ఆయుష్య సూక్తమ్

ఆయుష్య సూక్తమ్

శ్లోక 1

యో బ్రహ్మా బ్రహ్మణ ఉ॑జ్జహా॒ర ప్రా॒ణై-శ్శి॒రః కృత్తివాసాః᳚ పినా॒కీ ।

ఈశానో దేవ-స్స న ఆయు॑ర్దధా॒తు॒ తస్మై జుహోమి హవిషా॑ ఘృతే॒న

శ్లోక 2

విభ్రాజమాన-స్సరిర॑స్య మ॒ధ్యా॒-ద్రో॒చ॒మా॒నో ఘర్మరుచి॑ర్య ఆ॒గాత్ ।

స మృత్యుపాశానపను॑ద్య ఘో॒రా॒ని॒హా॒యు॒షే॒ణో ఘృతమ॑త్తు దే॒వః

॥ 1 ॥

శ్లోక 3

బ్రహ్మజ్యోతి-ర్బ్రహ్మ-పత్నీ॑షు గ॒ర్భం॒-యఁ॒మా॒ద॒ధా-త్పురురూప॑-ఞ్జయ॒న్తమ్ ।

సువర్ణరమ్భగ్రహ-మ॑ర్కమ॒ర్చ్య॒-న్త॒మా॒యు॒షే వర్ధయామో॑ ఘృతే॒న

॥ 2 ॥

శ్లోక 4

శ్రియం-లఁక్ష్మీ-మౌబలా-మమ్బికా॒-ఙ్గాం॒ ష॒ష్ఠీ-ఞ్చ యా॒మిన్ద్రసేనే᳚త్యుదా॒హుః ।

తాం-విఁద్యా-మ్బ్రహ్మయోనిగ్ం॑ సరూ॒పా॒మి॒హా॒యు॒షే తర్పయామో॑ ఘృతే॒న

॥ 3 ॥

శ్లోక 5

దాక్షాయణ్య-స్సర్వయోన్యః॑ స యో॒న్య॒-స్స॒హ॒స్ర॒శో విశ్వరూపా॑ విరూ॒పాః ।

ససూనవ-స్సపతయః॑ సయూ॒థ్యా॒ ఆ॒యు॒షే॒ణో ఘృతమిద॑-ఞ్జుష॒న్తామ్

॥ 4 ॥

శ్లోక 6

దివ్యా గణా బహురూపాః᳚ పురా॒ణా॒ ఆయుశ్ఛిదో నః ప్రమథ్న॑న్తు వీ॒రాన్ ।

తేభ్యో జుహోమి బహుధా॑ ఘృతే॒న॒ మా॒ నః॒ ప్ర॒జాగ్ం రీరిషో మో॑త వీ॒రాన్

॥ 5 ॥

శ్లోక 7

ఏ॒కః॒ పు॒ర॒స్తాత్ య ఇద॑-మ్బభూ॒వ॒ యతో బభూవ భువన॑స్య గో॒పాః ।

యమప్యేతి భువనగ్ం సా᳚మ్పరా॒యే॒ స నో హవిర్ఘృత-మిహాయుషే᳚త్తు దే॒వః

॥ 6 ॥

శ్లోక 8

వ॒సూ॒-న్రుద్రా॑-నాది॒త్యా-న్మరుతో॑-ఽథ సా॒ధ్యా॒న్ ఋ॑భూన్ య॒క్షా॒-న్గన్ధర్వాగ్‍శ్చ పితౄగ్‍శ్చ వి॒శ్వాన్ ।

భృగూన్ సర్పాగ్‍శ్చాఙ్గిరసో॑-ఽథ స॒ర్వా॒-న్ఘృ॒త॒గ్ం హు॒త్వా స్వాయుష్యా మహయా॑మ శ॒శ్వత్

॥ 7 ॥

శ్లోక 9

విష్ణో॒ త్వ-న్నో॒ అన్త॑మ॒శ్శర్మ॑యచ్ఛ సహన్త్య ।

ప్రతే॒ధారా॑ మధు॒శ్చుత॒ ఉథ్స॑-న్దుహ్రతే॒ అక్షి॑తమ్ ॥

॥ ఓం శాన్తి॒-శ్శాన్తి॒-శ్శాన్తిః॑ ॥