ರಚಯೇಮ ಸಂಸ್ಕೃತಭವನಂ (ಗ್ರಾಮೇ ನಗರೇ ಸಮಸ್ತರಾಷ್ಟ್ರೇ)

ರಚಯೇಮ ಸಂಸ್ಕೃತಭವನಂ (ಗ್ರಾಮೇ ನಗರೇ ಸಮಸ್ತರಾಷ್ಟ್ರೇ)

ಶ್ಲೋಕ 1

ಗ್ರಾಮೇ ನಗರೇ ಸಮಸ್ತರಾಷ್ಟ್ರೇ

ರಚಯೇಮ ಸಂಸ್ಕೃತಭವನಂ

ಇಷ್ಟಿಕಾಂ ವಿನಾ ಮೃತ್ತಿಕಾಂ ವಿನಾ

ಕೇವಲಸಮ್ಭಾಷಣವಿಧಯಾ

ಸಂಸ್ಕೃತಸಮ್ಭಾಷಣಕಲಯಾ ॥

ಶಿಶುಬಾಲಾನಾಂ ಸ್ಮಿತಮೃದುವಚನೇ

ಯುವಯುವತೀನಾಂ ಮಞ್ಜುಭಾಷಣೇ

ವೃದ್ಧಗುರೂಣಾಂ ವತ್ಸಲಹೃದಯೇ

ರಚಯೇಮ ಸಂಸ್ಕೃತಭವನಮ್

ಶ್ಲೋಕ 2

ಅರುಣೋದಯತಃ ಸುಪ್ರಭಾತಂ

ಶುಭರಾತ್ರಿಂ ನಿಶಿ ಸಂವದೇಮ

ದಿವಾನಿಶಂ ಸಂಸ್ಕೃತವಚನೇನ

ರಚಯೇಮ ಸಂಸ್ಕೃತಭವನಮ್

॥ 1 ॥

ಶ್ಲೋಕ 3

ಸೋದರ-ಸೋದರೀ-ಭಾವ-ಬನ್ಧುರಂ

ಮಾತೃಪ್ರೇಮತೋ ಬಹುಜನರುಚಿರಂ

ವಚನಲಲಿತಂ ಶ್ರವಣಮಧುರಂ

ರಚಯೇಮ ಸಂಸ್ಕೃತಭವನಮ್

॥ 2 ॥

ಶ್ಲೋಕ 4

ಮೂಲಶಿಲಾ ಸಮ್ಭಾಷಣಮಸ್ಯ

ಹಿನ್ದುಜನೈಕ್ಯಂ ಶಿಖರಮುನ್ನತಂ

ಸೋಪಾನಂ ಶ್ರವಣಾದಿವಿಧಾನಂ

ರಚಯೇಮ ಸಂಸ್ಕೃತಭವನಮ್

॥ 3 ॥

ಶ್ಲೋಕ 5

ರಚನ: ಗು. ಗಣಪಯ್ಯಹೋಲ್ಲಃ