శ్రీ రామాష్టకం (రామ అష్టకం)

శ్రీ రామాష్టకం (రామ అష్టకం)

శ్లోక 1

భజే విశేషసున్దరం సమస్తపాపఖణ్డనమ్ ।

స్వభక్తచిత్తరఞ్జనం సదైవ రామమద్వయమ్

శ్లోక 2

జటాకలాపశోభితం సమస్తపాపనాశకమ్ ।

స్వభక్తభీతిభఞ్జనం భజే హ రామమద్వయమ్

॥ 1 ॥

శ్లోక 3

నిజస్వరూపబోధకం కృపాకరం భవాఽపహమ్ ।

సమం శివం నిరఞ్జనం భజే హ రామమద్వయమ్

॥ 2 ॥

శ్లోక 4

సదా ప్రపఞ్చకల్పితం హ్యనామరూపవాస్తవమ్ ।

నిరాకృతిం నిరామయం భజే హ రామమద్వయమ్

॥ 3 ॥

శ్లోక 5

నిష్ప్రపఞ్చ నిర్వికల్ప నిర్మలం నిరామయమ్ ।

చిదేకరూపసన్తతం భజే హ రామమద్వయమ్

॥ 4 ॥

శ్లోక 6

భవాబ్ధిపోతరూపకం హ్యశేషదేహకల్పితమ్ ।

గుణాకరం కృపాకరం భజే హ రామమద్వయమ్

॥ 5 ॥

శ్లోక 7

మహాసువాక్యబోధకైర్విరాజమానవాక్పదైః ।

పరం చ బ్రహ్మ వ్యాపకం భజే హ రామమద్వయమ్

॥ 6 ॥

శ్లోక 8

శివప్రదం సుఖప్రదం భవచ్ఛిదం భ్రమాపహమ్ ।

విరాజమానదైశికం భజే హ రామమద్వయమ్

॥ 7 ॥

శ్లోక 9

రామాష్టకం పఠతి యః సుఖదం సుపుణ్యం

వ్యాసేన భాషితమిదం శృణుతే మనుష్యః ।

విద్యాం శ్రియం విపులసౌఖ్యమనన్తకీర్తిం

సమ్ప్రాప్య దేహవిలయే లభతే చ మోక్షమ్

॥ 8 ॥

శ్లోక 10

ఇతి శ్రీవ్యాస ప్రోక్త శ్రీరామాష్టకమ్ ।