ಮಹೇನ್ದ್ರ ಕೃತ ಮಹಾಲಕ್ಷ್ಮೀ ಸ್ತೋತ್ರಂ

ಮಹೇನ್ದ್ರ ಕೃತ ಮಹಾಲಕ್ಷ್ಮೀ ಸ್ತೋತ್ರಂ

ಶ್ಲೋಕ 1

ಮಹೇನ್ದ್ರ ಉವಾಚ

ನಮಃ ಕಮಲವಾಸಿನ್ಯೈ ನಾರಾಯಣ್ಯೈ ನಮೋ ನಮಃ ।

ಕೃಷ್ಣಪ್ರಿಯಾಯೈ ಸಾರಾಯೈ ಪದ್ಮಾಯೈ ಚ ನಮೋ ನಮಃ

ಶ್ಲೋಕ 2

ಪದ್ಮಪತ್ರೇಕ್ಷಣಾಯೈ ಚ ಪದ್ಮಾಸ್ಯಾಯೈ ನಮೋ ನಮಃ ।

ಪದ್ಮಾಸನಾಯೈ ಪದ್ಮಿನ್ಯೈ ವೈಷ್ಣವ್ಯೈ ಚ ನಮೋ ನಮಃ

॥ 1 ॥

ಶ್ಲೋಕ 3

ಸರ್ವಸಮ್ಪತ್ಸ್ವರೂಪಾಯೈ ಸರ್ವದಾತ್ರ್ಯೈ ನಮೋ ನಮಃ ।

ಸುಖದಾಯೈ ಮೋಕ್ಷದಾಯೈ ಸಿದ್ಧಿದಾಯೈ ನಮೋ ನಮಃ

॥ 2 ॥

ಶ್ಲೋಕ 4

ಹರಿಭಕ್ತಿಪ್ರದಾತ್ರ್ಯೈ ಚ ಹರ್ಷದಾತ್ರ್ಯೈ ನಮೋ ನಮಃ ।

ಕೃಷ್ಣವಕ್ಷಃಸ್ಥಿತಾಯೈ ಚ ಕೃಷ್ಣೇಶಾಯೈ ನಮೋ ನಮಃ

॥ 3 ॥

ಶ್ಲೋಕ 5

ಕೃಷ್ಣಶೋಭಾಸ್ವರೂಪಾಯೈ ರತ್ನಾಢ್ಯಾಯೈ ನಮೋ ನಮಃ ।

ಸಮ್ಪತ್ಯಧಿಷ್ಠಾತೃದೇವ್ಯೈ ಮಹಾದೇವ್ಯೈ ನಮೋ ನಮಃ

॥ 4 ॥

ಶ್ಲೋಕ 6

ಸಸ್ಯಾಧಿಷ್ಠಾತೃದೇವ್ಯೈ ಚ ಸಸ್ಯಲಕ್ಷ್ಮ್ಯೈ ನಮೋ ನಮಃ ।

ನಮೋ ಬುದ್ಧಿಸ್ವರೂಪಾಯೈ ಬುದ್ಧಿದಾಯೈ ನಮೋ ನಮಃ

॥ 5 ॥

ಶ್ಲೋಕ 7

ವೈಕುಣ್ಠೇ ಚ ಮಹಾಲಕ್ಷ್ಮೀರ್ಲಕ್ಷ್ಮೀಃ ಕ್ಷೀರೋದಸಾಗರೇ ।

ಸ್ವರ್ಗಲಕ್ಷ್ಮೀರಿನ್ದ್ರಗೇಹೇ ರಾಜಲಕ್ಷ್ಮೀರ್ನೃಪಾಲಯೇ

॥ 6 ॥

ಶ್ಲೋಕ 8

ಗೃಹಲಕ್ಷ್ಮೀಶ್ಚ ಗೃಹಿಣಾಂ ಗೇಹೇ ಚ ಗೃಹದೇವತಾ ।

ಸುರಭಿಃ ಸಾ ಗವಾಂ ಮಾತಾ ದಕ್ಷಿಣಾ ಯಜ್ಞಕಾಮಿನೀ

॥ 7 ॥

ಶ್ಲೋಕ 9

ಅದಿತಿರ್ದೇವಮಾತಾ ತ್ವಂ ಕಮಲಾ ಕಮಲಾಲಯೇ ।

ಸ್ವಾಹಾ ತ್ವಂ ಚ ಹವಿರ್ದಾನೇ ಕವ್ಯದಾನೇ ಸ್ವಧಾ ಸ್ಮೃತಾ

॥ 8 ॥

ಶ್ಲೋಕ 10

ತ್ವಂ ಹಿ ವಿಷ್ಣುಸ್ವರೂಪಾ ಚ ಸರ್ವಾಧಾರಾ ವಸುನ್ಧರಾ ।

ಶುದ್ಧಸತ್ತ್ವಸ್ವರೂಪಾ ತ್ವಂ ನಾರಾಯಣಪರಾಯಾಣಾ

॥ 9 ॥

ಶ್ಲೋಕ 11

ಕ್ರೋಧಹಿಂಸಾವರ್ಜಿತಾ ಚ ವರದಾ ಚ ಶುಭಾನನಾ ।

ಪರಮಾರ್ಥಪ್ರದಾ ತ್ವಂ ಚ ಹರಿದಾಸ್ಯಪ್ರದಾ ಪರಾ

॥ 10 ॥

ಶ್ಲೋಕ 12

ಯಯಾ ವಿನಾ ಜಗತ್ಸರ್ವಂ ಭಸ್ಮೀಭೂತಮಸಾರಕಮ್ ।

ಜೀವನ್ಮೃತಂ ಚ ವಿಶ್ವಂ ಚ ಶವತುಲ್ಯಂ ಯಯಾ ವಿನಾ

॥ 11 ॥

ಶ್ಲೋಕ 13

ಸರ್ವೇಷಾಂ ಚ ಪರಾ ತ್ವಂ ಹಿ ಸರ್ವಬಾನ್ಧವರೂಪಿಣೀ ।

ಯಯಾ ವಿನಾ ನ ಸಮ್ಭಾಷ್ಯೋ ಬಾನ್ಧವೈರ್ಬಾನ್ಧವಃ ಸದಾ

॥ 12 ॥

ಶ್ಲೋಕ 14

ತ್ವಯಾ ಹೀನೋ ಬನ್ಧುಹೀನಸ್ತ್ವಯಾ ಯುಕ್ತಃ ಸಬಾನ್ಧವಃ ।

ಧರ್ಮಾರ್ಥಕಾಮಮೋಕ್ಷಾಣಾಂ ತ್ವಂ ಚ ಕಾರಣರೂಪಿಣೀ

॥ 13 ॥

ಶ್ಲೋಕ 15

ಸ್ತನನ್ಧಯಾನಾಂ ತ್ವಂ ಮಾತಾ ಶಿಶೂನಾಂ ಶೈಶವೇ ಯಥಾ ।

ತಥಾ ತ್ವಂ ಸರ್ವದಾ ಮಾತಾ ಸರ್ವೇಷಾಂ ಸರ್ವವಿಶ್ವತಃ

॥ 14 ॥

ಶ್ಲೋಕ 16

ತ್ಯಕ್ತಸ್ತನೋ ಮಾತೃಹೀನಃ ಸ ಚೇಜ್ಜೀವತಿ ದೈವತಃ ।

ತ್ವಯಾ ಹೀನೋ ಜನಃ ಕೋಽಪಿ ನ ಜೀವತ್ಯೇವ ನಿಶ್ಚಿತಮ್

॥ 15 ॥

ಶ್ಲೋಕ 17

ಸುಪ್ರಸನ್ನಸ್ವರೂಪಾ ತ್ವಂ ಮೇ ಪ್ರಸನ್ನಾ ಭವಾಮ್ಬಿಕೇ ।

ವೈರಿಗ್ರಸ್ತಂ ಚ ವಿಷಯಂ ದೇಹಿ ಮಹ್ಯಂ ಸನಾತನಿ

॥ 16 ॥

ಶ್ಲೋಕ 18

ವಯಂ ಯಾವತ್ತ್ವಯಾ ಹೀನಾ ಬನ್ಧುಹೀನಾಶ್ಚ ಭಿಕ್ಷುಕಾಃ ।

ಸರ್ವಸಮ್ಪದ್ವಿಹೀನಾಶ್ಚ ತಾವದೇವ ಹರಿಪ್ರಿಯೇ

॥ 17 ॥

ಶ್ಲೋಕ 19

ರಾಜ್ಯಂ ದೇಹಿ ಶ್ರಿಯಂ ದೇಹಿ ಬಲಂ ದೇಹಿ ಸುರೇಶ್ವರಿ ।

ಕೀರ್ತಿಂ ದೇಹಿ ಧನಂ ದೇಹಿ ಪುತ್ರಾನ್ಮಹ್ಯಂ ಚ ದೇಹಿ ವೈ

॥ 18 ॥

ಶ್ಲೋಕ 20

ಕಾಮಂ ದೇಹಿ ಮತಿಂ ದೇಹಿ ಭೋಗಾನ್ ದೇಹಿ ಹರಿಪ್ರಿಯೇ ।

ಜ್ಞಾನಂ ದೇಹಿ ಚ ಧರ್ಮಂ ಚ ಸರ್ವಸೌಭಾಗ್ಯಮೀಪ್ಸಿತಮ್

॥ 19 ॥

ಶ್ಲೋಕ 21

ಸರ್ವಾಧಿಕಾರಮೇವಂ ವೈ ಪ್ರಭಾವಾಂ ಚ ಪ್ರತಾಪಕಮ್ ।

ಜಯಂ ಪರಾಕ್ರಮಂ ಯುದ್ಧೇ ಪರಮೈಶ್ವರ್ಯಮೈವ ಚ

॥ 20 ॥

ಶ್ಲೋಕ 22

ಇತ್ಯುಕ್ತ್ವಾ ತು ಮಹೇನ್ದ್ರಶ್ಚ ಸರ್ವೈಃ ಸುರಗಣೈಃ ಸಹ ।

ನನಾಮ ಸಾಶ್ರುನೇತ್ರೋಽಯಂ ಮೂರ್ಧ್ನಾ ಚೈವ ಪುನಃ ಪುನಃ

॥ 21 ॥

ಶ್ಲೋಕ 23

ಬ್ರಹ್ಮಾ ಚ ಶಙ್ಕರಶ್ಚೈವ ಶೇಷೋ ಧರ್ಮಶ್ಚ ಕೇಶವಃ ।

ಸರ್ವೇ ಚಕ್ರುಃ ಪರೀಹಾರಂ ಸುರಾರ್ಥೇ ಚ ಪುನಃ ಪುನಃ

॥ 22 ॥

ಶ್ಲೋಕ 24

ದೇವೇಭ್ಯಶ್ಚ ವರಂ ದತ್ತ್ವಾ ಪುಷ್ಪಮಾಲಾಂ ಮನೋಹರಾಮ್ ।

ಕೇಶವಾಯ ದದೌ ಲಕ್ಷ್ಮೀಃ ಸನ್ತುಷ್ಟಾ ಸುರಸಂಸದಿ

॥ 23 ॥

ಶ್ಲೋಕ 25

ಯಯುರ್ದೈವಾಶ್ಚ ಸನ್ತುಷ್ಟಾಃ ಸ್ವಂ ಸ್ವಂ ಸ್ಥಾನಂ ಚ ನಾರದ ।

ದೇವೀ ಯಯೌ ಹರೇಃ ಕ್ರೋಡಂ ಹೃಷ್ಟಾ ಕ್ಷೀರೋದಶಾಯಿನಃ

॥ 24 ॥

ಶ್ಲೋಕ 26

ಯಯತುಸ್ತೌ ಸ್ವಸ್ವಗೃಹಂ ಬ್ರಹ್ಮೇಶಾನೌ ಚ ನಾರದ ।

ದತ್ತ್ವಾ ಶುಭಾಶಿಷಂ ತೌ ಚ ದೇವೇಭ್ಯಃ ಪ್ರೀತಿಪೂರ್ವಕಮ್

॥ 25 ॥

ಶ್ಲೋಕ 27

ಇದಂ ಸ್ತೋತ್ರಂ ಮಹಾಪುಣ್ಯಂ ತ್ರಿಸನ್ಧ್ಯಂ ಯಃ ಪಠೇನ್ನರಃ ।

ಕುಬೇರತುಲ್ಯಃ ಸ ಭವೇದ್ರಾಜರಾಜೇಶ್ವರೋ ಮಹಾನ್

॥ 26 ॥

ಶ್ಲೋಕ 28

ಸಿದ್ಧಸ್ತೋತ್ರಂ ಯದಿ ಪಠೇತ್ ಸೋಽಪಿ ಕಲ್ಪತರುರ್ನರಃ ।

ಪಞ್ಚಲಕ್ಷಜಪೇನೈವ ಸ್ತೋತ್ರಸಿದ್ಧಿರ್ಭವೇನ್ನೃಣಾಮ್

॥ 27 ॥

ಶ್ಲೋಕ 29

ಸಿದ್ಧಸ್ತೋತ್ರಂ ಯದಿ ಪಠೇನ್ಮಾಸಮೇಕಂ ಚ ಸಂಯತಃ ।

ಮಹಾಸುಖೀ ಚ ರಾಜೇನ್ದ್ರೋ ಭವಿಷ್ಯತಿ ನ ಸಂಶಯಃ

॥ 28 ॥

ಶ್ಲೋಕ 30

ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ದ್ವಿತೀಯೇ ಪ್ರಕೃತಿಖಣ್ಡೇ ನಾರದನಾರಾಯಣಸಂವಾದೇ ಏಕೋನಚತ್ವಾರಿಂಶತ್ತಮೋಽಧ್ಯಾಯೇ ಮಹೇನ್ದ್ರ ಕೃತ ಶ್ರೀ ಮಹಾಲಕ್ಷ್ಮೀ ಸ್ತೋತ್ರಮ್ ।