ശ്രീ ലലിതാ സഹസ്ര നാമ സ്തോത്രമ്

ശ്രീ ലലിതാ സഹസ്ര നാമ സ്തോത്രമ്

ശ്ലോക 1

ഓമ് ॥

അസ്യ ശ്രീ ലലിതാ ദിവ്യ സഹസ്രനാമ സ്തോത്ര മഹാമന്ത്രസ്യ, വശിന്യാദി വാഗ്ദേവതാ ഋഷയഃ, അനുഷ്ടുപ് ഛന്ദഃ, ശ്രീ ലലിതാ പരാഭട്ടാരികാ മഹാ ത്രിപുര സുന്ദരീ ദേവതാ, ഐം ബീജം, ക്ലീം ശക്തിഃ, സൌഃ കീലകം, മമ ധര്മാര്ഥ കാമ മോക്ഷ ചതുര്വിധ ഫലപുരുഷാര്ഥ സിദ്ധ്യര്ഥേ ലലിതാ ത്രിപുരസുന്ദരീ പരാഭട്ടാരികാ സഹസ്ര നാമ ജപേ വിനിയോഗഃ

കരന്യാസഃ

ഐം അങ്ഗുഷ്ടാഭ്യാം നമഃ, ക്ലീം തര്ജനീഭ്യാം നമഃ, സൌഃ മധ്യമാഭ്യാം നമഃ, സൌഃ അനാമികാഭ്യാം നമഃ, ക്ലീം കനിഷ്ഠികാഭ്യാം നമഃ, ഐം കരതല കരപൃഷ്ഠാഭ്യാം നമഃ

അങ്ഗന്യാസഃ

ഐം ഹൃദയായ നമഃ, ക്ലീം ശിരസേ സ്വാഹാ, സൌഃ ശിഖായൈ വഷട്, സൌഃ കവചായ ഹും, ക്ലീം നേത്രത്രയായ വൌഷട്, ഐം അസ്ത്രായഫട്, ഭൂര്ഭുവസ്സുവരോമിതി ദിഗ്ബന്ധഃ

ധ്യാനം

അരുണാം കരുണാ തരങ്ഗിതാക്ഷീം ധൃതപാശാങ്കുശ പുഷ്പബാണചാപാമ് ।

അണിമാദിഭി രാവൃതാം മയൂഖൈഃ അഹമിത്യേവ വിഭാവയേ ഭവാനീമ്

ശ്ലോക 2

ധ്യായേത് പദ്മാസനസ്ഥാം വികസിതവദനാം പദ്മ പത്രായതാക്ഷീം

ഹേമാഭാം പീതവസ്ത്രാം കരകലിത ലസമദ്ധേമപദ്മാം വരാങ്ഗീമ് ।

സര്വാലങ്കാരയുക്താം സകലമഭയദാം ഭക്തനമ്രാം ഭവാനീം

ശ്രീ വിദ്യാം ശാന്തമൂര്തിം സകല സുരസുതാം സര്വസമ്പത്-പ്രദാത്രീമ്

॥ 1 ॥

ശ്ലോക 3

സകുങ്കുമ വിലേപനാ മലികചുമ്ബി കസ്തൂരികാം

സമന്ദ ഹസിതേക്ഷണാം സശരചാപ പാശാങ്കുശാമ് ।

അശേഷ ജനമോഹിനീ മരുണമാല്യ ഭൂഷോജ്ജ്വലാം

ജപാകുസുമ ഭാസുരാം ജപവിധൌ സ്മരേ ദമ്ബികാമ്

॥ 2 ॥

ശ്ലോക 4

സിന്ധൂരാരുണ വിഗ്രഹാം ത്രിണയനാം മാണിക്യ മൌലിസ്ഫുര-

ത്താരാനായക ശേഖരാം സ്മിതമുഖീ മാപീന വക്ഷോരുഹാമ് ।

പാണിഭ്യാ മലിപൂര്ണ രത്ന ചഷകം രക്തോത്പലം ബിഭ്രതീം

സൌമ്യാം രത്നഘടസ്ഥ രക്ത ചരണാം ധ്യായേത്പരാമമ്ബികാമ്

॥ 3 ॥

ശ്ലോക 5

ലമിത്യാദി പഞ്ചപൂജാം വിഭാവയേത്

ലം പൃഥിവീ തത്ത്വാത്മികായൈ ശ്രീ ലലിതാദേവ്യൈ ഗന്ധം പരികല്പയാമി

ഹം ആകാശ തത്ത്വാത്മികായൈ ശ്രീ ലലിതാദേവ്യൈ പുഷ്പം പരികല്പയാമി

യം വായു തത്ത്വാത്മികായൈ ശ്രീ ലലിതാദേവ്യൈ ധൂപം പരികല്പയാമി

രം വഹ്നി തത്ത്വാത്മികായൈ ശ്രീ ലലിതാദേവ്യൈ ദീപം പരികല്പയാമി

വം അമൃത തത്ത്വാത്മികായൈ ശ്രീ ലലിതാദേവ്യൈ അമൃത നൈവേദ്യം പരികല്പയാമി

സം സര്വ തത്ത്വാത്മികായൈ ശ്രീ ലലിതാദേവ്യൈ താമ്ബൂലാദി സര്വോപചാരാന് പരികല്പയാമി

ഗുരുര്ബ്രഹ്മ ഗുരുര്വിഷ്ണുഃ ഗുരുര്ദേവോ മഹേശ്വരഃ ।

ഗുരുസ്സാക്ഷാത് പരബ്രഹ്മ തസ്മൈ ശ്രീ ഗുരവേ നമഃ ॥

ഹരിഃ ഓം

ശ്രീ മാതാ, ശ്രീ മഹാരാജ്ഞീ, ശ്രീമത്-സിംഹാസനേശ്വരീ ।

ചിദഗ്നി കുണ്ഡസമ്ഭൂതാ, ദേവകാര്യസമുദ്യതാ

॥ 4 ॥

ശ്ലോക 6

ഉദ്യദ്ഭാനു സഹസ്രാഭാ, ചതുര്ബാഹു സമന്വിതാ ।

രാഗസ്വരൂപ പാശാഢ്യാ, ക്രോധാകാരാങ്കുശോജ്ജ്വലാ

॥ 1 ॥

ശ്ലോക 7

മനോരൂപേക്ഷുകോദണ്ഡാ, പഞ്ചതന്മാത്ര സായകാ ।

നിജാരുണ പ്രഭാപൂര മജ്ജദ്-ബ്രഹ്മാണ്ഡമണ്ഡലാ

॥ 2 ॥

ശ്ലോക 8

ചമ്പകാശോക പുന്നാഗ സൌഗന്ധിക ലസത്കചാ

കുരുവിന്ദ മണിശ്രേണീ കനത്കോടീര മണ്ഡിതാ

॥ 3 ॥

ശ്ലോക 9

അഷ്ടമീ ചന്ദ്ര വിഭ്രാജ ദലികസ്ഥല ശോഭിതാ ।

മുഖചന്ദ്ര കലങ്കാഭ മൃഗനാഭി വിശേഷകാ

॥ 4 ॥

ശ്ലോക 10

വദനസ്മര മാങ്ഗല്യ ഗൃഹതോരണ ചില്ലികാ ।

വക്ത്രലക്ഷ്മീ പരീവാഹ ചലന്മീനാഭ ലോചനാ

॥ 5 ॥

ശ്ലോക 11

നവചമ്പക പുഷ്പാഭ നാസാദണ്ഡ വിരാജിതാ ।

താരാകാന്തി തിരസ്കാരി നാസാഭരണ ഭാസുരാ

॥ 6 ॥

ശ്ലോക 12

കദമ്ബ മഞ്ജരീകൢപ്ത കര്ണപൂര മനോഹരാ ।

താടങ്ക യുഗലീഭൂത തപനോഡുപ മണ്ഡലാ

॥ 7 ॥

ശ്ലോക 13

പദ്മരാഗ ശിലാദര്ശ പരിഭാവി കപോലഭൂഃ ।

നവവിദ്രുമ ബിമ്ബശ്രീഃ ന്യക്കാരി രദനച്ഛദാ

॥ 8 ॥

ശ്ലോക 14

ശുദ്ധ വിദ്യാങ്കുരാകാര ദ്വിജപങ്ക്തി ദ്വയോജ്ജ്വലാ ।

കര്പൂരവീടി കാമോദ സമാകര്ഷദ്ദിഗന്തരാ

॥ 9 ॥

ശ്ലോക 15

നിജസല്ലാപ മാധുര്യ വിനിര്ഭത്സിത കച്ഛപീ ।

മന്ദസ്മിത പ്രഭാപൂര മജ്ജത്-കാമേശ മാനസാ

॥ 10 ॥

ശ്ലോക 16

അനാകലിത സാദൃശ്യ ചുബുക ശ്രീ വിരാജിതാ ।

കാമേശബദ്ധ മാങ്ഗല്യ സൂത്രശോഭിത കന്ഥരാ

॥ 11 ॥

ശ്ലോക 17

കനകാങ്ഗദ കേയൂര കമനീയ ഭുജാന്വിതാ ।

രത്നഗ്രൈവേയ ചിന്താക ലോലമുക്താ ഫലാന്വിതാ

॥ 12 ॥

ശ്ലോക 18

കാമേശ്വര പ്രേമരത്ന മണി പ്രതിപണസ്തനീ।

നാഭ്യാലവാല രോമാലി ലതാഫല കുചദ്വയീ

॥ 13 ॥

ശ്ലോക 19

ലക്ഷ്യരോമലതാ ധാരതാ സമുന്നേയ മധ്യമാ ।

സ്തനഭാര ദലന്-മധ്യ പട്ടബന്ധ വലിത്രയാ

॥ 14 ॥

ശ്ലോക 20

അരുണാരുണ കൌസുമ്ഭ വസ്ത്ര ഭാസ്വത്-കടീതടീ ।

രത്നകിങ്കിണി കാരമ്യ രശനാദാമ ഭൂഷിതാ

॥ 15 ॥

ശ്ലോക 21

കാമേശ ജ്ഞാത സൌഭാഗ്യ മാര്ദവോരു ദ്വയാന്വിതാ ।

മാണിക്യ മകുടാകാര ജാനുദ്വയ വിരാജിതാ

॥ 16 ॥

ശ്ലോക 22

ഇന്ദ്രഗോപ പരിക്ഷിപ്ത സ്മര തൂണാഭ ജങ്ഘികാ ।

ഗൂഢഗുല്ഭാ കൂര്മപൃഷ്ഠ ജയിഷ്ണു പ്രപദാന്വിതാ

॥ 17 ॥

ശ്ലോക 23

നഖദീധിതി സഞ്ഛന്ന നമജ്ജന തമോഗുണാ ।

പദദ്വയ പ്രഭാജാല പരാകൃത സരോരുഹാ

॥ 18 ॥

ശ്ലോക 24

ശിഞ്ജാന മണിമഞ്ജീര മണ്ഡിത ശ്രീ പദാമ്ബുജാ ।

മരാലീ മന്ദഗമനാ, മഹാലാവണ്യ ശേവധിഃ

॥ 19 ॥

ശ്ലോക 25

സര്വാരുണാഽനവദ്യാങ്ഗീ സര്വാഭരണ ഭൂഷിതാ ।

ശിവകാമേശ്വരാങ്കസ്ഥാ, ശിവാ, സ്വാധീന വല്ലഭാ

॥ 20 ॥

ശ്ലോക 26

സുമേരു മധ്യശൃങ്ഗസ്ഥാ, ശ്രീമന്നഗര നായികാ ।

ചിന്താമണി ഗൃഹാന്തസ്ഥാ, പഞ്ചബ്രഹ്മാസനസ്ഥിതാ

॥ 21 ॥

ശ്ലോക 27

മഹാപദ്മാടവീ സംസ്ഥാ, കദമ്ബ വനവാസിനീ ।

സുധാസാഗര മധ്യസ്ഥാ, കാമാക്ഷീ കാമദായിനീ

॥ 22 ॥

ശ്ലോക 28

ദേവര്ഷി ഗണസങ്ഘാത സ്തൂയമാനാത്മ വൈഭവാ ।

ഭണ്ഡാസുര വധോദ്യുക്ത ശക്തിസേനാ സമന്വിതാ

॥ 23 ॥

ശ്ലോക 29

സമ്പത്കരീ സമാരൂഢ സിന്ധുര വ്രജസേവിതാ ।

അശ്വാരൂഢാധിഷ്ഠിതാശ്വ കോടികോടി ഭിരാവൃതാ

॥ 24 ॥

ശ്ലോക 30

ചക്രരാജ രഥാരൂഢ സര്വായുധ പരിഷ്കൃതാ ।

ഗേയചക്ര രഥാരൂഢ മന്ത്രിണീ പരിസേവിതാ

॥ 25 ॥

ശ്ലോക 31

കിരിചക്ര രഥാരൂഢ ദണ്ഡനാഥാ പുരസ്കൃതാ ।

ജ്വാലാമാലിനി കാക്ഷിപ്ത വഹ്നിപ്രാകാര മധ്യഗാ

॥ 26 ॥

ശ്ലോക 32

ഭണ്ഡസൈന്യ വധോദ്യുക്ത ശക്തി വിക്രമഹര്ഷിതാ ।

നിത്യാ പരാക്രമാടോപ നിരീക്ഷണ സമുത്സുകാ

॥ 27 ॥

ശ്ലോക 33

ഭണ്ഡപുത്ര വധോദ്യുക്ത ബാലാവിക്രമ നന്ദിതാ ।

മന്ത്രിണ്യമ്ബാ വിരചിത വിഷങ്ഗ വധതോഷിതാ

॥ 28 ॥

ശ്ലോക 34

വിശുക്ര പ്രാണഹരണ വാരാഹീ വീര്യനന്ദിതാ ।

കാമേശ്വര മുഖാലോക കല്പിത ശ്രീ ഗണേശ്വരാ

॥ 29 ॥

ശ്ലോക 35

മഹാഗണേശ നിര്ഭിന്ന വിഘ്നയന്ത്ര പ്രഹര്ഷിതാ ।

ഭണ്ഡാസുരേന്ദ്ര നിര്മുക്ത ശസ്ത്ര പ്രത്യസ്ത്ര വര്ഷിണീ

॥ 30 ॥

ശ്ലോക 36

കരാങ്ഗുലി നഖോത്പന്ന നാരായണ ദശാകൃതിഃ ।

മഹാപാശുപതാസ്ത്രാഗ്നി നിര്ദഗ്ധാസുര സൈനികാ

॥ 31 ॥

ശ്ലോക 37

കാമേശ്വരാസ്ത്ര നിര്ദഗ്ധ സഭണ്ഡാസുര ശൂന്യകാ ।

ബ്രഹ്മോപേന്ദ്ര മഹേന്ദ്രാദി ദേവസംസ്തുത വൈഭവാ

॥ 32 ॥

ശ്ലോക 38

ഹരനേത്രാഗ്നി സന്ദഗ്ധ കാമ സഞ്ജീവനൌഷധിഃ ।

ശ്രീമദ്വാഗ്ഭവ കൂടൈക സ്വരൂപ മുഖപങ്കജാ

॥ 33 ॥

ശ്ലോക 39

കണ്ഠാധഃ കടിപര്യന്ത മധ്യകൂട സ്വരൂപിണീ ।

ശക്തികൂടൈക താപന്ന കട്യഥോഭാഗ ധാരിണീ

॥ 34 ॥

ശ്ലോക 40

മൂലമന്ത്രാത്മികാ, മൂലകൂട ത്രയ കലേബരാ ।

കുലാമൃതൈക രസികാ, കുലസങ്കേത പാലിനീ

॥ 35 ॥

ശ്ലോക 41

കുലാങ്ഗനാ, കുലാന്തഃസ്ഥാ, കൌലിനീ, കുലയോഗിനീ ।

അകുലാ, സമയാന്തഃസ്ഥാ, സമയാചാര തത്പരാ

॥ 36 ॥

ശ്ലോക 42

മൂലാധാരൈക നിലയാ, ബ്രഹ്മഗ്രന്ഥി വിഭേദിനീ ।

മണിപൂരാന്ത രുദിതാ, വിഷ്ണുഗ്രന്ഥി വിഭേദിനീ

॥ 37 ॥

ശ്ലോക 43

ആജ്ഞാ ചക്രാന്തരാലസ്ഥാ, രുദ്രഗ്രന്ഥി വിഭേദിനീ ।

സഹസ്രാരാമ്ബുജാ രൂഢാ, സുധാസാരാഭി വര്ഷിണീ

॥ 38 ॥

ശ്ലോക 44

തടില്ലതാ സമരുചിഃ, ഷട്-ചക്രോപരി സംസ്ഥിതാ ।

മഹാശക്തിഃ, കുണ്ഡലിനീ, ബിസതന്തു തനീയസീ

॥ 39 ॥

ശ്ലോക 45

ഭവാനീ, ഭാവനാഗമ്യാ, ഭവാരണ്യ കുഠാരികാ ।

ഭദ്രപ്രിയാ, ഭദ്രമൂര്തി, ര്ഭക്തസൌഭാഗ്യ ദായിനീ

॥ 40 ॥

ശ്ലോക 46

ഭക്തിപ്രിയാ, ഭക്തിഗമ്യാ, ഭക്തിവശ്യാ, ഭയാപഹാ ।

ശാമ്ഭവീ, ശാരദാരാധ്യാ, ശര്വാണീ, ശര്മദായിനീ

॥ 41 ॥

ശ്ലോക 47

ശാങ്കരീ, ശ്രീകരീ, സാധ്വീ, ശരച്ചന്ദ്രനിഭാനനാ ।

ശാതോദരീ, ശാന്തിമതീ, നിരാധാരാ, നിരഞ്ജനാ

॥ 42 ॥

ശ്ലോക 48

നിര്ലേപാ, നിര്മലാ, നിത്യാ, നിരാകാരാ, നിരാകുലാ ।

നിര്ഗുണാ, നിഷ്കലാ, ശാന്താ, നിഷ്കാമാ, നിരുപപ്ലവാ

॥ 43 ॥

ശ്ലോക 49

നിത്യമുക്താ, നിര്വികാരാ, നിഷ്പ്രപഞ്ചാ, നിരാശ്രയാ ।

നിത്യശുദ്ധാ, നിത്യബുദ്ധാ, നിരവദ്യാ, നിരന്തരാ

॥ 44 ॥

ശ്ലോക 50

നിഷ്കാരണാ, നിഷ്കലങ്കാ, നിരുപാധി, ര്നിരീശ്വരാ ।

നീരാഗാ, രാഗമഥനീ, നിര്മദാ, മദനാശിനീ

॥ 45 ॥

ശ്ലോക 51

നിശ്ചിന്താ, നിരഹങ്കാരാ, നിര്മോഹാ, മോഹനാശിനീ ।

നിര്മമാ, മമതാഹന്ത്രീ, നിഷ്പാപാ, പാപനാശിനീ

॥ 46 ॥

ശ്ലോക 52

നിഷ്ക്രോധാ, ക്രോധശമനീ, നിര്ലോഭാ, ലോഭനാശിനീ ।

നിഃസംശയാ, സംശയഘ്നീ, നിര്ഭവാ, ഭവനാശിനീ

॥ 47 ॥

ശ്ലോക 53

നിര്വികല്പാ, നിരാബാധാ, നിര്ഭേദാ, ഭേദനാശിനീ ।

നിര്നാശാ, മൃത്യുമഥനീ, നിഷ്ക്രിയാ, നിഷ്പരിഗ്രഹാ

॥ 48 ॥

ശ്ലോക 54

നിസ്തുലാ, നീലചികുരാ, നിരപായാ, നിരത്യയാ ।

ദുര്ലഭാ, ദുര്ഗമാ, ദുര്ഗാ, ദുഃഖഹന്ത്രീ, സുഖപ്രദാ

॥ 49 ॥

ശ്ലോക 55

ദുഷ്ടദൂരാ, ദുരാചാര ശമനീ, ദോഷവര്ജിതാ ।

സര്വജ്ഞാ, സാന്ദ്രകരുണാ, സമാനാധികവര്ജിതാ

॥ 50 ॥

ശ്ലോക 56

സര്വശക്തിമയീ, സര്വമങ്ഗലാ, സദ്ഗതിപ്രദാ ।

സര്വേശ്വരീ, സര്വമയീ, സര്വമന്ത്ര സ്വരൂപിണീ

॥ 51 ॥

ശ്ലോക 57

സര്വയന്ത്രാത്മികാ, സര്വതന്ത്രരൂപാ, മനോന്മനീ ।

മാഹേശ്വരീ, മഹാദേവീ, മഹാലക്ഷ്മീ, ര്മൃഡപ്രിയാ

॥ 52 ॥

ശ്ലോക 58

മഹാരൂപാ, മഹാപൂജ്യാ, മഹാപാതക നാശിനീ ।

മഹാമായാ, മഹാസത്ത്വാ, മഹാശക്തി ര്മഹാരതിഃ

॥ 53 ॥

ശ്ലോക 59

മഹാഭോഗാ, മഹൈശ്വര്യാ, മഹാവീര്യാ, മഹാബലാ ।

മഹാബുദ്ധി, ര്മഹാസിദ്ധി, ര്മഹായോഗേശ്വരേശ്വരീ

॥ 54 ॥

ശ്ലോക 60

മഹാതന്ത്രാ, മഹാമന്ത്രാ, മഹായന്ത്രാ, മഹാസനാ ।

മഹായാഗ ക്രമാരാധ്യാ, മഹാഭൈരവ പൂജിതാ

॥ 55 ॥

ശ്ലോക 61

മഹേശ്വര മഹാകല്പ മഹാതാണ്ഡവ സാക്ഷിണീ ।

മഹാകാമേശ മഹിഷീ, മഹാത്രിപുര സുന്ദരീ

॥ 56 ॥

ശ്ലോക 62

ചതുഃഷഷ്ട്യുപചാരാഢ്യാ, ചതുഷ്ഷഷ്ടി കലാമയീ ।

മഹാ ചതുഷ്ഷഷ്ടി കോടി യോഗിനീ ഗണസേവിതാ

॥ 57 ॥

ശ്ലോക 63

മനുവിദ്യാ, ചന്ദ്രവിദ്യാ, ചന്ദ്രമണ്ഡലമധ്യഗാ ।

ചാരുരൂപാ, ചാരുഹാസാ, ചാരുചന്ദ്ര കലാധരാ

॥ 58 ॥

ശ്ലോക 64

ചരാചര ജഗന്നാഥാ, ചക്രരാജ നികേതനാ ।

പാര്വതീ, പദ്മനയനാ, പദ്മരാഗ സമപ്രഭാ

॥ 59 ॥

ശ്ലോക 65

പഞ്ചപ്രേതാസനാസീനാ, പഞ്ചബ്രഹ്മ സ്വരൂപിണീ ।

ചിന്മയീ, പരമാനന്ദാ, വിജ്ഞാന ഘനരൂപിണീ

॥ 60 ॥

ശ്ലോക 66

ധ്യാനധ്യാതൃ ധ്യേയരൂപാ, ധര്മാധര്മ വിവര്ജിതാ ।

വിശ്വരൂപാ, ജാഗരിണീ, സ്വപന്തീ, തൈജസാത്മികാ

॥ 61 ॥

ശ്ലോക 67

സുപ്താ, പ്രാജ്ഞാത്മികാ, തുര്യാ, സര്വാവസ്ഥാ വിവര്ജിതാ ।

സൃഷ്ടികര്ത്രീ, ബ്രഹ്മരൂപാ, ഗോപ്ത്രീ, ഗോവിന്ദരൂപിണീ

॥ 62 ॥

ശ്ലോക 68

സംഹാരിണീ, രുദ്രരൂപാ, തിരോധാനകരീശ്വരീ ।

സദാശിവാനുഗ്രഹദാ, പഞ്ചകൃത്യ പരായണാ

॥ 63 ॥

ശ്ലോക 69

ഭാനുമണ്ഡല മധ്യസ്ഥാ, ഭൈരവീ, ഭഗമാലിനീ ।

പദ്മാസനാ, ഭഗവതീ, പദ്മനാഭ സഹോദരീ

॥ 64 ॥

ശ്ലോക 70

ഉന്മേഷ നിമിഷോത്പന്ന വിപന്ന ഭുവനാവലിഃ ।

സഹസ്രശീര്ഷവദനാ, സഹസ്രാക്ഷീ, സഹസ്രപാത്

॥ 65 ॥

ശ്ലോക 71

ആബ്രഹ്മ കീടജനനീ, വര്ണാശ്രമ വിധായിനീ ।

നിജാജ്ഞാരൂപനിഗമാ, പുണ്യാപുണ്യ ഫലപ്രദാ

॥ 66 ॥

ശ്ലോക 72

ശ്രുതി സീമന്ത സിന്ധൂരീകൃത പാദാബ്ജധൂലികാ ।

സകലാഗമ സന്ദോഹ ശുക്തിസമ്പുട മൌക്തികാ

॥ 67 ॥

ശ്ലോക 73

പുരുഷാര്ഥപ്രദാ, പൂര്ണാ, ഭോഗിനീ, ഭുവനേശ്വരീ ।

അമ്ബികാ,ഽനാദി നിധനാ, ഹരിബ്രഹ്മേന്ദ്ര സേവിതാ

॥ 68 ॥

ശ്ലോക 74

നാരായണീ, നാദരൂപാ, നാമരൂപ വിവര്ജിതാ ।

ഹ്രീങ്കാരീ, ഹ്രീമതീ, ഹൃദ്യാ, ഹേയോപാദേയ വര്ജിതാ

॥ 69 ॥

ശ്ലോക 75

രാജരാജാര്ചിതാ, രാജ്ഞീ, രമ്യാ, രാജീവലോചനാ ।

രഞ്ജനീ, രമണീ, രസ്യാ, രണത്കിങ്കിണി മേഖലാ

॥ 70 ॥

ശ്ലോക 76

രമാ, രാകേന്ദുവദനാ, രതിരൂപാ, രതിപ്രിയാ ।

രക്ഷാകരീ, രാക്ഷസഘ്നീ, രാമാ, രമണലമ്പടാ

॥ 71 ॥

ശ്ലോക 77

കാമ്യാ, കാമകലാരൂപാ, കദമ്ബ കുസുമപ്രിയാ ।

കല്യാണീ, ജഗതീകന്ദാ, കരുണാരസ സാഗരാ

॥ 72 ॥

ശ്ലോക 78

കലാവതീ, കലാലാപാ, കാന്താ, കാദമ്ബരീപ്രിയാ ।

വരദാ, വാമനയനാ, വാരുണീമദവിഹ്വലാ

॥ 73 ॥

ശ്ലോക 79

വിശ്വാധികാ, വേദവേദ്യാ, വിന്ധ്യാചല നിവാസിനീ ।

വിധാത്രീ, വേദജനനീ, വിഷ്ണുമായാ, വിലാസിനീ

॥ 74 ॥

ശ്ലോക 80

ക്ഷേത്രസ്വരൂപാ, ക്ഷേത്രേശീ, ക്ഷേത്ര ക്ഷേത്രജ്ഞ പാലിനീ ।

ക്ഷയവൃദ്ധി വിനിര്മുക്താ, ക്ഷേത്രപാല സമര്ചിതാ

॥ 75 ॥

ശ്ലോക 81

വിജയാ, വിമലാ, വന്ദ്യാ, വന്ദാരു ജനവത്സലാ ।

വാഗ്വാദിനീ, വാമകേശീ, വഹ്നിമണ്ഡല വാസിനീ

॥ 76 ॥

ശ്ലോക 82

ഭക്തിമത്-കല്പലതികാ, പശുപാശ വിമോചനീ ।

സംഹൃതാശേഷ പാഷണ്ഡാ, സദാചാര പ്രവര്തികാ

॥ 77 ॥

ശ്ലോക 83

താപത്രയാഗ്നി സന്തപ്ത സമാഹ്ലാദന ചന്ദ്രികാ ।

തരുണീ, താപസാരാധ്യാ, തനുമധ്യാ, തമോഽപഹാ

॥ 78 ॥

ശ്ലോക 84

ചിതി, സ്തത്പദലക്ഷ്യാര്ഥാ, ചിദേക രസരൂപിണീ ।

സ്വാത്മാനന്ദലവീഭൂത ബ്രഹ്മാദ്യാനന്ദ സന്തതിഃ

॥ 79 ॥

ശ്ലോക 85

പരാ, പ്രത്യക്ചിതീ രൂപാ, പശ്യന്തീ, പരദേവതാ ।

മധ്യമാ, വൈഖരീരൂപാ, ഭക്തമാനസ ഹംസികാ

॥ 80 ॥

ശ്ലോക 86

കാമേശ്വര പ്രാണനാഡീ, കൃതജ്ഞാ, കാമപൂജിതാ ।

ശൃങ്ഗാര രസസമ്പൂര്ണാ, ജയാ, ജാലന്ധരസ്ഥിതാ

॥ 81 ॥

ശ്ലോക 87

ഓഡ്യാണ പീഠനിലയാ, ബിന്ദുമണ്ഡല വാസിനീ ।

രഹോയാഗ ക്രമാരാധ്യാ, രഹസ്തര്പണ തര്പിതാ

॥ 82 ॥

ശ്ലോക 88

സദ്യഃ പ്രസാദിനീ, വിശ്വസാക്ഷിണീ, സാക്ഷിവര്ജിതാ ।

ഷഡങ്ഗദേവതാ യുക്താ, ഷാഡ്ഗുണ്യ പരിപൂരിതാ

॥ 83 ॥

ശ്ലോക 89

നിത്യക്ലിന്നാ, നിരുപമാ, നിര്വാണ സുഖദായിനീ ।

നിത്യാ, ഷോഡശികാരൂപാ, ശ്രീകണ്ഠാര്ധ ശരീരിണീ

॥ 84 ॥

ശ്ലോക 90

പ്രഭാവതീ, പ്രഭാരൂപാ, പ്രസിദ്ധാ, പരമേശ്വരീ ।

മൂലപ്രകൃതി രവ്യക്താ, വ്യക്താഽവ്യക്ത സ്വരൂപിണീ

॥ 85 ॥

ശ്ലോക 91

വ്യാപിനീ, വിവിധാകാരാ, വിദ്യാഽവിദ്യാ സ്വരൂപിണീ ।

മഹാകാമേശ നയനാ കുമുദാഹ്ലാദ കൌമുദീ

॥ 86 ॥

ശ്ലോക 92

ഭക്തഹാര്ദ തമോഭേദ ഭാനുമദ്-ഭാനുസന്തതിഃ ।

ശിവദൂതീ, ശിവാരാധ്യാ, ശിവമൂര്തി, ശ്ശിവങ്കരീ

॥ 87 ॥

ശ്ലോക 93

ശിവപ്രിയാ, ശിവപരാ, ശിഷ്ടേഷ്ടാ, ശിഷ്ടപൂജിതാ ।

അപ്രമേയാ, സ്വപ്രകാശാ, മനോവാചാമ ഗോചരാ

॥ 88 ॥

ശ്ലോക 94

ചിച്ഛക്തി, ശ്ചേതനാരൂപാ, ജഡശക്തി, ര്ജഡാത്മികാ ।

ഗായത്രീ, വ്യാഹൃതി, സ്സന്ധ്യാ, ദ്വിജബൃന്ദ നിഷേവിതാ

॥ 89 ॥

ശ്ലോക 95

തത്ത്വാസനാ, തത്ത്വമയീ, പഞ്ചകോശാന്തരസ്ഥിതാ ।

നിസ്സീമമഹിമാ, നിത്യയൌവനാ, മദശാലിനീ

॥ 90 ॥

ശ്ലോക 96

മദഘൂര്ണിത രക്താക്ഷീ, മദപാടല ഗണ്ഡഭൂഃ ।

ചന്ദന ദ്രവദിഗ്ധാങ്ഗീ, ചാമ്പേയ കുസുമ പ്രിയാ

॥ 91 ॥

ശ്ലോക 97

കുശലാ, കോമലാകാരാ, കുരുകുല്ലാ, കുലേശ്വരീ ।

കുലകുണ്ഡാലയാ, കൌല മാര്ഗതത്പര സേവിതാ

॥ 92 ॥

ശ്ലോക 98

കുമാര ഗണനാഥാമ്ബാ, തുഷ്ടിഃ, പുഷ്ടി, ര്മതി, ര്ധൃതിഃ ।

ശാന്തിഃ, സ്വസ്തിമതീ, കാന്തി, ര്നന്ദിനീ, വിഘ്നനാശിനീ

॥ 93 ॥

ശ്ലോക 99

തേജോവതീ, ത്രിനയനാ, ലോലാക്ഷീ കാമരൂപിണീ ।

മാലിനീ, ഹംസിനീ, മാതാ, മലയാചല വാസിനീ

॥ 94 ॥

ശ്ലോക 100

സുമുഖീ, നലിനീ, സുഭ്രൂഃ, ശോഭനാ, സുരനായികാ ।

കാലകണ്ഠീ, കാന്തിമതീ, ക്ഷോഭിണീ, സൂക്ഷ്മരൂപിണീ

॥ 95 ॥

ശ്ലോക 101

വജ്രേശ്വരീ, വാമദേവീ, വയോഽവസ്ഥാ വിവര്ജിതാ ।

സിദ്ധേശ്വരീ, സിദ്ധവിദ്യാ, സിദ്ധമാതാ, യശസ്വിനീ

॥ 96 ॥

ശ്ലോക 102

വിശുദ്ധി ചക്രനിലയാ,ഽഽരക്തവര്ണാ, ത്രിലോചനാ ।

ഖട്വാങ്ഗാദി പ്രഹരണാ, വദനൈക സമന്വിതാ

॥ 97 ॥

ശ്ലോക 103

പായസാന്നപ്രിയാ, ത്വക്​സ്ഥാ, പശുലോക ഭയങ്കരീ ।

അമൃതാദി മഹാശക്തി സംവൃതാ, ഡാകിനീശ്വരീ

॥ 98 ॥

ശ്ലോക 104

അനാഹതാബ്ജ നിലയാ, ശ്യാമാഭാ, വദനദ്വയാ ।

ദംഷ്ട്രോജ്ജ്വലാ,ഽക്ഷമാലാധിധരാ, രുധിര സംസ്ഥിതാ

॥ 99 ॥

ശ്ലോക 105

കാലരാത്ര്യാദി ശക്ത്യോഘവൃതാ, സ്നിഗ്ധൌദനപ്രിയാ ।

മഹാവീരേന്ദ്ര വരദാ, രാകിണ്യമ്ബാ സ്വരൂപിണീ

॥ 100 ॥

ശ്ലോക 106

മണിപൂരാബ്ജ നിലയാ, വദനത്രയ സംയുതാ ।

വജ്രാധികായുധോപേതാ, ഡാമര്യാദിഭി രാവൃതാ

॥ 101 ॥

ശ്ലോക 107

രക്തവര്ണാ, മാംസനിഷ്ഠാ, ഗുഡാന്ന പ്രീതമാനസാ ।

സമസ്ത ഭക്തസുഖദാ, ലാകിന്യമ്ബാ സ്വരൂപിണീ

॥ 102 ॥

ശ്ലോക 108

സ്വാധിഷ്ഠാനാമ്ബു ജഗതാ, ചതുര്വക്ത്ര മനോഹരാ ।

ശൂലാദ്യായുധ സമ്പന്നാ, പീതവര്ണാ,ഽതിഗര്വിതാ

॥ 103 ॥

ശ്ലോക 109

മേദോനിഷ്ഠാ, മധുപ്രീതാ, ബന്ദിന്യാദി സമന്വിതാ ।

ദധ്യന്നാസക്ത ഹൃദയാ, കാകിനീ രൂപധാരിണീ

॥ 104 ॥

ശ്ലോക 110

മൂലാ ധാരാമ്ബുജാരൂഢാ, പഞ്ചവക്ത്രാ,ഽസ്ഥിസംസ്ഥിതാ ।

അങ്കുശാദി പ്രഹരണാ, വരദാദി നിഷേവിതാ

॥ 105 ॥

ശ്ലോക 111

മുദ്ഗൌദനാസക്ത ചിത്താ, സാകിന്യമ്ബാസ്വരൂപിണീ ।

ആജ്ഞാ ചക്രാബ്ജനിലയാ, ശുക്ലവര്ണാ, ഷഡാനനാ

॥ 106 ॥

ശ്ലോക 112

മജ്ജാസംസ്ഥാ, ഹംസവതീ മുഖ്യശക്തി സമന്വിതാ ।

ഹരിദ്രാന്നൈക രസികാ, ഹാകിനീ രൂപധാരിണീ

॥ 107 ॥

ശ്ലോക 113

സഹസ്രദല പദ്മസ്ഥാ, സര്വവര്ണോപ ശോഭിതാ ।

സര്വായുധധരാ, ശുക്ല സംസ്ഥിതാ, സര്വതോമുഖീ

॥ 108 ॥

ശ്ലോക 114

സര്വൌദന പ്രീതചിത്താ, യാകിന്യമ്ബാ സ്വരൂപിണീ ।

സ്വാഹാ, സ്വധാ,ഽമതി, ര്മേധാ, ശ്രുതിഃ, സ്മൃതി, രനുത്തമാ

॥ 109 ॥

ശ്ലോക 115

പുണ്യകീര്തിഃ, പുണ്യലഭ്യാ, പുണ്യശ്രവണ കീര്തനാ ।

പുലോമജാര്ചിതാ, ബന്ധമോചനീ, ബന്ധുരാലകാ

॥ 110 ॥

ശ്ലോക 116

വിമര്ശരൂപിണീ, വിദ്യാ, വിയദാദി ജഗത്പ്രസൂഃ ।

സര്വവ്യാധി പ്രശമനീ, സര്വമൃത്യു നിവാരിണീ

॥ 111 ॥

ശ്ലോക 117

അഗ്രഗണ്യാ,ഽചിന്ത്യരൂപാ, കലികല്മഷ നാശിനീ ।

കാത്യായിനീ, കാലഹന്ത്രീ, കമലാക്ഷ നിഷേവിതാ

॥ 112 ॥

ശ്ലോക 118

താമ്ബൂല പൂരിത മുഖീ, ദാഡിമീ കുസുമപ്രഭാ ।

മൃഗാക്ഷീ, മോഹിനീ, മുഖ്യാ, മൃഡാനീ, മിത്രരൂപിണീ

॥ 113 ॥

ശ്ലോക 119

നിത്യതൃപ്താ, ഭക്തനിധി, ര്നിയന്ത്രീ, നിഖിലേശ്വരീ ।

മൈത്ര്യാദി വാസനാലഭ്യാ, മഹാപ്രലയ സാക്ഷിണീ

॥ 114 ॥

ശ്ലോക 120

പരാശക്തിഃ, പരാനിഷ്ഠാ, പ്രജ്ഞാന ഘനരൂപിണീ ।

മാധ്വീപാനാലസാ, മത്താ, മാതൃകാ വര്ണ രൂപിണീ

॥ 115 ॥

ശ്ലോക 121

മഹാകൈലാസ നിലയാ, മൃണാല മൃദുദോര്ലതാ ।

മഹനീയാ, ദയാമൂര്തീ, ര്മഹാസാമ്രാജ്യശാലിനീ

॥ 116 ॥

ശ്ലോക 122

ആത്മവിദ്യാ, മഹാവിദ്യാ, ശ്രീവിദ്യാ, കാമസേവിതാ ।

ശ്രീഷോഡശാക്ഷരീ വിദ്യാ, ത്രികൂടാ, കാമകോടികാ

॥ 117 ॥

ശ്ലോക 123

കടാക്ഷകിങ്കരീ ഭൂത കമലാ കോടിസേവിതാ ।

ശിരഃസ്ഥിതാ, ചന്ദ്രനിഭാ, ഫാലസ്ഥേന്ദ്ര ധനുഃപ്രഭാ

॥ 118 ॥

ശ്ലോക 124

ഹൃദയസ്ഥാ, രവിപ്രഖ്യാ, ത്രികോണാന്തര ദീപികാ ।

ദാക്ഷായണീ, ദൈത്യഹന്ത്രീ, ദക്ഷയജ്ഞ വിനാശിനീ

॥ 119 ॥

ശ്ലോക 125

ദരാന്ദോലിത ദീര്ഘാക്ഷീ, ദരഹാസോജ്ജ്വലന്മുഖീ ।

ഗുരുമൂര്തി, ര്ഗുണനിധി, ര്ഗോമാതാ, ഗുഹജന്മഭൂഃ

॥ 120 ॥

ശ്ലോക 126

ദേവേശീ, ദണ്ഡനീതിസ്ഥാ, ദഹരാകാശ രൂപിണീ ।

പ്രതിപന്മുഖ്യ രാകാന്ത തിഥിമണ്ഡല പൂജിതാ

॥ 121 ॥

ശ്ലോക 127

കലാത്മികാ, കലാനാഥാ, കാവ്യാലാപ വിനോദിനീ ।

സചാമര രമാവാണീ സവ്യദക്ഷിണ സേവിതാ

॥ 122 ॥

ശ്ലോക 128

ആദിശക്തി, രമേയാ,ഽഽത്മാ, പരമാ, പാവനാകൃതിഃ ।

അനേകകോടി ബ്രഹ്മാണ്ഡ ജനനീ, ദിവ്യവിഗ്രഹാ

॥ 123 ॥

ശ്ലോക 129

ക്ലീങ്കാരീ, കേവലാ, ഗുഹ്യാ, കൈവല്യ പദദായിനീ ।

ത്രിപുരാ, ത്രിജഗദ്വന്ദ്യാ, ത്രിമൂര്തി, സ്ത്രിദശേശ്വരീ

॥ 124 ॥

ശ്ലോക 130

ത്ര്യക്ഷരീ, ദിവ്യഗന്ധാഢ്യാ, സിന്ധൂര തിലകാഞ്ചിതാ ।

ഉമാ, ശൈലേന്ദ്രതനയാ, ഗൌരീ, ഗന്ധര്വ സേവിതാ

॥ 125 ॥

ശ്ലോക 131

വിശ്വഗര്ഭാ, സ്വര്ണഗര്ഭാ,ഽവരദാ വാഗധീശ്വരീ ।

ധ്യാനഗമ്യാ,ഽപരിച്ഛേദ്യാ, ജ്ഞാനദാ, ജ്ഞാനവിഗ്രഹാ

॥ 126 ॥

ശ്ലോക 132

സര്വവേദാന്ത സംവേദ്യാ, സത്യാനന്ദ സ്വരൂപിണീ ।

ലോപാമുദ്രാര്ചിതാ, ലീലാകൢപ്ത ബ്രഹ്മാണ്ഡമണ്ഡലാ

॥ 127 ॥

ശ്ലോക 133

അദൃശ്യാ, ദൃശ്യരഹിതാ, വിജ്ഞാത്രീ, വേദ്യവര്ജിതാ ।

യോഗിനീ, യോഗദാ, യോഗ്യാ, യോഗാനന്ദാ, യുഗന്ധരാ

॥ 128 ॥

ശ്ലോക 134

ഇച്ഛാശക്തി ജ്ഞാനശക്തി ക്രിയാശക്തി സ്വരൂപിണീ ।

സര്വാധാരാ, സുപ്രതിഷ്ഠാ, സദസദ്-രൂപധാരിണീ

॥ 129 ॥

ശ്ലോക 135

അഷ്ടമൂര്തി, രജാജൈത്രീ, ലോകയാത്രാ വിധായിനീ ।

ഏകാകിനീ, ഭൂമരൂപാ, നിര്ദ്വൈതാ, ദ്വൈതവര്ജിതാ

॥ 130 ॥

ശ്ലോക 136

അന്നദാ, വസുദാ, വൃദ്ധാ, ബ്രഹ്മാത്മൈക്യ സ്വരൂപിണീ ।

ബൃഹതീ, ബ്രാഹ്മണീ, ബ്രാഹ്മീ, ബ്രഹ്മാനന്ദാ, ബലിപ്രിയാ

॥ 131 ॥

ശ്ലോക 137

ഭാഷാരൂപാ, ബൃഹത്സേനാ, ഭാവാഭാവ വിവര്ജിതാ ।

സുഖാരാധ്യാ, ശുഭകരീ, ശോഭനാ സുലഭാഗതിഃ

॥ 132 ॥

ശ്ലോക 138

രാജരാജേശ്വരീ, രാജ്യദായിനീ, രാജ്യവല്ലഭാ ।

രാജത്-കൃപാ, രാജപീഠ നിവേശിത നിജാശ്രിതാഃ

॥ 133 ॥

ശ്ലോക 139

രാജ്യലക്ഷ്മീഃ, കോശനാഥാ, ചതുരങ്ഗ ബലേശ്വരീ ।

സാമ്രാജ്യദായിനീ, സത്യസന്ധാ, സാഗരമേഖലാ

॥ 134 ॥

ശ്ലോക 140

ദീക്ഷിതാ, ദൈത്യശമനീ, സര്വലോക വശങ്കരീ ।

സര്വാര്ഥദാത്രീ, സാവിത്രീ, സച്ചിദാനന്ദ രൂപിണീ

॥ 135 ॥

ശ്ലോക 141

ദേശകാലാഽപരിച്ഛിന്നാ, സര്വഗാ, സര്വമോഹിനീ ।

സരസ്വതീ, ശാസ്ത്രമയീ, ഗുഹാമ്ബാ, ഗുഹ്യരൂപിണീ

॥ 136 ॥

ശ്ലോക 142

സര്വോപാധി വിനിര്മുക്താ, സദാശിവ പതിവ്രതാ ।

സമ്പ്രദായേശ്വരീ, സാധ്വീ, ഗുരുമണ്ഡല രൂപിണീ

॥ 137 ॥

ശ്ലോക 143

കുലോത്തീര്ണാ, ഭഗാരാധ്യാ, മായാ, മധുമതീ, മഹീ ।

ഗണാമ്ബാ, ഗുഹ്യകാരാധ്യാ, കോമലാങ്ഗീ, ഗുരുപ്രിയാ

॥ 138 ॥

ശ്ലോക 144

സ്വതന്ത്രാ, സര്വതന്ത്രേശീ, ദക്ഷിണാമൂര്തി രൂപിണീ ।

സനകാദി സമാരാധ്യാ, ശിവജ്ഞാന പ്രദായിനീ

॥ 139 ॥

ശ്ലോക 145

ചിത്കലാ,ഽനന്ദകലികാ, പ്രേമരൂപാ, പ്രിയങ്കരീ ।

നാമപാരായണ പ്രീതാ, നന്ദിവിദ്യാ, നടേശ്വരീ

॥ 140 ॥

ശ്ലോക 146

മിഥ്യാ ജഗദധിഷ്ഠാനാ മുക്തിദാ, മുക്തിരൂപിണീ ।

ലാസ്യപ്രിയാ, ലയകരീ, ലജ്ജാ, രമ്ഭാദി വന്ദിതാ

॥ 141 ॥

ശ്ലോക 147

ഭവദാവ സുധാവൃഷ്ടിഃ, പാപാരണ്യ ദവാനലാ ।

ദൌര്ഭാഗ്യതൂല വാതൂലാ, ജരാധ്വാന്ത രവിപ്രഭാ

॥ 142 ॥

ശ്ലോക 148

ഭാഗ്യാബ്ധിചന്ദ്രികാ, ഭക്തചിത്തകേകി ഘനാഘനാ ।

രോഗപര്വത ദമ്ഭോലി, ര്മൃത്യുദാരു കുഠാരികാ

॥ 143 ॥

ശ്ലോക 149

മഹേശ്വരീ, മഹാകാലീ, മഹാഗ്രാസാ, മഹാഽശനാ ।

അപര്ണാ, ചണ്ഡികാ, ചണ്ഡമുണ്ഡാഽസുര നിഷൂദിനീ

॥ 144 ॥

ശ്ലോക 150

ക്ഷരാക്ഷരാത്മികാ, സര്വലോകേശീ, വിശ്വധാരിണീ ।

ത്രിവര്ഗദാത്രീ, സുഭഗാ, ത്ര്യമ്ബകാ, ത്രിഗുണാത്മികാ

॥ 145 ॥

ശ്ലോക 151

സ്വര്ഗാപവര്ഗദാ, ശുദ്ധാ, ജപാപുഷ്പ നിഭാകൃതിഃ ।

ഓജോവതീ, ദ്യുതിധരാ, യജ്ഞരൂപാ, പ്രിയവ്രതാ

॥ 146 ॥

ശ്ലോക 152

ദുരാരാധ്യാ, ദുരാദര്ഷാ, പാടലീ കുസുമപ്രിയാ ।

മഹതീ, മേരുനിലയാ, മന്ദാര കുസുമപ്രിയാ

॥ 147 ॥

ശ്ലോക 153

വീരാരാധ്യാ, വിരാഡ്രൂപാ, വിരജാ, വിശ്വതോമുഖീ ।

പ്രത്യഗ്രൂപാ, പരാകാശാ, പ്രാണദാ, പ്രാണരൂപിണീ

॥ 148 ॥

ശ്ലോക 154

മാര്താണ്ഡ ഭൈരവാരാധ്യാ, മന്ത്രിണീ ന്യസ്തരാജ്യധൂഃ ।

ത്രിപുരേശീ, ജയത്സേനാ, നിസ്ത്രൈഗുണ്യാ, പരാപരാ

॥ 149 ॥

ശ്ലോക 155

സത്യജ്ഞാനാഽനന്ദരൂപാ, സാമരസ്യ പരായണാ ।

കപര്ദിനീ, കലാമാലാ, കാമധുക്,കാമരൂപിണീ

॥ 150 ॥

ശ്ലോക 156

കലാനിധിഃ, കാവ്യകലാ, രസജ്ഞാ, രസശേവധിഃ ।

പുഷ്ടാ, പുരാതനാ, പൂജ്യാ, പുഷ്കരാ, പുഷ്കരേക്ഷണാ

॥ 151 ॥

ശ്ലോക 157

പരഞ്ജ്യോതിഃ, പരന്ധാമ, പരമാണുഃ, പരാത്പരാ ।

പാശഹസ്താ, പാശഹന്ത്രീ, പരമന്ത്ര വിഭേദിനീ

॥ 152 ॥

ശ്ലോക 158

മൂര്താ,ഽമൂര്താ,ഽനിത്യതൃപ്താ, മുനി മാനസ ഹംസികാ ।

സത്യവ്രതാ, സത്യരൂപാ, സര്വാന്തര്യാമിനീ, സതീ

॥ 153 ॥

ശ്ലോക 159

ബ്രഹ്മാണീ, ബ്രഹ്മജനനീ, ബഹുരൂപാ, ബുധാര്ചിതാ ।

പ്രസവിത്രീ, പ്രചണ്ഡാഽജ്ഞാ, പ്രതിഷ്ഠാ, പ്രകടാകൃതിഃ

॥ 154 ॥

ശ്ലോക 160

പ്രാണേശ്വരീ, പ്രാണദാത്രീ, പഞ്ചാശത്-പീഠരൂപിണീ ।

വിശൃങ്ഖലാ, വിവിക്തസ്ഥാ, വീരമാതാ, വിയത്പ്രസൂഃ

॥ 155 ॥

ശ്ലോക 161

മുകുന്ദാ, മുക്തി നിലയാ, മൂലവിഗ്രഹ രൂപിണീ ।

ഭാവജ്ഞാ, ഭവരോഗഘ്നീ ഭവചക്ര പ്രവര്തിനീ

॥ 156 ॥

ശ്ലോക 162

ഛന്ദസ്സാരാ, ശാസ്ത്രസാരാ, മന്ത്രസാരാ, തലോദരീ ।

ഉദാരകീര്തി, രുദ്ദാമവൈഭവാ, വര്ണരൂപിണീ

॥ 157 ॥

ശ്ലോക 163

ജന്മമൃത്യു ജരാതപ്ത ജന വിശ്രാന്തി ദായിനീ ।

സര്വോപനിഷ ദുദ്ഘുഷ്ടാ, ശാന്ത്യതീത കലാത്മികാ

॥ 158 ॥

ശ്ലോക 164

ഗമ്ഭീരാ, ഗഗനാന്തഃസ്ഥാ, ഗര്വിതാ, ഗാനലോലുപാ ।

കല്പനാരഹിതാ, കാഷ്ഠാ, കാന്താ, കാന്താര്ധ വിഗ്രഹാ

॥ 159 ॥

ശ്ലോക 165

കാര്യകാരണ നിര്മുക്താ, കാമകേലി തരങ്ഗിതാ ।

കനത്-കനകതാടങ്കാ, ലീലാവിഗ്രഹ ധാരിണീ

॥ 160 ॥

ശ്ലോക 166

അജാക്ഷയ വിനിര്മുക്താ, മുഗ്ധാ ക്ഷിപ്രപ്രസാദിനീ ।

അന്തര്മുഖ സമാരാധ്യാ, ബഹിര്മുഖ സുദുര്ലഭാ

॥ 161 ॥

ശ്ലോക 167

ത്രയീ, ത്രിവര്ഗ നിലയാ, ത്രിസ്ഥാ, ത്രിപുരമാലിനീ ।

നിരാമയാ, നിരാലമ്ബാ, സ്വാത്മാരാമാ, സുധാസൃതിഃ

॥ 162 ॥

ശ്ലോക 168

സംസാരപങ്ക നിര്മഗ്ന സമുദ്ധരണ പണ്ഡിതാ ।

യജ്ഞപ്രിയാ, യജ്ഞകര്ത്രീ, യജമാന സ്വരൂപിണീ

॥ 163 ॥

ശ്ലോക 169

ധര്മാധാരാ, ധനാധ്യക്ഷാ, ധനധാന്യ വിവര്ധിനീ ।

വിപ്രപ്രിയാ, വിപ്രരൂപാ, വിശ്വഭ്രമണ കാരിണീ

॥ 164 ॥

ശ്ലോക 170

വിശ്വഗ്രാസാ, വിദ്രുമാഭാ, വൈഷ്ണവീ, വിഷ്ണുരൂപിണീ ।

അയോനി, ര്യോനിനിലയാ, കൂടസ്ഥാ, കുലരൂപിണീ

॥ 165 ॥

ശ്ലോക 171

വീരഗോഷ്ഠീപ്രിയാ, വീരാ, നൈഷ്കര്മ്യാ, നാദരൂപിണീ ।

വിജ്ഞാന കലനാ, കല്യാ വിദഗ്ധാ, ബൈന്ദവാസനാ

॥ 166 ॥

ശ്ലോക 172

തത്ത്വാധികാ, തത്ത്വമയീ, തത്ത്വമര്ഥ സ്വരൂപിണീ ।

സാമഗാനപ്രിയാ, സൌമ്യാ, സദാശിവ കുടുമ്ബിനീ

॥ 167 ॥

ശ്ലോക 173

സവ്യാപസവ്യ മാര്ഗസ്ഥാ, സര്വാപദ്വി നിവാരിണീ ।

സ്വസ്ഥാ, സ്വഭാവമധുരാ, ധീരാ, ധീര സമര്ചിതാ

॥ 168 ॥

ശ്ലോക 174

ചൈതന്യാര്ഘ്യ സമാരാധ്യാ, ചൈതന്യ കുസുമപ്രിയാ ।

സദോദിതാ, സദാതുഷ്ടാ, തരുണാദിത്യ പാടലാ

॥ 169 ॥

ശ്ലോക 175

ദക്ഷിണാ, ദക്ഷിണാരാധ്യാ, ദരസ്മേര മുഖാമ്ബുജാ ।

കൌലിനീ കേവലാ,ഽനര്ഘ്യാ കൈവല്യ പദദായിനീ

॥ 170 ॥

ശ്ലോക 176

സ്തോത്രപ്രിയാ, സ്തുതിമതീ, ശ്രുതിസംസ്തുത വൈഭവാ ।

മനസ്വിനീ, മാനവതീ, മഹേശീ, മങ്ഗലാകൃതിഃ

॥ 171 ॥

ശ്ലോക 177

വിശ്വമാതാ, ജഗദ്ധാത്രീ, വിശാലാക്ഷീ, വിരാഗിണീ।

പ്രഗല്ഭാ, പരമോദാരാ, പരാമോദാ, മനോമയീ

॥ 172 ॥

ശ്ലോക 178

വ്യോമകേശീ, വിമാനസ്ഥാ, വജ്രിണീ, വാമകേശ്വരീ ।

പഞ്ചയജ്ഞപ്രിയാ, പഞ്ചപ്രേത മഞ്ചാധിശായിനീ

॥ 173 ॥

ശ്ലോക 179

പഞ്ചമീ, പഞ്ചഭൂതേശീ, പഞ്ച സങ്ഖ്യോപചാരിണീ ।

ശാശ്വതീ, ശാശ്വതൈശ്വര്യാ, ശര്മദാ, ശമ്ഭുമോഹിനീ

॥ 174 ॥

ശ്ലോക 180

ധരാ, ധരസുതാ, ധന്യാ, ധര്മിണീ, ധര്മവര്ധിനീ ।

ലോകാതീതാ, ഗുണാതീതാ, സര്വാതീതാ, ശമാത്മികാ

॥ 175 ॥

ശ്ലോക 181

ബന്ധൂക കുസുമ പ്രഖ്യാ, ബാലാ, ലീലാവിനോദിനീ ।

സുമങ്ഗലീ, സുഖകരീ, സുവേഷാഡ്യാ, സുവാസിനീ

॥ 176 ॥

ശ്ലോക 182

സുവാസിന്യര്ചനപ്രീതാ, ശോഭനാ, ശുദ്ധ മാനസാ ।

ബിന്ദു തര്പണ സന്തുഷ്ടാ, പൂര്വജാ, ത്രിപുരാമ്ബികാ

॥ 177 ॥

ശ്ലോക 183

ദശമുദ്രാ സമാരാധ്യാ, ത്രിപുരാ ശ്രീവശങ്കരീ ।

ജ്ഞാനമുദ്രാ, ജ്ഞാനഗമ്യാ, ജ്ഞാനജ്ഞേയ സ്വരൂപിണീ

॥ 178 ॥

ശ്ലോക 184

യോനിമുദ്രാ, ത്രിഖണ്ഡേശീ, ത്രിഗുണാമ്ബാ, ത്രികോണഗാ ।

അനഘാദ്ഭുത ചാരിത്രാ, വാഞ്ഛിതാര്ഥ പ്രദായിനീ

॥ 179 ॥

ശ്ലോക 185

അഭ്യാസാതി ശയജ്ഞാതാ, ഷഡധ്വാതീത രൂപിണീ ।

അവ്യാജ കരുണാമൂര്തി, രജ്ഞാനധ്വാന്ത ദീപികാ

॥ 180 ॥

ശ്ലോക 186

ആബാലഗോപ വിദിതാ, സര്വാനുല്ലങ്ഘ്യ ശാസനാ ।

ശ്രീ ചക്രരാജനിലയാ, ശ്രീമത്ത്രിപുര സുന്ദരീ

॥ 181 ॥

ശ്ലോക 187

ശ്രീ ശിവാ, ശിവശക്ത്യൈക്യ രൂപിണീ, ലലിതാമ്ബികാ ।

ഏവം ശ്രീലലിതാദേവ്യാ നാമ്നാം സാഹസ്രകം ജഗുഃ

॥ 182 ॥

ശ്ലോക 188

॥ ഇതി ശ്രീ ബ്രഹ്മാണ്ഡപുരാണേ, ഉത്തരഖണ്ഡേ, ശ്രീ ഹയഗ്രീവാഗസ്ത്യ സംവാദേ, ശ്രീലലിതാരഹസ്യനാമ ശ്രീ ലലിതാ രഹസ്യനാമ സാഹസ്രസ്തോത്ര കഥനം നാമ ദ്വിതീയോഽധ്യായഃ ॥

സിന്ധൂരാരുണ വിഗ്രഹാം ത്രിണയനാം മാണിക്യ മൌലിസ്ഫുര-

ത്താരാനായക ശേഖരാം സ്മിതമുഖീ മാപീന വക്ഷോരുഹാമ് ।

പാണിഭ്യാ മലിപൂര്ണ രത്ന ചഷകം രക്തോത്പലം ബിഭ്രതീം

സൌമ്യാം രത്നഘടസ്ഥ രക്ത ചരണാം ധ്യായേത്പരാമമ്ബികാമ് ॥