ಆಯುಷ್ಯ ಸೂಕ್ತಮ್

ಆಯುಷ್ಯ ಸೂಕ್ತಮ್

ಶ್ಲೋಕ 1

ಯೋ ಬ್ರಹ್ಮಾ ಬ್ರಹ್ಮಣ ಉ॑ಜ್ಜಹಾ॒ರ ಪ್ರಾ॒ಣೈ-ಶ್ಶಿ॒ರಃ ಕೃತ್ತಿವಾಸಾಃ᳚ ಪಿನಾ॒ಕೀ ।

ಈಶಾನೋ ದೇವ-ಸ್ಸ ನ ಆಯು॑ರ್ದಧಾ॒ತು॒ ತಸ್ಮೈ ಜುಹೋಮಿ ಹವಿಷಾ॑ ಘೃತೇ॒ನ

ಶ್ಲೋಕ 2

ವಿಭ್ರಾಜಮಾನ-ಸ್ಸರಿರ॑ಸ್ಯ ಮ॒ಧ್ಯಾ॒-ದ್ರೋ॒ಚ॒ಮಾ॒ನೋ ಘರ್ಮರುಚಿ॑ರ್ಯ ಆ॒ಗಾತ್ ।

ಸ ಮೃತ್ಯುಪಾಶಾನಪನು॑ದ್ಯ ಘೋ॒ರಾ॒ನಿ॒ಹಾ॒ಯು॒ಷೇ॒ಣೋ ಘೃತಮ॑ತ್ತು ದೇ॒ವಃ

॥ 1 ॥

ಶ್ಲೋಕ 3

ಬ್ರಹ್ಮಜ್ಯೋತಿ-ರ್ಬ್ರಹ್ಮ-ಪತ್ನೀ॑ಷು ಗ॒ರ್ಭಂ॒-ಯಁ॒ಮಾ॒ದ॒ಧಾ-ತ್ಪುರುರೂಪ॑-ಞ್ಜಯ॒ನ್ತಮ್ ।

ಸುವರ್ಣರಮ್ಭಗ್ರಹ-ಮ॑ರ್ಕಮ॒ರ್ಚ್ಯ॒-ನ್ತ॒ಮಾ॒ಯು॒ಷೇ ವರ್ಧಯಾಮೋ॑ ಘೃತೇ॒ನ

॥ 2 ॥

ಶ್ಲೋಕ 4

ಶ್ರಿಯಂ-ಲಁಕ್ಷ್ಮೀ-ಮೌಬಲಾ-ಮಮ್ಬಿಕಾ॒-ಙ್ಗಾಂ॒ ಷ॒ಷ್ಠೀ-ಞ್ಚ ಯಾ॒ಮಿನ್ದ್ರಸೇನೇ᳚ತ್ಯುದಾ॒ಹುಃ ।

ತಾಂ-ವಿಁದ್ಯಾ-ಮ್ಬ್ರಹ್ಮಯೋನಿಗ್ಂ॑ ಸರೂ॒ಪಾ॒ಮಿ॒ಹಾ॒ಯು॒ಷೇ ತರ್ಪಯಾಮೋ॑ ಘೃತೇ॒ನ

॥ 3 ॥

ಶ್ಲೋಕ 5

ದಾಕ್ಷಾಯಣ್ಯ-ಸ್ಸರ್ವಯೋನ್ಯಃ॑ ಸ ಯೋ॒ನ್ಯ॒-ಸ್ಸ॒ಹ॒ಸ್ರ॒ಶೋ ವಿಶ್ವರೂಪಾ॑ ವಿರೂ॒ಪಾಃ ।

ಸಸೂನವ-ಸ್ಸಪತಯಃ॑ ಸಯೂ॒ಥ್ಯಾ॒ ಆ॒ಯು॒ಷೇ॒ಣೋ ಘೃತಮಿದ॑-ಞ್ಜುಷ॒ನ್ತಾಮ್

॥ 4 ॥

ಶ್ಲೋಕ 6

ದಿವ್ಯಾ ಗಣಾ ಬಹುರೂಪಾಃ᳚ ಪುರಾ॒ಣಾ॒ ಆಯುಶ್ಛಿದೋ ನಃ ಪ್ರಮಥ್ನ॑ನ್ತು ವೀ॒ರಾನ್ ।

ತೇಭ್ಯೋ ಜುಹೋಮಿ ಬಹುಧಾ॑ ಘೃತೇ॒ನ॒ ಮಾ॒ ನಃ॒ ಪ್ರ॒ಜಾಗ್ಂ ರೀರಿಷೋ ಮೋ॑ತ ವೀ॒ರಾನ್

॥ 5 ॥

ಶ್ಲೋಕ 7

ಏ॒ಕಃ॒ ಪು॒ರ॒ಸ್ತಾತ್ ಯ ಇದ॑-ಮ್ಬಭೂ॒ವ॒ ಯತೋ ಬಭೂವ ಭುವನ॑ಸ್ಯ ಗೋ॒ಪಾಃ ।

ಯಮಪ್ಯೇತಿ ಭುವನಗ್ಂ ಸಾ᳚ಮ್ಪರಾ॒ಯೇ॒ ಸ ನೋ ಹವಿರ್ಘೃತ-ಮಿಹಾಯುಷೇ᳚ತ್ತು ದೇ॒ವಃ

॥ 6 ॥

ಶ್ಲೋಕ 8

ವ॒ಸೂ॒-ನ್ರುದ್ರಾ॑-ನಾದಿ॒ತ್ಯಾ-ನ್ಮರುತೋ॑-ಽಥ ಸಾ॒ಧ್ಯಾ॒ನ್ ಋ॑ಭೂನ್ ಯ॒ಕ್ಷಾ॒-ನ್ಗನ್ಧರ್ವಾಗ್‍ಶ್ಚ ಪಿತೄಗ್‍ಶ್ಚ ವಿ॒ಶ್ವಾನ್ ।

ಭೃಗೂನ್ ಸರ್ಪಾಗ್‍ಶ್ಚಾಙ್ಗಿರಸೋ॑-ಽಥ ಸ॒ರ್ವಾ॒-ನ್ಘೃ॒ತ॒ಗ್ಂ ಹು॒ತ್ವಾ ಸ್ವಾಯುಷ್ಯಾ ಮಹಯಾ॑ಮ ಶ॒ಶ್ವತ್

॥ 7 ॥

ಶ್ಲೋಕ 9

ವಿಷ್ಣೋ॒ ತ್ವ-ನ್ನೋ॒ ಅನ್ತ॑ಮ॒ಶ್ಶರ್ಮ॑ಯಚ್ಛ ಸಹನ್ತ್ಯ ।

ಪ್ರತೇ॒ಧಾರಾ॑ ಮಧು॒ಶ್ಚುತ॒ ಉಥ್ಸ॑-ನ್ದುಹ್ರತೇ॒ ಅಕ್ಷಿ॑ತಮ್ ॥

॥ ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥