సరస్వతీ స్తోత్రమ్

సరస్వతీ స్తోత్రమ్

శ్లోక 1

యా కున్దేన్దు తుషారహారధవలా యా శుభ్రవస్త్రావృతా

యా వీణావరదణ్డమణ్డితకరా యా శ్వేతపద్మాసనా ।

యా బ్రహ్మాచ్యుత శఙ్కరప్రభృతిభిర్దేవైస్సదా పూజితా

సా మాం పాతు సరస్వతీ భగవతీ నిశ్శేషజాడ్యాపహా

శ్లోక 2

దోర్భిర్యుక్తా చతుర్భిః స్ఫటికమణినిభై రక్షమాలాన్దధానా

హస్తేనైకేన పద్మం సితమపిచ శుకం పుస్తకం చాపరేణ ।

భాసా కున్దేన్దుశఙ్ఖస్ఫటికమణినిభా భాసమానాzసమానా

సా మే వాగ్దేవతేయం నివసతు వదనే సర్వదా సుప్రసన్నా

॥ 1 ॥

శ్లోక 3

సురాసురైస్సేవితపాదపఙ్కజా కరే విరాజత్కమనీయపుస్తకా ।

విరిఞ్చిపత్నీ కమలాసనస్థితా సరస్వతీ నృత్యతు వాచి మే సదా

॥ 2 ॥

శ్లోక 4

సరస్వతీ సరసిజకేసరప్రభా తపస్వినీ సితకమలాసనప్రియా ।

ఘనస్తనీ కమలవిలోలలోచనా మనస్వినీ భవతు వరప్రసాదినీ

॥ 3 ॥

శ్లోక 5

సరస్వతి నమస్తుభ్యం వరదే కామరూపిణి ।

విద్యారమ్భం కరిష్యామి సిద్ధిర్భవతు మే సదా

॥ 4 ॥

శ్లోక 6

సరస్వతి నమస్తుభ్యం సర్వదేవి నమో నమః ।

శాన్తరూపే శశిధరే సర్వయోగే నమో నమః

॥ 5 ॥

శ్లోక 7

నిత్యానన్దే నిరాధారే నిష్కలాయై నమో నమః ।

విద్యాధరే విశాలాక్షి శుద్ధజ్ఞానే నమో నమః

॥ 6 ॥

శ్లోక 8

శుద్ధస్ఫటికరూపాయై సూక్ష్మరూపే నమో నమః ।

శబ్దబ్రహ్మి చతుర్హస్తే సర్వసిద్ధ్యై నమో నమః

॥ 7 ॥

శ్లోక 9

ముక్తాలఙ్కృత సర్వాఙ్గ్యై మూలాధారే నమో నమః ।

మూలమన్త్రస్వరూపాయై మూలశక్త్యై నమో నమః

॥ 8 ॥

శ్లోక 10

మనోన్మని మహాభోగే వాగీశ్వరి నమో నమః ।

వాగ్మ్యై వరదహస్తాయై వరదాయై నమో నమః

॥ 9 ॥

శ్లోక 11

వేదాయై వేదరూపాయై వేదాన్తాయై నమో నమః ।

గుణదోషవివర్జిన్యై గుణదీప్త్యై నమో నమః

॥ 10 ॥

శ్లోక 12

సర్వజ్ఞానే సదానన్దే సర్వరూపే నమో నమః ।

సమ్పన్నాయై కుమార్యై చ సర్వజ్ఞే తే నమో నమః

॥ 11 ॥

శ్లోక 13

యోగానార్య ఉమాదేవ్యై యోగానన్దే నమో నమః ।

దివ్యజ్ఞాన త్రినేత్రాయై దివ్యమూర్త్యై నమో నమః

॥ 12 ॥

శ్లోక 14

అర్ధచన్ద్రజటాధారి చన్ద్రబిమ్బే నమో నమః ।

చన్ద్రాదిత్యజటాధారి చన్ద్రబిమ్బే నమో నమః

॥ 13 ॥

శ్లోక 15

అణురూపే మహారూపే విశ్వరూపే నమో నమః ।

అణిమాద్యష్టసిద్ధాయై ఆనన్దాయై నమో నమః

॥ 14 ॥

శ్లోక 16

జ్ఞాన విజ్ఞాన రూపాయై జ్ఞానమూర్తే నమో నమః ।

నానాశాస్త్ర స్వరూపాయై నానారూపే నమో నమః

॥ 15 ॥

శ్లోక 17

పద్మజా పద్మవంశా చ పద్మరూపే నమో నమః ।

పరమేష్ఠ్యై పరామూర్త్యై నమస్తే పాపనాశినీ

॥ 16 ॥

శ్లోక 18

మహాదేవ్యై మహాకాల్యై మహాలక్ష్మ్యై నమో నమః ।

బ్రహ్మవిష్ణుశివాయై చ బ్రహ్మనార్యై నమో నమః

॥ 17 ॥

శ్లోక 19

కమలాకరపుష్పా చ కామరూపే నమో నమః ।

కపాలికర్మదీప్తాయై కర్మదాయై నమో నమః

॥ 18 ॥

శ్లోక 20

సాయం ప్రాతః పఠేన్నిత్యం షణ్మాసాత్సిద్ధిరుచ్యతే ।

చోరవ్యాఘ్రభయం నాస్తి పఠతాం శృణ్వతామపి

॥ 19 ॥

శ్లోక 21

ఇత్థం సరస్వతీ స్తోత్రమగస్త్యముని వాచకమ్ ।

సర్వసిద్ధికరం నౄణాం సర్వపాపప్రణాశనమ్

॥ 20 ॥

శ్లోక 22