ગાયત્રી કવચમ્

ગાયત્રી કવચમ્

શ્લોક 1

નારદ ઉવાચ

સ્વામિન્ સર્વજગન્નાધ સંશયોઽસ્તિ મમ પ્રભો

ચતુષષ્ટિ કલાભિજ્ઞ પાતકા દ્યોગવિદ્વર

મુચ્યતે કેન પુણ્યેન બ્રહ્મરૂપઃ કથં ભવેત્

દેહશ્ચ દેવતારૂપો મન્ત્ર રૂપો વિશેષતઃ

કર્મત ચ્છ્રોતુ મિચ્છામિ ન્યાસં ચ વિધિપૂર્વકમ્

ઋષિ શ્છન્દોઽધિ દૈવઞ્ચ ધ્યાનં ચ વિધિવ ત્પ્રભો

નારાયણ ઉવાચ

અસ્ય્તેકં પરમં ગુહ્યં ગાયત્રી કવચં તથા

પઠના દ્ધારણા ન્મર્ત્ય સ્સર્વપાપૈઃ પ્રમુચ્યતે

સર્વાઙ્કામાનવાપ્નોતિ દેવી રૂપશ્ચ જાયતે

ગાયત્ત્રી કવચસ્યાસ્ય બ્રહ્મવિષ્ણુમહેશ્વરાઃ

ઋષયો ઋગ્યજુસ્સામાથર્વ ચ્છન્દાંસિ નારદ

બ્રહ્મરૂપા દેવતોક્તા ગાયત્રી પરમા કલા

તદ્બીજં ભર્ગ ઇત્યેષા શક્તિ રુક્તા મનીષિભિઃ

કીલકઞ્ચ ધિયઃ પ્રોક્તં મોક્ષાર્ધે વિનિયોજનમ્

ચતુર્ભિર્હૃદયં પ્રોક્તં ત્રિભિ ર્વર્ણૈ શ્શિર સ્સ્મૃતમ્

ચતુર્ભિસ્સ્યાચ્છિખા પશ્ચાત્ત્રિભિસ્તુ કવચં સ્સ્મુતમ્

ચતુર્ભિ ર્નેત્ર મુદ્ધિષ્ટં ચતુર્ભિસ્સ્યાત્તદસ્ર્તકમ્

અથ ધ્યાનં પ્રવક્ષ્યામિ સાધકાભીષ્ટદાયકમ્

મુક્તા વિદ્રુમ હેમનીલ ધવલ ચ્છાયૈર્મુખૈ સ્ત્રીક્ષણૈઃ

યુક્તામિન્દુ નિબદ્ધ રત્ન મકુટાં તત્વાર્ધ વર્ણાત્મિકામ્ ।

ગાયત્ત્રીં વરદાભયાં કુશકશાશ્શુભ્રં કપાલં ગદાં

શઙ્ખં ચક્ર મથારવિન્દ યુગલં હસ્તૈર્વહન્તીં ભજે ॥

ગાયત્ત્રી પૂર્વતઃ પાતુ સાવિત્રી પાતુ દક્ષિણે

બ્રહ્મ સન્ધ્યાતુ મે પશ્ચાદુત્તરાયાં સરસ્વતી

પાર્વતી મે દિશં રાક્ષે ત્પાવકીં જલશાયિની

યાતૂધાનીં દિશં રક્ષે દ્યાતુધાનભયઙ્કરી

પાવમાનીં દિશં રક્ષેત્પવમાન વિલાસિની

દિશં રૌદ્રીઞ્ચ મે પાતુ રુદ્રાણી રુદ્ર રૂપિણી

ઊર્ધ્વં બ્રહ્માણી મે રક્ષે દધસ્તા દ્વૈષ્ણવી તથા

એવં દશ દિશો રક્ષે ત્સર્વાઙ્ગં ભુવનેશ્વરી

તત્પદં પાતુ મે પાદૌ જઙ્ઘે મે સવિતુઃપદમ્

વરેણ્યં કટિ દેશેતુ નાભિં ભર્ગ સ્તથૈવચ

દેવસ્ય મે તદ્ધૃદયં ધીમહીતિ ચ ગલ્લયોઃ

ધિયઃ પદં ચ મે નેત્રે યઃ પદં મે લલાટકમ્

નઃ પદં પાતુ મે મૂર્ધ્નિ શિખાયાં મે પ્રચોદયાત્

તત્પદં પાતુ મૂર્ધાનં સકારઃ પાતુ ફાલકમ્

ચક્ષુષીતુ વિકારાર્ણો તુકારસ્તુ કપોલયોઃ

નાસાપુટં વકારાર્ણો રકારસ્તુ મુખે તથા

ણિકાર ઊર્ધ્વ મોષ્ઠન્તુ યકારસ્ત્વધરોષ્ઠકમ્

આસ્યમધ્યે ભકારાર્ણો ગોકાર શ્ચુબુકે તથા

દેકારઃ કણ્ઠ દેશેતુ વકાર સ્સ્કન્ધ દેશકમ્

સ્યકારો દક્ષિણં હસ્તં ધીકારો વામ હસ્તકમ્

મકારો હૃદયં રક્ષેદ્ધિકાર ઉદરે તથા

ધિકારો નાભિ દેશેતુ યોકારસ્તુ કટિં તથા

ગુહ્યં રક્ષતુ યોકાર ઊરૂ દ્વૌ નઃ પદાક્ષરમ્

પ્રકારો જાનુની રક્ષે ચ્છોકારો જઙ્ઘ દેશકમ્

દકારં ગુલ્ફ દેશેતુ યાકારઃ પદયુગ્મકમ્

તકાર વ્યઞ્જનં ચૈવ સર્વાઙ્ગે મે સદાવતુ

ઇદન્તુ કવચં દિવ્યં બાધા શત વિનાશનમ્

ચતુષ્ષષ્ટિ કલા વિદ્યાદાયકં મોક્ષકારકમ્

મુચ્યતે સર્વ પાપેભ્યઃ પરં બ્રહ્માધિગચ્છતિ

પઠના ચ્છ્રવણા દ્વાપિ ગો સહસ્ર ફલં લભેત્

શ્રી દેવીભાગવતાન્તર્ગત ગાયત્ત્રી કવચં સમ્પૂર્ણં