গাযত্রী কবচম্

গাযত্রী কবচম্

শ্লোক 1

নারদ উবাচ

স্বামিন্ সর্বজগন্নাধ সংশযোঽস্তি মম প্রভো

চতুষষ্টি কলাভিজ্ঞ পাতকা দ্যোগবিদ্বর

মুচ্যতে কেন পুণ্যেন ব্রহ্মরূপঃ কথং ভবেত্

দেহশ্চ দেবতারূপো মন্ত্র রূপো বিশেষতঃ

কর্মত চ্ছ্রোতু মিচ্ছামি ন্যাসং চ বিধিপূর্বকম্

ঋষি শ্ছন্দোঽধি দৈবঞ্চ ধ্যানং চ বিধিব ত্প্রভো

নারাযণ উবাচ

অস্য্তেকং পরমং গুহ্যং গাযত্রী কবচং তথা

পঠনা দ্ধারণা ন্মর্ত্য স্সর্বপাপৈঃ প্রমুচ্যতে

সর্বাঙ্কামানবাপ্নোতি দেবী রূপশ্চ জাযতে

গাযত্ত্রী কবচস্যাস্য ব্রহ্মবিষ্ণুমহেশ্বরাঃ

ঋষযো ঋগ্যজুস্সামাথর্ব চ্ছন্দাংসি নারদ

ব্রহ্মরূপা দেবতোক্তা গাযত্রী পরমা কলা

তদ্বীজং ভর্গ ইত্যেষা শক্তি রুক্তা মনীষিভিঃ

কীলকঞ্চ ধিযঃ প্রোক্তং মোক্ষার্ধে বিনিযোজনম্

চতুর্ভির্হৃদযং প্রোক্তং ত্রিভি র্বর্ণৈ শ্শির স্স্মৃতম্

চতুর্ভিস্স্যাচ্ছিখা পশ্চাত্ত্রিভিস্তু কবচং স্স্মুতম্

চতুর্ভি র্নেত্র মুদ্ধিষ্টং চতুর্ভিস্স্যাত্তদস্র্তকম্

অথ ধ্যানং প্রবক্ষ্যামি সাধকাভীষ্টদাযকম্

মুক্তা বিদ্রুম হেমনীল ধবল চ্ছাযৈর্মুখৈ স্ত্রীক্ষণৈঃ

যুক্তামিন্দু নিবদ্ধ রত্ন মকুটাং তত্বার্ধ বর্ণাত্মিকাম্ ।

গাযত্ত্রীং বরদাভযাং কুশকশাশ্শুভ্রং কপালং গদাং

শঙ্খং চক্র মথারবিন্দ যুগলং হস্তৈর্বহন্তীং ভজে ॥

গাযত্ত্রী পূর্বতঃ পাতু সাবিত্রী পাতু দক্ষিণে

ব্রহ্ম সন্ধ্যাতু মে পশ্চাদুত্তরাযাং সরস্বতী

পার্বতী মে দিশং রাক্ষে ত্পাবকীং জলশাযিনী

যাতূধানীং দিশং রক্ষে দ্যাতুধানভযঙ্করী

পাবমানীং দিশং রক্ষেত্পবমান বিলাসিনী

দিশং রৌদ্রীঞ্চ মে পাতু রুদ্রাণী রুদ্র রূপিণী

ঊর্ধ্বং ব্রহ্মাণী মে রক্ষে দধস্তা দ্বৈষ্ণবী তথা

এবং দশ দিশো রক্ষে ত্সর্বাঙ্গং ভুবনেশ্বরী

তত্পদং পাতু মে পাদৌ জঙ্ঘে মে সবিতুঃপদম্

বরেণ্যং কটি দেশেতু নাভিং ভর্গ স্তথৈবচ

দেবস্য মে তদ্ধৃদযং ধীমহীতি চ গল্লযোঃ

ধিযঃ পদং চ মে নেত্রে যঃ পদং মে ললাটকম্

নঃ পদং পাতু মে মূর্ধ্নি শিখাযাং মে প্রচোদযাত্

তত্পদং পাতু মূর্ধানং সকারঃ পাতু ফালকম্

চক্ষুষীতু বিকারার্ণো তুকারস্তু কপোলযোঃ

নাসাপুটং বকারার্ণো রকারস্তু মুখে তথা

ণিকার ঊর্ধ্ব মোষ্ঠন্তু যকারস্ত্বধরোষ্ঠকম্

আস্যমধ্যে ভকারার্ণো গোকার শ্চুবুকে তথা

দেকারঃ কণ্ঠ দেশেতু বকার স্স্কন্ধ দেশকম্

স্যকারো দক্ষিণং হস্তং ধীকারো বাম হস্তকম্

মকারো হৃদযং রক্ষেদ্ধিকার উদরে তথা

ধিকারো নাভি দেশেতু যোকারস্তু কটিং তথা

গুহ্যং রক্ষতু যোকার ঊরূ দ্বৌ নঃ পদাক্ষরম্

প্রকারো জানুনী রক্ষে চ্ছোকারো জঙ্ঘ দেশকম্

দকারং গুল্ফ দেশেতু যাকারঃ পদযুগ্মকম্

তকার ব্যঞ্জনং চৈব সর্বাঙ্গে মে সদাবতু

ইদন্তু কবচং দিব্যং বাধা শত বিনাশনম্

চতুষ্ষষ্টি কলা বিদ্যাদাযকং মোক্ষকারকম্

মুচ্যতে সর্ব পাপেভ্যঃ পরং ব্রহ্মাধিগচ্ছতি

পঠনা চ্ছ্রবণা দ্বাপি গো সহস্র ফলং লভেত্

শ্রী দেবীভাগবতান্তর্গত গাযত্ত্রী কবচং সম্পূর্ণং