భాగ్య సూక్తమ్

భాగ్య సూక్తమ్

శ్లోక 1

ఓ-మ్ప్రా॒తర॒గ్ని-మ్ప్రా॒తరిన్ద్రగ్ం॑ హవామహే ప్రా॒తర్మి॒త్రా వరు॑ణా ప్రా॒తర॒శ్వినా᳚ ।

ప్రా॒తర్భగ॑-మ్పూ॒షణ॒-మ్బ్రహ్మ॑ణ॒స్పతి॑-మ్ప్రా॒త-స్సోమ॑ము॒త రు॒ద్రగ్ం హు॑వేమ

శ్లోక 2

ప్రా॒త॒ర్జిత॒-మ్భ॑గము॒గ్రగ్ం హు॑వేమ వ॒య-మ్పు॒త్రమది॑తే॒ర్యో వి॑ధ॒ర్తా ।

ఆ॒ద్ధ్రశ్చి॒ద్య-మ్మన్య॑మానస్తు॒రశ్చి॒ద్రాజా॑ చి॒ద్య-మ్భగ॑-మ్భ॒క్షీత్యాహ॑

॥ 1 ॥

శ్లోక 3

భగ॒ ప్రణే॑త॒ర్భగ॒ సత్య॑రాధో॒ భగే॒మా-న్ధియ॒ముద॑వ॒దద॑న్నః ।

భగ॒ప్రణో॑ జనయ॒ గోభి॒రశ్వై॒ర్భగ॒ప్రనృభి॑ర్నృ॒వన్త॑స్స్యామ

॥ 2 ॥

శ్లోక 4

ఉ॒తేదానీ॒-మ్భగ॑వన్తస్స్యామో॒త ప్రపి॒త్వ ఉ॒త మధ్యే॒ అహ్నా᳚మ్ ।

ఉ॒తోది॑తా మఘవ॒న్​థ్సూర్య॑స్య వ॒య-న్దే॒వానాగ్ం॑ సుమ॒తౌ స్యా॑మ

॥ 3 ॥

శ్లోక 5

భగ॑ ఏ॒వ భగ॑వాగ్ం అస్తు దేవా॒స్తేన॑ వ॒య-మ్భగ॑వన్తస్స్యామ ।

త-న్త్వా॑ భగ॒ సర్వ॒ ఇజ్జో॑హవీమి॒ సనో॑ భగ పుర ఏ॒తా భ॑వేహ

॥ 4 ॥

శ్లోక 6

సమ॑ధ్వ॒రాయో॒షసో॑-ఽనమన్త దధి॒క్రావే॑వ॒ శుచయే॑ ప॒దాయ॑ ।

అ॒ర్వా॒చీ॒నం-వఁ॑సు॒విద॒-మ్భగ॑న్నో॒ రథ॑మి॒వా-ఽశ్వా॑వా॒జిన॒ ఆవ॑హన్తు

॥ 5 ॥

శ్లోక 7

అశ్వా॑వతీ॒ర్గోమ॑తీర్న ఉ॒షాసో॑ వీ॒రవ॑తీ॒స్సద॑ముచ్ఛన్తు భ॒ద్రాః ।

ఘృ॒త-న్దుహా॑నా వి॒శ్వతః॒ ప్రపీ॑నా యూ॒య-మ్పా॑త స్వ॒స్తిభి॒స్సదా॑ నః

॥ 6 ॥

శ్లోక 8

యో మా᳚-ఽగ్నే భా॒గినగ్ం॑ స॒న్తమథా॑భా॒గ॑-ఞ్చికీ॑ఋషతి ।

అభా॒గమ॑గ్నే॒ త-ఙ్కు॑రు॒ మామ॑గ్నే భా॒గిన॑-ఙ్కురు

॥ 7 ॥

శ్లోక 9

ఓం శాన్తి॒-శ్శాన్తి॒-శ్శాన్తిః॑ ॥