ഗായത്രീ കവചമ്

ഗായത്രീ കവചമ്

ശ്ലോക 1

നാരദ ഉവാച

സ്വാമിന് സര്വജഗന്നാധ സംശയോഽസ്തി മമ പ്രഭോ

ചതുഷഷ്ടി കലാഭിജ്ഞ പാതകാ ദ്യോഗവിദ്വര

മുച്യതേ കേന പുണ്യേന ബ്രഹ്മരൂപഃ കഥം ഭവേത്

ദേഹശ്ച ദേവതാരൂപോ മന്ത്ര രൂപോ വിശേഷതഃ

കര്മത ച്ഛ്രോതു മിച്ഛാമി ന്യാസം ച വിധിപൂര്വകമ്

ഋഷി ശ്ഛന്ദോഽധി ദൈവഞ്ച ധ്യാനം ച വിധിവ ത്പ്രഭോ

നാരായണ ഉവാച

അസ്യ്തേകം പരമം ഗുഹ്യം ഗായത്രീ കവചം തഥാ

പഠനാ ദ്ധാരണാ ന്മര്ത്യ സ്സര്വപാപൈഃ പ്രമുച്യതേ

സര്വാങ്കാമാനവാപ്നോതി ദേവീ രൂപശ്ച ജായതേ

ഗായത്ത്രീ കവചസ്യാസ്യ ബ്രഹ്മവിഷ്ണുമഹേശ്വരാഃ

ഋഷയോ ഋഗ്യജുസ്സാമാഥര്വ ച്ഛന്ദാംസി നാരദ

ബ്രഹ്മരൂപാ ദേവതോക്താ ഗായത്രീ പരമാ കലാ

തദ്ബീജം ഭര്ഗ ഇത്യേഷാ ശക്തി രുക്താ മനീഷിഭിഃ

കീലകഞ്ച ധിയഃ പ്രോക്തം മോക്ഷാര്ധേ വിനിയോജനമ്

ചതുര്ഭിര്ഹൃദയം പ്രോക്തം ത്രിഭി ര്വര്ണൈ ശ്ശിര സ്സ്മൃതമ്

ചതുര്ഭിസ്സ്യാച്ഛിഖാ പശ്ചാത്ത്രിഭിസ്തു കവചം സ്സ്മുതമ്

ചതുര്ഭി ര്നേത്ര മുദ്ധിഷ്ടം ചതുര്ഭിസ്സ്യാത്തദസ്ര്തകമ്

അഥ ധ്യാനം പ്രവക്ഷ്യാമി സാധകാഭീഷ്ടദായകമ്

മുക്താ വിദ്രുമ ഹേമനീല ധവല ച്ഛായൈര്മുഖൈ സ്ത്രീക്ഷണൈഃ

യുക്താമിന്ദു നിബദ്ധ രത്ന മകുടാം തത്വാര്ധ വര്ണാത്മികാമ് ।

ഗായത്ത്രീം വരദാഭയാം കുശകശാശ്ശുഭ്രം കപാലം ഗദാം

ശങ്ഖം ചക്ര മഥാരവിന്ദ യുഗലം ഹസ്തൈര്വഹന്തീം ഭജേ ॥

ഗായത്ത്രീ പൂര്വതഃ പാതു സാവിത്രീ പാതു ദക്ഷിണേ

ബ്രഹ്മ സന്ധ്യാതു മേ പശ്ചാദുത്തരായാം സരസ്വതീ

പാര്വതീ മേ ദിശം രാക്ഷേ ത്പാവകീം ജലശായിനീ

യാതൂധാനീം ദിശം രക്ഷേ ദ്യാതുധാനഭയങ്കരീ

പാവമാനീം ദിശം രക്ഷേത്പവമാന വിലാസിനീ

ദിശം രൌദ്രീഞ്ച മേ പാതു രുദ്രാണീ രുദ്ര രൂപിണീ

ഊര്ധ്വം ബ്രഹ്മാണീ മേ രക്ഷേ ദധസ്താ ദ്വൈഷ്ണവീ തഥാ

ഏവം ദശ ദിശോ രക്ഷേ ത്സര്വാങ്ഗം ഭുവനേശ്വരീ

തത്പദം പാതു മേ പാദൌ ജങ്ഘേ മേ സവിതുഃപദമ്

വരേണ്യം കടി ദേശേതു നാഭിം ഭര്ഗ സ്തഥൈവച

ദേവസ്യ മേ തദ്ധൃദയം ധീമഹീതി ച ഗല്ലയോഃ

ധിയഃ പദം ച മേ നേത്രേ യഃ പദം മേ ലലാടകമ്

നഃ പദം പാതു മേ മൂര്ധ്നി ശിഖായാം മേ പ്രചോദയാത്

തത്പദം പാതു മൂര്ധാനം സകാരഃ പാതു ഫാലകമ്

ചക്ഷുഷീതു വികാരാര്ണോ തുകാരസ്തു കപോലയോഃ

നാസാപുടം വകാരാര്ണോ രകാരസ്തു മുഖേ തഥാ

ണികാര ഊര്ധ്വ മോഷ്ഠന്തു യകാരസ്ത്വധരോഷ്ഠകമ്

ആസ്യമധ്യേ ഭകാരാര്ണോ ഗോകാര ശ്ചുബുകേ തഥാ

ദേകാരഃ കണ്ഠ ദേശേതു വകാര സ്സ്കന്ധ ദേശകമ്

സ്യകാരോ ദക്ഷിണം ഹസ്തം ധീകാരോ വാമ ഹസ്തകമ്

മകാരോ ഹൃദയം രക്ഷേദ്ധികാര ഉദരേ തഥാ

ധികാരോ നാഭി ദേശേതു യോകാരസ്തു കടിം തഥാ

ഗുഹ്യം രക്ഷതു യോകാര ഊരൂ ദ്വൌ നഃ പദാക്ഷരമ്

പ്രകാരോ ജാനുനീ രക്ഷേ ച്ഛോകാരോ ജങ്ഘ ദേശകമ്

ദകാരം ഗുല്ഫ ദേശേതു യാകാരഃ പദയുഗ്മകമ്

തകാര വ്യഞ്ജനം ചൈവ സര്വാങ്ഗേ മേ സദാവതു

ഇദന്തു കവചം ദിവ്യം ബാധാ ശത വിനാശനമ്

ചതുഷ്ഷഷ്ടി കലാ വിദ്യാദായകം മോക്ഷകാരകമ്

മുച്യതേ സര്വ പാപേഭ്യഃ പരം ബ്രഹ്മാധിഗച്ഛതി

പഠനാ ച്ഛ്രവണാ ദ്വാപി ഗോ സഹസ്ര ഫലം ലഭേത്

ശ്രീ ദേവീഭാഗവതാന്തര്ഗത ഗായത്ത്രീ കവചം സമ്പൂര്ണം