Aghamarshana Suktam
അഘമര്ഷണ സൂക്തമ്
Aghamarshana Suktam
അഘമര്ഷണ സൂക്തമ്
ശ്ലോക 1
ഹിര॑ണ്യശൃങ്ഗം॒-വഁരു॑ണ॒-മ്പ്രപ॑ദ്യേ തീ॒ര്ഥ-മ്മേ॑ ദേഹി॒ യാചി॑തഃ ।
യ॒ന്മയാ॑ ഭു॒ക്തമ॒സാധൂ॑നാ-മ്പാ॒പേഭ്യ॑ശ്ച പ്ര॒തിഗ്ര॑ഹഃ ।
യന്മേ॒ മന॑സാ വാ॒ചാ॒ ക॒ര്മ॒ണാ വാ ദു॑ഷ്കൃത॒-ങ്കൃതമ് ।
തന്ന॒ ഇന്ദ്രോ॒ വരു॑ണോ॒ ബൃഹ॒സ്പതിഃ॑ സവി॒താ ച॑ പുനന്തു॒ പുനഃ॑ പുനഃ ।
നമോ॒-ഽഗ്നയേ᳚-ഽപ്സു॒മതേ॒ നമ॒ ഇന്ദ്രാ॑യ॒ നമോ॒ വരു॑ണായ॒ നമോ വാരുണ്യൈ॑ നമോ॒-ഽദ്ഭ്യഃ ॥
യദ॒പാ-ങ്ക്രൂ॒രം-യഁദ॑മേ॒ധ്യം-യഁദ॑ശാ॒ന്ത-ന്തദപ॑ഗച്ഛതാത് ।
അ॒ത്യാ॒ശ॒നാദ॑തീ-പാ॒നാ॒-ദ്യ॒ച്ച ഉ॒ഗ്രാത്പ്ര॑തി॒ഗ്രഹാ᳚ത് ।
തന്നോ॒ വരു॑ണോ രാ॒ജാ॒ പാ॒ണിനാ᳚ ഹ്യവ॒മര്ശതു ।
സോ॑-ഽഹമ॑പാ॒പോ വി॒രജോ॒ നിര്മു॒ക്തോ മു॑ക്തകി॒ല്ബിഷഃ॑ ।
നാക॑സ്യ പൃ॒ഷ്ഠ-മാരു॑ഹ്യ॒ ഗച്ഛേ॒ദ് ബ്രഹ്മ॑സലോ॒കതാമ് ।
യശ്ചാ॒പ്സു വരു॑ണ॒സ്സ പു॒നാത്വ॑ഘമര്ഷ॒ണഃ ।
ഇ॒മ-മ്മേ॑ ഗങ്ഗേ യമുനേ സരസ്വതി॒ ശുതു॑ദ്രി॒-സ്തോമഗ്ം॑ സചതാ॒ പരു॒ഷ്ണിയാ ।
അ॒സി॒ക്നി॒യാ മ॑രുദ്വൃധേ വി॒തസ്ത॒യാ-ഽഽര്ജീ॑കീയേ ശൃണു॒ഹ്യാ സു॒ഷോമ॑യാ ।
ഋ॒ത-ഞ്ച॑ സ॒ത്യ-ഞ്ചാ॒ഭീ᳚ദ്ധാ॒-ത്തപ॒സോ-ഽധ്യ॑ജായത ।
തതോ॒ രാത്രി॑രജായത॒ തത॑-സ്സമു॒ദ്രോ അ॑ര്ണ॒വഃ ॥
സ॒മു॒ദ്രാദ॑ര്ണ॒വാ ദധി॑ സംവഁഥ്സ॒രോ അ॑ജായത ।
അ॒ഹോ॒രാ॒ത്രാണി॑ വി॒ദധ॒ദ്വിശ്വ॑സ്യ മിഷ॒തോ വ॒ശീ ।
സൂ॒ര്യാ॒ച॒ന്ദ്ര॒മസൌ॑ ധാ॒താ യ॑ഥാ പൂ॒ര്വമ॑കല്പയത് ।
ദിവ॑-ഞ്ച പൃഥി॒വീ-ഞ്ചാ॒ന്തരി॑ക്ഷ॒-മഥോ॒ സുവഃ॑ ।
യത്പൃ॑ഥി॒വ്യാഗ്ം രജഃ॑ സ്വ॒മാന്തരി॑ക്ഷേ വി॒രോദ॑സീ ।
ഇ॒മാഗ്ഗ്ം സ്തദാ॒പോ വ॑രുണഃ പു॒നാത്വ॑ഘമര്ഷ॒ണഃ ।
പു॒നന്തു॒ വസ॑വഃ പു॒നാതു॒ വരു॑ണഃ പു॒നാത്വ॑ഘമര്ഷ॒ണഃ ।
ഏ॒ഷ ഭൂ॒തസ്യ॑ മ॒ധ്യേ ഭുവ॑നസ്യ ഗോ॒പ്താ ।
ഏ॒ഷ പു॒ണ്യകൃ॑താം-ലോഁ॒കാ॒നേ॒ഷ മൃ॒ത്യോര് ഹി॑ര॒ണ്മയമ്᳚ ।
ദ്യാവാ॑പൃഥി॒വ്യോര് ഹി॑ര॒ണ്മയ॒ഗ്ം॒ സഗ്ഗ്ം ശ്രി॑ത॒ഗ്ം॒ സുവഃ॑ ॥
സന॒-സ്സുവ॒-സ്സഗ്ംശി॑ശാധി ।
ആര്ദ്ര॒-ഞ്ജ്വല॑തി॒ ജ്യോതി॑ര॒ഹമ॑സ്മി ।
ജ്യോതി॒ര്ജ്വല॑തി॒ ബ്രഹ്മാ॒ഹമ॑സ്മി ।
യോ॑-ഽഹമ॑സ്മി॒ ബ്രഹ്മാ॒ഹമ॑സ്മി ।
അ॒ഹമ॑സ്മി॒ ബ്രഹ്മാ॒ഹമ॑സ്മി ।
അ॒ഹമേ॒വാഹ-മ്മാ-ഞ്ജു॑ഹോമി॒ സ്വാഹാ᳚ ।
അ॒കാ॒ര്യ॒കാ॒ര്യ॑വകീ॒ര്ണീസ്തേ॒നോ ഭ്രൂ॑ണ॒ഹാ ഗു॑രുത॒ല്പഗഃ ।
വരു॑ണോ॒-ഽപാമ॑ഘമര്ഷ॒ണ-സ്തസ്മാ᳚-ത്പാ॒പാ-ത്പ്രമു॑ച്യതേ ।
ര॒ജോഭൂമി॑-സ്ത്വ॒മാഗ്ം രോദ॑യസ്വ॒ പ്രവ॑ദന്തി॒ ധീരാഃ᳚ ।
ആക്രാ᳚ന്ഥ്സമു॒ദ്രഃ പ്ര॑ഥ॒മേ വിധ॑ര്മഞ്ജ॒നയ॑-ന്പ്ര॒ജാ ഭുവ॑നസ്യ॒ രാജാ᳚ ।
വൃഷാ॑ പ॒വിത്രേ॒ അധി॒സാനോ॒ അവ്യേ॑ ബൃ॒ഹത്സോമോ॑ വാവൃധേ സുവാ॒ന ഇന്ദുഃ॑ ॥