শ্রী রাম রক্ষা স্তোত্রম্

শ্রী রাম রক্ষা স্তোত্রম্

শ্লোক 1

ওঁ অস্য শ্রী রামরক্ষা স্তোত্রমন্ত্রস্য

বুধকৌশিক ঋষিঃ

শ্রী সীতারাম চন্দ্রোদেবতা

অনুষ্টুপ্ ছন্দঃ

সীতা শক্তিঃ

শ্রীমদ্ হনুমান্ কীলকম্

শ্রীরামচন্দ্র প্রীত্যর্থে রামরক্ষা স্তোত্রজপে বিনিযোগঃ ॥

ধ্যানম্

ধ্যাযেদাজানুবাহুং ধৃতশর ধনুষং বদ্ধ পদ্মাসনস্থং

পীতং বাসোবসানং নবকমল দলস্পর্থি নেত্রং প্রসন্নম্ ।

বামাঙ্কারূঢ সীতামুখ কমলমিলল্লোচনং নীরদাভং

নানালঙ্কার দীপ্তং দধতমুরু জটামণ্ডলং রামচন্দ্রম্ ॥

স্তোত্রম্

চরিতং রঘুনাথস্য শতকোটি প্রবিস্তরম্ ।

একৈকমক্ষরং পুংসাং মহাপাতক নাশনম্

শ্লোক 2

ধ্যাত্বা নীলোত্পল শ্যামং রামং রাজীবলোচনম্ ।

জানকী লক্ষ্মণোপেতং জটামুকুট মণ্ডিতম্

॥ 1 ॥

শ্লোক 3

সাসিতূণ ধনুর্বাণ পাণিং নক্তং চরান্তকম্ ।

স্বলীলযা জগত্ত্রাতু মাবির্ভূতমজং বিভুম্

॥ 2 ॥

শ্লোক 4

রামরক্ষাং পঠেত্প্রাজ্ঞঃ পাপঘ্নীং সর্বকামদাম্ ।

শিরো মে রাঘবঃ পাতু ফালং (ভালং) দশরথাত্মজঃ

॥ 3 ॥

শ্লোক 5

কৌসল্যেযো দৃশৌপাতু বিশ্বামিত্রপ্রিযঃ শৃতী ।

ঘ্রাণং পাতু মখত্রাতা মুখং সৌমিত্রিবত্সলঃ

॥ 4 ॥

শ্লোক 6

জিহ্বাং বিদ্যানিধিঃ পাতু কণ্ঠং ভরতবন্দিতঃ ।

স্কন্ধৌ দিব্যাযুধঃ পাতু ভুজৌ ভগ্নেশকার্মুকঃ

॥ 5 ॥

শ্লোক 7

করৌ সীতাপতিঃ পাতু হৃদযং জামদগ্ন্যজিত্ ।

মধ্যং পাতু খরধ্বংসী নাভিং জাম্ববদাশ্রযঃ

॥ 6 ॥

শ্লোক 8

সুগ্রীবেশঃ কটিং পাতু সক্থিনী হনুমত্-প্রভুঃ ।

ঊরূ রঘূত্তমঃ পাতু রক্ষঃকুল বিনাশকৃত্

॥ 7 ॥

শ্লোক 9

জানুনী সেতুকৃত্-পাতু জঙ্ঘে দশমুখান্তকঃ ।

পাদৌ বিভীষণশ্রীদঃ পাতু রামোঽখিলং বপুঃ

॥ 8 ॥

শ্লোক 10

এতাং রামবলোপেতাং রক্ষাং যঃ সুকৃতী পঠেত্ ।

স চিরাযুঃ সুখী পুত্রী বিজযী বিনযী ভবেত্

॥ 9 ॥

শ্লোক 11

পাতাল-ভূতল-ব্যোম-চারিণ-শ্চদ্ম-চারিণঃ ।

ন দ্রষ্টুমপি শক্তাস্তে রক্ষিতং রামনামভিঃ

॥ 10 ॥

শ্লোক 12

রামেতি রামভদ্রেতি রামচন্দ্রেতি বা স্মরন্ ।

নরো ন লিপ্যতে পাপৈর্ভুক্তিং মুক্তিং চ বিন্দতি

॥ 11 ॥

শ্লোক 13

জগজ্জৈত্রৈক মন্ত্রেণ রামনাম্নাভি রক্ষিতম্ ।

যঃ কণ্ঠে ধারযেত্তস্য করস্থাঃ সর্বসিদ্ধযঃ

॥ 12 ॥

শ্লোক 14

বজ্রপঞ্জর নামেদং যো রামকবচং স্মরেত্ ।

অব্যাহতাজ্ঞঃ সর্বত্র লভতে জযমঙ্গলম্

॥ 13 ॥

শ্লোক 15

আদিষ্টবান্-যথা স্বপ্নে রামরক্ষামিমাং হরঃ ।

তথা লিখিতবান্-প্রাতঃ প্রবুদ্ধৌ বুধকৌশিকঃ

॥ 14 ॥

শ্লোক 16

আরামঃ কল্পবৃক্ষাণাং বিরামঃ সকলাপদাম্ ।

অভিরাম-স্ত্রিলোকানাং রামঃ শ্রীমান্ স নঃ প্রভুঃ

॥ 15 ॥

শ্লোক 17

তরুণৌ রূপসম্পন্নৌ সুকুমারৌ মহাবলৌ ।

পুণ্ডরীক বিশালাক্ষৌ চীরকৃষ্ণাজিনাম্বরৌ

॥ 16 ॥

শ্লোক 18

ফলমূলাশিনৌ দান্তৌ তাপসৌ ব্রহ্মচারিণৌ ।

পুত্রৌ দশরথস্যৈতৌ ভ্রাতরৌ রামলক্ষ্মণৌ

॥ 17 ॥

শ্লোক 19

শরণ্যৌ সর্বসত্ত্বানাং শ্রেষ্ঠৌ সর্বধনুষ্মতাম্ ।

রক্ষঃকুল নিহন্তারৌ ত্রাযেতাং নো রঘূত্তমৌ

॥ 18 ॥

শ্লোক 20

আত্ত সজ্য ধনুষা বিষুস্পৃশা বক্ষযাশুগ নিষঙ্গ সঙ্গিনৌ ।

রক্ষণায মম রামলক্ষণাবগ্রতঃ পথি সদৈব গচ্ছতাম্

॥ 19 ॥

শ্লোক 21

সন্নদ্ধঃ কবচী খড্গী চাপবাণধরো যুবা ।

গচ্ছন্ মনোরথান্নশ্চ (মনোরথোঽস্মাকং) রামঃ পাতু স লক্ষ্মণঃ

॥ 20 ॥

শ্লোক 22

রামো দাশরথি শ্শূরো লক্ষ্মণানুচরো বলী ।

কাকুত্সঃ পুরুষঃ পূর্ণঃ কৌসল্যেযো রঘূত্তমঃ

॥ 21 ॥

শ্লোক 23

বেদান্তবেদ্যো যজ্ঞেশঃ পুরাণ পুরুষোত্তমঃ ।

জানকীবল্লভঃ শ্রীমানপ্রমেয পরাক্রমঃ

॥ 22 ॥

শ্লোক 24

ইত্যেতানি জপেন্নিত্যং মদ্ভক্তঃ শ্রদ্ধযান্বিতঃ ।

অশ্বমেধাধিকং পুণ্যং সম্প্রাপ্নোতি ন সংশযঃ

॥ 23 ॥

শ্লোক 25

রামং দূর্বাদল শ্যামং পদ্মাক্ষং পীতবাসসম্ ।

স্তুবন্তি নামভি-র্দিব্যৈর্ন তে সংসারিণো নরাঃ

॥ 24 ॥

শ্লোক 26

রামং লক্ষ্মণ পূর্বজং রঘুবরং সীতাপতিং সুন্দরম্

কাকুত্স্থং করুণার্ণবং গুণনিধিং বিপ্রপ্রিযং ধার্মিকম্ ।

রাজেন্দ্রং সত্যসন্ধং দশরথতনযং শ্যামলং শান্তমূর্তিম্

বন্দে লোকাভিরামং রঘুকুল তিলকং রাঘবং রাবণারিম্

॥ 25 ॥

শ্লোক 27

রামায রামভদ্রায রামচন্দ্রায বেধসে ।

রঘুনাথায নাথায সীতাযাঃ পতযে নমঃ

॥ 26 ॥

শ্লোক 28

শ্রীরাম রাম রঘুনন্দন রাম রাম

শ্রীরাম রাম ভরতাগ্রজ রাম রাম ।

শ্রীরাম রাম রণকর্কশ রাম রাম

শ্রীরাম রাম শরণং ভব রাম রাম

॥ 27 ॥

শ্লোক 29

শ্রীরাম চন্দ্র চরণৌ মনসা স্মরামি

শ্রীরাম চন্দ্র চরণৌ বচসা গৃহ্ণামি ।

শ্রীরাম চন্দ্র চরণৌ শিরসা নমামি

শ্রীরাম চন্দ্র চরণৌ শরণং প্রপদ্যে

॥ 28 ॥

শ্লোক 30

মাতা রামো মত্-পিতা রামচন্দ্রঃ

স্বামী রামো মত্-সখা রামচন্দ্রঃ ।

সর্বস্বং মে রামচন্দ্রো দযালুঃ

নান্যং জানে নৈব জানে ন জানে

॥ 29 ॥

শ্লোক 31

দক্ষিণে লক্ষ্মণো যস্য বামে চ (তু) জনকাত্মজা ।

পুরতো মারুতির্যস্য তং বন্দে রঘুনন্দনম্

॥ 30 ॥

শ্লোক 32

লোকাভিরামং রণরঙ্গধীরং

রাজীবনেত্রং রঘুবংশনাথম্ ।

কারুণ্যরূপং করুণাকরং তং

শ্রীরামচন্দ্রং শরণ্যং প্রপদ্যে

॥ 31 ॥

শ্লোক 33

মনোজবং মারুত তুল্য বেগং

জিতেন্দ্রিযং বুদ্ধিমতাং বরিষ্টম্ ।

বাতাত্মজং বানরযূথ মুখ্যং

শ্রীরামদূতং শরণং প্রপদ্যে

॥ 32 ॥

শ্লোক 34

কূজন্তং রামরামেতি মধুরং মধুরাক্ষরম্ ।

আরুহ্যকবিতা শাখাং বন্দে বাল্মীকি কোকিলম্

॥ 33 ॥

শ্লোক 35

আপদামপহর্তারং দাতারং সর্বসম্পদাম্ ।

লোকাভিরামং শ্রীরামং ভূযোভূযো নমাম্যহম্

॥ 34 ॥

শ্লোক 36

ভর্জনং ভববীজানামর্জনং সুখসম্পদাম্ ।

তর্জনং যমদূতানাং রাম রামেতি গর্জনম্

॥ 35 ॥

শ্লোক 37

রামো রাজমণিঃ সদা বিজযতে রামং রমেশং ভজে

রামেণাভিহতা নিশাচরচমূ রামায তস্মৈ নমঃ ।

রামান্নাস্তি পরাযণং পরতরং রামস্য দাসোস্ম্যহং

রামে চিত্তলযঃ সদা ভবতু মে ভো রাম মামুদ্ধর

॥ 36 ॥

শ্লোক 38

শ্রীরাম রাম রামেতি রমে রামে মনোরমে ।

সহস্রনাম তত্তুল্যং রাম নাম বরাননে

॥ 37 ॥

শ্লোক 39

ইতি শ্রীবুধকৌশিকমুনি বিরচিতং শ্রীরাম রক্ষাস্তোত্রং সম্পূর্ণম্ ।

শ্রীরাম জযরাম জযজযরাম ।