Bhu Suktam
ভূ সূক্তম্
Bhu Suktam
ভূ সূক্তম্
শ্লোক 1
তৈত্তিরীয সংহিতা - 1.5.3
তৈত্তিরীয ব্রাহ্মণম্ - 3.1.2
ওম্ ॥ ও-ম্ভূমি॑র্ভূ॒ম্না দ্যৌর্ব॑রি॒ণা-ঽন্তরি॑ক্ষ-ম্মহি॒ত্বা ।
উ॒পস্থে॑ তে দেব্যদিতে॒-ঽগ্নিম॑ন্না॒দ-ম॒ন্নাদ্যা॒যাদ॑ধে ॥
আ-ঽযঙ্গৌঃ পৃশ্ঞি॑রক্রমী॒-দস॑নন্মা॒তর॒-ম্পুনঃ॑ ।
পি॒তর॑-ঞ্চ প্র॒যন্-থ্সুবঃ॑ ॥
ত্রি॒গ্ং॒শদ্ধাম॒ বিরা॑জতি॒ বাক্প॑ত॒ঙ্গায॑ শিশ্রিযে ।
প্রত্য॑স্য বহ॒দ্যুভিঃ॑ ॥
অ॒স্য প্রা॒ণাদ॑পান॒ত্য॑ন্তশ্চ॑রতি রোচ॒না ।
ব্য॑খ্য-ন্মহি॒ষ-স্সুবঃ॑ ॥
যত্ত্বা᳚ ক্রু॒দ্ধঃ প॑রো॒বপ॑ম॒ন্যুনা॒ যদব॑র্ত্যা ।
সু॒কল্প॑মগ্নে॒ তত্তব॒ পুন॒স্ত্বোদ্দী॑পযামসি ॥
যত্তে॑ ম॒ন্যুপ॑রোপ্তস্য পৃথি॒বী-মনু॑দধ্ব॒সে ।
আ॒দি॒ত্যা বিশ্বে॒ তদ্দে॒বা বস॑বশ্চ স॒মাভ॑রন্ন্ ॥
মে॒দিনী॑ দে॒বী ব॒সুন্ধ॑রা স্যা॒দ্বসু॑ধা দে॒বী বা॒সবী᳚ ।
ব্র॒হ্ম॒ব॒র্চ॒সঃ পি॑তৃ॒ণাং শ্রোত্র॒-ঞ্চক্ষু॒র্মনঃ॑ ॥
দে॒বী হি॑রণ্যগ॒র্ভিণী॑ দে॒বী প্র॑সো॒দরী᳚ ।
সদ॑নে স॒ত্যায॑নে সীদ ।
স॒মু॒দ্রব॑তী সাবি॒ত্রী আহ॒নো দে॒বী ম॒হ্য॑ঙ্গী᳚ ।
ম॒হো ধর॑ণী ম॒হো-ঽত্য॑তিষ্ঠত্ ॥
শৃ॒ঙ্গে শৃ॑ঙ্গে য॒জ্ঞে য॑জ্ঞে বিভী॒ষণী᳚ ইন্দ্র॑পত্নী ব্যা॒পিনী॒ সর॑সিজ ই॒হ ।
বা॒যু॒মতী॑ জ॒লশয॑নী স্ব॒য-ন্ধা॒রাজা॑ স॒ত্যন্তো॒ পরি॑মেদিনী
সো॒পরি॑ধত্তঙ্গায ॥
বি॒ষ্ণু॒প॒ত্নী-ম্ম॑হী-ন্দে॒বী᳚-ম্মা॒ধ॒বী-ম্মা॑ধব॒প্রিযাম্ ।
লক্ষ্মী᳚-ম্প্রিযস॑খী-ন্দে॒বী॒-ন্ন॒মা॒ম্যচ্যু॑তব॒ল্লভাম্ ॥
ও-ন্ধ॒নু॒র্ধ॒রাযৈ॑ বি॒দ্মহে॑ সর্বসি॒দ্ধ্যৈ চ॑ ধীমহি ।
তন্নো॑ ধরা প্রচো॒দযা᳚ত্ ।
শৃ॒ণ্বন্তি॑ শ্রো॒ণামমৃত॑স্য গো॒পা-ম্পুণ্যা॑মস্যা॒ উপ॑শৃণোমি॒ বাচ᳚ম্ ।
ম॒হীন্দে॒বীং-বিঁষ্ণু॑পত্নী মজূ॒র্যা-ম্প্রতী॒চী॑মেনাগ্ং হ॒বিষা॑ যজামঃ ॥
ত্রে॒ধা বিষ্ণু॑-রুরুগা॒যো বিচ॑ক্রমে ম॒হী-ন্দিব॑-ম্পৃথি॒বী-ম॒ন্তরি॑ক্ষম্ ।
তচ্ছ্রো॒ণৈত্রিশব॑ ই॒চ্ছমা॑না পুণ্য॒গ্গ্॒ শ্লোকং॒-যঁজ॑মানায কৃণ্ব॒তী ॥
স্যো॒নাপৃ॑থিবি॒ভবা॑নৃক্ষ॒রানি॒বেশ॑নী যচ্ছা॑ন॒শ্শর্ম॑ স॒প্রথাঃ᳚ ॥
অদি॑তির্দে॒বা গ॑ন্ধ॒র্বা ম॑নু॒ষ্যাঃ᳚ পি॒তরো সু॑রাস্তেষাগ্ং স॒র্ব ভূ॒তা॒না᳚-ম্মা॒তা মে॒দিনী॑ মহতা ম॒হী ।
সাবি॒ত্রী গা॑য॒ত্রী জগ॑ত্যু॒র্বী পৃ॒থ্বী ব॑হুলা॒ বিশ্বা॑ ভূ॒তাক॒তমাকাযাসা স॒ত্যেত্য॒মৃতে॑তি বসি॒ষ্ঠঃ ॥
ইক্ষুশালিযবসস্যফলাঢ্যে পারিজাত তরুশোভিতমূলে ।
স্বর্ণ রত্ন মণি মণ্টপ মধ্যে চিন্তযে-থ্সকল লোকধরিত্রীম্ ॥
শ্যামাং-বিঁচিত্রা-ন্নবরত্ন ভূষিতা-ঞ্চতুর্ভুজা-ন্তুঙ্গপযোধরান্বিতাম্ ।
ইন্দীবরাক্ষী-ন্নবশালি মঞ্জরীং শুক-ন্দধানাং শরণ-ম্ভজামহে ॥
সক্তু॑মিব॒ তিত॑উনা পুনন্তো॒ যত্র॒ ধীরা॒ মন॑সা॒ বাচ॒ মক্র॑ত ।
অত্রা॒ সখা᳚স্স॒খ্যানি॑ জানতে ভ॒দ্রৈষাং᳚-লঁ॒ক্ষ্মীর্নি॑হি॒তাধি॑বা॒চি ॥
ওঁ শান্তি॒-শ্শান্তি॒-শ্শান্তিঃ॑ ॥