ ।

സ്വര്ഗലക്ഷ്മീരിന്ദ്രഗേഹേ രാജലക്ഷ്മീര്നൃപാലയേ

॥ 6 ॥

ശ്ലോക 8

ഗൃഹലക്ഷ്മീശ്ച ഗൃഹിണാം ഗേഹേ ച ഗൃഹദേവതാ ।

സുരഭിഃ സാ ഗവാം മാതാ ദക്ഷിണാ യജ്ഞകാമിനീ

॥ 7 ॥

ശ്ലോക 9

അദിതിര്ദേവമാതാ ത്വം കമലാ കമലാലയേ ।

സ്വാഹാ ത്വം ച ഹവിര്ദാനേ കവ്യദാനേ സ്വധാ സ്മൃതാ

॥ 8 ॥

ശ്ലോക 10

ത്വം ഹി വിഷ്ണുസ്വരൂപാ ച സര്വാധാരാ വസുന്ധരാ ।

ശുദ്ധസത്ത്വസ്വരൂപാ ത്വം നാരായണപരായാണാ

॥ 9 ॥

ശ്ലോക 11

ക്രോധഹിംസാവര്ജിതാ ച വരദാ ച ശുഭാനനാ ।

പരമാര്ഥപ്രദാ ത്വം ച ഹരിദാസ്യപ്രദാ പരാ

॥ 10 ॥

ശ്ലോക 12

യയാ വിനാ ജഗത്സര്വം ഭസ്മീഭൂതമസാരകമ് ।

ജീവന്മൃതം ച വിശ്വം ച ശവതുല്യം യയാ വിനാ

॥ 11 ॥

ശ്ലോക 13

സര്വേഷാം ച പരാ ത്വം ഹി സര്വബാന്ധവരൂപിണീ ।

യയാ വിനാ ന സമ്ഭാഷ്യോ ബാന്ധവൈര്ബാന്ധവഃ സദാ

॥ 12 ॥

ശ്ലോക 14

ത്വയാ ഹീനോ ബന്ധുഹീനസ്ത്വയാ യുക്തഃ സബാന്ധവഃ ।

ധര്മാര്ഥകാമമോക്ഷാണാം ത്വം ച കാരണരൂപിണീ

॥ 13 ॥

ശ്ലോക 15

സ്തനന്ധയാനാം ത്വം മാതാ ശിശൂനാം ശൈശവേ യഥാ ।

തഥാ ത്വം സര്വദാ മാതാ സര്വേഷാം സര്വവിശ്വതഃ

॥ 14 ॥

ശ്ലോക 16

ത്യക്തസ്തനോ മാതൃഹീനഃ സ ചേജ്ജീവതി ദൈവതഃ ।

ത്വയാ ഹീനോ ജനഃ കോഽപി ന ജീവത്യേവ നിശ്ചിതമ്

॥ 15 ॥

ശ്ലോക 17

സുപ്രസന്നസ്വരൂപാ ത്വം മേ പ്രസന്നാ ഭവാമ്ബികേ ।

വൈരിഗ്രസ്തം ച വിഷയം ദേഹി മഹ്യം സനാതനി

॥ 16 ॥

ശ്ലോക 18

വയം യാവത്ത്വയാ ഹീനാ ബന്ധുഹീനാശ്ച ഭിക്ഷുകാഃ ।

സര്വസമ്പദ്വിഹീനാശ്ച താവദേവ ഹരിപ്രിയേ

॥ 17 ॥

ശ്ലോക 19

രാജ്യം ദേഹി ശ്രിയം ദേഹി ബലം ദേഹി സുരേശ്വരി ।

കീര്തിം ദേഹി ധനം ദേഹി പുത്രാന്മഹ്യം ച ദേഹി വൈ

॥ 18 ॥

ശ്ലോക 20

കാമം ദേഹി മതിം ദേഹി ഭോഗാന് ദേഹി ഹരിപ്രിയേ ।

ജ്ഞാനം ദേഹി ച ധര്മം ച സര്വസൌഭാഗ്യമീപ്സിതമ്

॥ 19 ॥

ശ്ലോക 21

സര്വാധികാരമേവം വൈ പ്രഭാവാം ച പ്രതാപകമ് ।

ജയം പരാക്രമം യുദ്ധേ പരമൈശ്വര്യമൈവ ച

॥ 20 ॥

ശ്ലോക 22

ഇത്യുക്ത്വാ തു മഹേന്ദ്രശ്ച സര്വൈഃ സുരഗണൈഃ സഹ ।

നനാമ സാശ്രുനേത്രോഽയം മൂര്ധ്നാ ചൈവ പുനഃ പുനഃ

॥ 21 ॥

ശ്ലോക 23

ബ്രഹ്മാ ച ശങ്കരശ്ചൈവ ശേഷോ ധര്മശ്ച കേശവഃ ।

സര്വേ ചക്രുഃ പരീഹാരം സുരാര്ഥേ ച പുനഃ പുനഃ

॥ 22 ॥

ശ്ലോക 24

ദേവേഭ്യശ്ച വരം ദത്ത്വാ പുഷ്പമാലാം മനോഹരാമ് ।

കേശവായ ദദൌ ലക്ഷ്മീഃ സന്തുഷ്ടാ സുരസംസദി

॥ 23 ॥

ശ്ലോക 25

യയുര്ദൈവാശ്ച സന്തുഷ്ടാഃ സ്വം സ്വം സ്ഥാനം ച നാരദ ।

ദേവീ യയൌ ഹരേഃ ക്രോഡം ഹൃഷ്ടാ ക്ഷീരോദശായിനഃ

॥ 24 ॥

ശ്ലോക 26

യയതുസ്തൌ സ്വസ്വഗൃഹം ബ്രഹ്മേശാനൌ ച നാരദ ।

ദത്ത്വാ ശുഭാശിഷം തൌ ച ദേവേഭ്യഃ പ്രീതിപൂര്വകമ്

॥ 25 ॥

ശ്ലോക 27

ഇദം സ്തോത്രം മഹാപുണ്യം ത്രിസന്ധ്യം യഃ പഠേന്നരഃ ।

കുബേരതുല്യഃ സ ഭവേദ്രാജരാജേശ്വരോ മഹാന്

॥ 26 ॥

ശ്ലോക 28

സിദ്ധസ്തോത്രം യദി പഠേത് സോഽപി കല്പതരുര്നരഃ ।

പഞ്ചലക്ഷജപേനൈവ സ്തോത്രസിദ്ധിര്ഭവേന്നൃണാമ്

॥ 27 ॥

ശ്ലോക 29

സിദ്ധസ്തോത്രം യദി പഠേന്മാസമേകം ച സംയതഃ ।

മഹാസുഖീ ച രാജേന്ദ്രോ ഭവിഷ്യതി ന സംശയഃ

॥ 28 ॥

ശ്ലോക 30

ഇതി ശ്രീബ്രഹ്മവൈവര്തേ മഹാപുരാണേ ദ്വിതീയേ പ്രകൃതിഖണ്ഡേ നാരദനാരായണസംവാദേ ഏകോനചത്വാരിംശത്തമോഽധ്യായേ മഹേന്ദ്ര കൃത ശ്രീ മഹാലക്ഷ്മീ സ്തോത്രമ് ।