ശ്രീ രാമാഷ്ടോത്തര ശതനാമ സ്തോത്രമ്

ശ്രീ രാമാഷ്ടോത്തര ശതനാമ സ്തോത്രമ്

ശ്ലോക 1

ശ്രീരാമോ രാമഭദ്രശ്ച രാമചന്ദ്രശ്ച ശാശ്വതഃ ।

രാജീവലോചനഃ ശ്രീമാന്രാജേന്ദ്രോ രഘുപുങ്ഗവഃ

ശ്ലോക 2

ജാനകീവല്ലഭോ ജൈത്രോ ജിതാമിത്രോ ജനാര്ദനഃ ।

വിശ്വാമിത്രപ്രിയോ ദാന്തഃ ശരണത്രാണതത്പരഃ

॥ 1 ॥

ശ്ലോക 3

വാലിപ്രമഥനോ വാഗ്മീ സത്യവാക്സത്യവിക്രമഃ ।

സത്യവ്രതോ വ്രതധരഃ സദാഹനുമദാശ്രിതഃ

॥ 2 ॥

ശ്ലോക 4

കൌസലേയഃ ഖരധ്വംസീ വിരാധവധപണ്ഡിതഃ ।

വിഭീഷണപരിത്രാതാ ഹരകോദണ്ഡഖണ്ഡനഃ

॥ 3 ॥

ശ്ലോക 5

സപ്തതാലപ്രഭേത്താ ച ദശഗ്രീവശിരോഹരഃ ।

ജാമദഗ്ന്യമഹാദര്പദലനസ്താടകാന്തകഃ

॥ 4 ॥

ശ്ലോക 6

വേദാന്തസാരോ വേദാത്മാ ഭവരോഗസ്യ ഭേഷജമ് ।

ദൂഷണത്രിശിരോഹന്താ ത്രിമൂര്തിസ്ത്രിഗുണാത്മകഃ

॥ 5 ॥

ശ്ലോക 7

ത്രിവിക്രമസ്ത്രിലോകാത്മാ പുണ്യചാരിത്രകീര്തനഃ ।

ത്രിലോകരക്ഷകോ ധന്വീ ദണ്ഡകാരണ്യകര്തനഃ

॥ 6 ॥

ശ്ലോക 8

അഹല്യാശാപശമനഃ പിതൃഭക്തോ വരപ്രദഃ ।

ജിതേന്ദ്രിയോ ജിതക്രോധോ ജിതാമിത്രോ ജഗദ്ഗുരുഃ

॥ 7 ॥

ശ്ലോക 9

ഋക്ഷവാനരസങ്ഘാതീ ചിത്രകൂടസമാശ്രയഃ ।

ജയന്തത്രാണവരദഃ സുമിത്രാപുത്രസേവിതഃ

॥ 8 ॥

ശ്ലോക 10

സര്വദേവാദിദേവശ്ച മൃതവാനരജീവനഃ ।

മായാമാരീചഹന്താ ച മഹാദേവോ മഹാഭുജഃ

॥ 9 ॥

ശ്ലോക 11

സര്വദേവസ്തുതഃ സൌമ്യോ ബ്രഹ്മണ്യോ മുനിസംസ്തുതഃ ।

മഹായോഗീ മഹോദാരഃ സുഗ്രീവേപ്സിതരാജ്യദഃ

॥ 10 ॥

ശ്ലോക 12

സര്വപുണ്യാധികഫലഃ സ്മൃതസര്വാഘനാശനഃ ।

ആദിപുരുഷഃ പരമപുരുഷോ മഹാപൂരുഷ ഏവ ച

॥ 11 ॥

ശ്ലോക 13

പുണ്യോദയോ ദയാസാരഃ പുരാണപുരുഷോത്തമഃ ।

സ്മിതവക്ത്രോ മിതാഭാഷീ പൂര്വഭാഷീ ച രാഘവഃ

॥ 12 ॥

ശ്ലോക 14

അനന്തഗുണഗമ്ഭീരോ ധീരോദാത്തഗുണോത്തമഃ ।

മായാമാനുഷചാരിത്രോ മഹാദേവാദിപൂജിതഃ

॥ 13 ॥

ശ്ലോക 15

സേതുകൃജ്ജിതവാരാശിഃ സര്വതീര്ഥമയോ ഹരിഃ ।

ശ്യാമാങ്ഗഃ സുന്ദരഃ ശൂരഃ പീതവാസാ ധനുര്ധരഃ

॥ 14 ॥

ശ്ലോക 16

സര്വയജ്ഞാധിപോ യജ്വാ ജരാമരണവര്ജിതഃ ।

ശിവലിങ്ഗപ്രതിഷ്ഠാതാ സര്വാവഗുണവര്ജിതഃ

॥ 15 ॥

ശ്ലോക 17

പരമാത്മാ പരം ബ്രഹ്മ സച്ചിദാനന്ദവിഗ്രഹഃ ।

പരഞ്ജ്യോതിഃ പരന്ധാമ പരാകാശഃ പരാത്പരഃ

॥ 16 ॥

ശ്ലോക 18

പരേശഃ പാരഗഃ പാരഃ സര്വദേവാത്മകഃ പരഃ ॥

ഏവം ശ്രീരാമചന്ദ്രസ്യ നാമ്നാമഷ്ടോത്തരം ശതമ്

ഇതി ശ്രീ രാമാഷ്ടോത്തര ശതനാമസ്തോത്രം സമ്പൂര്ണമ്