ಸರಸ್ವತೀ ಸ್ತೋತ್ರಮ್

ಸರಸ್ವತೀ ಸ್ತೋತ್ರಮ್

ಶ್ಲೋಕ 1

ಯಾ ಕುನ್ದೇನ್ದು ತುಷಾರಹಾರಧವಲಾ ಯಾ ಶುಭ್ರವಸ್ತ್ರಾವೃತಾ

ಯಾ ವೀಣಾವರದಣ್ಡಮಣ್ಡಿತಕರಾ ಯಾ ಶ್ವೇತಪದ್ಮಾಸನಾ ।

ಯಾ ಬ್ರಹ್ಮಾಚ್ಯುತ ಶಙ್ಕರಪ್ರಭೃತಿಭಿರ್ದೇವೈಸ್ಸದಾ ಪೂಜಿತಾ

ಸಾ ಮಾಂ ಪಾತು ಸರಸ್ವತೀ ಭಗವತೀ ನಿಶ್ಶೇಷಜಾಡ್ಯಾಪಹಾ

ಶ್ಲೋಕ 2

ದೋರ್ಭಿರ್ಯುಕ್ತಾ ಚತುರ್ಭಿಃ ಸ್ಫಟಿಕಮಣಿನಿಭೈ ರಕ್ಷಮಾಲಾನ್ದಧಾನಾ

ಹಸ್ತೇನೈಕೇನ ಪದ್ಮಂ ಸಿತಮಪಿಚ ಶುಕಂ ಪುಸ್ತಕಂ ಚಾಪರೇಣ ।

ಭಾಸಾ ಕುನ್ದೇನ್ದುಶಙ್ಖಸ್ಫಟಿಕಮಣಿನಿಭಾ ಭಾಸಮಾನಾzಸಮಾನಾ

ಸಾ ಮೇ ವಾಗ್ದೇವತೇಯಂ ನಿವಸತು ವದನೇ ಸರ್ವದಾ ಸುಪ್ರಸನ್ನಾ

॥ 1 ॥

ಶ್ಲೋಕ 3

ಸುರಾಸುರೈಸ್ಸೇವಿತಪಾದಪಙ್ಕಜಾ ಕರೇ ವಿರಾಜತ್ಕಮನೀಯಪುಸ್ತಕಾ ।

ವಿರಿಞ್ಚಿಪತ್ನೀ ಕಮಲಾಸನಸ್ಥಿತಾ ಸರಸ್ವತೀ ನೃತ್ಯತು ವಾಚಿ ಮೇ ಸದಾ

॥ 2 ॥

ಶ್ಲೋಕ 4

ಸರಸ್ವತೀ ಸರಸಿಜಕೇಸರಪ್ರಭಾ ತಪಸ್ವಿನೀ ಸಿತಕಮಲಾಸನಪ್ರಿಯಾ ।

ಘನಸ್ತನೀ ಕಮಲವಿಲೋಲಲೋಚನಾ ಮನಸ್ವಿನೀ ಭವತು ವರಪ್ರಸಾದಿನೀ

॥ 3 ॥

ಶ್ಲೋಕ 5

ಸರಸ್ವತಿ ನಮಸ್ತುಭ್ಯಂ ವರದೇ ಕಾಮರೂಪಿಣಿ ।

ವಿದ್ಯಾರಮ್ಭಂ ಕರಿಷ್ಯಾಮಿ ಸಿದ್ಧಿರ್ಭವತು ಮೇ ಸದಾ

॥ 4 ॥

ಶ್ಲೋಕ 6

ಸರಸ್ವತಿ ನಮಸ್ತುಭ್ಯಂ ಸರ್ವದೇವಿ ನಮೋ ನಮಃ ।

ಶಾನ್ತರೂಪೇ ಶಶಿಧರೇ ಸರ್ವಯೋಗೇ ನಮೋ ನಮಃ

॥ 5 ॥

ಶ್ಲೋಕ 7

ನಿತ್ಯಾನನ್ದೇ ನಿರಾಧಾರೇ ನಿಷ್ಕಲಾಯೈ ನಮೋ ನಮಃ ।

ವಿದ್ಯಾಧರೇ ವಿಶಾಲಾಕ್ಷಿ ಶುದ್ಧಜ್ಞಾನೇ ನಮೋ ನಮಃ

॥ 6 ॥

ಶ್ಲೋಕ 8

ಶುದ್ಧಸ್ಫಟಿಕರೂಪಾಯೈ ಸೂಕ್ಷ್ಮರೂಪೇ ನಮೋ ನಮಃ ।

ಶಬ್ದಬ್ರಹ್ಮಿ ಚತುರ್ಹಸ್ತೇ ಸರ್ವಸಿದ್ಧ್ಯೈ ನಮೋ ನಮಃ

॥ 7 ॥

ಶ್ಲೋಕ 9

ಮುಕ್ತಾಲಙ್ಕೃತ ಸರ್ವಾಙ್ಗ್ಯೈ ಮೂಲಾಧಾರೇ ನಮೋ ನಮಃ ।

ಮೂಲಮನ್ತ್ರಸ್ವರೂಪಾಯೈ ಮೂಲಶಕ್ತ್ಯೈ ನಮೋ ನಮಃ

॥ 8 ॥

ಶ್ಲೋಕ 10

ಮನೋನ್ಮನಿ ಮಹಾಭೋಗೇ ವಾಗೀಶ್ವರಿ ನಮೋ ನಮಃ ।

ವಾಗ್ಮ್ಯೈ ವರದಹಸ್ತಾಯೈ ವರದಾಯೈ ನಮೋ ನಮಃ

॥ 9 ॥

ಶ್ಲೋಕ 11

ವೇದಾಯೈ ವೇದರೂಪಾಯೈ ವೇದಾನ್ತಾಯೈ ನಮೋ ನಮಃ ।

ಗುಣದೋಷವಿವರ್ಜಿನ್ಯೈ ಗುಣದೀಪ್ತ್ಯೈ ನಮೋ ನಮಃ

॥ 10 ॥

ಶ್ಲೋಕ 12

ಸರ್ವಜ್ಞಾನೇ ಸದಾನನ್ದೇ ಸರ್ವರೂಪೇ ನಮೋ ನಮಃ ।

ಸಮ್ಪನ್ನಾಯೈ ಕುಮಾರ್ಯೈ ಚ ಸರ್ವಜ್ಞೇ ತೇ ನಮೋ ನಮಃ

॥ 11 ॥

ಶ್ಲೋಕ 13

ಯೋಗಾನಾರ್ಯ ಉಮಾದೇವ್ಯೈ ಯೋಗಾನನ್ದೇ ನಮೋ ನಮಃ ।

ದಿವ್ಯಜ್ಞಾನ ತ್ರಿನೇತ್ರಾಯೈ ದಿವ್ಯಮೂರ್ತ್ಯೈ ನಮೋ ನಮಃ

॥ 12 ॥

ಶ್ಲೋಕ 14

ಅರ್ಧಚನ್ದ್ರಜಟಾಧಾರಿ ಚನ್ದ್ರಬಿಮ್ಬೇ ನಮೋ ನಮಃ ।

ಚನ್ದ್ರಾದಿತ್ಯಜಟಾಧಾರಿ ಚನ್ದ್ರಬಿಮ್ಬೇ ನಮೋ ನಮಃ

॥ 13 ॥

ಶ್ಲೋಕ 15

ಅಣುರೂಪೇ ಮಹಾರೂಪೇ ವಿಶ್ವರೂಪೇ ನಮೋ ನಮಃ ।

ಅಣಿಮಾದ್ಯಷ್ಟಸಿದ್ಧಾಯೈ ಆನನ್ದಾಯೈ ನಮೋ ನಮಃ

॥ 14 ॥

ಶ್ಲೋಕ 16

ಜ್ಞಾನ ವಿಜ್ಞಾನ ರೂಪಾಯೈ ಜ್ಞಾನಮೂರ್ತೇ ನಮೋ ನಮಃ ।

ನಾನಾಶಾಸ್ತ್ರ ಸ್ವರೂಪಾಯೈ ನಾನಾರೂಪೇ ನಮೋ ನಮಃ

॥ 15 ॥

ಶ್ಲೋಕ 17

ಪದ್ಮಜಾ ಪದ್ಮವಂಶಾ ಚ ಪದ್ಮರೂಪೇ ನಮೋ ನಮಃ ।

ಪರಮೇಷ್ಠ್ಯೈ ಪರಾಮೂರ್ತ್ಯೈ ನಮಸ್ತೇ ಪಾಪನಾಶಿನೀ

॥ 16 ॥

ಶ್ಲೋಕ 18

ಮಹಾದೇವ್ಯೈ ಮಹಾಕಾಲ್ಯೈ ಮಹಾಲಕ್ಷ್ಮ್ಯೈ ನಮೋ ನಮಃ ।

ಬ್ರಹ್ಮವಿಷ್ಣುಶಿವಾಯೈ ಚ ಬ್ರಹ್ಮನಾರ್ಯೈ ನಮೋ ನಮಃ

॥ 17 ॥

ಶ್ಲೋಕ 19

ಕಮಲಾಕರಪುಷ್ಪಾ ಚ ಕಾಮರೂಪೇ ನಮೋ ನಮಃ ।

ಕಪಾಲಿಕರ್ಮದೀಪ್ತಾಯೈ ಕರ್ಮದಾಯೈ ನಮೋ ನಮಃ

॥ 18 ॥

ಶ್ಲೋಕ 20

ಸಾಯಂ ಪ್ರಾತಃ ಪಠೇನ್ನಿತ್ಯಂ ಷಣ್ಮಾಸಾತ್ಸಿದ್ಧಿರುಚ್ಯತೇ ।

ಚೋರವ್ಯಾಘ್ರಭಯಂ ನಾಸ್ತಿ ಪಠತಾಂ ಶೃಣ್ವತಾಮಪಿ

॥ 19 ॥

ಶ್ಲೋಕ 21

ಇತ್ಥಂ ಸರಸ್ವತೀ ಸ್ತೋತ್ರಮಗಸ್ತ್ಯಮುನಿ ವಾಚಕಮ್ ।

ಸರ್ವಸಿದ್ಧಿಕರಂ ನೄಣಾಂ ಸರ್ವಪಾಪಪ್ರಣಾಶನಮ್

॥ 20 ॥

ಶ್ಲೋಕ 22