શ્રી રામ આપદુદ્ધારક સ્તોત્રમ્

શ્રી રામ આપદુદ્ધારક સ્તોત્રમ્

શ્લોક 1

આપદામપહર્તારં દાતારં સર્વસમ્પદામ્ ।

લોકાભિરામં શ્રીરામં ભૂયો ભૂયો નમામ્યહમ્ ॥

નમઃ કોદણ્ડહસ્તાય સન્ધીકૃતશરાય ચ ।

દણ્ડિતાખિલદૈત્યાય રામાયાપન્નિવારિણે

શ્લોક 2

આપન્નજનરક્ષૈકદીક્ષાયામિતતેજસે ।

નમોઽસ્તુ વિષ્ણવે તુભ્યં રામાયાપન્નિવારિણે

॥ 1 ॥

શ્લોક 3

પદામ્ભોજરજસ્સ્પર્શપવિત્રમુનિયોષિતે ।

નમોઽસ્તુ સીતાપતયે રામાયાપન્નિવારિણે

॥ 2 ॥

શ્લોક 4

દાનવેન્દ્રમહામત્તગજપઞ્ચાસ્યરૂપિણે ।

નમોઽસ્તુ રઘુનાથાય રામાયાપન્નિવારિણે

॥ 3 ॥

શ્લોક 5

મહિજાકુચસંલગ્નકુઙ્કુમારુણવક્ષસે ।

નમઃ કલ્યાણરૂપાય રામાયાપન્નિવારિણે

॥ 4 ॥

શ્લોક 6

પદ્મસમ્ભવ ભૂતેશ મુનિસંસ્તુતકીર્તયે ।

નમો માર્તાણ્ડવંશ્યાય રામાયાપન્નિવારિણે

॥ 5 ॥

શ્લોક 7

હરત્યાર્તિં ચ લોકાનાં યો વા મધુનિષૂદનઃ ।

નમોઽસ્તુ હરયે તુભ્યં રામાયાપન્નિવારિણે

॥ 6 ॥

શ્લોક 8

તાપકારણસંસારગજસિંહસ્વરૂપિણે ।

નમો વેદાન્તવેદ્યાય રામાયાપન્નિવારિણે

॥ 7 ॥

શ્લોક 9

રઙ્ગત્તરઙ્ગજલધિગર્વહૃચ્છરધારિણે ।

નમઃ પ્રતાપરૂપાય રામાયાપન્નિવારિણે

॥ 8 ॥

શ્લોક 10

દારોપહિતચન્દ્રાવતંસધ્યાતસ્વમૂર્તયે ।

નમઃ સત્યસ્વરૂપાય રામાયાપન્નિવારિણે

॥ 9 ॥

શ્લોક 11

તારાનાયકસઙ્કાશવદનાય મહૌજસે ।

નમોઽસ્તુ તાટકાહન્ત્રે રામાયાપન્નિવારિણે

॥ 10 ॥

શ્લોક 12

રમ્યસાનુલસચ્ચિત્રકૂટાશ્રમવિહારિણે ।

નમઃ સૌમિત્રિસેવ્યાય રામાયાપન્નિવારિણે

॥ 11 ॥

શ્લોક 13

સર્વદેવહિતાસક્ત દશાનનવિનાશિને ।

નમોઽસ્તુ દુઃખધ્વંસાય રામાયાપન્નિવારિણે

॥ 12 ॥

શ્લોક 14

રત્નસાનુનિવાસૈક વન્દ્યપાદામ્બુજાય ચ ।

નમસ્ત્રૈલોક્યનાથાય રામાયાપન્નિવારિણે

॥ 13 ॥

શ્લોક 15

સંસારબન્ધમોક્ષૈકહેતુધામપ્રકાશિને ।

નમઃ કલુષસંહર્ત્રે રામાયાપન્નિવારિણે

॥ 14 ॥

શ્લોક 16

પવનાશુગ સઙ્ક્ષિપ્ત મારીચાદિ સુરારયે ।

નમો મખપરિત્રાત્રે રામાયાપન્નિવારિણે

॥ 15 ॥

શ્લોક 17

દામ્ભિકેતરભક્તૌઘમહદાનન્દદાયિને ।

નમઃ કમલનેત્રાય રામાયાપન્નિવારિણે

॥ 16 ॥

શ્લોક 18

લોકત્રયોદ્વેગકર કુમ્ભકર્ણશિરશ્છિદે ।

નમો નીરદદેહાય રામાયાપન્નિવારિણે

॥ 17 ॥

શ્લોક 19

કાકાસુરૈકનયનહરલ્લીલાસ્ત્રધારિણે ।

નમો ભક્તૈકવેદ્યાય રામાયાપન્નિવારિણે

॥ 18 ॥

શ્લોક 20

ભિક્ષુરૂપસમાક્રાન્ત બલિસર્વૈકસમ્પદે ।

નમો વામનરૂપાય રામાયાપન્નિવારિણે

॥ 19 ॥

શ્લોક 21

રાજીવનેત્રસુસ્પન્દ રુચિરાઙ્ગસુરોચિષે ।

નમઃ કૈવલ્યનિધયે રામાયાપન્નિવારિણે

॥ 20 ॥

શ્લોક 22

મન્દમારુતસંવીત મન્દારદ્રુમવાસિને ।

નમઃ પલ્લવપાદાય રામાયાપન્નિવારિણે

॥ 21 ॥

શ્લોક 23

શ્રીકણ્ઠચાપદલનધુરીણબલબાહવે ।

નમઃ સીતાનુષક્તાય રામાયાપન્નિવારિણે

॥ 22 ॥

શ્લોક 24

રાજરાજસુહૃદ્યોષાર્ચિત મઙ્ગલમૂર્તયે ।

નમ ઇક્ષ્વાકુવંશ્યાય રામાયાપન્નિવારિણે

॥ 23 ॥

શ્લોક 25

મઞ્જુલાદર્શવિપ્રેક્ષણોત્સુકૈકવિલાસિને ।

નમઃ પાલિતભક્તાય રામાયાપન્નિવારિણે

॥ 24 ॥

શ્લોક 26

ભૂરિભૂધર કોદણ્ડમૂર્તિ ધ્યેયસ્વરૂપિણે ।

નમોઽસ્તુ તેજોનિધયે રામાયાપન્નિવારિણે

॥ 25 ॥

શ્લોક 27

યોગીન્દ્રહૃત્સરોજાતમધુપાય મહાત્મને ।

નમો રાજાધિરાજાય રામાયાપન્નિવારિણે

॥ 26 ॥

શ્લોક 28

ભૂવરાહસ્વરૂપાય નમો ભૂરિપ્રદાયિને ।

નમો હિરણ્યગર્ભાય રામાયાપન્નિવારિણે

॥ 27 ॥

શ્લોક 29

યોષાઞ્જલિવિનિર્મુક્ત લાજાઞ્ચિતવપુષ્મતે ।

નમઃ સૌન્દર્યનિધયે રામાયાપન્નિવારિણે

॥ 28 ॥

શ્લોક 30

નખકોટિવિનિર્ભિન્નદૈત્યાધિપતિવક્ષસે ।

નમો નૃસિંહરૂપાય રામાયાપન્નિવારિણે

॥ 29 ॥

શ્લોક 31

માયામાનુષદેહાય વેદોદ્ધરણહેતવે ।

નમોઽસ્તુ મત્સ્યરૂપાય રામાયાપન્નિવારિણે

॥ 30 ॥

શ્લોક 32

મિતિશૂન્ય મહાદિવ્યમહિમ્ને માનિતાત્મને ।

નમો બ્રહ્મસ્વરૂપાય રામાયાપન્નિવારિણે

॥ 31 ॥

શ્લોક 33

અહઙ્કારેતરજન સ્વાન્તસૌધવિહારિણે ।

નમોઽસ્તુ ચિત્સ્વરૂપાય રામાયાપન્નિવારિણે

॥ 32 ॥

શ્લોક 34

સીતાલક્ષ્મણસંશોભિપાર્શ્વાય પરમાત્મને ।

નમઃ પટ્ટાભિષિક્તાય રામાયાપન્નિવારિણે

॥ 33 ॥

શ્લોક 35

અગ્રતઃ પૃષ્ઠતશ્ચૈવ પાર્શ્વતશ્ચ મહાબલૌ ।

આકર્ણપૂર્ણધન્વાનૌ રક્ષેતાં રામલક્ષ્મણૌ

॥ 34 ॥

શ્લોક 36

સન્નદ્ધઃ કવચી ખડ્ગી ચાપબાણધરો યુવા ।

તિષ્ઠન્મમાગ્રતો નિત્યં રામઃ પાતુ સલક્ષ્મણઃ

॥ 35 ॥

શ્લોક 37

આપદામપહર્તારં દાતારં સર્વસમ્પદામ્ ।

લોકાભિરામં શ્રીરામં ભૂયો ભૂયો નમામ્યહમ્ ॥

ફલશ્રુતિ

ઇમં સ્તવં ભગવતઃ પઠેદ્યઃ પ્રીતમાનસઃ ।

પ્રભાતે વા પ્રદોષે વા રામસ્ય પરમાત્મનઃ

॥ 36 ॥

શ્લોક 38

સ તુ તીર્ત્વા ભવામ્બોધિમાપદસ્સકલાનપિ ।

રામસાયુજ્યમાપ્નોતિ દેવદેવપ્રસાદતઃ

॥ 1 ॥

શ્લોક 39

કારાગૃહાદિબાધાસુ સમ્પ્રાપ્તે બહુસઙ્કટે ।

આપન્નિવારકસ્તોત્રં પઠેદ્યસ્તુ યથાવિધિઃ

॥ 2 ॥

શ્લોક 40

સંયોજ્યાનુષ્ટુભં મન્ત્રમનુશ્લોકં સ્મરન્વિભુમ્ ।

સપ્તાહાત્સર્વબાધાભ્યો મુચ્યતે નાત્ર સંશયઃ

॥ 3 ॥

શ્લોક 41

દ્વાત્રિંશદ્વારજપતઃ પ્રત્યહં તુ દૃઢવ્રતઃ ।

વૈશાખે ભાનુમાલોક્ય પ્રત્યહં શતસઙ્ખ્યયા

॥ 4 ॥

શ્લોક 42

ધનવાન્ ધનદપ્રખ્યસ્સ ભવેન્નાત્ર સંશયઃ ।

બહુનાત્ર કિમુક્તેન યં યં કામયતે નરઃ

॥ 5 ॥

શ્લોક 43

તં તં કામમવાપ્નોતિ સ્તોત્રેણાનેન માનવઃ ।

યન્ત્રપૂજાવિધાનેન જપહોમાદિતર્પણૈઃ

॥ 6 ॥

શ્લોક 44

યસ્તુ કુર્વીત સહસા સર્વાન્કામાનવાપ્નુયાત્ ।

ઇહ લોકે સુખી ભૂત્વા પરે મુક્તો ભવિષ્યતિ

॥ 7 ॥

શ્લોક 45